NATIONAL NEWS

Nagpaabot ng pagbati si Vice President Leni Robredo kay Incoming VP Sara Duterte-Carpio  na papalit sa kanyang posisyon sa susunod na administrasyon.

Unang sumulat ng kampo ni Duterte kay Robredo upang pag usapan ang suwabeng transition sa pagitan ng dalawang opisyal.

Sumagot naman ang kampo ni robredo  kay Duterte  kasabay ng kanilang sa naging tagumpay nito bilang bagong bise presidente.

Nakasaad sa liham ang pagbati ni Robredo kay Duterte matapos ang proklamasyon bilang ika-15  Bise Presidente ng republika ng Pilipinas.

Sinabi rin sa liham na handa ang kampo ni Robredo na makipagpulong para sa mas maayos na transition of office.

Hindi pa nakikita ng World Health Organization (WHO) na magkakaroon ng global pandemic ang pagkalat ng monkeypox sa iba’t ibang bahagi ng bansa.

Sinabi ng WHO na hindi ito nababahala sa pagkalat ng Monkeypox sa labas ng African countries.

Ayon kay TOP Monkeypox Expert Rosamund Lewis ng WHO na posible pang mapigilan ang outbreak ng naturang virus bago pa ito lumala.

Inihayag ng UN Health Agency ang  pagkabahala sa unusual situation na ito subalit sinabi nito na walang rason upang mangamba sa virus na kumakalat sa pamamagitan ng close contact at hindi karaniwang nagiging sanhi ng malalang sakit.

May kaugnayan ang monkeypox sa smallpox kung saan pumatay sa milyong katao bago ito tuluyang nawala nuong 1980.

Hiniling ng Philippine Nurses Association (PNA) sa bagong papasok na administrasyon na dapat ay gawing pantay ang sahod ng mga nurse na nagtatrabaho sa gobyerno at mga pribadong ospital.

Sa ilalim ng panukalang Philippine Nursing Act na magpapantay sa mga pasahod ng mga nurse na nasa pribado at pampublikong pagamutan.

Nasa 30K hanggang apatnapung libong piso ang natatanggap na sahod ng mga nurse na nagtatrabaho sa public hospital.

Sinabi ni PNA President Melvin Miranda  na kung sa ibang bansa nagtrabaho ang mga ito ay maaaring nasa apat na beses itong mas mataas kumpara dito sa ating bansa.

Dagdag pa nito na dapat ito ang iprayoridad ng gobyerno kung saan bigyan ng sapat na sahod ang mga healthcare workers sa Pilipinas.

Inihayag ng administrasyong Duterte na iiwan nila ang Pilipinas sa susunod na administrasyon ng mabuti ang kalagayan ng Pilipinas.

Ito ang binigyang diin  ni Executive Secretary Salvador Medialdea na kahit aniya nakaranas ng COVID-19 pandemic ay nagawa namang mabawi ang magandang financial standing.

Hindi rin aniya bumitiw ang administrasyon sa flagship program nitong build, build, build habang sa pamamagitan ng universal healthcare law  ay naihatid ang serbisyong medikal sa bawat pilipino.

Ani Medialdea,  na ang kanilang inilahad na mga accomplishment at legacy ay hindi lang pag-uusapan sa hinaharap kundi tiyak na mararamdaman ng mga susunod na henerasyon.

Pinag-iingat ng National Telecommunications Commission (NTC) ang publiko laban sa mga text message na nag-aalok umano ng trabaho.

Sinabi ni NTC Deputy Commissioner Edgardo Cabarrios na mapanganib ang pag-click sa mga link mula sa mga text message dahil maaaring makuha ang impormasyon sa mga cellphone.

Hindi aniya madaling hulihin ang mga nagpapadala ng nasabing text messages lalo’t hindi rehistrado ang mga prepaid numbers.

Kaugnay nito, pinayuhan ni Cabarrios ang publiko na huwag pansinin ang nasabing mga text at mainam aniya na i-block na lamang ang number na ginamit at i-report ito sa Cybercrime Investigation Coordinating Center.

Nagpapatuloy ang Anti-Dengue campaign ng health department kasunod ng naitalang pagtaas ng kaso ng dengue sa ilang bahagi ng bansa.

Sa Negros Occidental, naitala ang 511 na kaso ng dengue at lima ang nasawi ngayong taon.

Tumaas ng 200% ang bilang ng dengue cases sa lalawigan kumpara sa kaparehong panahon noong nakaraang taon na may 174 na kaso.

Ayon sa DOH, karamihan ng mga naitalang kaso ng dengue ay mula sa Zamboanga Peninsula, Central Visayas, at Central Luzon.

Mas mababa ng 6% ang bilang ng dengue cases sa bansa kumpara sa kaparehong panahon noong isang taon.

Gayunman, mula March 20 hanggang April 30 ay nakapagtala ang ahensya ng 94% na pagtaas ng kaso kumpara sa kaparehong panahon noong 2021.