NATIONAL NEWS

Nakakadurog ng puso na may isa na namang school shooting sa ating bansa. Nakikiisa at nakikiramay ako sa lahat ng kababayan natin sa South Cotabato. Bukas po ang aming opisina sa anumang tulong na kailangan ninyo.

This cannot be our new normal. Kailangan nating tugunan ang lahat ng aspeto na nagreresulta sa kapahamakan ng mga bata– mental health, parental supervision, gun access, school security, nihilistic violent extremism (NVE), and the role of online platforms in fueling radicalization and violence among the youth.

Panimulang hakbang na ang Sagip Bata Act na aming trinatrabaho sa Senado, na magpapalakas sa mga law enforcers sa pagsugpo sa NVE. But one measure will never be enough. Government needs to do a real accounting of how we are failing our children.

No child should have to fear going to school. Pangalawang tahanan ng bata ang eskwelahan kaya dapat itong maging espasyo hindi lamang ng karunungan, kundi ng kapayapaan.

Pinatalsik sa serbisyo ng Office of the Ombudsman si Duero, Bohol Mayor Al C. Taculad matapos siyang mapatunayang nagkasala ng Grave Misconduct dahil sa pagpapanatili ng pinansyal o pecuniary interest sa sarili niyang construction company habang nagsisilbi bilang alkalde at nagsasagawa ng mga government infrastructure project sa kanyang munisipalidad.

Sa isang desisyong inaprubahan ni Ombudsman Jesus Crispin Remulla, ipinataw kay Taculad ang parusang dismissal from service, kasama ang mga accessory penalty na pagkawala ng retirement benefits, permanenteng diskwalipikasyon sa paghawak ng pampublikong posisyon, pagkansela ng eligibility, at pagbabawal na kumuha ng civil service examinations.

Nag-ugat ang administrative case sa dalawang proyekto ng Department of Public Works and Highways (DPWH) na isinagawa sa Duero noong 2023: ang Guinsularan River Control project sa Barangay Lobogon at ang Rain Water Collector System sa Barangay San Pedro.

Ang dalawang proyekto, na may pinagsamang halaga na humigit-kumulang ₱79.33 milyon, ay iginawad sa Altaces Construction ni Taculad, alinman bilang sole contractor o bilang bahagi ng isang joint venture.

Napag-alaman ng Ombudsman na nanatiling may-ari si Taculad ng Altaces Construction habang siya ay nakaupo bilang municipal mayor.

Lumilitaw rin ang pangalan at pirma ni Taculad sa mga dokumentong may kaugnayan sa construction company.

Batay sa mga rekord na binanggit sa Decision, nakatanggap ang Altaces Construction ng kabuuang ₱76,216,379.77 sa pamamagitan ng Authority to Debit Account transactions at mga tseke. Nakalagay ang pangalan ni Taculad bilang payee at ang mga tseke ay idineposito sa account ng kumpanya.

“All documents reflected identical signatures of Taculad in the questioned projects. Billings and payment were also made to the account of Taculad,”

ayon sa ruling.

Tinanggihan ng Ombudsman ang depensa ni Taculad na pineke ang kanyang mga pirma sa mga bidding document. Ayon sa Ombudsman, may mga rekord na nagpapakitang ang mga bayad para sa mga proyekto ay natanggap sa pamamagitan ng kanyang construction company.

“Respondent’s defense that his signature on the bidding documents was forged is not persuasive,”

pahayag sa ruling.

Binigyang-diin ng Ombudsman na nagkaroon si Taculad ng direkta o hindi direktang financial o pecuniary interest sa mga transaksyong may kinalaman sa munisipal

Tatapusin na ng Department of Justice o DOJ ngayong taon ang pag-review sa hiling na extradition ng United States kay Pastor Apollo Quiboloy.

Ito ang sinabi ni House Appropriations Committee Vice Chairperson Keith Micah Tan sa budget deliberations, bilang tugon sa interpellation ni Akbayan Party-list Rep. Perci Cendaña.

Ayon kay Tan, patuloy na sinusuri ng DOJ ang mga dokumentong isinumite ng U.S. government kaugnay ng extradition request, batay sa umiiral na extradition treaty ng Pilipinas at Amerika.

Aniya, malaking bahagi ng proseso ang pag-review sa napakaraming dokumentong isinumite ng panig ng U.S.

