NEWS

MISMONG ang Department of Information and Communications Technology (DICT) na ang mangunguna sa pagpapatupad ng kautusan ni Pangulong Ferdinand Marcos Jr. na magtulungan ang gobyerno at pribadong sektor sa pagpapalawak ng broadband connectivity sa bansa.

“Internet links which require no lease obligation, like setup fees and rental payment, will be a key factor in all efforts to expand connectivity even in the remotest area in the country,” ani DICT spokesman Renato Paraiso.

Sabi ni Paraiso, nagsasagawa na ang DICT ng inisyatibo para makatulong sa pagpapabilis ng pagpapatupad ng batas na magkakaloob ng lease-free wifi connectivity.

“We will coordinate with both the telco providers and legislators in pursuing efforts that would resolve issues that impede the expansion of broadband connectivity,” pahayag ni Paraiso.

Dagdag pa niya: “There are House measures seeking for a lease-free setup of wifi connection. DICT is fully committed to support their immediate passage in the Senate.”

Nabatid na ang tinutukoy ni Paraiso ay ang House bills 900 at 8534 na inakda nina Reps. Christian Yap at Joey Salceda, ayon sa pagkakasunod, na naglalayong amyendahan ang National Building Code at ipatupad ang no-fee setup ng internet link tulad sa instalasyon ng water at electricity supply.

“One of our mandates is the upgrade and expansion of internet services in the country. For this purpose, DICT is conducting series of dialogues with telco providers to help them secure proper coordination with realty owners for the broadband connectivity,” pagbibigay-diin ni Paraiso.

Tinatayang mahigit 600 real property at building owners na ang pumayag na gamitin ng telco companies ang kanilang mga pasilidad nang libre, nagbibigay-diin sa bentahe ng pagpapaupa sa mga espasyo na may malakas na wifi connection bilang kanilang marketing teaser.

Ipinunto ni Paraiso na ang internet connection ay isa na ngayong ‘basic human right’ kaya patuloy ang DICT sa paglalagay ng Free WiFi for All sites upang bigyan ng internet access ang mga Pilipino.

Hinikayat ng isang telecommunications company (telco) ang mga kustomer na suportahan ang fair network use at labanan ang signal pollution para mapanatili ang kalidad ng network service para sa lahat.

Habang patuloy ang Globe sa pagpapalawak at pagpapahusay ng network coverage sa buong bansa, sinasabing naaapektuhan naman ng mga hindi awtorisadong signal repeater ang kalidad ng network service.

Nabatid na ang maling paggamit ng signal boosters ay nagiging sanhi ng putol-putol na tawag, malabong linya, robotic voice, at paghina o pagkawala ng signal sa mga lugar na malapit sa mga device na ito.

Sa ilalim ng Memorandum Order No. 01-02-2013 ng National Telecommunications Commission (NTC) at alinsunod sa Public Telecommunications Policy Act, ipinagbabawal ang pagbebenta, pagbili, pag-import, pagmamay-ari o paggamit ng portable cellular mobile repeaters at cell site equipment.

Nakasaad sa 2013 memo na tanging ang mga lisensyadong mobile network operators at mga ahensya ng gobyerno na may tungkuling may kinalaman sa national defense at security ang pinapayagang bumili, mag-import, mag-may-ari, at gumamit ng signal boosters.

Kung may problema sa pagtawag o pagpapadala ng SMS, maaaring gamitin ang Voice Over WiFi (VOWiFi) sa halip na bumili ng signal boosters.

Napag-alaman na ang VOWiFi ay isang teknolohiya kung saan maaaring gamitin ang WiFi connection sa pagtawag kung saan walang karagdagang bayad sa paggamit nito.

Ayon sa Globe, para magamit ang VoWiFi, kailangan ng WiFi connection at isang device na may WiFi Calling capability.

Maaaring pumunta sa connectivity settings ng mobile phone, i-activate ang “WiFi Calling” habang maaari ring tingnan kung ang gamit na device ay may ganitong feature sa pamamagitan ng listahang ito.

Samantala, para naman sa karagdagang impormasyon tungkol sa Globe, mangyaring bisitahin ang globe.com.ph.

Nanatiling matatag ang performance rating ni Pangulong Ferdinand Marcos Jr.

Sa pinakahuling nationwide survey na isinagawa ng Publicus Asia para sa second quarter ng 2024, lumabas na napanatili ni Pangulong Marcos ang kanyang performance rating sa 51%.

Maging ang kanyang approval rating sa 44% at trust rating sa 33% ay nananatiling matatag.

