‘Team of the future in the East.’
Ito ang napapangita ni Golden State Warriors Coach Steve Kerr sa magandang ipinakikita ngayon ng koponang Boston Celtics.
Ayon kay Kerr, kitang-kitang desidido ang Boston na muling makapaglaro sa finals at makasungkit ng kampeonato.
Dahil dito, sa Celtics aniya nakatutok ngayon ang kanilang na posibleng mabigat nilang makalaban sa hinaharap.
Matatandaang sunud-sunod ang panalo ng Celtics at tinatalo nito maging ang powerhouse na Cleveland Cavaliers.
Pinangunahan ng nagbabalik na si Kyrie Irving ang ika 13 panalo ng Boston Celtics matapos padapain ang Brooklyn Nets sa score na 109 – 102.
Nagawa ng 25 points si Irving sa kanyang pagbabalik laro matapos magtamo ng minor facial fracture ng masiko ng kanyang ka-team mate na si Aaron Baynes.
Nagdagdag naman sa panalo ng Boston ang 21 points at 10 rebounds ni Marcus Morris habang 19 points naman kay Jayson Tatum.
Nakatakda namang makaharap ng Boston sa susunod nitong laban ang NBA defending champion na Golden State Warriors sa Biyernes.
Handang magbalik sa boxing ring ang “Boxing Hall of Famer” na si Oscar Dela Hoya.
Ito ay para hamunin ng laban si UFC Star Conor McGregor.
Ayon sa tinaguriang golden boy ng boxing, tiwala siyang kaya niyang pabagsakin sa loob lamang ng dalawang round si McGregor na una nang tinalo ni undefeated boxer Floyd Mayweather Jr. sa ispesyal nilang laban.
Sinabi ni Dela Hoya na nasa kanya pa rin ang boxing skills na kayang tumalo ng kalaban.
Maliban dito, mayroon din aniya siyang secret meeting kaya’t naibalik ang kanyang lakas at bilis.
Matatandaang tinapos noon ni Dela Hoya ang kanyang boxing career matapos siyang bugbugin sa ring ni Pambansang Kamao Manny Pacquiao.
Lusot na sa semi-finals ng ATP Finals si Roger Federer.
Ito at matapos pataubin ng Swiss tennis star ang kalabang si Alexander Zverev sa iskor na 7-6, 5-7 at 6-1.
Tumagal ang salpukan ng dalawa ng dalawang oras at labing isang minuto.
Ang 19-times grandslam champion na si Federer ay ang kasalukyang crowd favorite matapos matanggal si Rafael Nadal dahil sa injury nito.
May tsansa pa ang Philippine Azkals na makapasok sa 2019 AFC Asian Cup.
Ito ay bagama’t scoreless draw ang resulta ng laban ng Azkals kontra Nepal na ginanap sa Anfa Stadium sa Katmandu.
Kapwa bigong maka-score ang manlalaro ng Azkals na sina Daisuke Sato at Phil Younghusband dahil sa matinding depensa ng Nepal.
Ito na ang pangatlong draw ng Azkalz mula sa magkasunod na laban kontra Yemen.
Gayunman, nananatili pa rin ang Azkals sa unang pwesto sa Group F na may siyam na puntos at maaari pa ring makapasok sa 2019 AFC Asian Cup kapag nanalo sa susunod na laban nito kontra Tajikistan sa Marso.
Out na si World’s Number One Rafael Nadal sa season ending ng ATP Finals.
Ito ay matapos siyang magtamo ng knee injury sa kalagitnaan ng kanyang laban sa Belgian tennis player na si David Goffin na humantong sa round robin defeat ng Spanish tennis star.
Tinalo si Nadal ni Goffin sa iskor na 7-6, 6-7 at 6-4.
Sinabi ni Nadal na sinikap niyang tapusin ang laban sa kabila ng iniindang sakit dahil sa kanyang injury.
Matatandaang maging sa Paris Masters ay umatras sa laban si Nadal.
Dalawang sunod na laban ang naghihintay para sa British boxer na si Amir Khan sa susunod na taon.
Ayon kay Khan, magsisimula sa Pebrero ang kaniyang unang laban na susundan naman ng isa pa sa Mayo.
Sinabi ni Khan na kaniyang sisikapin magkaroon ng ikatlong laban bago matapos ang taong 2018.
Taong 2016 pa huling lumaban si Khan laban kay WBC Middleweight Champ Saul Canelo Alvarez kung saan, sumailalim ito sa operasyon sa kamay.
Suportado ni Coach Freddie Roach ang rematch nina Manny Pacquiao at Jeff Horn.
Kasunod na rin ito ng muling hamon ni WBO Welterweight Champion Jeff Horn kay Pacquiao sa kanilang rematch.
Iginiit ni Roach na dapat magkaroon ng Pacman-Horn rematch para mapatunayang walang dayaan sa unang bakbakan ng dalawang boksingero noong Hulyo.
Nasungkit ng isang atleta mula sa Baguio City ang kampiyonato para sa 113 Rockstar Triathlon na ginawa sa San Fernando City sa La Union.
Kinilala ang nasabing kampiyon na si Jess Ramos, 35-anyos kung saan, natapos nito ang karera sa loob lamang ng apat na oras at apatnapu’t siyam na minuto.
Partikular na binaybay ni Ramos ang dalawang kilometrong paglangoy, siyamnapung kilometrong pagbibisekleta at dalawampu’t isang kilometrong pagtakbo na nagsimula kahapon ng alas-6:00 ng umaga.
Si Ramos pa lamang ang nakatapos ng triathlon habang hinihintay pa ang mahigit sa 160 iba pang mga kalahok kabilang na ang asawa nitong si Luanne.
Selyado na ang pwesto ng Far Eastern University Tamaraws sa final four ng men’s senior basketball ng UAAP Season 80.
Hawak na ng Tamaraws ang 4th seed matapos tambakan ang adamson saoring falcons sa score na 71-54, sa Araneta coliseum, kagabi.
Kinapos ng lipad ang falcons partikular sa opensa matapos ma-injure si Jerrick Ahanmisi sa first quarter at Jerie Pingoy.
Kumamada ng 14 points si Arvin Tolentino para sa FEU habang nag-ambag ng 15 points si Robbie Manalang para naman sa Adamson.