Samantala, kaugnay naman ng umano’y pagkakabasura ng asylum application ni dating presidential spokesman Harry Roque, sinabi ng DOJ na kung makukumpirma ang ulat, wala nang legal na hadlang para ma-deport siya ng Austria. | Sa panulat ni Geli Mendez

Nilinaw ni Department of Energy (DOE) Director Rino Abad na malaking salik sa presyo ng produktong petrolyo ang paggalaw ng international oil market.

Ito’y kasunod ng malakihang pagsirit ng petroleum products sa bansa kasunod ng pangamba sa posibleng matagalang epekto sa supply sa gitna ng tensyon sa Middle East.

Ayon kay Dir. Abad, bilang hakbang, nakikipag-usap na rin ang DOE sa mga oil company para sa pag-stagger ng price increase, upang hindi sabay-sabay na pasanin ng mga consumer ang malaking dagdag-presyo.

Sa kabila nito, ipinaliwanag ni Abad na sa ilalim ng Oil Deregulation Law, walang anumang tiyak na formula na itinakda para sa pag-compute ng presyo ng langis.

Giit ng DOE director, kapag normal ang sitwasyon, nakabatay sa deregulated market ang presyo ng langis at hindi ito direktang kinokontrol ng gobyerno. | Sa panulat ni Reabelle Medina

Isinusulong ni Parañaque 2nd District Rep. Brian Yamsuan ang paglikha ng isang unified electronic medical records o EMR system para mapababa ang gastos sa kalusugan at mapabuti ang serbisyo sa mga pasyente.

Sa ilalim ng panukala, pag-iisahin sa isang ligtas na digital platform ang medical records ng mga pasyente sa mga ospital at health facility ng DOH, mga LGU, at iba pang government health institutions.

Ayon kay Yamsuan, makatutulong ito upang maging mas tipid at episyente ang paggamit ng pondo sa operasyon ng mga ospital ng gobyerno, maiwasan ang pag-uulit ng laboratory tests dahil sa kakulangan ng koordinasyon, at mabawasan ang gastos sa healthcare.

Magsisilbi rin itong paraan para mas madali ang paglipat ng mga pasyente mula sa LGU health facilities patungo sa DOH hospitals at pabalik, kung kinakailangan.

Paliwanag ng kongresista, sa ilalim ng panukala, DOH, DICT at PhilHealth ang mangunguna sa pagtatatag ng sistema.

Nabatid na binawasan ng DBM ang panukalang P837 bilyong budget ng DOH na ngayon ay nasa P352.8 bilyon na lamang para sa 2027 National Budget.

Target naman ng Kamara na mag-realign o maglipat ng ilang item sa panukalang 2027 National Budget upang madagdagan ang pondo ng kagawaran. | Sa panulat ni Geli Mendez

Itinutulak ni Albay 3rd District Rep. Adrian Salceda ang agarang pagpasa ng House Bill No. 10927 o ang Philippine Healthy Food Retail Act na makatutulong sa bawat Pilipino.

Layunin nitong gawing mas abot-kaya, madaling matukoy at madaling mabili ang mga masusustansyang pagkain sa mga supermarket, lugar na malapit sa mga paaralan, online platforms at mga tindahan sa komunidad.

Ayon kay Salceda, ito ang tutugon sa problema sa malnutrisyon at patuloy na pagdami ng sakit na dulot ng hindi tamang pagkain, gaya ng diabetes, sakit sa puso at cancer.

Sa ilalim ng panukala, maglalaan ang mga food retailers ng espasyo para sa masusustansyang pagkain at sariwang produkto.

Ipagbabawal ang paglalagay ng mga pagkaing mataas sa taba, asin at asukal.

Para naman sa mga maliliit na negosyo gaya ng sari-sari stores, vendors at karinderya, hindi kaparehong mandatory requirements ang ipatutupad. Sa halip, bibigyan sila ng tulong pinansyal, technical assistance, cold storage, refrigerator facilities at direktang koneksyon sa mga magsasaka at kooperatiba.

Lilimitahan naman sa 100 metro mula sa mga paaralan ang mga display at promotion sa mga junk food at iba pang unhealthy foods.