Samantala, kapansin-pansin na malaki ang ibinaba ng approval rating ni Vice President Sara Duterte, mula 53% sa first quarter na ngayon ay 46% na lamang para sa second quarter.

Makikitang bumaba rin ang trust rating ng bise presidente ng limang puntos, kung saan nakakuha siya ngayon ng 41% na dati ay 46%.

Sa kabilang banda, nauna nang nilinaw ni Pangulong Marcos na hindi siya gumagawa ng mga patakaran batay sa resulta ng survey.

Sa halip, nagsisimula nang maramdaman ng mga Pilipino ang aktwal na epekto ng mga istruktural na pagbabago sa ilalim ng kanyang administrasyon.

IGINIIT ng Trabaho Partylist na importante rin na mabigyan ang mga empleyado ng mga karagdagang non-wage benefits para mapagbuti nila ang kanilang pamumuhay.

“Hindi lang dapat nakatali sa income ang disenteng pamumuhay kundi maging sa pagkakaroon ng benefits partikular sa health,” pahayag ni Atty. Filemon Ray Javier, tagapagsalita ng grupo, matapos matanong sa isang panayam tungkol sa mga solusyong makakatulong sa mga manggagawa at empleyado sa tuwing hindi naaapruhaban ang mga nakaambang na wage hike.

Aniya, hindi dapat nakadepende lamang sa wage increase para matugunan ang mga pang-araw-araw na pangangailangan ng mga pamilyang Pilipino.

Ipinunto niya na sa mga long-term na solusyon, kinakailangang palakasin ang ekonomiya, paramihin ang mga investors, magbigay ng mga training para sa skilled workers, at pagkakaaroon ng representasyon kagaya ng Trabaho Partylist sa kongreso upang maisabatas ang marami pang importanteng benepisyo para sa mga maggagawang Pilipino.

INIHIRIT ng isang consumer group sa pamahalaan na maglaan ng karagdagang budget para sa internet infrastructure sa bansa.

Giit ng Bantay Konsyumer, Kalsada, Kuryente (BK3), ang mga Pilipino ay nabubuhay ngayon sa digital age kung saan maraming operasyon ang isinasagawa online.

Sabi ng grupo, na sumusuporta rin sa pagpasa ng batas na nagsusulong sa ‘zero lease’ para sa digital connectivity, ang internet connection ay isa na ngayong karapatang pantao, at ang investments sa broadband infrastructure ay dapat maging prayoridad dahil ang access sa cyber space ay hindi dapat limitado.

“Hindi na dapat luho ang pag-access sa internet… ang dulot ng connectivity ng internet sa mga transaksyon sa pagitan ng mga konsyumer at mga negosyante, sa pagkalap ng impormasyon at pakikipag-ugnayan hanggang ordinaryong mamamayan, at sa pangkalahatang pagpapadala at pagpapasimple ng marami sa ating ordinaryong gawain,” diin ng BK3.

“Kailangang matugunan ang isyu ng kakulangan sa access sa internet sa lalong madaling panahon,” dagdag pa ng grupo.

Batay sa datos ng pamahalaan, lumabas na milya-milya pa ang layo ng Pilipinas sa mga kalapit na bansa pagdating sa broadband connectivity dahil sa kawalan ng imprastruktura para sa internet connection.

Ayon naman sa 2021 data mula sa National Telecommunications Commission (NTC), natuklasan na may mahigit 22,000 cell sites sa bansa, wala pang one-third ng 90,000 ng Vietnam, at pinagsasaluhan pa ang mga ito ng tatlong telcos.

Matatandaang iminungkahi ng Private Sector Advisory Council (PSAC) ang 35,000 karagdagang cell sites.

Pahayag naman ng Asian Development Bank (ADB), ang Pilipinas ang may pinakamababang coverage rates ng telecom towers sa Southeast Asian region at mangangailangan ng karagdagang 60,000 towers sa 2031 sa remote areas.

Isinusulong naman ng ilang mambabatas at stakeholders sa telecommunications industry ang pagrebisa sa National Building Code of 1977 kung saan layon nitong alisin ang lease fee para sa telecommunications infrastructure upang matulungan ang telcos na mas mabilis na magkaroon ng access sa cell sites at matugunan ang problema sa internet connectivity ng mga Pilipino.

Napag-alaman na ang House Bill Nos. 8534 at 900, na may magkaparehong layunin, ang dalawang panukala na inihain sa House of Representatives na naglalayong bigyan ang property developers ng tiyak na mga tuntunin at depinisyon sa kung gaano kalaking espasyo ang dapat nilang ilaan upang magkaloob ng kinakailangang telecommunication services.

