Hindi pa tuluyang nakarerecover mula sa head injury si Boston Celtics Center Al Horford.
Ayon kay Celtics Coach Brad Stevens, nananatili si Horford sa concussion protocol ng NBA.
Dahil dito, Tatlong (3) laro na ng Celtics ang napapalampas ni Horford.
Matatandaang natamaan ang ulo ni Horford habang nagwo-workout noong isang linggo.
By: Avee Devierte
Sasabak na muli sa tennis si Spanish tennis star Rafael Nadal matapos pansamantalang mamahinga dahil sa wrist injury nito.
Ayon kay Nadal, mapapanood na muli siyang maglaro ng kanyang mga fan sa darating na diSyembre para sa isang exhibition game na gaganapin sa Abu Dhabi.
Kabilang sa mga na-miss na laro ni Nadal ay ang torneo sa Switzerland at ang katatapos lamang na Paris Masters.
Matatandaang naging sunud-sunod ang injury ni Nadal makaraang madaliin nito ang kanyang recovery para maglaro sa 2016 Rio Olympics.
By Ralph Obina
Hindi mananalo si Manny Pacquiao o sinumang boxer kay Floyd Mayweather Jr. ayon sa isang british boxing trainer.
Inihayag ni Peter Fury sa isang radio interview na sapat ang kakayahan ni Mayweather kaya hindi ito basta-basta matatalo ng sinumang boksingero.
Naniniwala itong matatalong muli si Pacman sakaling matuloy ang muling paghaharap ng dalawa.
Matatandaang hanggang sa ngayon ay wala pang tugon ang 37-year-old American undefeated boxer sa hamon ng Pambansang Kamao.
By Mariboy Ysibido
Balik-bansa na si Pambansang Kamao at Senador Manny Pacquiao matapos ang matagumpay nitong laban kay Jessie Vargas.
Pasado alas-4:00 ng umaga nang lumapag sa Ninoy Aquino International Airport o NAIA ang eroplanong sinakyan ni Pacman kasama si Philippine National Police (PNP) Chief Director General Ronald “Bato” dela Rosa.
Ayon kay Pacquiao, walang pagsidlan ang tuwa at pagpapasalamat niya sa sambayanang Pilipino na nanalangin at nagbigay ng suporta para sa kanyang tagumpay.
Pinasalamatan din ng Pinoy ring icon ang Pangulong Rodrigo Duterte na nagbigay aniya ng encouragement sa kanya bago ang kanilang laban ni Vargas kung saan nasungkit niya ang WBO welterweight belt.
Bahagi ng pahayag ni Fighting Senator Manny Pacquiao
Back to work
Balik na rin kaagad sa kanyang trabaho si Senador Manny Pacquiao matapos dumating kaninang madaling araw mula sa Amerika.
Ayon kay Pacman, excited na siyang pumasok sa kaniyang opisina dahil marami pa aniya siyang dapat asikasuhin.
Sinabi ni Pacman na uuwi siya ng Gen San kapag natapos na niya ang kanyang trabaho sa Senado.
Inihayag ni Pacman na kabilang sa tututukan ng Senado ang intensyong muling buksan ang imbestigasyon sa extrajudicial killings matapos mapatay sa kanyang selda si Mayor Rolando Espinosa ng Albuera, Leyte.
Bukod dito, ipinabatid ng Pambansang Kamao ang imbestigasyon din hinggil sa foreign donations para sa rehabilitation efforts sa mga lugar na labis na naapektuhan ng super typhoon Yolanda.
Nagpasalamat naman si Pacquiao sa mga kapwa senador sa resolusyong parangalan siya matapos ang laban kontra Jessie Vargas.
Kapwa na naghain ng resolusyon sina Senador Vicente Sotto III at Cynthia Villar para kilalanin ang panibagong tagumpay ng Pambansang Kamao.
By Jelbert Perdez | Jopel Pelenio (Patrol 17) | Judith Larino
Photo Credit: @mannypacquiao/ Twitter
Nasungkit na ni Andy Murray ang world top ranking sa Tennis.
Naungusan ni Murray ang dating world number one na si Novak Djokovic.
Ito ay matapos ang matamis niyang tagumpay sa Paris Masters makaraang dispatsahin ang kalabang si John Isner sa finals ng naturang torneo.
Nagtapos ang laban nila Murray at Isner sa iskor na 6-3, 6-7, 6-4.
Ito na ang ikawalong titulo ni Murray para sa taong ito habang ika-labing apat sa kanyang buong karera.
By Ralph Obina
Asahan na ang isa pang laban ni Senador Manny Pacquiao sa ilalim ng kanyang kontrata sa Top Rank Promotions bago tuluyang maging free agent.
Ayon ito kay sports analyst Quinito Henson matapos makausap si Coach Freddie Roach bago pa ang laban ni Pacman kay Jessie Vargas na napagtagumpayan nito kahapon.
Sinabi ni Henson na naniniwala siyang kayang-kaya pa ng Pambansang Kamao na makipagbakbakan sa boxing ring bagamat bahagya itong bumagal.
