NATIONAL NEWS

33rd Philippine Travel Mart, ikinasa na ; 300 exhibitors, binuksan na sa publiko

Umarangkada na simula ngayong araw na ito ang 33rd Philippine Travel Mart sa SMX Convention Center, MOA Complex,Pasay City.

Sa idinaos na opening ceremony, kabilang sa mga nanguna sa ribbon cutting si Ginoong Marvin Estigoy, Vice President for sales and marketing ng Aliw Broadcasting Corporation at insular broadcasting corporation bilang kinatawan ng chairman ng ALC Group of Companies na si D. Edgard Cabangon.

Ayon sa Philippine Tour Operators Association (PHILTOA) tampok sa Philippine Travel Mart ngayong taon ang tatlong daang exhibitors na naka puwesto sa apat na malalaking hall ng SMX convention center.

Isa sa mga exhibitors ang hotel group ng ALC Group of Companies tulad ng Citystate Tower Hotel, Club Ananda at Asturias Hotel at Manila Grand Opera Hotel.

Ipinabatid ng philtoa na nakikiisa rin sa 3-day fair ang 12 rehiyon ng bansa , dahilan man kaya’ itinuturing itong pinakamalaking travel event sa buong bansa , simula ng pandemya.

Binigyang diin ng PHILTOA na titiyakin nilang naiiba ang nasabing tourism event kasunod na rin nang pupusang paghahanda nila para rito.

Ang 33rd Philippine Travel Mart ay inorganisa ng philtoa katuwang ang Department of Tourism at Tourism Promotions Board gayundin ng bank of the Philippines Island, Philippine Air Asia, Turkish Airlines, Cebu Pacific Air, Philippine Airlines at PLDT Enterprise.

Kabilang naman sa media partners ng naturang event ang DWIZ 882, Home Radio 979, Pilipino Mirror, Business Mirror at Philippines Graphic na pawang nasa ilalim ng ALC Media Group of Companies.

September 30, 2022 0 comment

HEADLINES NATIONAL NEWS

Utang ng Pilipinas umabot na sa P 13-T

written by Angelica Doctolero

Sumampa na sa P 13- T ang utang ng pilipinas.

Ayon sa Bureau of Treasury, ito na ang pinakamatas na naitala nila na lumobo na P 13.02- T ang outstanding debt ng national government nitong nakaraang buwan.

Sa nasabing halaga, P 8.94- T ay mula sa domestic borrowing habang nasa P 4.08 -T sa utang panlabas ng bansa.

Nabatid na pumalo sa P 1.29 – T o 11 % current level ng utang ng bansa mula nuong Disyembre ng nakaraang taon.

September 30, 2022 0 comment

NATIONAL NEWS

Pagdiriwang ng pasko ng mga pinoy, mas magiging maganda ngayong taon – OCTA

written by Angelica Doctolero

Mas magiging maganda ang pasko ng mga Pilipino ngayong 2022 kumpara noong mga nagdaang taon.

Ayon ito kay OCTA Research Professor Ranjit Rye matapos luwagan ng gobyerno ang mga ipinatupad na restriksyon laban sa COVID-19.

Nagbago na rin aniya ang metrics na sinusunod ng pamahalaan sa kasalukuyan at nananatiling manageable ang variants ng COVID-19 sa bansa.

Kaya’t ito ani Rye ang dahilan kung bakit positibo ang grupo na magiging maganda ang pagdiriwang ng pasko ngayong taon.

September 30, 2022 0 comment

NATIONAL NEWS

DepEd patuloy na bineberipika ang mga report ng COVID-19 cases sa mga paaralan

written by Angelica Doctolero

Patuloy na bineberipika ng Department of Education (DepEd) ang mga ulat ng COVID-19 cases sa mga paaralan.

Ayon kay DepEd Spokesperson Attorney Michael Poa, wala pa silang “accurate” na datos dahil inaalam pa nila ang impormasyon sa ginagawang tracking ng mga lokal na pamahalaan at ng Department of Health.

Tiniyak naman ng tagapagsalita na mahigpit na binabantayan ng kagawaran ang sitwasyon ng mga paaralan sa buong bansa.

Samantala, plano ni Poa na i-institutionalize ang blended learning para matugunan ang kakulangan sa silid-aralan at para mapagaan ang administrative task ng mga guro.

September 30, 2022 0 comment

HEADLINES NATIONAL NEWS

Pasok sa PRC, kanselado sa October 3

written by Angelica Doctolero

Pansamantalang sinuspindi ang pasok sa lahat ng regional at satellite office ng Professional Regulation Commission (PRC) sa Lunes, Oktubre 3.

Batay sa abiso ng PRC, ito ay dahil sa iba’t ibang aktibidad sa Licensure Examination for Professional Teachers (LEPT) na isasagawa sa Linggo, October 2.

Tatanggapin naman ang mga indibidwal na may appointment at apektado sa nasabing suspensyon sa Martes, Oktubre 4.

Samantala, hinikayat naman ng PRC ang publiko na mag-email na lamang sa regional offices ng komisyon ng kanilang mga queries at concern.

September 30, 2022 0 comment

HEADLINES NATIONAL NEWS

LTO, nagsagawa ng random drug test sa mga drayber sa Valenzuela at QC

written by Angelica Doctolero

Nagkasa ang Land Transportation Office (LTO) ng Anti-Truck Overloading Operation at random drug test sa mga driver sa Valenzuela at Quezon City.

