NATIONAL NEWS

Mabigat na daloy ng trapiko sa ilang pangunahing kalsada sa Metro Manila ngayong weekend.

Ito’y ayon sa Metropolitan Manila Development Authority (MMDA) dahil sa ipatutupad na Road Repair and Reblocking ng (DPWH).

Epektibo ito simula kagabi ng alas-11 ng gabi hanggang alas-5 ng umaga ng Lunes, Oktubre 3.

Ang mga apektadong kalsada ay sa EDSA NB, Quezon City, Santolan MRT Station o EDSA Carousel bus lane, paglagpas ng Aurora Boulevard at patungo namang Kamuning 3rd Lane mula sa sidewalk.

Kabilang din ang mga sumusunod na lugar: C-5 Road Pasig City Truck Lane, 3rd lane C-5 Road Southbound Makati City, Fairview Avenue NB Quezon City lagpas ng kanto ng Yakal St., (1st lane mula aa sidewalk).

Cloverleaf EDSA NB hanggang segment ng NLEX NB sa outer Lane, Cloverleaf EDSA NB hanggang sa segment ng NLEX NB sa inner lane.

Roosevelt Avenue malapit sa kanto ng EDSA SB at EDSA SB Quezon City (Balingasa creek hanggang Oliveros Footbridge.

Inaabisuhan na ang mga motorista na maghanap ng alternatibong ruta. —sa panulat ni Jenn Patrolla

Kinumpirma ng Filipino community sa Hong Kong na tinaasan na ang buwanang sahod at food allowance ng mga foreign domestic workers.

Kabilang dito ang Filipino, Indonesians, Nepalese at Thailander domestic workers sa nasabing bansa.

Nasa 2.2% o Hong Kong dollars ang itinaas sa buwanang sahod ng domestic workers.

Mula sa $4,630 ay magiging $4,730 ang sahod kada buwan.

Samantala, tinaasan din ng $23 ang kanilang food allowance.

Gayunman, una nang lumahok ang Filipino domestic workers sa demonstrasyon ng foreign domestic workers sa Hong Kong para ihirit ang dagdag na sweldo at food allowance. —sa panulat ni Jenn Patrolla

Posibleng magkaroon muli ng rollback sa presyo ng petrolyo sa susunod na linggo.

Ayon kay Department of Energy assistant Director Rodela Romero, inaasahang rollback ang nasa .81 centavos kada litro ng diesel habang .84 centavos naman ang bawas ng presyo ng gasolina.

Samantala, P1.10 centavos ang bawas sa presyo kada litro ng kerosene.

Gayunman, kung hindi lang sana umano sumadsad ang halaga ng piso kontra dolyar malaki ang inaasahang bawas presyo sa mga produktong petrolyo sa susunod na linggo. —sa panulat ni Jenn Patrolla

Presyo ng pagkain, tataas ng P3 hanggang P5 sa gitna ng pagbaba ng halaga ng piso ng Pilipinas kontra dolyar.

Ayon kay House Ways and Means Panel chairperson Joey Salceda, tataas ang presyo ng bigas, mais, trigo at lahat ng pagkain sa bahay kubo dahil halos 21% ng suplay ng pagkain sa bansa ay imported.

Napagtanto niya ito, dahil nasa P58.99 centavos na ang halaga ng isang US Dollar.

Aniya, dapat tiyakin ng gobyerno ang stable na suplay ng pagkain sa bansa. —sa panulat ni Jenn Patrolla

Sisikapin na mapagtagumpayan ng pamahalaan ang loan agreement nito sa China para sa tatlong malalaking railway project.

Kinumpirma sa Senado ni Transportation Undersecretary Timothy John Batan ang tatlong proyekto nito sa Mindanao Railway Project’s sa Tagum-Davao-Digos Segment, Philippine National Railways Calamba to Bicol line at Subic Clark Railway Project.

Target ito masimulan sa 2027 para sa partial operation habang sa 2028 naman ang full operation.

Subalit, pinag-uusapan pa ito sa Senado. —sa panulat ni Jenn Patrolla

Price rollback ng Liquefied Petroleum Gas (LPG) magsisimula ngayong araw.

Inanunsyo ng Petron Corporation na bababa ang presyo sa halagang P2.55 centavos kada kilo habang P28.05 centavos ang bawas sa presyo ng 11 kilogram na tangke.

Aabot ito sa P838 pesos hangang P1,0 24 pesos ang halaga ng LPG

May bawas-singil rin sa presyo ng LPG ang phoenix petroleum at Solane. —sa panulat ni Jenn Patrolla