RONDA PROBINSYA

Pagsasaayos ng kalsada sa Marawi, target matapos ngayong taon — DPWH

Naglaan na ng P1-B ang Department of Public Works and Highways (DPWH) para ayusin ang mga kalsada sa ground zero ng Marawi City.

Ito’y ayon kay DPWH Sec. Mark Villar ay bahagi na rin ng Marawi rehabilitation master plan para sa muling pagbangon ng lungsod mula nang madugong Marawi siege noong 2017.

Ayon sa kalihim, target nilang matapos ang Marawi transcentral roads bago matapos ang kasalukuyang taon kaya’t tuloy-tuloy ang paggawa at maganda naman ang kinalabasan ng nasabing proyekto.

Samantala, sinabi ng kalihim na malapit na rin nilang matapos ang phase 2 ng circumferential road sa isla ng Boracay na bahagi rin ng rehabilitation doon.

October 24, 2020 0 comment

RONDA PROBINSYA

4 sugatan matapos masabugan ng landmine sa Maguindanao

written by Gilbert Perdez

Sugatan ang apat katao, kabilang ang dalawang sundalo at dalawang miyembro ng Civilian Active Auxiliary, matapos masabugan ng landmine sa Barangay Salman, Ampatuan, Maguindanao.

Ayon kay Lt. Gen. Corleto Vinluan, Jr., commander ng Western Mindanao Command (Wesmincom), agad na isinugod sa Tamondong Hospital ang mga biktima.

Nabatid na nagsasagawa ng mine-clearing operations ang Joint Task Force Central sa lugar nang biglang sumabog ang isang anti-personnel mine.

Dahil dito, mas pinaigting pa ng militar ang mga operasyon nito laban sa mga hinihinalang terorista sa nabanggit na lugar.

October 23, 2020 0 comment

RONDA PROBINSYA

Zamboanga titigil muna sa pagtanggap ng LSI’s

written by Gilbert Perdez

Tigil muna sa pagtanggap ng balik-probinsyang locally stranded individuals ang lungsod ng Zamboanga simula Lunes, Oktubre 26.

Sa isang public advisory sa Facebook page ng lokal na pamahalaan, ipinaliwanag na ang pansamantalang pagbabawal sa pagpasok ng mga LSI’0s sa lungsod ay bunsod ng limitadong quarantine facilities at pagsasara ng mga borders ng mga katabi nitong probinsya.

Ikinasa umano ang moratorium matapos maglabas ng resolusyon ang Regional Inter-Agency Task Force hinggil sa naturang usapin.

Kasalukuyang umiiral ang modified general community quarantine (MGCQ) sa siyudad hanggang Oktubre 31.

October 23, 2020 0 comment

HEADLINES RONDA PROBINSYA

Kalsada sa Apayao, Benguet gumuho dahil sa hagupit ni ‘Pepito’

written by Judith Estrada-Larino

Naapektuhan ng pagguho ng lupain sa kasagsagan ng pag-ulan dulot ng Bagyong Pepito ang mga kalsada sa Apayao at Benguet.

Ayon sa Department of Public Works and Highways (DPWH) Cordillera Administrative Region, naitala sa Apayao ang mga insidente ng soil collapse sa Malabing, Kabugao Apayao Road, kung saan isang bahagi ng kalsada ang nananatiling one lane passable lamang at patuloy pa ang learing operations.

Apektado rin ng landslide ang ilang bahagi ng Conner Kabugao Road partikular ang Badduat, Kabugao, Apayao kung saan inilagay na rin ang warning signs.

Sa Benguet, naapektuhan ng road slip ang bahagi ng Itogon-Dalupirip Road kung saan isinasagawa na ang clearing operations.

October 22, 2020 0 comment

NATIONAL NEWS RONDA PROBINSYA

Suplay ng baboy sa bansa, sapat ayon sa DA

written by DWIZ 882

Tiniyak ng Department of Agriculture (DA) na sapat ang suplay ng baboy sa darating na holiday season sa bansa.

