NATIONAL NEWS

Lalo pang lumagapak ang halaga ng piso kontra dolyar sa ikatlong sunod na araw ngayong linggo.

 Sa inilabas na bulletin ng Bankers Association of the Philippines, nagsara ngayong araw sa 57 pesos & 13 centavos ang halaga ng piso kada dolyar.

 Matatandaan na naitala kahapon ang pinakamababang record matapos magsara ang palitan sa 57 pesos.

 Samantala, inihayag naman ni Bangko Sentral ng Pilipinas (BSP) Governor Felipe Medalla ang posibilidad ng policy tightening at sinabing kinakailangang tugunan muna ang food supply at petroleum prices bago ikonsidera ang “pause” bunsod ng pagtaas ng rates basis points.

Naghain ng not guilty plea sa kasong frustrated homicide ang SUV driver na ginulungan ang isang security guard na nagmamando ng trapiko sa labas ng isang mall sa Mandaluyong City.

Mababatid na sinamahan si Jose Antonio Sanvicente ng kanyang abogadong si Danny Macalino para sa kanyang arraignment sa Mandaluyong City Regional Trial Court, kung saan itinakda ng korte ang pre-trial ng kanyang kaso sa Oktubre a-kwatro.

Una nang inanunsyo ng Land Transportation Office (LTO) noong Hulyo na bawal nang magmaneho si Sanvicente matapos i-revoke ang lisensiya nito, bagama’t maaari pa rin siyang bumili ng sasakyan.

Nanawagan sa kongreso ang Commission on Elections (COMELEC) na magpasa ng batas na mag-oobliga sa Office of Civil Registry na ibigay ang death certificates sa poll body upang mapabilis ang paglilinis ng listahan ng mga botante.

 Ayon kay COMELEC Chairman George Garcia, mahirap i-update ang listahan ng mga registered voter dahil ang isang botante sa isang partikular na lugar, gaya nalang halimbawa sa Camarines Sur, ay maaring mamatay sa lungsod ng Maynila.

 Nilinaw ng opisyal na sa sitwasyong iyon, ang Office of Civil Registry sa Maynila ay hindi isasama ang pangalan ng namatay na tao mula sa camarines sur kapag nagsumite ng quarterly na listahan sa lokal na COMELEC.

 Mababatid na ito ay dahil ang namatay na tao ay botante Sa Camarines Sur at hindi sa Lungsod ng Maynila.

Inihayag ni Philippine Exporters Confederation Incorporated President Sergio Ortiz Luis Jr. na isa sa mga makikinabang sa patuloy pagbaba ang halaga ng piso kada dolyar ang mga exporter at mga pamilya ng Overseas Filipino Workers (OFWs).

Ayon kay Luis, halos 100% ng import component ng bansa ang nakikinabang dito na taliwas naman sa pangamba ng maraming ordinaryong pilipino na pasakit ang matataas na bilihin at singil sa mga pangunahing serbisyo.

Binigyang-diin ng opisyal na karamihan ng mga Pilipino, ay umaaasa sa dolyar.

Sinabi rin ni Luis na maaari namang maapektuhan ang mga importers dahil sa pagbagsak ng halaga ng piso.

Inaasahang papasok sa Philippine Area of Responsibility (PAR) ang isang tropical storm ngayong araw.

Ayon sa Philippine Atmospheric, Geophysical and Astronomical Services Administration (PAGASA), lumakas ang tropical cyclone at opisyal nang naging tropical storm.

Mababatid na ang naturang bagyo ay may lakas ng hangin na 65 kilometers per hour, pagbugsong aabot sa 80 kilometers per hour at kumikilos pakanluran sa bilis na 25 kilometers per hour.

Samantala, binigyang-diin ng pagasa na malabong direktang magdala ng malakas na ulan at malakas na hangin sa pilipinas ang tropical storm.

Nasa pagpapasya na ng Department of Health (DOH) kung luluwagan ang paggamit ng face mask sa bansa gaya na lamang sa Singapore.

 Ito ang inihayag ni Press Secretary Trixie Cruz-Angeles bilang tugon sa tanong kung gagaya ba ang Pilipinas sa Singapore na nagluwag na sa paggamit ng kanilang face mask.

 Ayon sa kalihim, iminungkahi ng Department of Tourism (DOT) ang pagluwag ng face mask mandate sa ilang lugar sa bansa subalit ang doh aniya ang magpapasya kung papayagan ito.

 Kailangan aniya itong mapag-usapang mabuti ng iba’t-ibang ahensiya ng pamahalaan bago tuluyang pagdesisyunan kung kinakailangan nang baguhin ang polisiya sa paggamit ng face mask.

 Matatandaan na una nang kumontra ang DOH sa naging polisiya ng Cebu City government na hindi na ipapatupad ang mandatory na pagsusuot ng face mask sa mga outdoor areas sa lungsod.

Hininto ng Commission on Higher Education (CHED) ang programa na naglalayong tulungan ang mga mag-aaral sa kolehiyo sa pamamagitan ng pautang o loan na babayaran pagkatapos ng graduation.

Ito’y ayon kay CHED Chairperson Prospero de Vera ay dahil sa “napakababang” payment rate.

Anang opisyal, nagdesisyon ang gobyerno na ihinto ang “Study Now, Pay Later Program” dahil karamihan ng nag-loan ay hindi nagkatrabaho pagkatapos ng graduation.

Mababatid na dahil dito ay wala silang sapat na pera upang mabayaran ang kanilang utang.

Pumalo na sa 10 ang namatay sa South Korea bunsod ng malaking alon at malakas na pag ulan na dala ng bagyong Hinnamnor.

 Ang Hinnamnor na sinasabing pinakamalakas na bagyong tumama sa South Korea makalipas ang ilang dekada, ay binaha ang mga kalye at gusali nang dumaan ito noong Lunes at Martes.

 Hinila naman palabas ang pitong bangkay at dalawang nakaligtas mula sa pagkakalubog sa paradahan sa ilalim ng lupa sa isang apartment complex sa pohang, ayon sa central disaster and safety countermeasures headquarters.

 Na-trap naman ang siyam ka-tao matapos magpunta sa parking lot habang malakas na bumuhos ang ulan.

 Patuloy naman ang pagsasagawa ng search and rescue operations habang dalawang tao naman ang naiulat na nawawala ayon sa otoridad.

 Sa kasalukuyan, nasa mahigit 4,700 katao ang napilitang lisanin ang kanilang tahanan para sa kanilang kaligtasan.

 Nasa 12 libong tahanan at gusali ang nasira habang nasa siyamnapung libong tahanan naman ang nawalan ng kuryente sa South Korea. –  sa panulat ni Hannah Oledan

Inihayag ng dating kalihim ng Department of Agriculture (DA), hindi masama ang palitang 57 pesos kada dolyar.

 Ayon kay Emmanuel “Manny” Piñol, maaari itong makapagbukas ng oportunidad para sa mga Overseas Foreign Worker (OFW) at local food producers.

 Matatandaan na bumaba muli sa ika-apat na araw ang palitan ng piso na pumalo sa all-time low value nito na 57 pesos kahapon.

 Samantala, umabot sa 6.3% ang inflation rate noong Agosto na mas mababa kumpara sa 6.4% na naitala noong Hulyo.