NATIONAL NEWS

Muling hinikayat ng Department of Health (DOH) ang mga magulang at mag-aaral kaugnay sa pagdalo sa face-to-face classes.

Ayon sa DepEd, mas ‘healthier’ ang face-to-face classes sa bansa kumpara noong bahagyang mataas ang COVID-19 cases.

Habang makatutulong din anila ang in-person attendance para ma-develop ang cognitive, social skills at maging ang physical at mental health ng mga kabataan.

Tiniyak naman ng DOH sa mga magulang na ligtas ang kanilang mga anak laban sa pagkahawa sa COVID-19, dahil nabakunahan at mayroon nang booster shot ang lahat ng nasa paaralan.

Nagpatupad na ng ban ang Davao City Government para sa mga manok na papasok sa kanilang lalawigan mula sa mga lugar na may kaso ng bird flu.

Ito ay matapos magpositibo sa h5n1 strain o bird flu ang mga alagang manok sa bulacan at pampanga.

Sa Executive Order no. 19 na nilagdaan ni acting Mayor Sebastian Duterte, hindi na papayagang makapasok ang lahat ng wild birds at produkto nito, kasama ang 1-day old chick, itlog at iba pa.

Mula ito sa mainland at island province ng Luzon na may naitatala nang kaso ng avian influenza.

Nakasaad din sa kautusan ang naitalang bird flu cases sa Tacurong, Sultan Kudarat, Magsaysay at Davao Del Sur nitong Marso at Abril.

Magsasagawa ng reblocking at repairs ngayong weekend ang Department of Public Works and Highways (DPWH).

Sa inilabas na advisory ng Metropolitan Manila Development Authority (MMDA), nagsimula ang pag-aayos alas-11 kagabi.

Kabilang sa maaapektuhan ang mga sumusunod;

• EDSA Santolan San Juan City Innermost Lane magmula sa Santolan-Annapolis MRT station patungo hanggang V.V. Soliven Driveway;

• EDSA Quezon City NB/ EDSA Quezon City  SB paglampas ng P. Tuazon at EDSA Southbound kanto ng Arayat

• C-5 road NB (1st lane) paglampas ng Mckinley Road Makati City;

• C-5 road SB (2nd lane) Makati City;

• Tandang Sora Ave., Quezon City Visayas Avenue hanggang San Miguel St.;

• Times Street Quezon City panulukan ng West Ave. Harapan ng Kowloon House;

• Commonwealth Ave. Quezon city Zuzuarregui St. Hanggang Diliman Preparatory School

• EDSA SB Quezon City Service Road 1st Block South Ave. Intersection at 1st block buhat sa sidewalk kanto ng South Ave. hanggang Kamuning Road;

• P. Garcia Avenue Quezon City

• At C-5 Road Pasig City sa kahabaan ng Pasig Blvd. Southbound

Bubuksan ang mga apektadong kalsada sa Lunes, Mayo 30 sa ganap na alas-5 ng madaling araw.

Pinapayuhan naman ng mmda ang mga motorista na dumaan sa mga alternating ruta upang hindi maabala.

Umakyat na sa 3,429 indibidwal ang naaresto ng Philippine National Police (PNP) matapos lumabag sa umiiral na gun ban.

Batay sa datos ng PNP, 3,294 sa mga naaresto ay sibilyan, 61 ang security guard, 26 ang pulis, 22 ang sundalo at 26 ang hindi pa makumpirma.

Naaresto ang mga ito sa 3,220 operasyon sa buong bansa na sinimulan noong January 9.

Sa bilang na ito, 1,232 ay nagmula sa Metro Manila, 370 sa CALABARZON, 357 sa Central Visayas, 312 sa Central Luzon at 200 sa Western Visayas.

Nakumpiska sa mga suspek ang mahgit 2,660 armas, 1,090 patalim, 135 pampasabog at 16,623 na mga bala.

Pumalo na sa 200K ang naiturok na COVID-19 vaccine ng pamahalaan kada araw.

Mas mataas ito kumpara sa 100K daily jabs na nagagawa ng gobyerno nuong kasagsagan ng election period.

Sinabi ni Health Undersecretary Myrna Cabotaje, umakyat na rin sa higit 171K ang bilang ng mga indibidwal na nakatanggap na ng Second booster dose mula nang binuksan ito sa Healthcare workers at Senior citizen.

Sa ngayon aniya nasa mahigit 69M na ang mga Pilipino na fully vaccinated na laban sa COVID-19.