SPORTS

Minaliit ni retired 5-Division World Champion Floyd Mayweather Jr. ang knockout artist at kampeon na si Gennady Golovkin.

Ayon kay Mayweather, hindi siya bilib sa huling panalo ni Golovkin kay IBF welterweight champion Kell Brook.

Si Brook ay umakyat ng 13 pounds upang makaharap sa mas mabigat na timbang ang WBC/IBO/WBA/IBF middleweight champion.

Para kay Floyd duda siya sa kinalabasan ng laro.

Nagtataka siya na sumurender ang trainer ni Brook sa pagtapon ng towel sa fifth round para itigil ng referee ang laro.

Duda raw si Mayweather na baka “fix” ang laro ng dalawa.

Kaugnay nito, hinamon niya ang undefeated champion na umakyat pa ng timbang sa super middleweight o hanggang sa 168 pounds upang labanan ang kanyang alaga, ang WBC champion na si Badou Jack.

By  Mariboy Ysibido   

Hinigpitan na ang seguridad sa Elorde Boxing Gym kung saan nagsasanay si Pinoy boxing champion Manny Pacquiao.

Sinabi ni Coach Freddie Roach na hindi maiiwasang may mga dalang virus ang ilan sa mga nanunuod sa training ni Pacman.

Si Pacman ay nakaranas ng trangkaso kayat nakansela ang pagsasanay nitong noong nakalipas na Huwebes.

Ayon pa kay Roach, kailangang higpitan na ang training ng senador dahil ilang linggo na lamang ang nalalabi para sa laban niya kay Jessie Vargas sa November 5 sa Las Vegas.

By  Judith Larino   

Nangako si WBO welterweight Champion Jessie Vargas na kanyang pababagsakin sa eight round si 8-division World Champion Manny Pacquiao sa kanilang sagupaan sa Nobyembre.

Ayon kay Vargas, ito aniya ay para patunayan na mali ang inaaakala ng ilan na madali siyang matatalo ng Pambansang Kamao.

Binigyang diin ni Vargas na handing-handa na siya para labanan si Pacquiao.

Naniniwala si Vargas na ang laban kay Pacquiao ang magiging daan para sa kanyang kasikatan.

By  Ralph Obina 

Pinataob ng defending champion na Cleveland Cavaliers ang Orlando Magic sa nagpapatuloy na tapatan ng mga koponan sa pre-season games ng NBA.

Nagtapos ang banggaan ng dalawang koponan sa iskor na 117-102 pabor sa Cavs.

Nangibabaw ng Cavs sa kabila ng 13 minuto lamang na paglalaro ni 4-time MVP Lebron James.

Ayon kay Cavs Coach Tyronn Lue, layon nitong hindi gaano mapagod si Lebron sa kanilang pre-season game at maging 100 percent na nasa kondisyon pagsapit ng mismong NBA season.

By  Ralph Obina   

Photo Credit: nba.com

Nagpakitang gilas ang Los Angeles Lakers sa pagsisimula ng kanilang pre-season games nang ilampaso ang Sacramento Kings sa score na 103-84.

Nanguna sa opensa ng Lakers sina Lou Williams at Tarik Black na may tig-15 points.

Habang nagtala naman ng 12 points ang Fil-Am player na si Jordan Clarkson.

Nagtapos naman sa anim na puntos ang bagong recruit na 7-foot-1 center na si Timofey Mozgov.

Habang ang beteranong si Luol Deng ay may dagdag ding 6 points.

Sa panig naman ng kings nanguna si Arron Afflalo sa kanyang 14 points.

Ipinagmalaki ni Lakers Coach Luke Walton na kumpiyansa siya sa bagong line up na magiging magaling na defensive team ang kanilang koponan.

By Mariboy Ysibido    

Photo Credit: USA TODAY Sports

Balik na sa aksyon sa tennis sa Abril ng susunod na taon ang Russian tennis star Maria Sharapova.

Ito ay matapos magpasya ang Court of Arbitration for Sport (CAS) na bawasan ang suspensyon nito na nag-ugat sa paggamit nito sa Meldonium.

Ayon sa CAS, mula sa dalawang taon ay ginawa na lamang isang taon at tatlong buwan ang suspensyon sa paglalaro ni Sharapova sa dahilang hindi naman anila intentional doper ang Russian tennis star.

Inamin ni Sharapova na malaking pagsubok ang naturang suspensyon sa kanyang karera kaya naman labis ang kanyang kagalakan at mapapabilis na ang pagbabalik niya sa tennis.

By  Ralph Obina