Patay ang isang 6 na taong gulang na babae matapos masabugan ng pinaniniwalaang dinamita sa Agoo, La Union.
Sa lakas ng pagsabog ay tumilapon sa layong 17 metro ang katawan ng biktimang hindi pinangalanan.
Ayon sa Agoo police, posibleng nakaimbak lang ang hinihinalang dinamita sabahay ng biktima at maaaring sinindihan o ginalaw kaya ito sumabog.
Inaalam pa ng mga kung sino ang may-ari ng pampasabog na maaaring sa patong-patong na kaso. — Sa panulat ni Mara Valle
Patay ang isa habang isa naman ang sugatan matapos pagbabariling ng isang lalaki na sinita dahil sa maingay nitong motor sa San Esteban, Ilocos Sur.
Kinilala ang nasawing biktima na si Jimmy Cabus, habang ang isa pang biktima namang sugatan sa pangyayari na si Henry Cabus Jr.
Ayon sa pulisya, sinita ng mga biktima ang kapitbahay na si Ely Vidal dahil sa ingay ng motor nito.
Ngunit ikinagalit umano ito ng suspek dahilan para pagbabarilin niya ang mga biktima.
Sinubukan pa na tumakas ni Vidal ngunit sumuko rin ito sa mga otoridad kinalaunan.
Kasalukuyan namang nahaharap sa patung-patong na kaso ang suspek.
Nalunod ang tatlong menor de edad sa kasagsagan ng kanilang picnic sa Balili River sa La Union.
Dalawa sa mga biktima ang magkapatid na nasa edad 17-anyos at 14-anyos, kasama rin ang pinsan nilang isa ring katorse anyos.
Batay sa imbestigasyong ng Naguillian Police, pumunta sa ilog para magpicnic ang pamilya kasama ang tatlong biktima.
Nang matapos kumain ng tanghalian, sabay-sabay na lumusong sa ilog ang mga ito para maligo.
Makalipas ang ilang minuto ay napansin ng mga kaanak na nawawala na ang tatlong dalagita kaya agad nilang hinanap hanggang sa makitang lumulutang na sa ilog ang bangkay ng mga iti kaya agad silang humingi ng saklolo.
Naisinugod pa sa Naguillian District Hospital ang tatlong biktima subalit hindi na naisalba pa ng mga doktor. —sa panulat ni Mara Valle
Aabot sa 32.5 tonelada ng mga relief goods ang naihatid ng Philippine Navy sa Tagbilaran City sa Bohol para sa mga nasalanta ng bagyong Odette.
Lulan ng BRP AGTA na dumaong sa Tagbilaran portn ang mga nasabing ayuda na ipinadala ng Civil Military Operations Group ng Philippine Navy.
Naglalaman ito ng pagkain, tubig at mga tolda na mga donasyon mula sa Non-Government Organization at stakeholders na una nang dinala ng BRP Tarlac mula Maynila.
Magugunitang umalis sa Manila South Harbor ang BRP Tarlac nuong nakalipas na linggo bitbit ang may 488 tonelada ng mga relief goods para sa mga biktima ng bagyo sa Cebu, Bohol at Surigao del Norte —ulat mula kay Jaymark Dagala (Pat 9)
Nagpositibo sa COVID-19 si Navotas City Mayor, Toby Tiangco.
Ito ang kinumpirma niya sa kanyang facebook post noong linggo.
Ayon sa post ng Alkalde, siya ay humihing ng paumanhin sa lahat ng taong nakaharap at nakasalamuha niya noong mga nakaraang araw at nakiusap rin ito na obserbahan ng mabuti ang kanilang kalusugan.
Hinihikayat rin niya na kung mayroong kakaibang maramdaman ang mga ito ay agad silang sumangguni sa Doctor.
Sa ngayon, ay naka-quarantine na at patuloy ding minomonitor ng mga espesyalista si Tiangco para sa agarang paggaling nito. —sa panulat ni Mara Valle
Natagpuan sa isang bakanteng lote sa Cavite na nakasako ang chinap-chop na katawan ng isang estudyante.
Kinilala ang biktima na si Rusty Rubia Dela Cruz, 19-anyos, taga Tondo, Maynila.
Isa namang suspek sa umano’y pagpatay sa biktima ang natukoy ng otoridad na si Dante Reyes, 42-anyos.
