NATIONAL NEWS

Pagkukulang sa suplay ng beep card, ginagawan ng paraan ng DOTr

Gumagawa na ng paraan ang Department of Transportation (DOTr) para matugunan ang pagkukulang ng suplay ng beep card.

Ito’y sa harap ng nararanasang pandaigdigang pagkukulang sa produksyon ng chip na ginagawamit sa paggawa ng stored value card.

Nagbigay na rin ng abiso ang beep card provider na hindi na nito kakayaning i-deliver ang 75,000 stored value card para sa pangangailangan ng MRT-3 para sa buwan ng Hulyo 2022.

Dahil dito, inatasan na ni DOTr secretary Jaime Bautista ang mga public transport operator ng mga tren na gumawa ng alternatibong hakbang sa pagkontrol ng pag-iisyu ng SVCS.

Payo naman ng transport agency sa mga beep card holder, ingatan ang mga ito dahil sa matinding pangangailangan nito sa pagbubukas ng klase.

August 19, 2022 0 comment

HEADLINES HOT STORIES OF THE WEEK NATIONAL NEWS

Benny Antiporda itinalagang administrator ng NIA

written by Angelica Doctolero

Itinalaga si Benny Antiporda bilang bagong administrator ng NIA.

Hinalal si Antiporda sa katatapos na 984th National Irrigation Administration (NIA) regular board meeting

Bago ang kanyang bagong appointment, itinalaga noon ni dating Pangulong Rodrigo Duterte sa puwesto si Antiporda bilang senior deputy administrator ng NIA.

Unang naitalaga si Antiporda sa Department of Environment and Natural Resources (DENR), kung saan tinutukan niya ang paglilinis sa isla ng Boracay matapos sumailalim sa malawakang paglilinis at rehabilitasyon kasama ang magkasanib na pagsisikap ng Boracay Inter-Agency Task Force.

Maliban sa pagbuwag sa mga ilegal na istruktura at muling pag-aayos ng sistema ng dumi sa mga turista sa beach.

August 19, 2022 0 comment

NATIONAL NEWS

Weekly positivity rate ng COVID-19 sa bansa, bumaba sa 15.3%

written by Angelica Doctolero

Bumaba ang weekly positivity rate ng COVID-19 sa National Capital Region (NCR).

Ayon kay Octa research fellow Dr. Guido David, bumaba ito sa 15.3% noong August 17 mula sa 17.2% noong August 10.

Ang positivity rate ay tumutukoy sa dami ng indibidwal na nagpopositibo sa COVID-19 mula sa kabuuang bilang ng mga nagpa-test.

Sumampa naman sa 40% mula sa 36% ang healthcare utilization rate at ICU occupancy rate sa 36% mula sa 33% sa rehiyon.

Matatandaang sinabi ng OCTA research na bumababa na ang kaso ng COVID-19 sa Metro Manila.

August 19, 2022 0 comment

HEADLINES NATIONAL NEWS

Bilang ng mga mag-aaral na fully vaccinated kontra COVID-19, 19% lamang – DepEd

written by Angelica Doctolero

Nasa 19% lamang ng mga mag-aaral sa buong bansa ang nakatanggap ng kumpletong bakuna laban sa COVID-19.

Ayon kay Department of Education (DepEd) spokesperson Michael Poa, ang mababang bilang ay dahil sa hindi mandatoryong COVID-19 vaccination program ng pamahalaan.

Sa kabila nito, nasa 92% ang vaccination rate ng mga guro at non-teaching personnel.

Una nang sinabi ng kagawaran na magsasagawa ito ng mobile vaccination sa mga paaralan para mapataas ang bilang ng mga nababakunahan na mag-aaral.

August 19, 2022 0 comment

HEADLINES HOT STORIES OF THE WEEK NATIONAL NEWS

5K cash allowance ng mga guro, ipapamahagi sa Agosto 22

written by Angelica Doctolero

Mamamahagi ng P5,000 cash allowance ang Department of Education (DepEd) para sa lahat ng mga guro sa muling pagbubukas ng klase sa Agosto 22.

Ayon kay DepEd spokesperson Michael Poa, ito ay makatutulong para sa karagdagang gastos ng mga teacher.

Nilinaw rin niya na hindi magmumula sa Maintenance and Other Operating Expenses (MOOE) ng paaralan ang pondong gagamitin sa nasabing assistance.

Samantala, tiniyak ni Poa na lahat ng mga guro ay makatatanggap ng naturang ayuda.

