Hangad ni Catholic Bishops Conference of the Philippines o CBCP President at Lingayen Dagupan Archbishop Socrates Villegas ang paghilom ng bansa at mamayani ang pagkakaisa.
Ito ang mensahe ng arsobispo kasunod ng nangyaring pag-aresto ng mga awtoridad kay Senadora Leila De Lima.
Sa inilabas na kalatas ng CBCP, umapela si Villegas na ipanalangin ang bansa at magkaroon ng patas na paglilitis sa korte ang lahat ng mga akusado.
Hindi aniya ugali ng isang kristiyano na maging masaya sa pagdurusa ng iba at kinakailangan ngayon ang diyos higit sa lahat.
By Jaymark Dagala
