NATIONAL NEWS

Inihayag ng Department of Social Welfare and Development (DSWD) na posibleng magkaroon ng one-time big-time educational assistance payout ang kagawaran.

Ito ay dahil sa patuloy na pagdagsa ng mga aplikante na nagbabaka-sakaling makakuha ng cash aid.

Ayon kay DSWD Assistant Secretary Romel Lopez, ipaprayoridad nila ang mga nasa malalayong lugar na walang kakayahang magparehistro online.

Kahapon, umabot sa  mahigit 400K benepisyaryo na target ng kagawaran ang napamahagian ng educational assistance

Nakumpiska ng otoridad sa dalawang suspek ang 6 na sachet ng  P200 k halaga ng hinihinalang shabu at isang brown na pouch  sa isang buy-bust operation na ikinasa ng mga otoridad sa  Quezon City  na kinilalang sina alyas Dodoy at John.

Kung saan ang alyas dodoy ay naaresto na noong 2021 dahil naman sa sugal.

Ayon kay P/Lt. Anthony Dakil, una nilang minanmanan ang bahay sa Barangay Pasong Tamo kung saan nahuli ang mga suspek,  dahil sa pugad umano ito ng sugal  na anilay sinamahan ng drugs at bentahan ng shabu.

Sa ngayon nasa custodial facility na ng QCPC station 14  ang dalawa , na nahaharap  sa kasong  paglabag sa  Republic Act 9165 o ang Dangerous Drugs Act of 2002.

Isinusulong ni Senate Basic Education Committee Chairman Senator Sherwin Gatchalian ang pagbuo ng online library.

Ito’y upang mabigyan aniya ng access o digital copy ng learning materials  ang mga mag-aaral sa  elementarya at highschool.

Sa Senate Bill no. 477 o Philippine Online Library Act, na inihain ng senador inaatasan ang Department of Education (DepEd) katuwang ang National Library of The Philippines na gumawa ng digital na kopya ng lahat ng libro at reference books.

Kung saan aatasan din ang DepEd na magbigay ng computers, laptops, at iba pang naaangkop na device sa lahat ng pampublikong elementarya at sekondaryang paaralan sa buong bansa upang matiyak ang access sa mga materyales.

 Habang ang Department of Information and Communications Technology (DICT) ay dapat tiyakin  ang libre, maaasahan, at secure na internet access” sa mga paaralan

Inihayag ng samahan at ugnayan ng mga konsyumer para sa ikauunlad ng bayan o suki na aabot sa P 9,900 mula  P 7,000 bago magpandemya  ang kailangan ng isang public college student sa Metro Manila upang makapamuhay ng disente kada buwan

Ayon kay Suki Convener Louie Montemar, para ito sa budget para sa transportasyon, pagkain at upa sa tirahan.

Gayong kahit estudyante aniya ay apektado ng inflation

Matatandaang naitala ang 6.3% na inflation rate sa bansa nitong Agosto na bahagyang mas mababa kumpara sa 6.4 % noong Hulyo.

Nadakip ng Southern Police District ang 37 gulang na lalaki sa Muntinlupa na nagtago sa kasong homicide matapos magpyansa noon pang 2009.

Ayon sa pulisya, matapos kasing magpyansa ng suspek na kinilalang si Ricky Candelaria noong 2009 hindi na ito nagpakita sa paglilitis ng korte kaugnay sa nasabing kaso na nagresulta sa pagkamatay ng kanyang kaibigan

Itinanggi naman ito ng suspek at iginiit na hindi niya sinasadya ang pangyayari kung saan bigla na lamang aniya siyang sinugod ng kanyang kaibigan habang nagluluto at pinalo ng mainit na sanse dahilan upang kumuha siya ng kutsilyong panluto at tinamaan ang biktima sa paa.

Naisugod naman umano ang biktima sa ospital ngunit nawalan ito ng maraming dugo at inatake sa puso.

Kaugnay nito, matapos maaresto ang suspek, ililipat  ito sa new bilibid prison ayon sa pulisya

Napagkasunduan nina Pangulong Ferdinand “Bongbong” Marcos Jr. At French President Emmanuel Macron na palakasin ang ugnayan ng Pilipinas at France.

Matapos ito ng naging usapan ng dalawang lider sa telepono kung saan tinalakay ng mga ito ang ilang isyu gaya ng pagpapalakas sa bilateral ties.

Habang muli itong pinagtibay ni Macron  ang nasabing commitment ng France pagdating sa Indo-Pacific region, maritime situation pagpapanatili ng biodiversity at iba pa sa   pamamagitan ng isang pahayag na inilabas ng opisina ng presidente.

Inaasahan ni House Speaker Martin Romualdez na mag-aani ng maraming benepisyo para sa bansa at sa mahigit 4-M Pilipino at Filipino-American na naninirahan o nagtatrabaho sa Amerika ang pagdalo ng pangulo sa 77th United Nations (UN) General Assembly in New York City.

Ayon kay Romualdez, kasunod ito ng matagumpay na state visit ng presidente sa Indonesia at Singapore kamakailan.

Nabatid na ang kasama rin ang House Speaker sa nasabing US visit ng pangulo.

Nagpahayag ng suporta ang isang Infectious Disease Expert sa panukala ng Department of Health (DOH) na baguhin ang pagtukoy sa terminong “fully vaccinated” laban sa COVID-19.

Ayon kay Dr. Rontgene Solante, hindi gagana ang herd immunity na target ng bansa kung ibabase lamang sa dalawang dose ng COVID-19 vaccine na kahulugan din ng fully vaccinated, dahil sa mga lumalabas na iba’t ibang variant at sub-variant ng virus.

Una nang ipinayo ni Pangulong Ferdinand Marcos Jr. na huwag baguhin ang naturang kahulugan kung sino ang maaaring ituring na ganap na nabakunahan laban sa COVID-19 dahil magdudulot ito ng kalit

Inihayag ng National Citizens’ Movement for Free Elections o NAMFREL na maayos at mapayapa ang isinagawang plebisito sa Maguindanao.

Nabatid na ito ay tutukoy kung mahahati sa dalawa ang lalawigan na tatawaging Maguindanao Del Norte at Maguindanao Del Sur.

Ayon kay NAMFREL Chairman Lito Averia, wala silang naitalang incident report o mga hindi kanais-nais na insidente.

Samantala, sinabi rin ni COMELEC Chairperson George Garcia na hindi lamang naging generally smooth at peaceful ang naturang plebisito kundi ito rin ay may mataas na voter turnout.