HARAP-HARAPANG niyanig ng entry name na Ka Rex August 20 6-Stag 1M Guaranteed sa Antipolo ang ruweda ng Angono Sports Cockpit Arena makaraang sungkitin ang kampeonato sa 3-Cock Invitational Derby nitong Martes.

Pawang malulutong na palo ng mga warriors ni Sabong Rising Star Ka Rex Cayanong ang pinakawalan laban sa tatlong bigating katunggali upang umiskor ng perfect three points sa event na may 80 entries.

Sinasabing miyembro ng National Cockers Association ang karamihan sa kahahok at mga sumasali sa World Pitmaster Cup (WPC).

Nabatid na hindi pinaporma ng pambatong manok ng veteran broadcast journalist ang Talisain ng Pillila Cockpit Town Fiesta 4 cock/4 Stag Combo Derby July 19, entry ni Kap Ato Juan sa unang laban.

Maliban dito, inilampaso rin ng pandiinan ni Cayanong ang Golden Boy Sweater na ipinantapat sa kanila ng July 13 Happy Bday 3 Hits 2 Hits Ulutan na pag-aari naman ni Gerald Cerda ang Super star ng Binangonan.

Hanggang sa huling fight ni Cayanong ay shinapol ang BMY-1 na pag-aari ni VM Boyet Ynares.

Kabilang sa Team Ka Rex sina Butch Gamboa na siyang handler at gaffer, mga farm boys na sina Anigar Omandam, Gerald Bangalo at Ronald Tapar, habang ang Pit Manager ay si Boss Joseph Labrador.

Samantala, lahat naman ng mga sabungero ay imbitado sa Super Fastest Kill sa June 11 (Martes) na gaganapin din sa Angono Sports Cockpit Arena.

Dito’y unaasahang marami na naman ang sasali dahil magaganda at quality fights ang bakbakan sa ruweda at tiyak na sulit ang pagta-trabisya ng mga sabungero.

Isang telecommunications operations expert ang nagsabi na dapat itrato ang mga serbisyo ng telco katulad ng water at power utilities dahil ang internet connection sa digital age ay “naging isa nang karapatang pantao.”

Sabi ni Atty. Froilan Castelo, presidente ng Philippine Chamber of Telecommunication Operators at General Counsel ng Globe Group, mahalaga na bigyan ng pagpapahalaga ang internet connections sa pamamagitan ng pag-aalis ng lease fees para sa telcos sa mga pasilidad na ginagamit nila. Ito ay para mapabuti ang serbisyo sa publiko at mapalawak ang kanilang imprastruktura.

Iginiit ni Castelo ang mga panawagan ng ilang mambabatas at stakeholders na nais rebisahin ang National Building Code of 1977 upang alisin ang lease fees para sa telecommunication infrastructure. Layunin nito na matulungan ang telcos na mas mabilis na maka-access sa cell sites.

Ang House Bill Nos. 8534 at 900, na parehong inihain sa House of Representatives, ay naglalayong bigyan ang property developers ng mga tuntunin kung gaano kalaking espasyo ang dapat ilaan para sa telecommunication services.

Sinabi pa ni Castelo na ang telcos sa buong mundo ay nagsisimula nang makakuha ng suporta upang maalis ang regulatory roadblocks para sa kanilang imprastruktura. Dapat din ganito sa Pilipinas upang magamit ang upa para sa pagpapalawak ng kapasidad at coverage.

“Telcos around the world are experiencing revenue downtrends, and the Philippine telcos are no exception with low single-digit growths. However, capex and opex continue to rise on this capital-intensive industry and data-hungry customer base, further putting pressure on growth prospects in the coming years. This will create tension and delays in the infra builds that will affect service to the public,” sabi ni Castelo sa website ng Insider PH.

Ayon sa 2021 data mula sa National Telecommunications Commission (NTC), may mahigit 22,000 cell sites sa bansa, mas mababa sa one-third ng Vietnam na may 90,000, at pinagsasalu-saluhan ito ng tatlong telcos. Iminungkahi ng Private Sector Advisory Council (PSAC) ang karagdagang 35,000 cell sites.

Ayon sa Asian Development Bank (ADB), ang Pilipinas ang may pinakamababang coverage rates ng telecom towers sa Southeast Asia at mangangailangan ng karagdagang 60,000 towers sa 2031 sa remote areas.

