NATIONAL NEWS

Ipinapasama ng Vaccine Expert Panel (VEP) na mabibigyan ng ikalawang booster ang mga person with comorbidities.

Sinabi ni VEP Chairperson Nina Gloriani na ang taong mayroong dalawa o higit pang sakit ay similarity vulnerable sa malalang sakit na COVID-19.

Tinukoy din ni Gloriani ang kamakailan lamang na pag-aaral na nagpapakita na ang mga taong mayroong dalawa o higit pang sakit gaya ng diabetes at chronic respiratory illness, ang level ng immunocompromise ay mataas.

Sa ngayon, ang mga immunocompromised persons na eligible para sa second booster ay kinabibilangan ng mga taong mayroong cancer, HIV/aids, primary immunodeficiency, umiinom ng immunosuppressants, at mga nakatanggap ng organ transplant.

Tumataas na ang presyo ng mga isda sa ilang palengke sa Metro Manila dahil sa epekto ng pagtaas ng produktong petrolyo.

Ayon sa ma manininda, hindi nakakapalaot ang ilang mangingisda dahil sa oil price hike.

Sa Trabajo Market sa Sampaloc, Maynila, mula sa P220 na kada kilo ng alumahan at matambaka ay nasa 260 hanggang 280 na ngayon habang nasa P300 na ang presyo ng kada kilo ng bisugo mula sa P240.

Habang sa ilang pamilihan sa Quezon ay walang nagbebenta dahil sa kakulangan ng suplay ng isa na dumadating sa kanila.

Ipinabatid ni Department of Agriculture na mayroong kakulangan sa suplay ng isda ngayon partikular sa metro manila kaya napilitang mag-angkat ng mahigit 30K  tonelada ng isda upang punan ang kakulangan dito.

Magtataas ng suweldo ang mga manggagawa sa pribadong sektor sa 16 na rehiyon ng bansa.

Ito’y kasunod ng pag-iisyu ng mga kautusan ng kani-kanilang regional wage boards na magkakabisa ngayong hunyo, sinabi ng Department of Labor and Employment (DOLE).

Ayon kay  Labor Secretary Silvestre Bello III na ang wage orders na magkakabisa bago matapos ang hunyo ay sa eastern visayas, zamboanga peninsula, calabarzon, at caraga.

Magkakabisa ang P35 wage hike sa Zamboanga Peninsula sa Hunyo 25 habang ang P50 pay hike sa Eastern Visayas ay magkakabisa sa June 27.

Simula hunyo 30, magkakaroon din ng bisa ang dagdag sahod sa calabarzon at caraga.

Habang bagong minimum wage rates sa Eastern Visayas ay magiging P345 hanggang P375 at P338 hanggang P351 sa zamboanga peninsula at ang minimum na sahod na P350 hanggang P470 para sa CALABARZON.

Samantala, nagkabisa ang bagong minimum wage na P533-P570 sa National Capital Region (NCR) noong Hunyo 4.

Mananatiling bukas ang Dolomite Beach araw araw sa publiko.

Ito ang inihayag ng Department of Environment and Natural Resources (DENR), walang araw na hindi bubuksan ang naturang atraksyon mula 6 ng umaga hanggang 6ng gabi.

Habang ipinagbabawal naman ang paglangou sa katubigang sakop nito at pagkakalat sa lugar.

Ito’y sa kabila ng pagbaba ng fecal coliform bacteria na na-detect sa katubigan sa palibot ng beach area.

Ipinabatid naman ni DENR Secretary Jim Sapulna, maaaring hindi pa ligtas ang tubig sa lugar ngunit ipinapakita ng mga resulta ang tagumpay ng laban ng kagawaran para sa manila bay.

Samantala, tiniyak naman ng kalihim sa publiko na ang ginamit na crushed dolomite ay ligtas na gamitin.

Ibinabala ng Department of the Interior and Local Government (DILG) na ipaaaresto ang mga indibidwal na lalabag sa pagsusuot ng facemask sa Cebu.

Ito’y kasunod ng inisyu na executive order 16 na nilagdaan ni Cebu Governor Gwen Garcia na naglalayong gawing opsyonal ng publiko ang pagsusuot ng face mask sa labas kung walang sintomas ng COVID-19 ang mga ito.

