RONDA PROBINSYA

Inaresto sa bisa ng search warrant ang isang lalaki na nakuhanan ng mga baril at bala sa isinagawang buy-bust­operation sa General Trias City, Cavite

Kinilala ang suspek sa alias na Jonjon,  44-anyos

Sa imbestigasyon nakatanggap ng ilang impormasyon hinggil sa umanoy pagbebenta ng suspek ng mga hindi lisensyadong baril.

Isang pulis ang nagpanggap na buyer ng ilang baril at nakipagkasundo sa suspek sa halagang P80, 000 .

Nang makumpirma ng mga operatiba…. Nakumpiska sa suspek ang isang calibre 5.56 rifle, caliber multi mod st15 na walang serial number… 1-5.56 long magazine  79 pieces ng mga bala at ang buy-bust money na ginamit sa operasyon.

Dead-on-arrival sa ospital ang isang senior citizen matapos pasukin at pagsasaksakin sa loob mismo ng kanilang bahay sa Barangay sabang sa Legazpi City Albay.

Kinilala ng awtoridad ang biktima na si Noel Vargas, 66 –  anyos, barangay kagawad ng naturang lugar.

Ayon sa imbestigasyon ng mga pulis, kumatok ang suspek sa bahay ni Vargas at dahil ka­kilala at residente ng barangay ay pinatuloy ito ng asawa ng biktima.

Pero nang makita ang ang kagawad biglang bumunot ito ng patalim at sa hindi malamang dahilan ay ilang ulit na pinagsasaksak ang biktima

Agad tumakas ang suspek pero nakorner ng mga humahabol na residente kaya umakyat sa mataas na bakod kung saan doon na siya inabutan at nahuli ng mga rumespondeng pulis.

Nagtamo ng mga saksak sa katawan ang biktima na agad na ikinasawi nito

Patuloy sa ginagawang imbestigasyon ang mga pulis para malaman ang motibo sa pamamaslang habang inihahanda na ang kasong murder na isasampa laban sa suspek.

Nasawi ang 3 magkapitbahay nang pagbabarilin ng hindi pa kilalang mga armadong lalaki sa Barangay Tudela sa Trento, Agusan del Sur

Kinilala ng awtoridad ang mga biktimang sina Yoyoy Asis; Edmar Llames, Dating Barangay Kapitan at Tani Montes.

Sa imbestigasyon ng awtoridad, naghahapunan ang tatlo nang pasukin ang bahay at dito ay walang kaabog-abog na sila ay pinagbabaril.

Nakatakbo pa sa labas ng bahay ang isa sa tatlong mga biktima at dahil sa tinamo nito mula sa pamamaril…  Agad itong nalagutan ng hininga.

Mabilis na nakatakas ang gunmen matapos ang pamamaril

Inaalam pa ng mga imbestigador ang pagkakakilanlan ng mga suspek upang masampahan agad ng kaukulang mga kaso.

Dead on the spot ang isang babae matapos pagsasaksakin ng sariling asawa sa San Francisco, Agusan Del Sur.

Kinilala ng San Francisco Municipal Police Office o SFMPO ang biktima na si meryan guzon, trentay syete-anyos.

Ayon sa awtoridad, lasing ang suspek nang umuwi ito sa kanilang bahay.

Nagtalo ang mag-asawa na humantong sa pagkuha ng suspek ng kutsilyo at ilang beses na pinagsasasaksak ang biktima.

Lumitaw na matinding selos ang dahilan kaya nag-away ang mag-asawa

Samantala, kusang sumuko sa mga pulis ang suspek  ilang oras matapos itong tumakas at magtago sa palayan.

Nag-iiyak ang isang 26 taong gulang na lalaki matapos arestuhin sa isinagawang entrapment operation sa isang motel sa Naga City, Camarines Sur.

Ikinasa ang naturang operasyon laban sa suspek dahil sa reklamong sextortion ng isang 19 taong gulang na biktima mula sa Daraga, Albay.

Ayon sa awtoridad, tinakot ng suspek ang biktima at pinilit na makipagtalik muli sa kanya upang burahin ang kanilang private video na kinuhaan nang hindi alam ng biktima.

Bukod sa sextortion, mahaharap din ang suspek sa reklamong paglabag sa Safe Spaces Act, Anti-Violence Against Women and their Children Act of 2004, at grave threats.

