RONDA PROBINSYA

Nasa 1K sundalo ang idineploy sa mga lugar na naapektuhan ng ikalawang phreatic eruption ng Bulkang Bulusan sa Sorsogon.

Mula ang mga ito sa Philippine Army’s 31st Infantry Batallion na nakabase sa Bayan ng Juban at 22nd Infantry Batallion na nakabase sa Bayan ng Bulan.

Ayon kay BGEN Aldwine Almase, Commander ng 903rd Infantry Brigade, inatasan nito ang mga sundalo na magsagawa ng clearing operation partikular na sa naapektuhan ng ashfall.

Nabatid na sinabi ng Philippine Institute of Volcanology and Seismology (PHIVOLCS) na muling pumutok ang naturang bulkan kaninang alas-3:17 ng umaga at nagtagal ng labing walong minuto.

Kasunod ng muling pag-alburoto ng Bulkang Bulusan, aabot na sa 12 barangay sa Juban, Sorsogon ang apektado na ng Ashfall.

Ayon sa ulat ng Municipal Disaster Risk Reduction and Management Office (MDRRMO), kabilang dito ang mga barangay ng:

• Puting Sapa
• Añog
• Buraburan
• Bacolod
• Rangas
• Roroy
• Sipaya
• Maalo
• Calateo
• Cogon
• South Poblacion
• at North Poblacion.

Samantala, sa panayam ng DWIZ kay PHILVOLCS Undersecretary Director Renato Solidum Jr., nagpaalala ito na mahigpit na ipinagbabawal ang pagpasok sa loob ng 4-kilometer radius permanent danger zone at maging maingat naman ang mga nakatira sa  2-kilometer danger zone.

Aniya, hindi naman daw nila inirerekomenda pa ang sapilitang pagpapalikas pero sakaling makaranas ng ashfall ay pwedeng magsagawa ng self-evacuation.

Muling nakapagtala ng panibagong phreatic o steam driven eruption ang Philippine Institute of Volcanology and Seismology (PHIVOLCS) sa Bulkang Bulusan.

Batay abiso ng PHIVOLCS, naitala ang pag-alburoto bandang alas 3:17 ng madaling araw at tumagal ito ng 18 minuto.

Hindi naman gaanong nakita sa camera monitors ng ahensya ang ibinugang plumes ng Bulkang Bulusan.

Sa panayam ng DWIZ kay Philvolcs Undersecretary Director Renato Solidum Jr., sinabi nitong inaasahan na nila ang ganitong aktibidad sa bulkan dahil sa mataas na bilang ng naitatalang volcanic earthquakes o pagyanig.

Dahil dito, mananatiling nakataas sa Alert Level 1 ang bulkan at patuloy na minomonitor ng PHILVOLCS ang mga aktibidad nito.

Nanindigan si Cebu Governor Gwendolyn Garcia sa pagpapatupad ng opsyonal na paggamit ng facemask sa mga outdoor set-up sa kanilang lalawigan.

Ito ay matapos ihayag ng Department of the Interior and Local Government na hindi nila kikilalanin ang bagong ipinapatupad na Executive Order 16-2022 o ang “Rationalization the wearing of facemasks within Cebu.”

Ayon kay Governor Garcia, opsyonal lamang ito at required pa rin ang face mask sa mga may sintomas ng COVID-19 gayundin sa mga closed spaces at matataong lugar.

Aniya, nasa tamang panahon na rin kasi para amyendahan ang paggamot ng facemask dahil mayorya sa mga lokal na pamahalaan ay ibinaba na sa Alert Level 1.

Giit pa ng gobernador, ibinase nila ang kautusan sa on-the-ground observation.

Nanawagan din ito sa pambansang ahensya na igalang ang lokal na otonomiya ng kanilang lalawigan.

Mariing kinondena ng ilang grupo ang ginawang pag-aresto ng pulisyasa higit 90 na magsasaka at ilang tagapagtanggol ng mga magsasaka sa Tinang, Concepcion, Tarlac.

Ginawa ng pag-aresto habang nagsasagawa ng collective land preparation activity para igiit ang kanilang karapatan sa  dalawang ektaryang lupa mula dalawang daang ektaryang sugarcane plantation.

Ayon sa Gabriela Women’s Partylist, ang ginagawang pag-aresto ay  iligal at marahas 93 agrarian reform beneficiaries at advocates.