Sinabi ni DILG Secretary Eduardo Año na mandatory pa rin  na ipinatutupad ng pamahalaan ang pasusuot ng facemask sa gitna ng COVID-19 pandemic.

Giit ni Año, walang legal na basehan ang hakbang na ito ng Cebu government, sabay sabing ang polisiya Ng Local Government Units ay dapat na naka-angkla sa polisiya ng national government at mga pahayag ng pangulo at nakasaad sa saligang batas.

Dagdag ni Año, kung magmamatigas ang mga indibidwal hinggil sa naturang isyu ay maaaring arestuhin ng pambansang kapulisan.

Ipinabatid naman ng department of health na hindi pa ito ang tamang oras at panahon para bawiin ang sapilitang pagsusuot ng facemask lalo pa’t may ilang COVID-19 subvariant ang natuklasan sa bansa.

Ricky Isla CEO of Airasia Philippines together with Rey Berja Chief Finance Officer Led the maiden flight using a fully loaded Airbus 320 aircraft that departed Manila 7:00 Thursday morning for the 1 hour flight .

Airasia entourage was met at the roxas airport by Local Goverment officials led by Governor Esteban Evan Contreras.

Ricky Isla CEO of Airasia expressed his gratitude to aviation authorities and LGU for the very warm welcome upon touchdown of the aircraft.

Isla believes that the maiden flight open the business and tourism opportunity.

Gov Contreras on the other hand expressed his thanks to airasia for spearheading the Tourism aspect and is expecting that rojas will be the gateway to other neighboring western visayan province.

Airasia also plan to expand their Cargo hub at Roxas to directly fly all the seafoods for export all around the world.

– ulat mula kay Raoul Esperas (Patrol 45)

Sa gitna ng walang puknat na oil price hike, halos limang beses nang tumaas ang presyo ng lubricants o motor oil.

Ayon kay Ernie Arnold ang, presidente ng Auto Parts Association, ang nasabing pagsirit ng presyo ay nangyari sa nakalipas lamang na isang taon.

Mula sa dating 1,500 pesos sa kada isang galon ng lubricant, naglalaro na ngayon ang presyo nito mula 2,000 pesos hanggang 2,500 pesos.

Nabatid na ang dahilan nito ay ang mataas na presyo ng lubricant sa world market na siyang nakakaapekto sa bentahan sa mga lokal na pamilihan.

Naglagay ng bike repair station ang MMDA sa Edsa Quezon Avenue.

Libreng magagamit ng publiko ang iba’t ibang tools, air compressor, heat press, vulcanizing patch at iba pa.

Nakaantabay sa nasabing repair station ang dalawang tauhan ng MMDA na eksperto sa pag-aayos ng mga bisikleta at motor.

Mula ala-5 ng umaga hanggang alas -9 ng gabi ay bukas ang naturang repair station.

Nakabatay sa siyensya ang paggamit ng face masks.

Ito’y ayon kay Dr. Paulyn Ubial, dating kalihim ng Department of Health, kung saan sinabi nito na kahit bakunado na ang isang indibidwal ay maaari pa rin mahawa at makapanghawa ng COVID-19.

Iginiit pa ni Ubial na wala pa man noon ang COVID ay ginagamit na ang face masks, ngunit hindi ito ginawang mandatoryo.

Sinabi pa ni Ubial na dapat pa ring magsuot ng face masks hanggang sa ideklara nang endemic ang COVID-19 sa Pilipinas.

Umaasa si Dr. Maricar Limpin, dating pangulo ng Philippine College of Physicians, na pakikinggan sila ni Cebu Governor Gwendolyn Garcia kaugnay sa patuloy na pagsusuot ng face masks.

Sa panayam ng DWIZ, iginiit ni Limpin na epektibo ang paggamit ng face masks laban sa COVID infection.

Dapat pag-isipang mabuti ng mga LGUs ang pagpapatupad ng mga polisiya para na rin sa kapakanan ng kanilang mga nasasakupan gayundin ang muling pagbangon ng ekonomiya.