NATIONAL NEWS

Naabot na ng National Capital Region (NCR) ang target na bilang ng mababakunahan sa PinasLakas vaccination campaign ng Department of Health (DOH).

Batay sa datos ng DOH-Metro Manila Center for Health Development o MMCHD-DOH, umabot na sa 90% ng mga senior citizen sa Metro Manila ang nakatanggap ng initial dose ng bakuna habang 50.04% ang nakatanggap ng kanilang booster shot.

Tiniyak naman ni MMCHD-DOH assistant regional director Dr. Aleli Sudiacal na patuloy ang pagbabakuna sa bansa lalo’t isang rehiyon pa lamang ang nakaabot sa target.

Matatandaang una rito, ibinaba ng DOH sa 30% ang target na booster coverage sa bansa mula sa 50% na itinakda hanggang October 8.

Umani ng kaliwa’t kanang papuri ang bagong lunsad na ‘Bigas sa Basura’ program ng lokal na pamahalaan ng Muntinlupa sa ilalim ni Mayor Ruffy Biazon.

Ayon kay Public Information Office Chief Tez Navarro, ang implementasyon ng programa ay pinangungunahan ng Environmental Sanitation Center (ESC) at Gender and Development Office (GAD).

Sinabi ni Navarro na kung gaano kabigat ang basura ay ganoon din ang makukuhang bigas ng mga babaeng Muntinlupeño.

“Bigas sa Basura aim is to gather household waste, we encourage women/mothers to segregate waste and bring to ESC in exchange for rice. Since this is Gender Development program, we empower women to earn by getting kilos of rice. We call them Women Eco Warriors. The head of GAD is Mr. Reggie Salonga,” wika ni Navarro.

Muling magdaraos ng Giant Lantern Festival ang San Fernando, Pampanga.

Gaganapin ang official launching ng programa mamayang 5 PM sa Robinsons Starmills, kasabay ng seremonyal na pag-iilaw ng malaking christmas tree sa loob ng naturang mall.

Ang San Fernando Pampanga na kilala bilang ‘christmas capital ng bansa’ at ‘asia’s home of the giant lanterns’ ay huling nagsagawa ng lanter festival noong 2021 para sa mga pilipino.

Samantala, sisindihan rin mamayang gabi ang mga naggagandahang parol na gawa ng mga taga San Fernando Pampanga.

Gaganapin ito sa mga sumusunod na malls;

• City Hall’s Façade
• Heroes Hall’s Façade
• Heroes Hall’s Fence
• Heroes Hall’s Park
• Giant Lantern & Tourist Information Center
• Jose Abad Santos Avenue Flyover
• Jasa Lamp Posts
• Lazatin Boulervard Flyover
• San Fernando Roundabouts
• San Fernando’s Welcome Arches
• Civic Center Lamp Posts & Park
• Building Interiors
• Portion of The Acacia Trees Along Mcarthur  - sa panunulat ni Hannah Oledan 

Matapos ang mahigit tatlong taon, muling magkakaroon ng college entrance test ang University of the Philippines (UPCAT) sa taong 2023.

Noong 2020 huling isinagawa ang exam nang hindi pa nagsisimula ang COVID-19 pandemic na sinuspinde ng tatlong beses hanggang ngayong 2022.

Sa March 2023 bubuksan ng unibersidad ang aplikasyon para sa UPCAT 2024 habang ang examination ay sa June 3 at 4 ng parehong taon sa halos isang daang testing centers sa bansa.

Kwalipikadong sumailalim sa pagsusulit ang mga Grade 11 students na magtatapos ng senior high school sa katapusan ng academic year 2024-2025.

Inamin naman ng unibersidad na ang maagang schedule para sa upcat ay para masiguro ang maagang paglalabas ng resulta lalo at inaaasahan nito ang malaking bilang ng mga aplikante.- sa panunulat ni Hannah Oledan

Hindi na isasailalim sa recalibration ang metro ng taxi para sa mas mataas na singil sa pasahe sa susunod na buwan.

Sinabi ni Land Transportation Franchising And Regulatory Board Deputy Executive Director Robert Peig, tanging ang flagdown rate lang naman ang tataas sa taxi at hindi kasama ang suceeding kilometers.

Dagdag ng LTFRB na imbes na recalibration, maglalabas sila ng notice na maaaring ipaskil sa mga taxi units para magabayan ang mga pasahero sa dagdag na P 5.00 sa flagdown rate.

Samantala, inaasahan naman ng ahensiya na dadagsa ang mga mag-aapply ng fare matrix bago tuluyang maging epektibo ang fare hike sa October 3.

Kumikilos na ang Land Transportation Office (LTO) upang maresolba ang problema hinggil sa isyu ng backlog ng mga plaka ng mga sasakyan.

Ayon kay Atty. Alex Abaton, LTO Special Legal Assistant to the Office of the Assistant Secretary, maghintay lamang ang mga mamamayan gumagawa na ng paraan ang ahensiya upang tugunan ang mga backlogs sa plaka na mula pa noong 2016.

Sa ngayon ay gumagana na ang mga planta kaya’t sigurado ito na magagawa na ang mga plaka ng mga sasakyan.

Samantala, kasama ito sa panukalang pondo na inihain sa kongreso na mahigit anim na bilyong piso upang punuan ang lahat ng backlogs, ngunit P 4.7-B lamang ang inaprubahan ng Department of Budget and Management (DBM).