NATIONAL NEWS

Aprubado na sa ikatlo at huling pagbasa ng senado ang panukalang batas na magdedeklara sa August 12 ng kada taon bilang National Youth Day.

Nakasaad sa naturang panukala na aatasan ang  National Youth Commission (NYC), sa pakikipagtulungan sa Department of the Education (DepEd), Commission on Higher Education (CHED), Technical Education and Skills Development Authority (TESDA), Sangguniang Kabataan (SK), National Union of Students of the Philippines (NUSP), at iba pang youth organizations na magpatupad ng aktibidad para sa mga kabataan.

Hinihikayat rin ang mga paaralan at mga unibersidad na magsagawa ng iba’t ibang programa gaya ng leadership training, youth empowerment, workshops at community activities bilang paggunita ng National Youth Day.

Samantala, inaprubahan na rin ang  panukalang mag-iinstitutionalize ng pagsasagawa ng summer youth camp sa bawat barangay sa bansa.

Inihayag ng Philippine Statistics Authority (PSA) na bahagyang tumaas ang stock ng bigas at mais sa bansa noong Abril.

Ipinabatid ng PSA na noong Abril 1 ay naitala nila ang 2.5% o hanggang 2.5 milyon metric tons kumpara sa 2.4 milyon metric tons noong 2021.

Habang dumami naman ang mga suplay ng bigas sa mga commercial warehouses habang bumagsak naman ang bilang ng mga kabahayan na bumibili ng bigas mula sa National Food Authority (NFA).

Sumipa naman sa 8.9% o katumbas ng 777,370 metric tons ang suplay ng mais kumpara sa 713,680 metric tons noong Abril 2021.

Hindi pabor ang Trade Union Congress of the Philippines (TUCP) sa pagpataw ng Department of Finance ng mga bagong buwis para mabayaran ang utang ng Pilipinas.

Inihayag ni Alan Tanjusay ng TUCP na malaki ang impact ng inflation at giyera sa pagitan ng Ukraine at Russia kung kaya’t ang laki ng ibinawas dito sa minimum wage ng mga manggagawa sa Metro Manila

Aniya, maliit na lang ang suweldo na naiuuwi ngayon ng mga manggagawa.

Paliwanag pa ni Tanjusay na napakataas na ng mga bilihin at halaga ng serbisyo.

Sinabi pa nito na hindi na dapat patawan ng pamahalaan ng bagong buwis ang mga mahihirap dahil sa mataas na ang mga bilihin sa bansa at halaga ng serbisyo.

Dagdag pa ni Tanjusay na dapat munang makipag-ugnayan ang pamahalaan sa mga manggagawa bago magpataw ng bagong buwis.

Nais ng National Disaster Risk Reduction and Management Council (NDRRMC) na maipasa sa susunod na administrasyon ang panukalang batas na lumilikha sa Department on Disaster Resilience.

Inaasahan din ng NDRRMC ang mga senador na makapagbigay ng bagong ideya para mapabuti ito.

Matatandaang noong Enero, sinabi ni Senate President Vicente Sotto III na ang panukalang batas na lumilikha sa naturang departamento ay malabong maaprubahan ngayong 18th congress dahil sa interpellation.

Samantala, nakatakda naman sa June 9 ang national simulataneous earthquake drill na isasagawa virtually dahil sa patuloy na banta ng COVID-19.

Naglatag ang pamunuan ng Department of Education (DepEd) ng competency-based merit selection plan para paigtingin ang kanilang recruitment process at dagdagan ang mga dekalidad na mga tauhan.

Layon nito na masiguro na ang organisasyon at mga kawani ay kayang tumugon sa hamon at oportunidad sa 21st century na nakatuon sa paghahatid ng may kalidad, accessible, relevant at libreng basic education.

Tiniyak naman ni education secretary Leonor Briones na sa nabanggit na polisiya ay makakakuha ng tamang empleyado ang kagawaran para mapabuti pa ang human resource policies para magkaroon ng mas mabuting serbisyo sa mga mag-aaral at stakeholder.

May kailangang allignment sa Electric Power Industry Reform Act o EPIRA kaugnay sa nuclear power plant lalo kung ang gobyerno ay makikilahok dito.

Ito ang sinabi ni Department of Energy undersecretary Gerardo Erguiza sa naging pahayag ni president-elect Ferdinand “Bongbong” Marcos Jr. na bukas itong amyendahan ang EPIRA.

Sa panayam ng DWIZ, sinabi ni Erguiza na noong 1970’s at 1980’s ang national power corporation ang mayroong monopoly sa power generation pero tinanggal ito at ibinigay sa private sector.

Ang legal framework ay ang Napocor ang mayroong monopoly sa power generation, pero na-ammend ‘yan tinanggal sa government ‘yung power generation, binigay na sa private sector. Ito yung sa Epira, puwede naman po ang nuclear power plant pero basically ang private initiative ang gagawa talaga niyan ngayon.

Paliwanag pa niya na ang konsepto ng epira ay i-privatized ang power generations company sa private sector.

So kailangan nating i-align ‘yung Epira to allow the entry of the government in investing sa nuclear powerplants.

Ang pahayag ni DOE undersecretary Gerardo Erguiza sa panayam ng DWIZ