Matapos ito ay hindi na siya muling nakita pa at nakauwi sa kanilang bahay.
Agad naman itong ipinagbigay alam ng ama ng biktima sa pulisya.
Napag-alaman na bago mawala ang biktima ay huli siyang nakitang buhay habang ipinaparada ang kanyang motorsiklo at tumungo sa inuupahang bahay ng suspek.
Batay sa masusing imbestigasyon, hinati-hati sa lima ang parte ng katawan ng biktima at pinagkasya sa dalawang sako saka itinapon sa bakanteng lote.
Kasalukuyan paring inaalam ng mga otoridad ang motibo sa karumal-dumal na krimen. —sa panulat ni Mara Valle
Patay matapos pagbabarilin ang dating mayor ng Anda, Pangasinan ng dati nitong driver.
Kinilala ang biktima na si Ex-Mayor Aldrin Cerdan, 50-anyos.
Batay sa inisyal na imbestigasyon, nakainom umano ang suspek na si William Cagampan at hiningian ng pera si Cerdan, nagkaroon ang dalawa ng pagtatalo bago barilin ng suspek ang dati niyang amo.
Naitakbo naman sa pagamutan ang biktima ngunit agad rin itong binawian ng buhay.
Sinubukan ng suspek na takasan ang krimen ngunit nadakip din ito ng mga otoridad. —sa panulat ni Mara Valle
Patay ang isa ng pulis matapos tadtarin ng saksak ng isang lalaki sa Batangas.
Kinilala ang biktima na si Police Corporal Reynan Manalo, habang tinukoy naman ng otoridad ang suspek na si Jollyben Montoya.
Ayon sa Bauan Police, sinubukan nang saksakin ng suspek ang biktima, kung kaya’t pinaputukan nila sa tuhod si montoya ngunit tuluyan pa rin nitong nasaksak si manalo sa kanyang dibdib.
Samantala, dinala sina Manalo at Montoya sa Bauan Doctor’s General Hospital ngunit kalaunan ay binawian rin ng buhay ang mga ito.
Patuloy namang iniimbestigahan ng mga otoridad ang posibleng motibo sa pag-aamok ng suspek. —sa panulat ni Mara Valle
Nagpatupad na ng forced evacuation ang ilang lugar sa Visayas at Mindanao matapos bahain dulot ng walang tigil na malakas na ulan dulot ng hanging Amihan.
Inilikas ng Public Information Office ang mga residente sa mga Landslide Prone Areas kabilang na ang Navalca, Barangay San Juan, at Silay Hills sa Barangay Taft, Surigao City maging ang ilang parte ng Cantilan sa Surigao del Sur dulot ng pagbaha.
Binaha rin ang Barangay Talisay sa Bayan ng Libagon, Southern Leyte matapos umabot hanggang dibdib ang taas ng tubig dahil parin sa walang tigil na pag-ulan.
Ayon sa PAGASA, ang shear line o ang pagsalubong ng northeast wind at easterlies ang dahilan ng pag-ulan na naka-apekto sa ilang lugar sa Visayas at Mindanao. —sa panulat ni Angelica Doctolero
Ipatutupad na ngayong araw ng Pamahalaang Lokal ng Valenzuela City ang implementasyon sa linya ng mga bisikleta mula Malanday hanggang Marulas sa bahagi ng Mac Arthur Highway kasabay ng pagpapatupad ng Alert Level 3 sa Metro Manila.
Base sa City Ordinance No. 269, sa unang paglabag ay pagsasabihan lamang ang mga violators habang pagmumultahin naman ng P200 hanggang P500 sa second offense.
Ayon sa Valenzuela City Government, ang mahuhuling bikers ay hihingan ng identification na inisyu ng gobyerno, gaya ng police clearance at voters ID habang school ID naman para sa mga minors.
Ang mga violators na walang maipapakitang id ay dadalhin sa City External Services Office ang kanilang bisikleta para i-impound.
Samantala, may parusa din ang ibang motorista partikular na ang 4-wheels na babaybay o mag-ookupa sa bike lane at pagmumultahin din ang mga ito sa pamamagitan ng no contact apprehension policy.
Layunin ng Valenzuela City LGUs na mabigyang proteksyon ang mga bikers at electric scooter sa mga aksidente. —sa panulat ni Angelica Doctolero