Sa katunayan aniya, mas lalo pa ngang dapat suportahan ng gobyerno ang bungkalan ng mga magsasaka lalo na’t nahaharap ang bansa sa matinding importasyon ng produktong agrikultural, karahasan laban sa magsasaka, at laganap na kawalan ng lupa.

Pinasinungalingan din ng Malayang Kilusang Samahan ng Magsasaka ng Tinang (MAKISAMA-Tinang) ang pahayag ni PLt. Jenny Tolentino ng Tarlac Police Public Information Office (PIO) na ilegal ang hawak na papel ng nasabing mga magsasaka.

Giit ng grupo, lehitimo at aprubado ng Department of Agrarian Reform (DAR) kaya’t karapatan lamang nila na bungakalin ang maliit na bahagi ng lupa sa Hacienda Tinang.

Pinag-aaralanan na rin ngayon ng local government ng Quirino Province na alisin ang mandato ng pagsusuot ng face mask sa kanilang lalawigan.

Ayon kay Quirino Governor Dakila Carlo Cua, posibleng sumunod ang probinsya sa Cebu na una na ring nagbaba ng kautusan na hindi i-required ang pagsusuot ng face mask.

Pero aniya, kailangan muna itong isangguni sa eksperto upang matiyak na magiging ligtas at epektibo ang kalalabasan.

Iginiit naman ng gobernador na bagaman ay dapat sundin ang national government, kailangan ding tignan ang autonomy ng LGU.

Patay ang tatlo katao habang sugatan ang tatlong iba pa matapos mabangga ng truck ang sinasakyan nilang tricyle sa New Lucena, Iloilo.

Kinilala ng New Lucena PNP ang mga nasawi na sina, Angelito Somblingo, 39-anyos, driver ng traysikel; anak nitong 14-anyos na lalaki; at pamangkin nitong 10- taong gulang.

Sugatan naman sina Hilda Somblingo, 48- anyos, Mars Somblingo, 19- anyos; at isang 10- taong gulang na batang babae.

Ayon sa mga otoridad, patungo sanang Passi City ang trike nang makasalubong nito sa bahagi ng kalsada ang isang trak.

Dahil sa bilis ng takbo ng traysikel at lakas ng impact, tumilapon sa kalsada ang mga sakay nito.

Patuloy na ginagamot sa ospital ang tatlong sugatan.

Habang nasa kustodiya na ng New Lucena PNP ang truck driver.

Hinihintay pa ng mga awtoridad ang magiging desisyon ng pamilya ng mga biktima kung magsasampa ng kaso laban sa driver.

Matapos ang pagkasunog ng isang barko noong Mayo sa Real, Quezon na ikinasawi ng pitong katao, isa pang cargo vessel ang tumagilid sa pantalan sa lugar.

Ayon sa Philippine Coast Guard (PCG), tatlong truck at isang wing van ang nahulog sa dagat matapos mawalan ng balanse ang LCT Balesin sa pantalan ng Real, Quezon.

Agad ding nagsagawa ng operasyon ang PCG para makuha ang mga sasakyan at produktong nahulong sa tubig.

Ligtas naman ang 25 sakay ng barko na kinabibilangan ng 11 auxiliary workers, siyam na crew, at limang driver.

Namonitor ng Philippine Institute of Volcanology and Seismology ang 149 volcanic earthquakes sa bulkang Bulusan sa Sorsogon sa nakalipas na 24 oras.

Mas mataas ito kumpara sa limang volcanic earthquakes nitong huwebes.

Ang plume mula sa crater ng bulkan ay umabot ng hanggang 100 metro ang taas na napadpad patungong hilagang kanluran.

Nakataas pa rin ang Alert Level 1 sa bulkan na nangangahulugang nasa “low-level unrest” ito.

Dead on the spot ang isang opisyal ng COMELEC matapos barilin ng hindi nakilalang suspek sa Pinian, Zamboanga Del Norte.

Nakilala ang biktima na si Maricel Peralta, 45 taong gulang at COMELEC officer sa bayan ng Mutia.

Ayon sa mga otoridad , nagmamaneho at pauwi na ng Dapitan City si Peralta kasama ang isang assistant election officer nang bigla itong pagbabarilin sa ginagawang tulay sa barangay Lapu-Lapu.

Sinasabing madilim ang lugar at saglit na huminto si Peralta pagdating sa tulay kung saan mayruong mga nakatambak na lupa.

Iniimbestigahan na ng mga otoridad ang dahilan ng insidente.