RONDA PROBINSYA

Arestado ang apat na katao matapos bentahan ng mga pekeng sigarilyo ang isang tindera sa Cavite.

Kinilala ang mga suspek na sina Rochelle Kaligayan, 40 anyos; Randy Oriola, 37 anyos; Rodessa Kaligayahan, 37 anyos at Armando Yedra, 75 anyos, na inireklamo ng isang Darren Hernandez, 32 anyos, ng Amadeo, Cavite.

Ayon kay Corporal Rey Kevin Manuel, ng Amadeo Police Station, ang mga suspek ay nahaharap sa kasong swindling, habang patuloy pang inaalam ng mga otoridad kung saan nanggaling ang mga pekeng sigarilyo.

—sa panulat ni Mara Valle

Kalaboso ang limang suspek sa aktong pagtutulak at paggamit ng iligal na droga sa Rizal.

Kinilala ni Rizal Police Provincial Director, Col. Dominic Baccay, ang mga suspek na sina Rodney Santos, 37-anyos;  Cyrus Espileta, 23-anyos; Jomar Bondoc, 21-anyos; Dante Ciriaco, 50-anyos at John Karlo Bisonayas, 23-anyos, na pawang  mga taga-Rodriquez, Rizal.

Ayon sa provincial intel unit, aabot sa 102,000 pesos na halaga ng shabu ang nakuha sa isinagawang Buy Bust Operation.

Naharap ngayon sa kasong RA 9165 o comprehensive dangerous drugs Act of 2002 ang mga suspek. —sa panulat ni Mara Valle

Kalaboso ang limang suspek sa aktong pagtutulak at paggamit ng iligal na droga sa Rizal.

Kinilala ni Rizal Police Provincial Director, Col. Dominic Baccay, ang mga suspek na sina Rodney Santos, 37-anyos;  Cyrus Espileta, 23-anyos; Jomar Bondoc, 21-anyos; Dante Ciriaco, 50-anyos at John Karlo Bisonayas, 23-anyos, na pawang  mga taga-Rodriquez, Rizal.

Ayon sa provincial intel unit, aabot sa 102,000 pesos na halaga ng shabu ang nakuha sa isinagawang Buy Bust Operation.

Naharap ngayon sa kasong RA 9165 o comprehensive dangerous drugs Act of 2002 ang mga suspek. —sa panulat ni Mara Valle 

Arestado ang 17 suspek sa ikinasang magkakahiwalay na buy-bust operation, sa lalawigan ng Cavite.

Unang dinakip sa operasyon sina Fernan Garcia, 24-anyos at Herman Quintan, 45-anyos sa Bacoor City, Cavite kung saan, nasamsam sa kanila ang limang gramo ng hinihinalang shabu na may street value na 34,000 pesos.

Inaresto rin ang mag-amang Ronaldo Canada at Reynan Canada at Rafael Nones kung saan, nakumpiska naman ang isang gramo ng hinihinalang shabu na nagkakahalaga ng 6,800 pesos.

Bukod sa mga suspek ay mayroon pang 12 pang hinihinalang mga tulak droga ang dinampot sa nasabing lugar.

Nahaharap ngayon sa patung-patong na kaso ang mga suspek. —sa panulat ni Mara Valle

Inanunsyo ng lokal na pamahalaan ng Lapu-Lapu City ang pagpapatupad ng price ceiling sa mga bilihin matapos tumaas ang presyo ng mga ito kasunod ng pananalasa ng bagyong Odette.

Maliban dito, paiiralin din ang city-wide curfew na mula alas-9 ng gabi hanggang alas-3 ng madaling araw.

Ayon sa Lapu-Lapu City LGU, exempted sa curfew ang mga pharmacies, medical facilities, night shift workers, health frontliners, at mga drayber ng pampublikong sasakyan.

Ipinagbabawal rin sa siyudad ang pagbili at pagbebenta ng electrical wires, transformers, bronze o mga copper, at iba pang electrical items sa mga junkshop at iba pang mga establisyemento.

Kasunod ito ng mga insidente ng nakawan sa mga bahay-bahay at maging ang pagnanakaw ng electrical wires sa mga poste ng kuryente.