Ito’y sa gitna ng patuloy na banta ng african swine fever (ASF).

Ayon kay Agriculture Sec. William Dar, mayroong 55% pa ng baboy ang bansa mas marami aniya ito kumpara noong nakaraang taon sa kaparehas na panahon.

Gayunman umapela si Dar sa mga cold storage owners para magpalabas ng mga frozen supplies nang regular.

Napag-alaman kasi umano ng ahensya na mayroong nagmamanipula ng paglabas ng frozen pork sa mga cold storages.

Una rito, inihayag ni Dar na nasa 25 probinsya na sa bansa ang naapektuhan ng ASF outbreak.

October 21, 2020 0 comment

RONDA PROBINSYA

Mga naninirahan malapit sa Ilog Cagayan pinaghahanda na sa posibleng paglikas

written by Judith Estrada-Larino

Pinaghahanda na sa posibleng paglikas ang mga residenteng naninirahan malapit sa Ilog ng Cagayan.

Kasunod na rin ito nang patuloy na pagtaas ng water level ng Cagayan River dahil sa malakas na ulan dulot ng Bagyong Pepito.

Pinapayuhan ang mga naninirahan sa tabi ng Ilog ng Cagayan partikular sa bahagi ng Linao, Lower Abulug, Lower Pamplona, Cabicungan, Aunugay, Ba, Palawig at Taboan.

Pinag-iingat din ang mga nakatira sa mabababang lugar sa Tuguegarao City, Enrile, Solana, Iguig, Amulung, Alcala, Gattaran, Lal-Lo, Lasam, Camalanuigan, Baggao at Aparri.

Kaninang umaga ay nasa 7.28 meters ang water level sa Buntun River at itataas ang alert level sa Buntun Bridge kapag umabot na sa 9 meters ang tubig sa nasabing ilog.

October 21, 2020 0 comment

HEADLINES RONDA PROBINSYA

Datu Montawal, Maguindanao isinailalim sa state of calamity dahil sa matinding pagbaha

written by Judith Estrada-Larino

Isinailalim sa state of calamity ang munisipalidad ng Datu Montawal sa Maguindanao dahil sa matinding pagbaha.

Nasa 11 barangay ang lubog sa tubig-baha matapos ang halos ilang araw na matinding buhos ng ulan.

Ayon kay Datu Montawal Mayor Otho Montawal, stagnant o hindi maka-agos ang tubig dahil puno pa rin ng tubig ang Liguasan Marsh.

Naapektuhan na ng matinding pagbaha ang mga pananim at maging mga alagang hayop.

Ipinabatid ni Montawal na nakapagbigay na sila ng ayuda sa mga apektadong residente.

October 21, 2020 0 comment

HEADLINES RONDA PROBINSYA

500 residente sa Catanauan, Quezon binaha

written by Judith Estrada-Larino

Nasa 500 residente mula sa Catanauan, Quezon ang isinailalim sa forced evacuation dahil sa mataas na tubig-baha sa apat na Barangay Dulot ng Bagyong Pepito.

Ang mga inilikas na residente ay dinala sa Southern Luzon Academy at Parochial School of Catanauan sa Barangay 4 Poblacion.

Ilang apektadong residente ay dinala rin sa municipal evacuation center.

Samantala, stranded ang maraming commuters sa bayan ng Lopez dahil sa lampas taong baha sa Barangay Canda.

Mahaba na ang pila ng mga sasakyan sa Diversion Road ng Barangay Canda at Barangay Danlagan kung saan kabilang sa mga stranded ay mga patungo ng Bicol partikular sa Sorsogon at Leyte.

Maraming motorista na rin ang stranded sa kahabaan ng Maharlika Highway Road sa Barangay Bebito at Barangay Magsaysay Poblacion.

