SPORTS

Kapwa nagwagi ang Miami Heat at Minnesota timberwolves sa kani-kanilang laban sa pagpapatuloy ng 72nd season ng NBA.

Ipinalasap ng Heat sa Chicago Bulls ang kanilang ika-15 pagkatalo nang talunin nila ang koponan sa score na 100-93.

Pinangunahan ni Goran Dragic ang panalo ng Heat sa kanyang 24 points habang nagtala naman ng 9 rebounds si Hassan Whiteside.

Tinambakan naman ng Minnesota Timberwolves ang Phoenix Suns sa score na 110-108.

Si Karl Anthony Towns naman ang nanguna sa panalo ng timberwolves nang magtala ito ng 32 points samantalang 14 rebounds naman kay Taj Gibson.

—-

Nasungkit ng Golden State Warriors ang kanilang ikalawang panalo na wala si Kevin Durant na nagtamo ng ankle sprain

Kanina, sa kanilang homecourt, pinataob ng dubs ang New Orleans Pelicans sa score na 110-95

Pinangunahan ng splash brothers na sina Stephen Curry, 27 points at Klay Thompson, 24 points ang tagumpay ng kanilang koponan

Tila napunan naman nina Andre Iguodala at Zaza Pachulia ang pagkawala ni Durant sa ipinakitang opensa ng mga ito

Sunod na makakaharap ng warriors sa kanilang homecourt ang Sacramento Kings sa darating na Martes

Tila naibalik ng Boston Celtics ang kanilang swerte matapos maitala ang ika – 17 panalo sa NBA.

Kasunod ito nang pagpapabagsak ng Celtics sa Orlando Magic kung saan naitala ang final score sa 118 – 103.

Kaagad nakabangon ang Celtics matapos harangin ng Miami Heat ang tangka nilang maitala ang ika – 16 sanang panalo.

Balik na sa paglalaro si Kyrie Irving bagamat may mask ito sa mukha dahil sa broken bone na tinamo noong Nobyembre 10.

Pinangunahan ni Irving ang matinding opensa ng Celtics para mai – rehistro ang 30 points kung saan sa first half pa lamang ng laro ay nakagawa na ito ng 17 points.

Dahil sa matinding shooting ng Celtics, sa half time pa lamang ay mayroon na itong 73 points na maituturing na season high sa NBA.

Balik-Pilipinas na ang Gilas Pilipinas ngayong araw na ito matapos ang kanilang panalo kontra Japan.

Ito ay para paghandaan naman ang pakikipagharap ng Gilas Pilipinas sa tropa ng Chinese Taipei sa Lunes, November 27.

Sinabi ni Gilas Pilipinas Coach Chot Reyes na kasado na ang ilang adjustments na gagawin nila para magtagumpay sa laban sa Chinese Taipei matapos nilang talunin ang Japan.

Kabilang sa mga adjustments ay pananatili ng lamang nila na sa laban sa Japan ay umabot sa 14 points subalit naibaba pa ng Japanese team.

—-

Naka-buena manong panalo ang Gilas Pilipinas sa 2019 FIBA World Cup Qualifiers.

Ito ay matapos talunin ng National Team ang koponan ng Japan sa iskor na 77-71.

Unang quarter pa lamang ay matinding depensa ang pinakawalan ng Gilas na naging susi ng maaga  nilang kalamangan.

Nanguna sa panalo ng Gilas si Calvin Abueva na nakasikwat ng 20 puntos.

Susunod na makakaharap ng Gilas ang Chinese Taipei.

—-

Inanunsyo na ni Gilas Pilipinas Head Coach Chot Reyes ang 12 na magiging pambato ng koponan para sa 2019 FIBA World Cup Asian Qualifiers na lalaban sa Japan.

Binubuo ang tinaguriang Gilas 12 nina Calvin Abueva, Japeth Aguilar, Kevin Alas, Andray Blatche, Jayson Castro, Junemar Fajardo, Allein Maliksi, Gabe Norwood, RR Pogoy, Kiefer Ravena, Troy Rosario at Matthew Wright.

Hindi naman pinalad makasama sina Mac Belo, Carl Brayan Cruz at Raymond Almazan.

Gaganapin ngayong araw ang kanilang opening game laban sa Japan sa Komazawa Gymnasium sa siyudad ng Tokyo.

—-