SPORTS

Naitala ng Cleveland Cavaliers ang tinaguriang landmark win kontra Charlotte Hornets

Ito ay dahil ang Cavaliers ang kauna unang team na makagawa ng Sampung 3 points sa kada laro nila sa 9 na nakalipas na laban nito

Umiskor ng 20 points si Channing Frye na siyang gumawa ng ng 6 na 3 point shots ng Cleveland na nakatalo sa Hornets tungo sa final score na 100-93

Nag ambag naman ng 19 points, 8 rebounds at 8 assist si Lebron James na ang 3 point shot sa huling minuto ang nagpalawig pa sa lamang ng Cavaliers at ikalawang sunod na talo ng Hornets

Gumawa naman ng 19 points si Kyrie Irving at 17 points naman si Kevin Love para sa Cleveland

By: Judith Larino

Pinayuhan ni dating Four Division World Champion Juan Manuel Marquez si Senador Manny Pacquiao na kalimutan na ang nilulutong rematch kay undefeated world champion Floyd Mayweather, Jr.

Ito ayon kay Marquez ay dahil matatalo lamang tiyak si Pacman kapag ipinagpilitan pang makipagsabong muli kay Floyd Jr. sa susunod na taon.

Bagamat hindi naman maitatangging malakas si Pacquiao matapos talunin si Jessie Vargas, subalit sinabi ni Marquez na sadyang matatalo lamang ang Pambansang Kamao kay Mayweather.

Tinawag pang boring ni Marquez ang nilulutong Pacman-Mayweather rematch.

By  Judith Larino     

Nanawagan ng suporta sa mga Pinoy ang Philippine Azkals sa kanilang pagsabak sa 2016 AFF Suzuki Cup, simula sa Sabado.

Umaasa sina Azkals Player Misagh Bahadoran at James Younghusband na daragsain ng Pinoy fans ang Philippine Sports Stadium sa Bocaue, bulacan bilang suporta sa kanilang game kontra Singapore.

Magugunitang nabawasan ang mga spectator sa mga game ng Philippine National Football Team sa nakalipas na mga taon partikular ang friendly matches sa Rizal Memorial Stadium kabilang ang kanilang 1-0 win kontra Kyrgyzstan noong miyerkules.

Aminado sina younghusband at Bahagdoran na malaking puntos para sa kanila at itinuturing na “booster” o pampalakas ng loob ang homecrowd.

Magsisimula ang game ng Pilipinas kontra Singapore alas-8:00 ng gabi sa November 19 habang makahaharap ng national team ang Indonesia sa November 22 at Thailand sa November 25.

By  Drew Nacino

Napilayan ang industriya ng palakasan ng Pilipinas sa pagyao ng kilalang sports writer at boxing analyst na si Ronnie Nathanielsz.

Ito ang inihayag ng sports patron at business magnate Manuel V. Pangilinan kasabay ng pagbuhos ng pakikiramay sa pagpanaw ng tinaguriang haligi ng palakasan.

Kasunod nito, agaw pansin din ang iba’t ibang tribute at pagbabalik tanaw sa mga nagawa ni Nathanielsz sa social media.

Para naman sa mga kilalang sports analyst na sina Atty. Ed Tolentino at Quinito Henson, maliban sa pagiging sports writer, nawalan din sila ng mentor at ama na naghubog sa kanila sa larangang kanilang ginagalawan.

By: Jaymark Dagala

Plano pang sumabak sa huling laban si dating Filipino boxing champion Brian Viloria bago ito tuluyang magretiro.

Ayon sa tinaguriuang ‘The Hawaiian Punch’, nais niyang makalaban si Zou Shiming ng China o kahit ang kapwa Pinoy boxer na si Donnie ‘Ahas’ Nietes.

Matatandaang Oktubre ng nakaraang taon nang huling lumaban si Viloria kung saan ay pinatumba ito ni Roman Chocolatito Gonzales ng Mexico.

Kasalukuyang may fight record si Viloria na 36 wins, 5 losses at 22 knockouts.

By Ralph Obina

Kumamada ng 24 points si James Harden sa panalo ng Houston Rockets laban sa San Antonio Spurs sa score na 101-99.

Bunga ng tagumpay ng Rockets, hawak na nito ang kartadang 5-3 sa kasalukuyang NBA season.

Si Kawhi Leonard naman ang nanguna sa Spurs taglay ang kanyang 34 points.

Sa Oakland, wagi ang Golden State Warriors laban sa Dallas Mavericks sa score na 116-95.

Kumana si Kevin Durant ng 28 points habang tumipa si Steph Curry ng 24 points para sa Warriors at nagdagdag si Klay Thompson ng 20 points.

Nakatulong din sa panalo ng Warriors ang apat na tres na naibuslo ni all-star forward Draymond Green.

By Jelbert Perdez   

Photo Credit: D. Clarke Evans/Getty Images

Tinanggalan na ng titulo bilang light heavyweight champion ng UFC o Ultimate Fighting Championship si Mixed Martial Arts star Jon Jones.

Isang taon ring suspendido sa UFC si Jones makaraang magpositibo sa paggamit ng bawal na gamot.

Hunyo ng taong ito nang magpositibo si Jones sa clomiphene at letrozole na kapwa testosterone–boosting drugs.

By  Len Aguirre   

Balik na sa pagiging number one pound-for-pound king si 8-Division World Champion Senator Manny Pacquiao.

Base sa isang boxing website, nauwi sa number 9 spot si Pacquiao matapos nitong matalo kay Floyd Mayweather Jr. noong 2015.

Muling umangat ang ranking nito nang matalo niya si Jessie Vargas noong Linggo para sa WBO welterweight belt.

Napanatili naman ni Roman Gonzales ang pagiging number two sa ranking gayundin si Gennady Golovkin sa number three.

Umangat naman sa number four mula sa number seven spot si Terence Crawford.

Bumaba mula number four at ngayon ay number five na lamang si Sergey Kovalev.

By  Mariboy Ysibido

Sakaling mabigo sa inaasam na rematch kay Floyd Mayweather Jr., target ni 8-Division World Champion Manny Pacquiao na makabawi sa hindi malilimutang knockout loss nito kay Juan Manuel Marquez.

Ayon kay Pacquiao, alam niyang kayang kaya niyang talunin sa ikaanim na round si Marquez sa huli nilang laban noong 2012.

Sa katunayan ay basag na ang ilong ni Marquez noong ika-limang round ngunit sandayang nagkaroon aniya si dinamita ng magandang pagkakataon para sa isang suntok na nagpabagsak sa kanya.

Inamin ni Pacquiao na pinagbayaran niya ng husto ang naging kapabayaan na iyon kung saan ay isang taon din ang kanyang inintay upang muling sumalang sa laban.

By Ralph Obina

Napipintong matuloy na ang muling paghaharap nina undefeated world champion Floyd Mayweather Jr. at pound-for-pound king Senator Manny Pacquiao.

Ayon kay Top Rank Big Boss Bob Arum, indikasyon na interesado si Floyd Jr. sa muling harapan nang manghingi ito ng tickets para manood mismo sa ringside ng laban ni Pacman nitong Linggo.

Bagama’t wala pang pormal na negosasyon ay ramdam na aniya ang muling bakbakan ng dalawa.

Dagdag pa ni arum, malugod niyang bibigyang daan ang laban para matuloy na ang inaasam na muling paghaharap.

Dahil dito, 75 porsyento na umano ang tiyansa ng ninanais ng lahat na rematch.

By  Mariboy Ysibido