NATIONAL NEWS

Posibleng umabot pa hanggang Hunyo 30 bago maresolba ng Commission on Elections ang mga petisyon kaugnay sa diskwalipikasyon ng mga kandidato sa 2025 midterm elections.

Ito ayon kay COMELEC Chairman George Erwin Garcia ay matapos maghain ng disqualification case ng taskforce baklas sa limampung kandidato na lumabag sa tamang sukat ng mga campaign poster at material.

Nilinaw ni Chairman Garcia na ang paghahain ng disqualification case ay hindi nangangahulugang diskwalipikado na ang isang kandidato.

Samantala, inaasahan ng poll body na darami pa ang disqualification petitions mula sa publiko sa araw ng halalan.

Nabatid na kahapon, Mayo 10 nang isagawa ng COMELEC ang “Oplan Baklas, o  ang pagtanggal sa mga campaign posters ng mga kandidato sa huling araw ng campaign period.—sa panulat ni John Riz Calata

Kumpiyansa ang Commission on Elections na maisasagawa nang maayos at mapayapa ang 2025 midterm elections.

Ayon kay COMELEC Chairman George Erwin Garcia, malaki ang kanyang tiwala sa mga botante kaya magiging tahimik ang halalan.

Mabilis din aniyang matatapos ang botohan dahil nai-set-up ang sistema para mapabilis ang proseso at masigurong mabilis ang pagproklama sa mga mananalong politiko.

Umapela naman si Chairman Garcia sa publiko na paniwalaan ang proseso ng eleksyon at huwag basta-basta magpaniwala sa fake news.—sa panulat ni John Riz Calata

Malaki ang tiwala ng Catholic Bishops’ Conference of the Philippines na matutugunan ni Pope Leo XIV ang mga kontrobersyang kinahaharap ng Simbahang Katolika.

Naniniwala rin si Jose Cardinal Advincula na susunod ang bagong santo papa sa mga yapak ni Pope Leo XIV na kilala dahil sa mga katuruan nito, partikular na sa socio-political issues.

Bagamat isang Pastor at Spiritual Leader aniya si Pope Leo XIV sa Peru, hindi malilimitahan sa spiritual life ang panunungkulan nito.

Ilan sa mga kinahaharap na isyu ng Simbahang Katolika ang mga kaso ng sexual abuse ng mga pari, paksyon ng mga konserbatibo at progresibo, at kakulangan ng budget.—sa panulat ni John Riz Calata

Dalawa ang patay habang labing-dalawa ang sugatan sa naganap na stampede sa ilang poll watcher orientation seminars sa zamboanga City.

Ayon sa Commission on Elections, tatlo sa labindalawang venue ng orientation ang nagkaroon ng kaguluhan na humantong sa stampede dahil sa sinasabing pamumudmod ng pera at sample ballots.

Kaugnay nito, hindi pa inilabas ang pagkakakilanlan ng mga nasawi habang isinasagwa pa ang imbestigasyon.

Ikinaalarma naman ng mga opisyal ng COMELEC at Philippine National Police ang nasabing insidente at ginagawa na ang karampatang aksyon kaugnay sa naganap na insidente.—sa panulat ni John Riz Calata

Pinagpapaliwanag ng Commission on Elections Task Force SAFE ang kandidatong sina Mayor Rammy Parayno at Vice mayor Jimmy Parayno ng Urdaneta, Pangasinan dahil sa “kissing auction” sa kampanya.

Ito’y matapos makarating sa Comelec ang isyu kung saan sa video ay sinabing bibigyan ng ilang libong pisong premyo ang
matandang babae kapalit ng paghahalik kay Vice Mayor Parayno.

Ayon sa Comelec ang ginawang ito ng mga Parayno ay paglabag sa Comelec resolution 11116 o Anti Descrimination and Fair Campaigning guidelines kaugnay ng nalalapit na halalan sa bansa.

