RONDA PROBINSYA

Patay ang isang miyembro ng New People’s Army (NPA) matapos maka-engkuwentro ng militar sa Brgy. Cabas – An, bayan ng Aroroy, lalawigan ng Masbate.

Ayon kay LTC. Siegred Awichen, commander ng Army’s 2nd Infantry Battalion, nagsasagawa ng follow up operation ang militar kasunod ng pagpatay sa isang konsehal at barangay tanod sa lugar nang mangyari ang insidente.

Isa ang nalagas sa hanay ng mga kalaban habang wala namang nasawi o nasugatan sa panig ng mga tropa ng pamahalaan.

Nakuha mula sa pinangyarihan ng engkuwentro ang nasa dalawang M-16 rifles, anti-personel mines, mga medical paraphernalia, propaganda materials at iba pang personal na gamit.

Patay sa ikinasang operasyon ng pulisya ang top 10 most wanted drug personality sa bayan ng Polomolok, South Cotabato.

Ito’y makaraang manlaban sa mga awtoridad ang suspek na si Kaharudin Markay Santi sa ikinasang drug buy bust operation sa nabanggit na lugar.

Ayon kay PNP Chief P/Gen. Debold Sinas, magsisilbi lamang sana ng warrant of arrest ang pulisya laban kay Santi subalit pinaputukan nito ang mga aaresto sa kaniya.

Dahilan upang gumanti naman ng putok ang mga pulis na siyang nagresulta sa agaran nitong kamatayan kung saan, nakuha ang kalibre trenta’y otso nitong baril, rifle granade at 10 pirasong hinihinalang shabu.

Nabatid na malapit si santi sa grupo ng isang Tadoy Makatigel na konektado sa local Dawlah Islamiyah terror group sa Soccsksargen Region.

Patay ang apat na miyembro ng ISIS inspired terrorist group na Dawlah Islamiyah sa ikinasang operasyon ng militar at pulisya sa T’boli, South Cotabato.

Kinilala ang mga nasawing magkakapatid na terrorista na sina harudin Macabangin, Norhan Macabangin, baharan macabangin at moin macabangin na nahaharap sa iba’t ibang kaso.

Ayon kay Western Mindanao Command (WesMinCom) Chief Lt/Gen. Corleto Vinluan Jr, nasukol ang apat sa bahagi ng Sitio Malou Jawr, Brgy. Basag kung saan, tumagal ng 20 minuto ang bakbakan.

Sa ulat naman ni PNP Chief P/Gen. Debold Sinas, magsisilbi lamang sana ng tatlong magkakahiwalay na warrant of arrest ang mga awtoridad laban sa apat dahil sa mga kasong murder, direct assault at frustrated murder nang mangyari ang insidente.

Nakuha mula sa pinangyarihan ng engkuwentro ang isang carbine rifle, isang granada, dalawang pistola at ilang pakete ng hinihinalang pinatuyong dahon ng marijuana.

Nasugatan muna ang mga suspek at agad dinala sa ospital subalit hindi na sila umabot pa at idinekara nang dead on arrival.

Tinatayang mahigit P200,000 halaga ng hinihinalang shabu ang narekober habang sugatan naman ang isang drug suspect matapos mauwi sa bakbakan ang ikinasang buy-bust operation sa Purok 1, Brgy. Mataas na Lupa, Lipa City.

 Kinilala ang suspek na si Neil Vivencio Katigbak, 39 taong gulang, driver, at residente ng Brgy. Namuco, Rosario, Batangas.

 Ayon sa Lipa City Police Station at Regional Drug Enforcement Unit (RDEU), nakahalata si Katigbak na pulis ang kanyang katransaksiyon hanggang sa bumunot ito ng baril at nagpaputok.

 Agad na tinamaan ang suspek nang mapilitang gumanti ang mga pulis at kasalukuyan itong nilalapatan ng lunas sa Mary Mediatrix Medical Center.

 Maliban sa buy-bust money na isang libong piso, narekober din sa pinangyarihan ng insidente ang isang magnum revolver, isang kotse, at mahigit dalawang daang libong pisong halaga ng umano’y shabu.

Mahigit P3 milyong halaga ng pinaniniwalaang shabu ang nasabat ng mga awtoridad mula sa isang lalaki sa ikinasang buy-bust operation sa Barangay Buray sa Oton, Iloilo.

Kinilala ng Oton Police, ang suspek na si Elmer Niquia, 48 taong gulang, at residente ng Barangay Alalasan sa La Paz, Iloilo City.

Ayon sa pulisya, nabilhan ang suspek ng isang sachet ng hinihinalang shabu sa halagang 20 thousand pesos habang nasa 3.2 million pesos naman ang kabuuang halaga ng droga na nakumpiska mula sa kanya.

Sasampahan ang suspek ng kasong paglabag sa Comprehensive Dangerous Drugs Act of 2002.

Nasawi ang isang limang taon na babae matapos maputukan ang pinaglalaruan na sumpak sa Pidigan, Abra.

Batay sa ulat, hindi umano alam ng bata na improvised shotgun ang pinaglalaruan niya, isang tama sa likod na agad nitong ikinasawi.

Natruama naman ang dalwang kalaro ng biktima sa nangyaring insidente.

Sa ngayon, iniimbestigahan na kung sino ang may-ari ng sumpak. — sa panulat ni John Jude Alabado

Nasawi ang apat na hinihinalang miyembro ng Islamic state of Iraq and Syria (isis) matapos silang maka-engkuwentro ng mga tropa ng army’s 5th special forces battalion sa bayan ng T’boli sa South Cotabato kahapon ng umaga.

Kinilala ni Western Mindanao Command (Wesmincom) Chief Lt/Gen. Corleto Vinluan Jr. ang 4 na hinihinalan ISIS terrorist na sina Russel Mamo at ang magkakapatid na Macabangin na pawang wala sa periodic status report ng mga sundalo.

Nasukol ang 4 sa focus military operations at pagsisilbi ng warrant of arrest kay Mamo sa Sitio Malou Jawe, Barangay Basag kung saan sumiklab ang bakbakan.

Samantala, nakuha mula sa mga terrorista ani Vinluan ang 1 carbine rifle, 2 pistola, 1 granada at ilang pakete ng marijuana.