Itinuturing na ‘hero dog’ ang isang aso sa Panabo City, Davao del Norte, matapos nitong mamatay habang pinoprotektahan ang kanyang pamilya mula sa isang makamandag na ahas.
Nakita na lang na walang buhay ang Belgian Malinois na si Yugo sa garahe ng kanyang pamilya, katabi ang pira-pirasong Samar Cobra.
Matagumpay na nailigtas ni Yugo ang kanyang pamilya, ngunit sa kasamaang-palad, nalason ito sa kamandag ng ahas.
Ayon sa mga amo ni Yugo na sina Bryan at Cindy Sandigan, hindi ito ang unang beses na iniligtas sila ng kanilang aso mula sa ahas.
Marami namang netizens ang nagpaabot ng kanilang pakikiramay sa pamilya ni Yugo na tinawag nilang bayani dahil sa naging sakripisyo nito.
