SHOWBIZ

Wala ng buhay nang matagpuan sa kanyang bahay sa Lancaster, California sa America ang dating child star at American singer na si Aaron Carter.

Ayon sa ulat, isang tao ang humingi ng tulong nang makita na wala ng buhay sa bathtub ang 34-anyos na  si Carter.

Si Aaron Carter ay kapatid ng Backstreet Boys member na si Nick Carter at maliban sa pagiging child star, naging bahagi si Carter sa sikat na children’s channel na Nickelodeon, at sumikat noong 1990’s bilang pop singer kung saan nagkaroon ng album noong siyam na taong gulang pa lamang at nakapaglabas na ng three time platinum album sa edad 13.

Samantala, nagpapatuloy pa rin ang imbestigasyon ng awtoridad kaugnay sa insidente.—mula sa panulat ni Maize Aliño-Dayundayon

Going strong pa rin ang celebrity couple na sina Daniel Padilla at Kathryn Bernardo o mas kilala bilang ‘Kathniel.’

Sa instagram post ni Kath, ibinahagi nito ang mga larawan niya kasama si DJ sa Palawan, kung saan dumalo ang dalawa sa opening event ng bagong business venture ni Kath katuwang ang aktor na si Piolo Pascual.

Tila ‘unbothered’ ang dalawa sa umugong na isyu na hiwalay na sila matapos ang media conference ng “2 Good 2 Be True.”

Matatandaang tinanong ang couple kaugnay sa loyalty kung saan, sinabi ni Kath na ang loyalty ay pagiging kontento at para kay Daniel ang pinaka-loyal ay ang kaniyang alagang aso na si summer.

Noong Mayo lamang nang ipagdiwang ng Kathniel ang kanilang ika-sampung anibersaryo bilang couple kung saan nagtungo sila sa Thailand.

Sa ngayon ay nasa Japan ang dalawa kasama ang kanilang kaibigan na sina Ria Atayde, Joshua Garcia at Zanjoe Marudo.

Pinabulaanan ng aktres at host na si Karla Estrada ang mga espekulasyon na naghiwalay na ang anak niyang si Daniel Padilla at Kathryn Bernardo.
Matapos ito na hindi palampasin ni Estrada ang isang komento sa kaniyang instagram na nagtatanong kung totoo ba ang usap-usapan sa mga social media na break na ang “Kathniel” sa showbiz industry.
Sinabi ni Estrada na “walang katotohanan” ang mga kumakalat na post na hiwalay na umano sina Kathryn at Daniel.
Mababatid na nagsimula ang mga usap-usapan sa relasyon nang dalawa ng tanungin sila ukol sa loyalty sa ginanap na media conference ng seryeng “2 Good 2 Be True.”

Kumalat ang tsismis sa YouTube na buntis umano ang aktres na si Sunshine Cruz sa pang-apat na anak nila ng kanyang ex-husband na si Cesar Montano.

Ibinahagi ng aktres na may mga nagco-congratulate sa kanya dahil ‘di umano’y pagbubuntis at pagpapakasal sa aktor.

Sinabi ng aktres, pinadalhan siya ng ilang video tungkol sa kumakalat na pekeng balita kaya naman ito’y nagtaka dahil may mga bumabati.

Ni-reshare ni Sunshine ang mga nasabing video sa kanyang personal account at pinabulaaan ang mga kumakalat na balita.

Itinanggi ng aktres na walang katotohanang buntis at magpapakasal sa kanyang ex-husband. –mula sa panulat ni Jenn Patrolla