Kaugnay nito, inatasan na ang mga pulis doon na mahigpit na bantayan ang mga establisyemento.

Aabot sa 111 ang isinugod sa Quezon Medical Center sa Lucena City matapos mafood poison kabilang na ang ilang empleyado ng pamahalaang panlalawigan, sa naganap na pagtitipon sa Quezon Convention Center.

Nangayari ang insidente habang isinasagawa ang payout ng honorarium ng aabot sa 4,000 kasapi ng puli at lk kung saan, matapos mag-almusal ng pritong itlog, hotdog at kanin ay bigla nalang umanong nakaramdam ng pagkahilo hanggang sa sumuka ang mga biktima.

Humingi na ng paumanhin at pang-unawa si Governor Danilo Suarez sa mga nalason at sinabing isolated cases lamang insidente.

Sa ngayon iniimbestigahan pa ng mga otoridad ang catering services na ginamit sa okasyon na siansbaing pag-aari umano ni Tina Talavera na siyang umaaktong hepe ng Provincial General Services Office. —sa panulat ni Angelica Doctolero

Nasawi ang 19 indibidwal matapos ang pananalasa ng Bagyong Odette sa Siargao Island.

Ayon kay Surigao Del Norte Representative Francisco Jose “Bingo” Matugas II, aabot sa 1K domestic tourists ang naapektuhan ni bagyong Odette kung saan nasa 600 na ang napauwi ng local governments.

Bukod pa dito, “totally damaged” din ang Siargao Airport Terminal bunsod ng pag-landfall ng bagyo sa isla noong December 16.

Sa ngayon naglaan na Ng Emergency Communication System sa ilang parte ng lugar dahil wala parin umanong kuryente sa lugar hanggang sa ngayon. —sa panulat ni Angelica Doctolero

Tumulong narin sa isinagawang disaster assessment ng Philippine Coast Guard ang mga mangingisda sa paghahatid ng relief supplies para sa mga biktima ng Bagyong Odette sa Pandanon, Bohol.

Sakay ng BRP Tubbataha mrrv-4401 ang nasa 60 sako ng bigas, 50 kahon ng mineral water, at 30 sako ng iba’t-ibang klase ng delata.

Bukod sa mga mangingisda, tumulong din sa operasyon ang mga tauhan ng Philippine Army upang mapabilis ang pamamahagi ng mga donasyon.

Ang nasabing relief supplies ay paunang tulong ng lokal na pamahalaan ng bohol para sa mga residente ng isla na lubhang naapektuhan ng pananalasa ng bagyo. —sa panulat ni Angelica Doctolero

Patay matapos makuryente ang mag-asawa at kanilang anak matapos masagi ng kanilang sinasakyang motorsiklo ang live-wire na nakabalandra sa kalsada, sa Tagum City, Davao Del Norte.

Kinilala ang pamilyang nasawi na sina Ronaldo Gabucan, 45-anyos, Antonina Sasil, 45-anyos at ang kanilang anak na si Ray Ann Sasil Gabucan, 13-anyos.

Sa imbestigasyon ng Tagum City Police Station, dahil sa lakas ng voltage ng naturang kuryente, nangisay ang mga biktima matapos sumemplang ang kanilang sinasakyan.

Nakaburol na ngayon ang mga biktima habang nagsasagawa na ng imbestigasyon ang mga otoridad sa nangyaring aksidente sa nasabing lugar. —sa panulat ni Angelica Doctolero

Nasabat ng mga awtoridad ang mahigit 100,000 pisong halaga ng shabu sa ikinasang buy-bust operation sa Makati City.

Kinilala ni Southern Police District Director Police Brigader General Jimili Macaraeg ang suspek na si Edmar Palomares, 39 na taong gulang.

Nasabat mula kay Palomar ang higit 123,000 pesos na halaga ng umano’y shabu, pitaka, at 500 pisong buy-bust money.

Kasong paglabag sa Comprehensive Dangerous Drugs Act ang isasampa laban sa suspek. —sa panulat ni Joana Luna