NATIONAL NEWS

Isa sa mga pinaka-kilalang gulay ng mga Pilipino ay ang talong, ngunit alam ba ninyo ang mga sustansyang taglay nito?

Mayaman ang talong sa fiber na nakatutulong sa pagpapanatili ng regular na pagdumi at pangontra sa constipation.

Mabisa rin itong pampababa ng highblood pressure dahil sa taglay nitong potassium at magnesium na nakapagpapa-relax sa mga blood vessel.

Nakakapagpababa rin ng cholesterol ang talong dahil sa nasunin antioxidant na taglay nito na nakatutulong para maiwasan ang heart attack o stroke.

Madalas na pansahog ang talong sa mga putaheng pinakbet, kare-kare, at sinigang. –  Sa panulat ni John Riz Calata

Pinapayagan ng Impeachment Court ang posibilidad na mag-abogado sa sarili si Vice President Sara Duterte.

Ito mismo ang kinumpirma ni Senate President Chiz Escudero sa oras na umpisahan na ang trial o paglilitis sa impeachment laban sa pangalawang pangulo.

Ayon sa Senate President, maging ama nitong si dating Pangulong Rodrigo Duterte ay maaaring maging abugado, gayundin ang kanyang asawa dahil isa rin itong lawyer.

Ipinaliwanag ni Senador Escudero, na walang legal constraints o batas ang nasasabing bawal ito.

Hinikayat naman ni Senate President Escudero ang mga Senador at Kongresista na pag-aralan ang mga kaso at paghandaan ang impeachment trial.

Walang katotohanan na makatatanggap ng ayuda o pondo ang mga kongresistang lumagda sa inihaing ika-apat na impeachment complaint laban kay Vice President Sara Duterte sa Kamara.

Ito ang binigyang diin nina house assistant majority leader at Lanao Del Sur 1st District Rep. Zia Alonto Adiong, kasabay ng pagsasabi na fake news at isang diversionary tactic ang nasabing isyu upang sirain ang integridad ng mababang kapulungan ng kongreso at mga merito ng ipinasang reklamo.

Dagdag naman ni 1-Rider Partylist Rep. Rodge Gutierrez, ang bawat isang pumirma sa impeachment ay naghayag ng intensyon na sumuporta nang buong katotohanan at katapatan at hindi dahil sa pangakong ayuda.

Kaugnay nito, sinabi ng mga mambabatas na  inaasahan na nila ang mga disinformation at fake news na ibabato sa kamara kasunod ng pag-apruba sa impeachment laban kay VP Sara.

Nanindigan naman si house deputy majority leader at Iloilo Rep. Lorenz Defensor na hindi pinagsisisihan ng mahigit dalawandaang Kongresista ang pag-endorso sa impeachment complaint dahil malakas ang ebidensya at ang bawat House Member maging ang mga partido ay dumaan sa konsultasyon bago makabuo ng desisyon.

Dahil dito, nanawagan sa publiko ang mga Mambabatas na huwag magpadala sa mga maling balita sa halip ay pagtuunan ng pansin ang mga ground o articles of impeachment na nai-transmit sa Senado. –  Sa panulat ni John Riz Calata

Nilinaw ni Senate President Francis Escudero na hindi mamadaliin at hindi rin i-a-antala ng Senado ang impeachment trial ni Vice President Sara Duterte.

Ayon  kay Senate  President  Escudero,  hindi sila magpapa-pressure  sa mga nanawagan na  bilisan  ang  impeachment trial.

Gayunman, binigyang-diin ng Senate President na idadaan nila sa makatwiran at maayos na proseso ang impeachment trial kung saan  iaayon anila ito konstitusyon at sa umiiral na  impeachment rules.

Hindi rin aniya nila papansinin ang mga kumentaryo at batikos ng mga pabor o kontra sa impeachment ng Bise Presidente para sa katungkulan nilang magdaos ng kapani-paniwalang paglilitis.

Iginiit pa ni Escudero na bilang Impeachment Judge, sila ay magiging neutral at wala silang kikilangan o papaboran.

