Naglabas na ng memorandum ang Department of Health (DOH) para sa mga dapat gawin sakaling makapasok ang monkeypox virus sa Pilipinas.
Sa panayam ng DWIZ sinabi ni Dr. Jose Rene De Grano, Presidente ng Private Hospitals Association of the Philippines Inc. (PHAPi), na nakapaloob sa nasabing guidelines ang mga sintomas ng nasabing sakit.
Ayon kay De Grano, sakaling makaranas ng lagnat at rashes ang isang indibidwal ay dalhin na agad ito sa ospital upang mabigyan ng treatment o lunas.
Nagpaalala sa publiko ang Private Hospitals Association of the Philippines Inc. (PHAPi) na hindi dapat magpakampante ang publiko sa kabila ng mababang kaso ng COVID-19 at mababang bilang ng mga naa-admit sa mga ospital kada araw.
Sa panayam ng DWIZ sinabi ni PHAPi President Dr. Jose Rene De Grano, na posible pang tumaas ang naitalalang kaso ng COVID-19 dahil sa mga immunocompromized at may comorbidities na mabilis mahawaan ng virus.
Ayon kay De Grano, ang mataas na kaso ngayon sa bansa ay ang mga tinamaan ng Dengue dahil sa pabago bagong panahon.
Sinabi pa ni De Grano na bukod sa mga nabanggit na virus, marami ding tinamaan ng Leptospirosis at Cholera o ang sakit sa bituka sa Davao Oriental at South Cotabato bunsod na maduming tubig.
Dagdag ni De Grano na sakaling mag-iipon ng tubig, dapat ay mayroong takip ang mga ito at siguraduhing malinis ang inuming tubig.
Posibleng makaranas ng maulan na kalangitan ang bahagi ng Bicol region dahil sa Low Pressure Area na kumikilos pahilagang Luzon.
Magiging mainit naman ang panahon sa iba pang bahagi ng Luzon maliban na lamang sa mga pulu-pulong mga pag-ulan, pagkulog at pagkidlat sa hapon hanggang sa gabi dahil sa umiiral na southwest Monsoon o Hanging habagat.
Magiging maulap parin ang kalangitan na may kalat-kalat na pag ulan, pagkulog at pagkidlat sa bahagi ng Visayas kaya’t asahan na patuloy itong makakaapekto sa nasabing lugar.
Magiging maulan na may kalat-kalat na pag-ulan, pagkulog at pagkidlat ang malaking bahagi ng Mindanao lalo na sa hapon hanggang gabi.
Agwat ng temperatura sa Metro Manila ay maglalaro sa 26°C hanggang 34°C habang sisikat naman ang haring araw mamayang 5:26 ng umaga at lulubog naman ito mamayang 6:21 ng hapon.
Ikinokonsidera ng World Health Organization (WHO) ang monkeypox virus bilang moderate public health risk dahil ito ang unang pagkakataon na kumalat ang isang virus sa geographical areas ng WHO.
Ayon sa organisasyon, karamihan sa kamakailang kaso ng monkeypox ay walang epidemiological links sa non-endemic countries sa Central o West Africa.
Batay sa huling datos ng WHO, nasa 257 cases ng nasabing virus ang nakumpirma sa 23 countries habang 117 hanggang 127 ang suspected cases na kasalukuyang sinusuri.
Binigyang-diin naman ng WHO na ang kasalukyang datos ay posible pang dumami dahil sa ilang indibidwal na may mild symptoms, rashes at magang kulani ay hindi nagpapakonsulta sa health facility.
Aarangkada na ngayong araw ang dagdag-bawas sa presyo ng produktong petrolyo.
Ayon sa Pilipinas Shell Petroleum Corp., Chevron Philippines Inc., Caltex at Seaoil Philippines Inc. Ipatutupad nito ang 1.70 centavos na bawas-singil sa kada litro ng gasolina.
Aabot naman sa 2.45 centavos ang umento sa kada litro ng kerosene habang 1.70 centavos ang dagdag-singil sa kada litro ng diesel.
Ipatutupad rin ng Cleanfuel at Petro Gazz ang nasabing price adjustment maliban sa kerosene na wala sila.
Batay sa datos ng Department of Energy (DOE), umabot na sa P25.55 ang net increase sa year-to-date adjustments sa kada litro ng gasolina, P29.10 sa kada litro ng diesel, at p25.20 naman sa kada litro ng kerosene.
Inaprubahan sa ikatlo at pinal na pagbasa ng senado ang isang panukala na naglalayong dagdagan ang buwanang social pension ng mga mahihirap na senior citizen.
