SPORTS

Bigong maiuwi ng Philippine Azkals ang kampeonato sa ginanap na Chinese Taipei Football Association International Tournament.

Sa iskor na 1-0 natalo ng Timor Leste ang koponan ng Azkals.

Ito rin ang pangawalang pagkatalo ng Azkals matapos mabigo rin sa koponan ng Chinese Taipei sa iskor na 3-0.

Ang CTFA International Tournament ay isang four-nation competition na ginanap sa municipal stadium sa Taipei.

—-

Sasailalim sa surgery ang Puerto Rican boxer at kereretiro lamang na si Miguel Cotto.

Ito ay matapos magtamo ng injury si Cotto sa huli niyang laban kung saan natalo ito sa kamay ng Yemeni American boxer na si Sadam Ali via unanimous decision.

Lumalabas sa pagsusuri na napunit ang tendon ni Cotto sa braso na nagdudulot ng sobrang sakit.

Itinakda ang operasyon ni Cotto sa darating na Huwebes, oras sa Pilipinas.

Tinapos ni Cotto ang kanyang boxing career sa pamamagitan ng 41 wins at 6 losses at 33 knockouts.

—-

Inilampaso ng Golden State Warriors ang Mimai Heat sa kanilang paghaharap sa nagpapatuloy na NBA season.

Tinambakan ng Warriors ng dalawampu’t walong (28) puntos ang Heat at tinapos ang laban sa iskor na 123 – 95.

Nanguna sa panalo ng Warriors si Stephen Curry na kumana ng tatlumpung (30) puntos habang nakapag – ambag naman dalawampu’t apat (24) na puntos si Kevin Durant.

Nananatili ngayon sa second spot ang Golden State na may labing walong (18) panalo at anim (6) na talo.

Malabo nang maisakatuparan ang inaabangang rematch sa pagitan ni WBO Welterweight Champion Jeff Horn at dating 8-Division World Champion Manny Pacquiao sa 2018.

Ayon kay Top Rank CEO Bob Arum, base sa kautusan ng World Boxing Organization o WBO ang sinumang mananalo sa laban ni Horn at ng UK fighter na si Gary Corcoran sa darating na Disyembre 13 ay may mandatory title defense kay Terrence Crawford.

Dahil dito, mainam ayon kay Arum na maghanap na ng ibang makakalaban si Pacquiao.

Matatandaang kinansela ni Pacquiao ang dapat sanay rematch nila ni Horn noong Nobyembre dahil sa pagiging abala nito sa Senado.

—-

Nanalo ang Ateneo Blue Eagles kontra La Salle Green Archers sa UAAP Season 80 ng Men’s Basketball championship ngayong Disyembre 3, 2017 sa Araneta Coliseum sa Quezon City.

Sa score na 85-83 hanggang 88-83, ipinakita ni Isaac Go ang kanyang galing sa dagger trey at ang three-pointer naman ni Aljun Melecio ang nagtapos sa laro na may score na 88-86.

Samantala, ito naman ang kauna-unahang championship ni Coach Tab Baldwin ng Ateneo.

Bago pa man ang UAAP Season 80, nakapagtala na rin ng panalo ang Ateneo ng walong UAAP Basketball titles.

Naiuwi ng Adamson Pep Squad ang gold medal sa pinag – uusapang UAAP Cheerdance competition ngayong Sabado, Disyembre 2, sa unang pagkakataon.

Sa naging performance, pinakita ng Adamson ang 80’s routine nito at pinabilib din ang mga manonood sa pagbuo ng kanilang pyramid.

LOOK: Adamson Pep Squad hailed as the UAAP Season 80 Cheerdance Competition champions. #UAAPCDC2017 pic.twitter.com/QIRjkwgL4o

— The Varsitarian (@varsitarianust) December 2, 2017

The Adamson Pep Squad travels back in time with their 80’s themed performance #UAAPCDC2017 pic.twitter.com/YbQ12cDpL2

— The Varsitarian (@varsitarianust) December 2, 2017

Sinundan ito ng UST Salinggawi na bumalik sa podium bilang silver medallist, at nasungkit naman ng University of the East (UE) ang bronze medal.

Samantala, sa group stunt category pumangatlo ang UP Pep Squad, nasa ikalawang puwesto naman ang Adamson University (AdU), at nasungkit ng Far Eastern University (FEU) ang gold medal.

Ginupo ng Golden State Warriors ang Orlando Magic sa kanilang paghaharap sa nagpapatuloy na NBA season.

Nagsilbing bayani sa ika – 17 panalo ng Warriors ang 27 points ni Klay Thompson habang gumawa naman ng 25 points si Kevin Durant at 23 points ang kontribusyon ni Stephen Curry.

Nahabol ng Magic ang malakas na simula ng Warriors subalit pagsapit ng 3rd quarter ay kaagad nakabawi ang Warriors na isinara ang end quarter point ng 4th quarter sa abanteng sampung (10) puntos.

Hindi umubra ang performance ng Magic partikular ni Aaron Gordon na gumawa ng 29 points para magwagi kontra Warriors.