NATIONAL NEWS

Inihayag ng Department of Social Welfare and Development (DSWD)na posibleng magkaroon ng one-time big-time educational assistance payout ang kagawaran.

Ito ay dahil sa patuloy na pagdagsa ng mga aplikante na nagbabaka-sakaling makakuha ng cash aid.

Ayon kay DSWD Assistant Secretary Romel Lopez, ipaprayoridad nila ang mga nasa malalayong lugar na walang kakayahang magparehistro online.

Kahapon, umabot sa mahigit apat na raang libong benepisyaryo na target ng kagawaran ang napamahagian ng educational assistance.

Inihayag ng Commission on Elections (COMELEC) na pangalawang may pinakamataas na voter turnout ang Maguindanao plebiscite na may 80.84% o katumbas ng 700,000 botante.

Binigyang-diin ni Acting Poll Spokesperson Rex Laudiangco na most-participated sa province-wide plebiscite  ang Maguindanao dahil sa kabuuang bilang ng mga rehistradong botante at mga aktwal na bumoto.

Batay sa datos ng COMELEC, nasa 712,857 mula sa 881,790 botante ang aktwal na bumoto sa naturang plebisito.

Sa nasabing bilang, 99.27% o katumbas ng 707,651 ang bumoto ng “yes” para hatiin ang lalawigan sa dalawa habang 0.73% o 5,206 ang bumoto ng “no”

Nabatid na ang naturang plebisito ay tutukoy kung mahahati ang lalawigan ng maguindanao sa dalawa, na tatawaging Maguindanao Del Norte at Maguindanao Del Sur.

Malapit nang magbabalik sa aksyon ang Filipina Basketball Star na si Jack Animam, matapos sa gumaling sa knee surgery.

Kinumpirma ito ni Gilas Pilipinas Women Coach Pat Aquino na siyang mahigpit na nagmomonitor sa rekober ni animam sa United States.

Napunit ang Anterior Cruciate Ligament (ACL) ni Animan sa kanyang kaliwang tuhod, habang naglalaro para sa Radnicki Kragujevac sa first Women’s Basketball League noong Nobyembre.

Nagtala ng averaged si Animam ng seventeen points at ito ang kanyang unang stint bilang professional basketball player.

- sa panunulat ni Jenn Patrolla

Posibleng ratipikahan na ngayong araw ang opisyal na paghahati sa dalawang probinsya ng Maguindanao.

Ayon kay Commission on Elections (COMELEC) Spokesperson John Rex Laudiangco, 707,651 o 99.27% ng residente sa Maguindanao ang bumoto ng yes sa ginanap na plebisito kahapon, habang 5,206 o         0. 073 % ang bumoto ng no.

12  sa 36 na munisipalidad sa Maguindanao ang nagpasa sa COMELEC ng kanilang canvass of votes, alinsunod sa official canvas ng plebiscite provincial board of canvassers.

Makatutulong ang paghahati upang maayos na magkaroon ng access ang mga Maguindanaon sa ilang basic health services tulad ng edukasyon, healthcare, at transportation.

Una rito, sinabi ni Laudiangco na kapag lumampas sa 70 % ang voters’ turnout ay magiging history na ito pagdating sa mga plebisito.

Welcome sa ilang grupo ng operators at jeepney ang pag-apruba ng LTFRB, sa petisyong taas-pamasahe sa mga pampublikong sasakyan.

Ito ay matapos itaas ng LTFRB sa P 12.00 ang minimum fare sa mga traditional na dyip, P 14.00 sa modern jeepneys; P 13.00 sa mga ordinary city bus; P 15.00 sa mga air-conditioned city bus; P 45.00 sa mga taxi at SEDAN-type TNVS; at P 55.00  sa mga AUV/SUV-type TNVS.

Ayon kay Obet Martin, Presidente ng pasang masda, makatutulong ang desisyon sa gitna ng pagtaas ng presyo ng produktong petrolyo.

Nagpaalala naman si Martin sa kanilang mga miyembro na hindi pa maaaring ipatupad ang fare hike, dahil hihintayin pa ang opisyal na fare matrix.

Maliban sa pasang masda, nakukulangan naman ang Liga Ng Transportasyon at Operators sa Pilipinas (LTOP) sa inaprubahang taas-pasahe.

 Giit ni Orlando Marquez, Presidente ng LTOP, imbes na itaas sa dose, dapat ay disisais ang maging minimum fare na pamasahe sa mga dyip.

Malaking tulong sa sektor ng turismo ng Pilipinas ang pagpapatupad ng opsyonal na pagsusuot ng face mask, kapag nasa outdoor o open spaces.

Ito ay matapos aprubahan ni Pangulong Bongbong Marcos Jr. ang rekomendasyon ng mga ekperto na payagan nang hindi magsuot ng face mask, kapag nasa lugar na bukas at may espasyong maayos ang bentilasyon.

Sa panayam ng DWIZ kay Joey Concepcion, Dating Presidential Adviser for Entrepereneurship, sinabi nito na malaking bentahe sa turismo ang kautusan dahil mas makakaakit ito ng mga turista at negosyong mamuhunan sa bansa.

Ang mga negosyong makikinabang ay ang mga nakalinya sa hotels at beach na magiging pantapat sa ibang atraksyon ng ibang bansa.

“Eh pangit tingnan yan sa ibang lugar, ang kakompetensya natin ngayon Thailand,Malaysia, Indonesia, at iba pang destinations. So kawawa naman ang tourism natin dito, kailangan ibenta natin iyong mga dump isla, siguro dapat makita nilang walang facemask na gaganahan silang pumunta dito, eh biro mo kung lahat sila gumagamit ng facemask sino pang pupunta dito sa Pilipinas?, Kung lahat ng tao nasa beaches or Isla natin, huwag ng gumamit ng face mask nakakatakot naman iyan.”

Bumiyahe na patungong New York, Amerika si Pangulong Ferdinand ‘Bongbong’ Marcos Junior, para dumalo sa ika-77 United Nations General Assembly (UNGA).

Kauna-unahang pagkakataon ito na makikipag-ugnayan si Pangulong Marcos sa international body at unang beses na bibisita sa us bilang pangulo ng Pilipinas.

Makakasama ni PBBM patungong us ang kaniyang first lady na si Liza Marcos, ilang miyembro ng gabinete at business leaders.

Sa departure statement ng pangulo sa NAIA terminal 2 sa Pasay City kaninang umaga, inalatag ni PBBM ang mga paksang kaniyang tatalakayin sa un high-level debate na gaganapin sa September 20.

“I will be delivering the national statement of the 20th September, in which I will outline our expectations of the United Nation and the work I have, the role our contribute like, and our contributions to strengthening the international system.Taking this into account I will once share the Philippines vision in people centered development, highlighting the administration, transfer economic recovery,food security,and agricultural productivity.”

Maliban sa pagbibigay ng national statement, makakapulong din ng pangulo si UN Secretary-General Antonio Guterres at iba pang lider maging ang pagdalo sa ilang business activities.

“During this visit, I will meet with UN Secretary – General Antonio Guterres, and leaders of long standing and important partners of the Philippines, I will discuss with them opportunities with stronger cooperation, in food security, agriculture, renewable energy and climate change which are among the 3 prioritize of the administration, I will also participate in business activities, deforg or partnership to advance our national economic sustainable development in general.”