Patay ang isang lalaki matapos itong aksidenteng maipit ng sedan sa isang carwash sa Tacloban, Leyte.
Batay sa imbestigasyon, ginagabayan ng biktimang kinilalang si Berto, isang 33 anyos na carwash boy, ang 38 anyos na babaeng driver upang makaakyat sa isang rampa.
Ngunit imbes na magpreno, aksidenteng natapakan ng driver ang accelerator.
Dahil dito, naipit ang carwash boy sa isang konkretong pader at nagtamo ng matinding pinsala.
Dinala ang biktima sa ospital matapos maalis ang kotse sa nasirang rampa, ngunit idineklara rin itong dead on arrival.
Napagkasunduan naman ng magkabilang panig na walang kasong isasampa laban sa driver.