Una nang kinondena ng wonens group na Gabriela ang indisidente na anilay paglabag sa kaarapatan ng mga kababaihan nang isalang sa auction ang matandang ginang para makahalik kay Parayno kapalit ng libo libong piso.

Sa campaign rally ng mga Parayno, tinawag ang isang matandang babae sa stage at sinimulan ang bidding war.

Sinimulan ang premyo ng 1,000 pesos hanggang sa umabot ng P5,000 ang premyo.

Itinuturing ito ng organizer ng campaign rally na charity.

Anya nakakabahala ang insidente dahil maihahalintulad ito sa single mom joke ng isang kandidato sa pagka-kongresista sa Pasig City na maaring sumiping sa kanya ang mga single mom na nire-regla pa.

Una nang hinimok ng Gabriela ang Commission on Elections na aksyunan ang kaso ng mga Parayno.

Kung mapapatunayang nagkasala ang mga Parayno sa isyu ay maaaring madiskualipika ang mga ito sa pagtakbo sa halalan tulad nang ginawang pavdisqualify ng Comelec sa kandidato sa pasig joke.

Nananatiling “manageable” ang kabuuang utang ng pamahalaan na umabot sa 16.68 trilyong piso sa pagtatapos ng Marso 2025.

Ayon sa Bureau of the Treasury, ito ay dahil sa pagpapatupad ng mahahalagang programa nang hindi kinakailangang magpataw ng bagong buwis.

Bahagya itong tumaas ng 0.31% mula sa naunang buwan, bunsod ng robust revenue performance sa unang kwarter ng taon.

Dagdag pa ng BTr, patuloy na lumalago nang mas mabilis ang ekonomiya ng bansa kaysa sa pagtaas ng utang, kaya’t nananatiling on-track ang pamahalaan sa fiscal consolidation nito.

Target naman ng gobyerno na ibaba ang debt-to-Gdp ratio nito na mas mababa sa 60% pagsapit ng 2028.

Naniniwala ang grupong IBON Foundation na isa sa mga pangunahing dahilan ng bahagyang paglobo ng bilang ng mga Pilipinong walang trabaho ay ang problema sa agrikultura at ekonomiya ng bansa.

Ito, ayon kay IBON Foundation Executive Director Sonny Africa, ay sa kabila ng datos ng Philippine Statistics Office na nagsasabing bumaba pa ang bilang ng mga Pilipinong walang trabaho.

Kung istatistika anya ang pagbabatayan, hindi magkatugma ang datos, partikular ang panahon na ikinumpara ng PSA na maaaring paraan upang ilihis sa tunay na issue.

Samantala, bagaman naglatag ng mga hakbang ang gobyerno gaya nang ipinatupad na nationwide jobs fair, diskumpiyado naman si Africa sa mga solusyon na ito.

Nakahanda na ang mga voting precincts sa ilang mall sa bansa para bigyang daan ang halalan sa Lunes, Mayo 12.
Nasa 42 malls sa bansa ang bahagi ng programang mall voting ng Commission on Elections.

Layon nitong magbigay ng mas maginhawang lugar para sa mga botante, lalo na sa mga senior citizens, buntis at persons with disabilities kung saan maglalaan ng express lanes para sa kanila.

Kaugnay nito, nilinaw ni COMELEC Chairman George Erwin Garcia na ang mga rehistradong botante na nakatira malapit sa mga mall na ito ay dumaan sa tamang proseso ng konsultasyon bago nailipat ng kani-kanilang voting precincts.

Bukas ang mga polling precincts sa mga mall mula alas-singko ng umaga para sa mga vulnerable sectors, at alas-siyete naman ng umaga para sa iba pang mga botante.

Tiniyak naman ng COMELEC na walang kaibahan sa proseso ng pagboto sa mga malls kumpara sa mga tradisyunal na voting precincts.—sa panulat ni Jasper Barleta