Iginiit ni Salceda na sa halip na lumikha ng ahensya, palalawakin ng panukala ang tungkuling umiiral sa National Nutrition Council para mangasiwa sa pagpapatupad ng batas. | Sa panulat ni Geli Mendez

Tiwala ang gobyerno ng Pilipinas sa “impartiality at independence” ng French government sa paghawak ng mga asylum request, kabilang ang sinasabing hiling ni dating Cong. Zaldy Co.

Ito ang sinabi ng Department of Foreign Affairs (DFA) sa budget deliberations sa Kamara, hinggil sa estado ni Co na sinasabing nasa France sa gitna ng kinakaharap na kaso nito kaugnay sa flood control scandal.

Kinumusta kasi ni Akbayan Party-list Rep. Perci Cendaña ang DFA hinggil sa extradition o pagpapauwi kay Co sa Pilipinas.

Ayon kay House Appropriations Vice Chairperson Sancho Oaminal Jr., ang budget sponsor ng DFA, sa ilalim ng French law, “strictly confidential” ang mga impormasyon tungkol sa asylum application at hindi ito maaaring ibahagi sa third parties.

Sa kabila nito, kumpiyansa ang Pilipinas sa French system sa pagpapasya sa mga asylum claim habang kinikilala ng bansa ang “sovereign authority” sa pagpapasya sa mga asylum request.

Iginiit naman ni Cendaña na mahalaga ang papel ng DFA sa pagtiyak ng accountability at pagpapauwi sa mga indibidwal na nagtatago sa ibang bansa at may kinakaharap na kaso sa Pilipinas. | Sa panulat ni Geli Mendez

Nanindigan si House Trial Spokesperson Zia Alonto Adiong na hindi dapat si Vice President Sara Duterte ang nangunguna sa panawagan kay Pangulong Ferdinand Marcos Jr. na magbitiw sa puwesto.

Sa press conference, sinagot ni Adiong ang pahayag ni Atty. Paolo Panelo, tagapagsalita ni Duterte, na walang conflict of interest sa panawagan ng bise presidente kay Pangulong Marcos.

Ayon kay Adiong, si VP Sara ang dapat na huling tao na manawagan sa pagbibitiw ng pangulo dahil siya ang constitutional successor.

Iginiit ni Adiong na malinaw na political stand ang pahayag ni VP Sara, lalo’t kinumpirma na niya ang kanyang planong tumakbo sa pagka-presidente sa 2028.

Naniniwala ang kongresista na si VP Sara ang makikinabang kung mabakante ang posisyon ng pangulo.

Dagdag pa ni Adiong, ayaw umano ng kampo ng bise presidente na pinupulitika ang mga isyu, pero sila rin ang unang namumulitika nito. | Sa panulat ni Geli Mendez

Pormal nang naisumite ni House Prosecutor Terry Ridon ang kanilang verified answer sa show cause order na ipinataw ng Senate Impeachment Court dahil sa posibleng paglabag sa Rule 18 o sub-judice rule.

Ayon kay Ridon, kanilang ipinaliwanag sa isinumiteng pleading ang kanilang posisyon sa natanggap na show cause order.

Aniya, nirerespeto nila ang kapangyarihan ng Impeachment Court at susundin ang guidelines na ipinapatupad sa impeachment trial.

Tiniyak ni Ridon na kanilang susundin ang Rule 18 at mga pamantayang itinakda ng Korte sa kanilang mga susunod na pahayag sa publiko.

Ipinaubaya na rin ni Ridon sa Senate Impeachment Court ang pagdedesisyon sa usapin at hinihintay nila ang resolusyon nito. | Sa panulat ni Geli Mendez

Posibleng magdulot ng pagbilis sa inflation rate sa 2027 ang excise tax na planong ipataw sa mga sweetened beverages, alcohol, at tobacco products.

Batay sa pag-aaral ng Chinabank Research, maaaring itulak ng mga panukalang pagtaas ng buwis ng Department of Finance ang inflation sa 4.2 porsyento batay lamang sa unang yugto ng epekto nito, at maaaring umabot sa 4.5 porsyento kapag isinama ang posibleng ikalawang yugto.

Kung mangyayari ito, lalampas sa 3 porsyentong target ng Bangko Sentral ng Pilipinas ang inflation rate ng bansa, maging sa 2 hanggang 4 na porsyentong tolerance band nito.

Gayunman, mas mababa pa rin ito sa 5.4 porsyentong projection ng BSP para sa susunod na taon. | Sa panulat ni Reianne Antiquina