NATIONAL NEWS

Inilunsad ng Pasig City ang Home Reading Library Program sa Tanghalang Rizal sa Rizal High School kahapon.

Itinatag ng lokal na pamahalaan ang Home Reading Library Program sa pakikipagtulungan sa tanggapan ng Pasig’s schools division.

Ayon sa Pasig City Information Office (PIO), layunin ng programang isulong at paghusayin pa ang kasanayan sa pagbasa ng mga mag-aaral sa lungsod.

Sa mahigit 700,000 story book, ang maaaring hiramin at basahin ng mga kindergarteners 1 hangang grade 3 na nag-aaral sa naturang lungsod. –  sa panulat ni Hannah Oledan

Pinag-iisipan ng Department of Transportation (DOTR) ang paggamit ng mobile QR code tickets bilang paraan ng pagbabayad ng pamasahe sa tren bilang pagtugon sa posibleng kakulangan sa beep cards.

Sinabi ni Light Rail Transit Authority (LRTA) Administrator Hernando Cabrera na isa sa mga tinitingnan nilang solusyon ay ang paglalagay ng machine sa mga istasyon kung saan pwedeng i-extend ng mga commuters ang expiration date ng mga beep cards ng hanggang isang taon.

Tiniyak din ng opisyal ang publiko na kung magkaubusan man ng beep cards ay maaari pa rin silang maka-avail ng single journey beep cards.

Hindi naman aniya maaaring mag mass avail ng single journey tickets dahil kailangan itong magamit sa loob ng dalawang oras.

Matatandaang una na itong ipinanukala noong nakaraang taon ng ilang railway officials na sina Cabrera at Attorney Celeste Lauta na Assistant General Manager ng Philippine National Railways (PNR). – sa panulat ni Hannah Oledan

DINAGSA ng mga mamimili ang unang araw ng Ortigas Market sa Emerald Avenue, Barangay San Antonio, Pasig City.

 Sa panayam ng DWIZ, sinabi ni DTC Promos Inc. President & COO Marissa Dames na matagal nilang pinaghandaan ang proyektong ito na aniya’y makatutulong sa iba’t ibang sektor.

 Kasama sa mga kalahok dito ang mga nasa hanay ng Micro, Small and Medium Enterprises o MSMEs at mga beterano sa industriya.

 Bukod naman sa pamahalaang lokal, katuwang din ng DTC sa nasabing community-building project ang DWIZ, IZTV, Home Radio, Business Mirror, Pilipino Mirror, Cook Magazine, Health & Fitness, Graphic Magazine,  Manila Bulletin at Mayani.

 Bukas ang bazaar tuwing araw ng Sabado kung saan mabibili rito ang mga prutas, gulay, pagkain, artisan products o handicrafts at marami pang iba.

Sinabi pa ni Dames na mas marami pang exciting events na dapat abangan ng publiko sa Ortigas Market sa mga susunod na Sabado.

Walang Pilipinong nasaktan sa hagupit ng Hurricane Ian sa Florida.

Ito ang inihayag ng Department of Foreign Affairs (DFA).

Batay sa datos, nasa 168,000 na Pilipino ang nakatira sa Florida, kung saan karamihan dito ay health workers.

Sinabi naman ng Philippine Embassy sa Washington D.C. na patuloy nilang binabantayan ang impact ng naturang ipo-ipo.

Tiniyak naman ni DFA Spokesperson Ma. Teresita Daza na patuloy nilang binabantayan ang sitwasyon habang patungong South Carolina ang buhawi kung saan mayroong 17,500 na Pilipino ang nakatira.

Samantala, isa ang Hurricane Ian sa pinaka malakas na buhawing tumama sa US mainland na nagresulta sa malalang pagbaha at power outages sa ilang bahagi ng Florida. –  sa panulat ni Hannah Oledan

Pinangunahan ni Pangulong Ferdinand Marcos Jr., ang ika-65 Anibersaryo ng Social Security System (SSS).

Dakong alas-10 ng umaga kahapon nang dumating si Pangulong Marcos Jr., sa tanggapan ng SSS sa Quezon City, kung saan pinarangalan din nito ang mga natatanging empleyado ng SSS.

Sa kanyang talumpati, binigyang-diin ng Punong Ehekutibo ang mahalagang papel ng ahensya, hindi lamang sa panahon ng pandemya.

Pinasalamatan naman ni Pangulong Marcos Jr., ang mga empleyado ng SSS dahil sa serbisyo nito at pinayuhan ang mga ito na ipagpatuloy ang mga hakbang na makakatulong sa mga Pilipino. —sa panulat ni Hannah Oledan