Ayon kay Senador Joel Villanueva, sponsor ng naturang panukala, hindi umano nakakasapat ang kasalukuyang 500 pesos buwanang pensyon ng mga senior citizen, isang dekada sapul nang isabatas ang Republic Act no. 9994 o “Expanded Senior Citizens Act of 2010”.
Mababatid na kung ganap na itong maisabatas, lahat ng mga mahihirap na senior citizen ay makakatanggap ng karadagang 1,000 pesos sa buwanang pensiyon.
Samantala, inaprubahan ng mga senador ang Senate Bill no. 2506, sa botong 18-0-0.
Inaprubahan ng Regional Tripartite Wages and Productivity Board ang hirit na pagtataas ng sweldo ng mga manggagawa sa Northern Mindanao.
Bunsod nito ay makakaranas ng 25 pesos na dagdag-sahod ang mga manggagawa sa kanilang daily minimum wage.
Sa ilalim ng bagong sahod, ay magiging 405 pesos na ang sahod para sa non-agriculture na sektor habang 393 pesos naman sa mga manggagawa ng agriculture sector na nagtatrabaho sa mga siyudad ng Cagayan De Oro, Iligan, Malaybalay, Valencia, Gingoog, El Salvador, at Ozamis, pati na rin ang mga bayan ng Tagoloan, Villanueva, Jasaan, Opol, Maramag, Quezon, Manolo Fortich, at Lugai.
Inaasahan naman ng Department of Labor and Employment (DOLE) na aabot sa 152,924 na manggagawa at 54,851 domestic workers ang makikinabang sa bagong sahod.
Inanunsiyo ng Department of Health (DOH) na walong araw nang walang naitatalang bagong namatay sa bunsod ng COVID-19.
Mababatid na dahil dito ay nananatili ang total COVID-19 deaths sa 60, 455.
Bagama’t nakapagtala kahapon ang DOH ng 200 bagong kaso ng COVID-19 ay nasa sa 2,434 na lamang ang bilang ng mga aktibong kaso, habang 3,627,365 naman ang kabuuang bilang ng mga gumaling sa sakit.
Samantala, nangunguna pa rin ang Metro Manila na may pinakamaraming kasong naitala sa nakalipas na linggo na sinundan ng Calabarzon at Central Luzon.
Naglatag ang Department of Energy (DOE) ng mga programa nito ukol sa kuryente at gasolina na maaaring ipatupad ng susunod na administrasyon.
Ayon kay Energy Undersecretary Benito Ranque, ang mga planong ito ay makatutulong upang mapababa ang singil sa kuryente at presyo ng produktong petrolyo.
Mababatid na dodoblehin ang existing lifeline rate sa Metro Manila upang makatulong sa marginalized consumers, habang ang lifeline subsidy ay ibinibigay naman sa mga low income users na gumagamit nang hindi bababa sa 100 kilowatts kada buwan.
Kasama rin dito ang pag-renegotiate ng mga kontrata ng DOE sa mga independent power producers at pagbibigay direktiba sa mga electric cooperative na Agus-Pulangi Hydropower Complex para mapababa ang presyo ng kuryente sa Mindanao.
Dagdag pa rito ay plano rin ng ahensiya na suspendihin ang Biofuels Act of 2006 na nagpapataw ng dagdag na gastos sa mga konsumer dahil sa biofuel component nito.
Samantala, kung maipatupad ito ay posibleng bumaba sa 3 pesos at 26 centavos kada litro ng gasolina at 1 peso at 40 centavos naman kada litro ng diesel.
Muling isinusuong ng Ibon Foundation ang pagpapatupad ng “billionaire tax” sa bansa.
Layon ng ipinapanukalang bagong buwis ng Department of Finance (DOF) na mabayaran ang utang ng Pilipinas na lumobo na sa 12.68 trillion pesos nitong marso sa pamamagitan ng pagbubuwis sa mayayaman.
Mababatid na ang wealth tax ay matagal na ring ipinapatupad sa ibang mga bansa gaya ng France, Switzerland, Germany, Latin Amerika at sa 30 ibang mga bansa sa buong mundo.
Samantala, sa ilalim ng billionaire tax na una nang inihain sa kongreso noong September 2021 bilang House Bill no. 10253 o “Super Rich Tax Act of 2021” bubuwisan ng 1% ang mga indibidwal na may yamang higit 1 billion pesos; 2% kung 2 billion pesos at 3% naman kung 3 billion pesos pataas.