Sinabi pa ni Castelo na ang pag-aalis ng lease fees para sa telcos ay maaaring maging win-win para sa parehong partido dahil ang telcos ay mag-iinvest pa rin sa digital services tulad ng digital parking systems at digital security para sa mga commercial establishments at condominiums.

“Thus, developers will not be left empty-handed with the provisions of digital services in store for them. Telcos believe that this will just be a glide-path though, as eventually, both telcos and developers will have to agree to a pure zero-rated hospitality in the latter’s establishments,” dagdag pa niya.

Sinabi pa ni Castelo na sa huli ay idudulog ito ng telcos kay Presidente Ferdinand Marcos, Jr. na inaasahang magbibigay ng suporta dahil sa kanyang “digital mindset.”

NAGPAHAYAG ng solidong suporta ang isang think tank sa pagrebisa sa Intellectual Property Code upang makatulong sa pagsugpo sa piracy bunsod ng mga negatibong epekto ng patuloy na paglaganap nito sa ekonomiya at creative industry.

Sa isang statement na naka-post sa Facebook, sinabi ng Stratbase ADR Institute na ang 27-year-old law ay nangangailangan ng pagrepaso dahil ang patuloy na piracy sa creative content ay nagdulot ng ‘malaking demoralization’ sa local creatives na nagbigay-daan sa paglaganap ng scammers at fraudsters.

“Online piracy disrupts the marketplace of creative works because it allows – and incentives – the use of illegal means to benefit from the work of others. It causes great demoralization, on top of financial loss, to those who invest not only their resources but also their hard work and passion in what they do,” sabi ng Stratbase.

Pahayag ng Philippine Statistics Authority (PSA), kinukuha ng piracy ang 7.1 percent ng gross domestic product ng bansa. Nagreresulta ito sa pagkawala ng kita para sa bansa at ng kabuhayan, at nagbabanta rin ito na magdala ng malware sa mga device na gumagamit ng pirated content, na maaaring maging gateway para sa scams.

Sa kasalukuyan, walang legislative mandate sa Pilipinas upang harangin ang mga site na may pirated content.

Nagtutulungan lamang ang Intellectual Property Office of the Philippines (IPOPHL), ang National Telecommunications Commission (NTC), at ang internet service providers upang magkaroon ng stop gap measures para harangin ang mga site na may pirated content.

Noong 2022, nasa $700 million ang nawala sa bansa sanhi ng piracy ng TV shows at movies na gawa ng mga Pinoy kung saan ang bansa ay pinangalanan bilang isa sa top consumers ng pirated content sa Asia, ayon sa YouGov 2022 Piracy Landscape Survey.

Sa pagtaya ni IPOPHL Director General Rowel Barba, ang Pilipinas ay mawawalan ng $1 billion na kita sa 2027 kapag nagpatuloy ang problema sa online piracy.

Iginiit pa ng IPOPHL official na ang pagrebisa sa 27-year-old IP code at ang pagmamandato sa mga awtoridad na i-disable ang access sa online sites na lumalabag sa copyright ay isang makabuluhang hakbang at sinabing isinusulong nila ang pag-amyenda sa batas at nakahanda silang ipatupad ito sa sandaling ipasa.

Binanggit naman ng Stratbase na ang pagrebisa sa batas ay makatutulong na mabigyan ng kapangyarihan ang mga kinauukulang ahensya ng pamahalaan na tugisin ang mga kahina-hinalang sites at ipasara ang mga ito.

“Online criminals and intellectual property thieves have gotten away with many things in the past. These people unjustly enrich themselves by profiting from the work and resources and that rightfully belong to others. They must be stopped now,” giit pa ng think tank.

Nabatid na ang pagrebisa sa IP Code upang labanan ang piracy ay nakakuha rin ng suporta sa Senado makaraang pamunuan ni Senate Committee on Trade, Commerce, and Entrepreneurship chairman Senator Mark Villar ang public hearing sa pag-amyenda sa Intellectual Property Code, partikular sa pagkakaloob sa IPOPHL ng karagdagang kapangyarihan kamakailan.

“The Philippine digital economy is valued at 17 billion dollars in 2021 and is projected to expand to 40 billion dollars by 2025. This manifests the changing economic landscape leaning towards digital products and services. We need to ensure that our laws remain on par with the dynamic changes of the digital ecosystem,” dagdag ni Villar.

Idinagdag pa ni Villar na ang pag-apruba sa Senate Bill Nos. (SBN) 2150 at 2385 ang magreresolba sa mga isyu sa online piracy sa sandaling maisabatas ito.