Naniniwala ang isang Political Analyst na posibleng bahagi ng ‘narrative shift’ ng administrasyon ni Pangulong Ferdinand Marcos Jr., ang impeachment laban kay Vice President Sara Duterte upang ilihis ang political narrative mula sa sarili nitong mga isyu.

Ayon sa Political Analyst na si Ronald Llamas, ang mga kamakailang pangyayari sa politika ay mga strategy upang baguhin ang pananaw ng publiko.

Kaugnay nito, iminungkahi ni Llamas na dapat magkaroon ng special session ang Senado sa kabila ng recess upang matugunan ang impeachment trial. –  Sa panulat ni Jeraline Doinog

Iginiit ni Political Analyst Professor Froilan Calilung na minadali ng mga mambabatas ang mga dokumento o proseso para sa pagpapatalsik kay Vice President Sara Duterte.

Sa panayam ng DWIZ, sinabi ni Professor Calilung, na dapat maging maingat ang mga mambabatas sa proseso sa impeachment complaint laban kay VP Sara lalo na’t ito ang kauna-unang bise na in-impeach ng Kamara.

Nakikita rin ni Prof. Calilung na may paglabag sa konstitusyon ang ginawa ng mga mambabatas.

Naniniwala si Davao City 1st District Represenattive Paolo Duterte na despirado at politacally motivated ang pagmamadali sa impeachment laban kay Vice President Sara Duterte.

Ayon kay Cong. Duterte, political persecution aniya ang pagmamaniobra ng ilang mambabatas para makakalap ng pirma at mapabilis ang walang basehang impeachment case.

Dagdag pa ng Kongresista, dapat maging patas ang paglilitis at pagdedesisyon sa impeachment laban kay VP Sara.  –  Sa panulat ni Jeraline Doinog

Iginiit ni Senator Ronald Dela Rosa na magiging neutral siya kapag nagsimula na ang pagdinig sa senado kaugnay sa impeachment case ni Vice President Sara Duterte.

Ayon kay Sen. Dela rosa, sakaling hindi sila manalo ni sen. Bong go sa papalapit na eleksyon wala nang haharang sa impeachment laban kay VP Sara.

Matatandaang ilang beses nang naninindigan ang Senador na loyal ito sa mga Duterte.

Samantala, sa June 2025 naman inaasahang mag uumpisa ang pagtalakay sa senado sa impeachment case, kung saan labing anim na boto ang kailangan upang tuluyang mapatalsik ang Pangalawang Pangulo.  –  Sa panulat ni Jeraline Doinog

Tumataas ang kaso ng hand, foot and mouth disease sa bansa.

Ito ayon sa Department of Health, matapos umabot ng 1, 517 ang kabuuang kaso ng nasabing sakit.

Binigyan-diin ng ahensya na mas mataas ng 23% ang nasabing bilang kumpara sa parehong panahon nuong nakaraang taon.

Mayroon anilang apatnapunapu’t limang lalawigan at mga lungsod sa labintatlong rehiyon ang nakapagtala ng pagtaas ng kaso ng HFMD.

Dahil dito, ipinag-utos na ng DOH sa lahat ng kanilang tanggapan na mahigpit na bantayan ang mga kaso ng nasabing sakit at pigilan ang pagkalat nito. - sa panulat ni Kat Gonzales

Isinusulong ng Department of Migrant Workers ang pagkakaroon ng joint monitoring system para sa mga overseas Filipino worker.

Ayon kay Migrant Worker Undersecretary Yvonne Caunan, nakapokus ang kagawaran sa paglikha ng isang monitoring framework titingin sa mga Pilipinong magtatrabaho sa ibang bansa partikular na sa Kingdom of Saudi Arabia.

Katuwang aniya ng pamahalaan ang KSA sa nasabing proyekto na layuning mas paigtingin at palakasin ang  pagbabantay at pagpoprotekta sa mga OFW sa nasabing bansa.

Kaugnay nito, inaasahang sa susunod na linggo magaganap ang mga pagpupulong ng dalawang panig upang ilatag at isapinal ang plano sa nasabing program. - sa panulat ni Kat Gonzales