Ibinaon ng Cleveland Cavaliers ang kalabang Brooklyn Nets sa kanilang pagtutuos sa nagbabatuloy na NBA Season.
Tinapos ng Cavs ang pag-asa ng Nets sa iskor na 119-109.
Muling pinangunahan ni Lebron James ang panalo ng Cavs sa pamamagitan ng kanyang 33 puntos habang kumana naman ng 18 puntos si Kevin Love.
Ito na ang ika-anim na sunod na panalo ng Cavs.
Inanunsyo ni Top Rank CEO Bob Arum na si American Undefeated Champion Terrence Crawford ang kanyang ilalaban sa mananalo kina WBO Welterweight Champion Jeff Horn at Gary Corcoran.
Ayon kay Arum, maaaring isagawa ang sunod na laban ni Crawford sa buwan Marso o Abril ng susunod na taon.
Matatandaang dalawang panalo ang naitala ni Crawford ngayong taon matapos talunin ang mga kalabang sina Felix Diaz at Julius Indongo.
Gayunman, binakante ni Crawford ang kanyang titulo sa 140 pounds para umakyat sa timbang na welterweight.
Nasungkit ng Boston Celtics ang ika – 16 nitong sunod na panalo ngayong NBA season.
Pinataob ng Celtics ang kalabang Dallas Mavericks sa iskor na 110 – 102.
Ito na ang ika – 4 na mahabang winning streak sa kasaysayan Celtics.
Pinangunahan naman ni Irving ang panalo ng Celtics matapos itong kumana ng 47 puntos.
Inanunsyo na ni San Antonio Spurs player David Lee ang kanyang pagreretito matapos ang mahigit 12 taong karera sa NBA.
Ibinahagi ito ni Lee sa pamamagitan ng pagpo-post sa kanyang Instagram account kung saan inulan ito ng mga pasasalamat mula sa kanyang mga kapwa manlalaro.
Si Lee ay naging first round pick ng New York Knicks noong 2005 NBA Draft kung saan naglaro ito ng limang season at nakamit ang NBA All-Star Honors noong 2010.
Limang season ding naglaro para sa Golden State si Lee na malaki ang naitulong sa 2015 NBA championship at tumalon naman sa Boston Celtics noong 2015-2016.
Pebrero naman nang nakaraang taong nang lumipat si Lee sa Dallas Mavericks hanggang sa ay sa San Antonio Spurs.
Muling sumikwat ng panalo ang defending champion Golden State Warriors sa 2017 – 2018 NBA Regular Season.
Nalusutan ng Golden State ang Brooklyn Nets sa iskro na 118 – 111 sa kabila ng homecourt advantage ng Brooklyn.
Nagpakawala ng double – double 39 points at 11 rebounds ang star point guard ng Warriors na si Stephen Curry habang nag – ambag din ng double – double na 23 points at 10 rebounds ang kanyang ka – duo na si Klay Thomson.
Kumamada naman ng 25 points si Allen Crabbe para sa Brooklyn subalit bigo ang team na ma – puwersa ang overtime.
Kapwa tabla na No. 1 spot ang Golden State at Houston Rocket sa Western Conference Division sa kartadang 13 – 4.
Bumawi si Gilas Pilipinas naturalized player Andray Blatche sa ensayo ng koponan para sa FIBA World Cup Asian Qualifiers.
Kaagad nagtungo ang 31-anyos na naturalized payer sa morning practice ng team ilang oras matapos dumating sa bansa at isa rin sa pinakamaagang manlalaro na dumating sa evening session ng ensayo.
Tiwala si Blatche na mabilis na makakapag-adapt sa sistema ni Coach Chot Reyes at kumportable na rin naman aniya siya sa opensa at depensa dahil mabilis namang nakapag-adjust ang teammates nito pati na ang coaching staff.
Ipinakita naman ni Coach Reyes sa kaniyang Instagram post ang pagpapalakas ng koponan sa loob ng isang gym kung saan makikita si Blatche na focus sa kaniyang pagwa-warm up.
Hindi nagtagumpay ang Filipino mixed martial arts fighter na si Jenel Lausa laban sa Amerikanong ni Eric Shelton sa preliminary card ng UFC night 121 sa Sydney.
Natalo ni Shelton ang Pinoy na si Lausa sa pamamagitan ng unanimous decision sa score na 30-27, 30-26 at 30-25.
Tinangka pa sanang tapusin ni Lausa ang laban sa pamamagitan ng limuta pero nakabangon si Sheldon at nagpaulan ng mga suntok at sipa.
Ito na ang pangalawang sunod na talo ni Lausa sa UFC.
Pasok na ang defending champion na De La Salle University (DLSU) sa finals ng UAAP Season 80 Men’s Basketball Tournament.
Ito’y matapos ilampaso ng Green Archers ang third seed na Adamson University sa iskor na 82 – 75 sa kanilang bakbakan sa Smart Araneta Coliseum.
Magugunitang bago humarap ang DLSU sa Falcons ay mayroon itong twice – to – beat advantage laban sa naturang koponan.
Dahil dito, hinihintay na lamang ng Green Archers ang mananalo sa serye sa pagitan ng Ateneo at Far Eastern University.
Hindi nakaporma sa Phoenix Suns ang Los Angeles Lakers sa iskor na 122 – 113 sa kanilang bakbakan sa NBA.
Si Devin Booker ang nanguna sa Suns taglay ang kanyang 27 points habang nag – ambag naman si Alex Len ng 10 points.
Sa iba pang laro, nanalo naman ang Denver Nuggets laban sa New Orleans Pelicans sa iskor na 146 – 114.
Wagi din ang Sacramento Kings sa kanilang laro laban sa Portland Trail Blazers sa iskor na 86 – 82.
Inilampaso ng Cleveland Cavaliers ang Los Angeles Clippers sa score na 118 – 113 sa NBA.
Kumamada si Lebron James ng 36 points habang si nagdagdag naman si dwyane Wade ng 5 points para sa Cavs.
Samantala, panalo din ang Chicago Bulls laban sa Charlotte Hornets sa score na 123 – 120 habang pinadapa ng Brooklyn Nets ang Utah Jazz sa score na 118 – 107.
Hindi din nakaporma sa Indiana Pacers ang Detroit Pistons sa score na 107 – 100 habang kinapos sa Miami Heat ang Washington Wizards sa score na 91 – 88.
Sa iba pang laro, wagi din ang Toronto Raptors laban sa New York Knicks, 107 – 84, habang nangibabaw ang San Antonio Spurs laban sa Oklahoma City Thunder, 104 – 101.
Pinadapa naman ng Minnesota Timberwolves ang Dallas Mavericks sa score na 111 – 87.