October 21, 2020 0 comment

HEADLINES RONDA PROBINSYA

177 pamilya inilikas sa Aurora dahil sa pananalasa ni ‘Pepito’

written by Judith Estrada-Larino

Umabot sa 177 pamilya ang inilikas sa lalawigan ng Aurora matapos mag-landfall doon ang Bagyong Pepito.

Ipinabatid ito ni Officer Elson Egargue na nagsabi ring tinitiyak nilang nasusunod ang social distancing at minimum health standard sa evacuation centers.

Hindi pa aniya naibabalik ang suplay ng kuryente sa ilang bahagi ng bayan ng Dilasag.

Sinabi pa ni Egargue na wala namang matinding epekto sa lalawigan ang pag-landfall ng Bagyong Pepito.

Patuloy naman ang pag-apaw ng Ditubo River sa bayan ng Dilasag sa Aurora.

Batay pa sa abiso ng Dilasag Municipal Disaster Risk Reduction and Management Office (MDRRMO), hindi passable sa light at medium vehicles ang Dilasag-Dinapigue Road dahil sa tubig-baha.

October 21, 2020 0 comment

HEADLINES RONDA PROBINSYA

Signal No. 2 nakataas sa 3 lugar sa bansa, ‘Pepito’ inaasahang lalakas pa

written by DWIZ 882

Tatlong lugar sa bansa ang nakasailalim sa Tropical Cyclone Wind Signal No. 2 dahil sa pananalasa ng Tropical Storm Pepito.

Ayon sa PAGASA, nasa bahagi na ng West Philippine Sea ang Bagyong Pepito.

Dahil dito, isinailalim na sa Signal No. 2 ang mga sumusunod na lugar:

La Union
northern portion of Zambales (Iba, Palauig, Masinloc, Candelaria, Santa Cruz)
kanlurang bahagi ng Pangasinan (Bani, Anda, Bolinao, Agno, Dasol, Burgos, Alaminos City, Mabini, Sual, Infanta, Bugallon, Labrador, Aguilar, Mangatarem, Urbiztondo, Basista, Malasiqui, San Fabian, Pozzorubio, Sison, Laoac, Urdaneta City, Manaoag, San Jacinto, Dagupan City, Mangaldan, Mapandan, Santa Barbara, San Carlos City, Calasiao, Binmaley, Lingayen)

Samantala, nakataas naman ang Signal No. 2 sa mga sumusunod na lugar:

Ilocos Norte
Ilocos Sur
nalalabing bahagi ng Pangasinan
Abra
kanlurang bahagi ng Kalinga (Balbalan, Pasil, Lubuagan, Tinglayan)
kanlurang bahagi ng Mountain Province (Barlig, Sadanga, Bontoc, Sagada, Sabangan, Bauko, Tadian, Besao)
kanlurang bahagi ng Ifugao (Banaue, Hingyon, Kiangan, Tinoc, Hungduan, Asipulo)
Benguet
kanlurang bahagi ng Nueva Vizcaya (Ambaguio, Kayapa, Aritao, Santa Fe)
kanlurang bahagi ng Nueva Ecija (Carranglan, Lupao, MuÃ±oz City, Santo Domingo, Zaragoza, Aliaga, Licab, Guimba, Talugtug, Quezon, Nampicuan, Cuyapo),
Tarlac
nalalabing bahagi ng Zambales

Huli namang namataan kaninang alas-7 ng umaga ang Bagyong Pepito sa layong 115 kilometro, hilagang-kanluran ng Dagupan City, Pangasinan.

Taglay nito ang lakas ng hanging aabot sa 77 km per hour at pagbugsong aabot naman sa 90km/hr.

Kumikilos ito pa-kanluran, hilagang-kanluran sa bilis na 30 km/hr.

Samantala, ayon sa PAGASA, inaasahang lalakas pa ang Tropical Storm Pepito at magiging Severe Tropical Storm sa bahagi ng West Philippine Sea sa Huwebes ng hapon o gabi.

October 21, 2020 0 comment

Newer Posts

Older Posts