Binawian ng buhay ang isang 61 anyos na lalaki matapos mabangga ng isang motorsiklo sa Padre Garcia, Batangas.

Sa kuha ng CCTV, makikitang lumabas mula sa subdibisyon ang biktima at tumawid upang bumili sana sa tindahan sa Brgy. Banaba.

Malapit na sa gitna ng highway ang biktima nang mahagip ito ng motorsiklo na minamaneho ng 31 anyos na rider.

Sa lakas ng pagkakabangga, parehong tumilapon ang biktima at ang rider.

Dinala ang dalawa sa pagamutan kung saan idineklarang dead on arrival ang biktima.

Nagpapagaling naman sa ospital ang rider.

Nagkausap na ang mga pamilya ng biktima at rider. Naiuwi na rin sa Quezon ang mga labi ng biktima.

Tatlong pulis at ilan pang kasamahan nilang sibilyan ang kinasuhan matapos masangkot sa pagnanakaw sa isang Indonesian national sa Kawit, Cavite.

Kinilala ang mga pulis bilang sina Staff Master Sergeant Mellona, Senior Master Sergeant Quilit Jr. at Corporal Pareja na nakatalaga sa Cavite Provincial Investigation Division.

Sinampahan ang mga suspek ng kasong criminal with robbery in band sa Provincial Prosecutor Office.

Mahaharap din ang mga pulis sa reklamong administratibo bago kasuhan sa pre-evaluation at Regional Internal Affair 4A.

Positibong kinilala ng biktimang si Frendy Apriyanto at ng kanyang anim na tauhan ang mga pulis na suspek.

Batay sa imbestigasyon, kabilang ang tatlong pulis sa pitong armadong lalaking pumasok sa bahay ni Apriyanto sa Grand Centennial Homes, Barangay Magdalo-Potol noong February 13.

Dito, iginapos ng mga suspek ang mga biktima at saka nilimas ang kanilang mga pera at kagamitan.

Pumanaw ang ama ng batang babaeng natagpuang nakasilid sa sako sa Atimonan, Quezon, nang hindi alam ang kalunos-lunos na nangyari sa anak.

Ayon kay Rosemarie Nera, isa pang anak, ilang araw nang nasa ospital ang kanyang ama dahil sa sakit sa atay.

Hindi aniya ipinaalam ng pamilya ang nangyari sa kanyang nakababatang kapatid na si “Mae” dahil baka lumala ang kalagayan nito.

Matatandaang kamakailan lang, natuklasan ang labi ni Mae na nakasilid sa isang sako at wala nang pang-ibabang saplot.

Ang mismong suspek pang si Peter Aureada ang nagtungo sa Atimonan Police upang iulat ang pagkakadiskubre sa biktima.

Nakumpirma sa CCTV na si Aureada ang huling nakasama ng biktima. Nakita pa mismo ang sakong ginamit sa krimen, kaya agad itong inaresto.

Nahaharap na ang suspek sa reklamong rape with homicide.

Samantala, kasalukuyang nakaburol ang mga labi ng mag-ama sa Brgy. Zone 4, Atimonan Quezon.

Nasawi ang isang batang lalaki matapos maatrasan ng isang pickup truck sa Bacolod City.

Ayon sa salaysay, naglalaro ang 4-year-old na bata kasama ang kanyang mga kaibigan nang aksidente itong magulungan ng sasakyan.

Sa imbestigasyon ng Bacolod City Police, nagtatago ang bata sa likuran ng pickup truck. Hindi ito napansin ng driver na sumakay at nagpaandar sa sasakyan.

Nakaharap na ng driver ang pamilya ng bata kung saan napagkasunduang hindi na nila ito sasampahan ng kaso.

Binawian ng buhay ang isang 46-year-old na lalaki matapos itong malapitang pinagbabaril sa Agoncillo, Batangas.

Batay sa imbestigasyon, nagwawalis ang biktima sa tapat ng kanyang bahay sa Brgy. Banyaga nang mangyari ang krimen.

Ayon sa Officer-in-Charge ng Agoncillo Police Station na si Police Major Broderick Noprada, pinaghihinalaang may kinalaman sa personal na away at utang ang motibo ng krimen.

Patuloy ang imbestigasyon at pagtugis ng mga awtoridad sa suspek.