Bahagi ng pahayag ni Quinito Henson, Sports Analyst
Halos 90 porsyento nang siguradong si Juan Manuel Marquez ang makakalaban ni Senador Manny Pacquiao sa muling pagtuntong sa boxing ring sa unang bahagi ng 2017.
Ayon ito kay Henson subalit si Floyd Mayweather Jr. pa rin aniya ang magiging huling laban ng Pambansang Kamao bago ito tuluyang magretiro.
Bahagi ng pahayag ni Quinito Henson, Sports Analyst
Samantala, satisfied naman si sports analyst Dennis Principe sa naging performance ni Senador Manny Pacquiao sa laban nito kontra Jessie Vargas kahapon.
Ito ayon kay principe ay kahit pa hindi na-knock out ni Pacman si Vargas.
Bahagi ng pahayag ni Dennis Principe, Sports Analyst
Gayunman, sinabi ni Principe na naniniwala siyang kayang i-knock out ni Pacman si Vargas bagamat tila mayroong itinatago ang fighting senator.
Bahagi ng pahayag ni Dennis Principe, Sports Analyst
By Judith Larino | Karambola | Ratsada Balita
Nalampasan na ni Lebron James si hall of famer Hakeem Olajuwon sa career scoring list.
Pang-sampu na ngayon si Lebron sa naturang listahan matapos na talunin ang Philadelphia 76ers, 102-101.
Kumamada si Lebron ng 25 points para itaas ang kabuuan ng kanyang puntos sa 26,970.
Matatandaang mayroon lamang 26,946 points si Olajuwon.
Samantala, tumipa naman si Kevin Love ng double-double na 20 points at 11 rebounds.
Kumamada naman ng 22 points sa 7 of 13 shooting si Joel Embiid para sa Sixers.
By Mariboy Ysibido
Nabitawan na ni Nonito Donaire ang WBO Junior Featherweight title nito.
Nasungkit na ni Jessie Magdaleno kay Donaire ang nasabing title belt sa pamamagitan ng unanimous decision.
Ayon sa boxing analysts unang nagpakita ng kaniyang bangis si Magdaleno habang si Donaire naman ay hinahanap pa ang kaniyang range.
Nakita ang pagka agresibo ni Magdaleno sa 2nd round samantalang hindi naman nagpa apekto si Donaire sa natatamong suntok kay Magdaleno at sinubukan pa ring mag adjust sa bilis ng challenger.
Subalit naipamalas din naman ni Donaire ang kaniyang galing sa power punches na nasilayan ng mga manununod sa 3rd round bagamat hindi na naman naging sapat para makabawi.
Pinasayaw din ni Donaire si Magdaleno sa 4th round at nagawa pang sugatan ang kaliwang mata nito.
Mistulang naging chess match ang 5ht round at pagsapit ng 6th round ay uminit ang dalawa at nagpaulan ng mga suntok sa bawat isa.
Lumamang si Magdaleno sa ika- 7 round at ika- 8 round nang mamaga ang mukha ni Donaire na bigong maharangan ang depensa ni Magdaleno.
Sa ika-9 na round ay nanganib pang lalo si Donaire dahil na rin sa bilis at galaw ni Magdaleno subalit nakabawi ang Pinoy boxer sa 10th at 11th rounds na hindi naman sumapit para tuluyang maigupo si Magdaleno.
Lalo pang namaga ang mukha ni Donaire pag tuntong ng 12th round subalit pinaulanan pa rin ng magagandang suntok si Magdaleno.
Gayunman hindi ito sumapat para mapanatili ni Donaire ang kaniyang titulo.
By: Judith Larino
Mahigpit na ang laban nina Andy Murray at Novak Djokovic sa world number one ranking matapos na kapwa sila pasok sa third round ng Paris Masters.
Natalo kasi ni Murray si Lucas Pouille sa score 6-3 at 6-0.
Habang tinalo naman ni Serbian tennis star Djokovic si Grigor Dimitrov ng Bulgaria 4-6, 6-2, 6-3.
Malulusutan ni Murray si 12-time grand slam champion kapag hindi nakaabot si Djokovic sa final at makuha ang titulo.
Nakatakdang makaharap ni Djokovic si Canadian Fourth Seed Milos Raonic habang si Murray ay makakaharap si Tomas Berdych ng Czech Republic.
By Mariboy Ysibido
Nananatiling walang talo ang Cleveland Cavaliers sa kasalukuyang NBA season.
Ito’y matapos ilampaso ng Cavaliers ang Boston Celtics sa score na 128-122.
Si Lebron James ang nanguna sa puwersa ng Cleveland na kumamada ng 30 points, kasama ang mga teammate na sina Kevin Love, Kyrie Irving at iba pang Cavaliers.
Pinangunahan naman ni Avery Bradley ang Celtics na humakot ng 26 points, 10 rebounds at two assists.
Sa iba pang NBA games, panalo ang Orlando Magic laban sa Sacramento Kings sa score na 102-94 habang pinadapa rin ng Denver Nuggets ang Minnesota Timberwolves, 102-99.
Hindi naman nakaporma ang Indiana Pacers sa Milwaukee Bucks sa score na 125-107.
By Jelbert Perdez
Photo: Getty Images