NATIONAL NEWS

Inihayag ni Prosecutor General Benedicto Malcontento na naglabas na ng kautusan ang korte para mahadlangan ang posibleng paglabas ng bansa ng driver ng SUV na bumangga sa security guard sa naturang lungsod.

Sinabi ni Malcontento, nagsumite na ang Mandaluyong prosecutors ng request sa Department of justice para sa pagpapalabad ng immigration ng lookout bulletin order laban kay Jose Antonio V. Sanvicente.

Samantala, una nang sinampahan ng reklamong reckless imprudence resulting to frustrated homicide ang naturang suspek.

Kinansela na rin ng Land Transportation Office o lto ang kanyang driver’s license, matapos na ilang beses na hindi sumipot sa patawag ng lto.

Inendorso ng Philippine Orthopedic Association (POA) ang dating pangulo na si Dr. Jose Pujalte bilang susunod na kalihim ng Department of Health (DOH).

Ayon kay POA President Frederic Joseph Diyco bilang Medical Chief ng Philippine Orthopedic Center, pinamunuan nito ang institusyon sa pamamagitan ng pagpapabuti sa mga proyekto kung saan ginawa itong Apex Center for Orthopedics sa buong bansa.

Ani Diyco, dahil sa kanyang karanasan, naniniwala ang poa na magagampanan ni Dr. Pujalte ang kagawaran at masisisguro nito ang health system sa bansa.

Sa ngayon ay hindi pa inaanunsyo ni President-Elect Ferdinand ‘Bongbong’ Marcos Jr. Ang kanyang DOH secretary.

Nanawagan ang ilang grupo ng commuter sa pamahalaan na magpatupad ng mga polisiya na magbababa sa presyo ng petrolyo.

Sinabi ni United Filipino Consumers and Commuters (UFCC) President RJ Javellana, dapat nang suspendihin muna ng gobyerno ang 12% na value added tax ngayong mataas pa ang presyo ng langis.

Maliban dito, maraming buwis ang ipinapataw sa mga consumer na lalo lamang nagpapadapa sa mga pilipino.

Samantala, kinuwestiyon ng isang transport group kung bakit hanggang ngayon ay hindi pa sinususpinde ang excise tax sa langis gayong nakapaloob ito sa tax reform for acceleration and inclusion o train law.

Paliwanag ni Manibela National President Mar Valbuena, nakasaad sa train law na dapat suspendihin ang fuel excise tax kung aabot na sa S80 ang presyo ng kada bariles ng langis.

Pasado ang Pasig City sa 2021 good financial housekeeping.

Dahil dito, kinilala ng Department of the Interior and Local Government (DILG) ang Pasig City LGU sa mga naging hakbang nito sa pagpapanitili ng fiscal accountability at transparency sa naturang lungsod.

Ang Good Financial Housekeeping (GFH) ay ibinibigay sa mga LGU na may exceptional fiscal management at financial transparency.

Ito rin ang isa sa ginagawang bashena upang parangalan ang isang lokal na pamahalaan ng seal of good local financial treansparency.

Sinimulan na ng Department of Education (DepEd) ang nationwide search public school teacher search 2023 Princess Maha Chakri Awards (PMCA).

Sinabi ng DepEd na layunin ng PMCA na kilalanin ang labing isang pinakamahusay nma guro mula sa pampublikong paaralan sa Southeast Asia.

Inihayag din ng DepEd ang mga kwalipikasyon tulad ng dapat makibahagi ito sa community at civic movements, lalo na sa lugar na ang edukasyon ay hindi gaanong accessible, nagpagtaguyod ng innovation sa pagtuturo, nakapagbigay ng inspirasyon sa pagpapaunlad ng mga estudyante at kapwa mga guro.

Ang mga gurong nominado ay dadaan sa screening sa school division office, regional office at central office sa pamamagitan ng international cooperation kasama ang Philippines PMCA Selection Committee.

Habang irerekomenda naman ng naturang komite ang mapipiling awardee para sa pag apruba ng kalihim ng DepEd at ieendorso ang nominado ng pilipinas sa pmca foundation para sa pag endorso ni Her Royal Highness (HRH) Princess Maha Chakri Sirindhorn’s.