Kaisa ng LTO sa naturang operasyon ang Philippine National Police (PNP), Philippine Drug Enforcement Agency (PDEA) at Department of Public Works and Highways (DPWH).

Nakapagtala naman ang mga otoridad ng apat na nagpositibo sa iligal na droga, tig dalawa sa mga nasabing lungsod.

Dahil dito, kinumpiska ang mga lisensya ng mga ito at inaresto dahil sa paglabag sa RA10586 o Driving Under the Influence of Dangerous Drugs.

Samantala, hindi naman bababa sa 50 trucks ang nahuli dahil sa overloading.

September 30, 2022 0 comment

HEADLINES NATIONAL NEWS

COMELEC, ipagpapatuloy pa rin ang voter registration kahit maaprubahan ang kanselasyon ng BSKE

written by Angelica Doctolero

Inihayag ng Commission on Elections (COMELEC) na tuloy pa rin ang voter registration kahit na maisapinal ang pagpapaliban sa Barangay at Sangguniang Kabataan Elections (BSKE) sa Disyembre.

Sinabi ni COMELEC Chairman George Garcia, gagawin nila ito dahil nasa pito hanggang siyam na milyong kwalipikadong botante ang hindi pa nakakapagrehistro.

Ginawa ni Garcia ang pahayag kasunod ng pag-apruba ng kamara at senado sa huli at ikatlong pagbasa ang panukalang pagpapaliban ng BSKE.

Samantala, binigyang diin ni Garcia na kahit ano pa ang maging desisyon ng pangulo, muling maglalatag ng voters’ registration ang komisyon mula Nobyembre ngayong taon hanggang sa Hunyo ng susunod na taon.

September 30, 2022 0 comment

HEADLINES HOT STORIES OF THE WEEK NATIONAL NEWS

Bilang mga nasawi dahil sa pananalasa ng Bagyong Karding, umakyat na sa 12

written by Angelica Doctolero

Umakyat na sa 12 ang bilang ng mga nasawi dahil sa hagupit ng Bagyong Karding.

Batay sa ulat ng National Disaster Risk Reduction and Management Council (NDRRMC), walo pa lamang ang nabeberipika kabilang ang limang rescuers mula sa San Miguel Bulacan, isa sa Baliuag, Bulacan, isa sa Zambales at isa sa Burdeos, Quezon.

Habang hindi pa nakukumpirma ang dalawang nasawi sa Tanay Rizal, isa sa Antipolo, Rizal at isa sa Zambales.

Ayon pa sa NDRRMC, anim pa ang napaulat na nawawala sa Bicol at CALABARZON habang 52 naman ang naiulat na mga nasugatan sa Central Luzon at CALABARZON.

Nasa 911,404 na indibidwal o 245,063 na pamilya ang naapektuhan ng bagyo sa 1,759 na barangays sa Ilocos, Cagayan, Central Luzon, CALABARZON, MIMAROPA, Bicol, at Cordillera.

Samantala, nasa mahigit tatlong bilyong piso na ang halaga ng pinsala ng Bagyong Karding sa sektor ng agrikultura sa Ilocos, Cagayan, Central Luzon, Bicol at Cordillera.

September 30, 2022 0 comment

NATIONAL NEWS

OFW DIGITAL App ilulunsad sa October 27

written by Angelica Doctolero

Ilulunsad na ng Department of Migrant Workers (DMW) sa darating na October 27 ang OFW DIGITAL App.

Ayon kay DMW Secretary Susan Ople, nakatakda sanang ilunsad ang digital portal sa Oktubre 15, ngunit napagdesisyunan ng ahensya na sa naturang petsa na lamang upang ma-test ito at maiwasan ang maraming glitches.

Sa pamamagitan nito ay magiging simple at mapapabilis na ang pagproseso ng mga dokumento ng mga OFW.

Maaari nang ma-idownload ng mga OFW sa kanilang mobile device ang overseas employment certificate at iba pang mga dokumento.

Sinabi pa ni Ople na maaari ring maglagay ang mga OFW ng iba pang personal files sa naturang application.

Mayroon din itong help desk na maaaring tumugon sa inquiries ng mga OFW.

September 30, 2022 0 comment

NATIONAL NEWS

Halaga ng tulong na naipamahagi sa mga biktima ng bagyong Karding, umakyat na sa mahigit P34-M

written by Angelica Doctolero

Umabot na sa mahigit P34,740,541.03 million pesos ang naibigay na tulong ng Department of Social Welfare and Development (DSWD) at mga lokal na pamahalaan sa mga biktima ng bagyong Karding.

Sa datos mula sa dswd disaster response operations monitoring and information center, napuruhan ng bagyo ang regions I, II, III, CALABARZON, V at CAR.

Nasa 215,798 na pamilya o 796,674 indibidwal ang naapektuhan ng bagyo mula sa 1,794 barangays.

Aabot naman sa 1,198 families ang nananatili sa 36 na evacuation centers habang 9,265 naman ang nanunuluyan sa ibang lugar.

Batay pa sa DSWD Dromic Report, 4,765 na kabahayan ang totally damaged habang 14,548 ang partially damaged.

Nagpapatuloy naman ang validation at assessment ng DSWD sa mga naapektuhan ng bagyong Karding.

September 30, 2022 0 comment

Newer Posts

Older Posts