NATIONAL NEWS

Iginiit ng United Broilers and Raisers Association na dapat nang magtalaga si Pangulong Ferdinand “Bongbong” Marcos Jr. ng kalihim para sa Department of Agriculture.

ito ay upang mas matutukan ang problema at pangangailangan ng mga kababayan nating magsasaka, partikular na ang mga lugar na pinadapa ng mga nagdaang bagyo.

nabatid na ipinangako ng pangulo, na kaniyang babawasan ang importasyon ng mga produkto sa sektor ng agrikultura upang masolusyonan ang malaking gastos ng farmers sa bansa.

Ayon sa UBRA, mas dumami ang imported products na ibinibenta sa mga pamilihan kabilang na dito ang asin at asukal; manok at baboy; maging ang prutas at gulay.

Iginiit ng grupo na hindi parin nakakabawi at patuloy paring nalulugi ang mga magsasaka matapos ang inilaang puhunan.

Sa kabila nito, umaasa ang ubra na tutugunan at matutulungan ng pamahalaan ang mga pangangailangan ng mga filipino farmers sa gitna narin ng pandemiya.

Sa layuning masugpo ang spam at scam messages, sinimulan nang i-block ng Globe ang lahat ng mga SMS o text messages mula sa prepaid at postpaid number na naglalaman ng URLs o website links.

Ginawa ng telco ang hakbang a gitna ng kumakalat na scam at spam messages, kabilang ang SMS mula sa unknown numbers na naglalaman ng kompletong pangalan ng customers.

“Before implementing this measure, what we were doing was blocking access to malicious links in text messages to help protect customers. This time around, we’re blocking the actual message. If the SMS has a link of any kind, we are not going to deliver it, period. This is necessary to protect our customers,” wika ni Globe Chief Information Security Officer Anton Bonifacio.

Pahayag ng Globe, ang nangungunang digital solutions platform, ang pag-block sa SMS ay isinasagawa habang hinihintay ang pagpapatupad ng SIM Registration Bill, na niratipikahan ng dalawang kapulungan ng Kongreso noong September 28, at naisumite na sa Pangulong Bongbong Marcos para lagdaan.

Kumpiyansa ang Globe na ang hakbang ay mahalaga para mapalakas ang kapasidad ng pamahalaan na madakip ang cybercriminals at iba pang nang-aabuso sa digital technology.

Kapag nakalusot ang bill, bibigyang kapangyarihan din nito ang telcos na proteksiyunan ang kanilang protecting system at customers mula sa fraudulent activity.

“We are taking this measure for the security of our 92 million customers at Globe and 66 million more using GCash as we note how the modus operandi of fraudsters are becoming even more sophisticated. We hope this will make a major dent on various spam and scam SMS rackets,” ani Bonifacio.

“This major step reflects our commitment to the country’s economic recovery by ensuring that the accelerated digital adoption does not expose customers to worsening cyberthreats,” dagdag pa niya.

Patuloy namang pinalalakas ng telco ang pagsisikap nito kontra scam at spam messages, kung saan na-block na ng kompanya ang nasa 784 million scam at spam messages mula January hanggang katapusan ng July ngayong taon.

Napag-alaman na sa pamamagitan ng 24/7 Security Operations Center, dine-activate din ng Globe ang may 14,058 scam-linked mobile numbers at na-blacklist ang 8,973 iba sa loob ng kaparehong panahon.

Walang epekto sa operasyon ng Meralco ang ibinasurang rate hike petition nito at ng power supplier na SMC Global Power.

Ayon sa Meralco, nakapaloob sa power supply agreements ang pass through generation charges.

Ang Meralco at SMC Global Power ay naghain ng temporary relief sa kanilang 2019 Power Supply Agreement at pagtataas ng singil sa kuryente.

Ibinasura ito ng Energy Regulatory Commission (ERC) matapos tukuyin ang 10 taong Power Supply Agreement ng mga kumpanya na isinulong para proteksyunan ang consumers.

Mariing ipinag-utos ng National Telecommunications Commission (NTC) sa mga public telecommunications entities na ipagpatuloy ang pagpapadala ng text blasts sa subscribers nito laban sa text scams.

Nakasaad ang kautusan sa memorandum order na inilabas ng NTC sa DITO Telecommunity, Globe Telecoms, at Smart Communications.

Sa memorandum, inaatasan ang tatlong kompanya na ituloy ang pagpapadala ng text blasts sa kanilang subscribers mula Oct. 5 hanggang Oct. 11, 2022.

Kasabay nito, inatasan din ang tatlong telcos na ituloy ang proseso ng pag-block sa SIM cards na ginagamit para makapanloko ng subscribers.

Samantala, sa hiwalay namang memorandum, ipinag-utos din ng NTC sa lahat ng Regional Directors at officers-in-charge ng ahensya na magsagawa ng public information campaign upang mabigyang babala ang publiko laban sa text scams.

Kung matatandaan, noong nakaraang buwan ay pormal na inilunsad ng ahensya ang “NTC Kontra Text Scam” campaign nito.

Sa kampanya ng NTC, hinihikayat ang publiko na i-report ang mga natatanggap nilang text scams sa pamamagitan ng pagpapadala ng mensahe sa kontratextscam@ntc.gov.ph o sa website ng ahensya.

Inihayag ng Commission on Population and Development (POPCOM) na tumaas ang bilang ng demand ng family planning commodities sa gitna ng COVID-19 pandemic.

Ayon kay POPCOM Executive Director Lolito Tacardon, nabigla sila rito dahil hindi aniya inabutan ng expiration ang suplay para sa family planning tulad ng condom.

Binigyang diin niya na “good news” din ito dahil umangat sa walong milyon ang bilang ng mga kasalukuyang gumagamit ng nasabing commodities na karamihan ay para sa mga kababaihan.

Nabatid na sinabi ng National Economic and Development Authority (NEDA) na ang familly planning ay bahagi ng programa para sa poverty reduction sa bansa.