August 19, 2022 0 comment

HOT STORIES OF THE WEEK NATIONAL NEWS

Mahigit 200K pasahero sa iba’t ibang pantalan sa bansa, naitala ng PCG

written by Angelica Doctolero

PASEHERO PANTALAN PCG PHILIPPINE COAST GUARD

Sumampa na sa 200,000 pasahero mula sa iba’t ibang pantalan sa bansa ang naitala ng Philippine Coast Guard (PCG) sa ilalim ng “Oplan balik-eskwela 2022” ng Department of Transportation (DOTr).

Batay sa datos ng PCG, nasa 135,252 ang kabuuang bilang ng outbound passengers habang nasa 125 thousand 883 naman ang inbound passenger noong nakarang linggo.

Umabot na rin sa 1,280 vessels ang ininspeksyon ng PCG sa mga pantalan.

Samantala, nakahanda na ang coast guard para sa muling pagbabalik ng face-to-face classes sa Agosto 22.

August 19, 2022 0 comment

HEADLINES NATIONAL NEWS

Bilang ng mga bus sa EDSA carousel tuwing rush hour, pinadadagdagan ng DOTr

written by Angelica Doctolero

Pinadadagdagan ng Department of Transportation (DOTr) ang mga bus sa EDSA carousel para masolusyunan ang problema ng mga komyuter tuwing rush hour.

Ayon kay DOTr Undersecretary Timothy John Batan, target ng kagawaran na gawing 650 ang bilang ng mga bus mula sa 550.

Aniya, nakikipag-ugnayan na rin siya sa mga operator ng Public Utility Buses (PUBs) para resolbahin ang tumataas na bilang ng mga pasahero sa EDSA carousel.

Dagdag pa ni Batan na maglalagay ng dalawang EDSA carousel stations sa Tramo at Ayala Avenue ang Department of Public Works and Highways (DPWH) para mapabuti pa ang mga mananakay.

Mababatid na malaki ang maitutulong ng naturang hakbang sa inaasahang pagtaas ng bilang ng mga mananakay sa pagsisimula ng pasukan sa Lunes.

August 19, 2022 0 comment

HEADLINES HOT STORIES OF THE WEEK NATIONAL NEWS

2 dagdag kaso ng Monkeypox, naitala sa Pilipinas

written by Angelica Doctolero

Nakapagtala ng karagdagang dalawang kaso ng Monkeypox ang Pilipinas.

Ayon kay DOH Officer-In-Charge Maria Rosario Vergeire, ang mga bagong kaso ay nasa edad 34 at 29 na may travel history sa mga bansang may kumpirmadong kaso ng Monkeypox.

Aniya, nagpositibo ang mga ito kahapon at ngayong araw.

Dagdag ni Vergeire, nagsasagawa na ang kagawaran ng contact tracing.

Matatandaang, inanunsiyo ang unang kaso noong July 29 kung saan nakita ito sa isang Pinoy na umuwi ng bansa.

August 19, 2022 0 comment

HEADLINES NATIONAL NEWS

Pagbubukas ng ekonomiya mula sa epekto ng COVID-19, asahan—NEDA

written by Angelica Doctolero

Posibleng maramdaman ang resulta ng pagbubukas ng ekonomiya mula sa epekto ng COVID-19 pandemic sa susunod na taon.

Ito ang inihayag ni National Economic and Development Authority (NEDA) Undersecretary Rosemarie Edillion. Kung magtutuloy-tuloy pa ang recovery ng bansa aasahan sa susunod na taon ang epekto nito.

Aniya, ngayon pa lamang 2022 ay nakabalik na sa pre-COVID levels ang Pilipinas.

Kailangan na lamang aniya na paigtingin pa ang nararanasan na paglago sa ekonomiya.

August 19, 2022 0 comment

HEADLINES HOT STORIES OF THE WEEK NATIONAL NEWS

Supermarkets , pumayag nang ibaba ang presyo ng asukal

written by Angelica Doctolero

Magkakaroon na ng pagbagsak-presyo sa kada kilo ng asukal sa mga supermarket.

Ito ay matapos makipag-usap si Executive Secretary Victor Rodriguez sa mga may-ari ng malalaking mall at mga kilala ring mga supermarket

Mula sa 90 hanggang 110 sa kada kilo, pumayag ang malalaking supermarket na ibaba ito sa 70 pesos kada kilo.

Ang mga supermarket na pumayag ay ang Robinson’s supermarket, SM Supermarket, Puregold supermarket, at SNR membership shopping.

Kaugnay nito ay pinuri naman ng Malakanyang o ni President Ferdinand “Bongbong” Marcos Jr., ang sakripisyo ng mga negosyante na isinasantabi na muna ang kanilang kita alang-ala sa publiko.

August 19, 2022 0 comment

Newer Posts

Older Posts