EXPLAINERS

Isang matanda ang wala nang nagawa kundi magsisi at tiisin ang ingay sa ginagawang kalsada na nakapaligid sa kaniyang bahay.

Kung paano siya napunta sa ganoong sitwayson? Alamin.

Sa Jinxi, China, nainirahan ang isang lolo na si Huang Ping kasama ang kaniyang 11-anyos na apo sa gitna ng isang ginagawang kalsada.

Si Huang kasi, tumanggi sa offer ng Chinese government na halos 13 million pesos para lumipat ng tirahan dahil gagawin nang kalsada ang kinatitirikan ng kaniyang bahay.

Dahil sa ingay at gulo na hatid ng construction, sa tuwing ginagawa ang kalsada ay umaalis na lang tuloy ang matanda para tumatambay sa town center at umuuwi na lang kapag nakaalis na ang mga construction worker.

Ang ganitong sitwasyson ay hindi na raw pala bago sa China. Tinatawag pa nilang “dingzihu” o nail house ang mga bahay na pag-aari ng mag residente na tumanggi sa alok ng gobyerno at piniling manatili sa kanilang mga bahay.

Sa huli, nagsisi rin si Huang at hiniling na sana ay tinanggap niya na lang ang alok ng gobyerno, lalo pa at mas lalala ang magiging sitwasyon nila kapag opisyal nang binuksan sa publiko ang kalsada.

Ikaw, tatanggapin mo rin ba ang nasabing offer kung ikaw ang nasa posisyon ng matanda?

Aksidente na napunta sa baggage handling area ng airport ang isang matandang pasahero matapos nitong dumaan at mahulog sa daanan ng mga bagahe.

Kung ano ang kinahantungan ng lola, alamin.

Sa isang CCTV fooatge na nakuhanan sa loob ng Vladikavkaz Airport sa russia, na-record ang isang eksena kung saan dalawang babaeng staff ang makikita na mayroong kausap na babaeng pasahero sa counter.

Kung kaya naman hindi nila agad napansin ang isang lola sa gilid nila na umakyat na pala papunta sa conveyor belt kung saan idinadaan ang mga bagahe.

Nakita pa kung paanong tumumba ang matanda at tuluyang dinala ng conveyor belt papunta sa baggage handling area bago ito napansin ng dalawang staff matapos itong ituro sa kanila ng isang lalaking pasahero.

Kung paano napunta sa ganoong sitwasyon ang lola? Inakala niya raw kasi na ‘yun ang daan papunta sa boarding gate.

Tinulungan naman ng mga empleyado ang matandang pasahero at hinatid sa tamang boarding gate.

Samantala, wala namang tinamong injuries ang matanda at nasa maayos na kalagayan matapos ang isidente.

Ikaw, ano ang gagawin mo kung ikaw ang napunta sa sitwasyon ng matanda?

Aakalain mo ba na nasa bansa rin pala natin ang puno na siyang pinagmumulan ng maituturing na isa sa mga pinakamahal na kahoy sa buong mundo?

Kung ano nga ba ang espesyal sa puno na ito, alamin.

Sa dami ng mga gubat at halaman na matatagpuan sa Pilipinas, baka nadaanan mo na ang Aquilaria tree o Lapnisan kung tawagin dito sa atin.

Matatagpuan ito sa mga gubat na nasa matataas na bundok.

Sobrang special lang naman ng puno na ito dahil dito lang naman nanggagaling ang isa sa pinakamahal na mga kahoy sa buong mundo at tinatawag itong Agarwood.

Para makapag-produce ang Aquilaria tree ng agarwood, kinakailangang butasan ito para magkaroon ng fungal infection.

At kapag pinagdiskitahan na ito ng fungus na phialophora parasitica, lalabanan naman ito ng aloes o ang kulay itim at mabangong likido na lumalabas mula sa puno.

Kumakapit ang likido na ito sa kahoy at iyon na ang magiging agarwood. Iyon lang din ang parte na kinukuha sa puno dahil iyon lang din ang may halaga.

Hindi lang ang mismong kahoy ang mabenta dahil ginagawa rin pala itong essential oil na maaaring umabot sa tumataginting na 4 million pesos kada litro.

Sa sobrang dami ng gamit nito, ginagawa rin itong incenso, pabango, gamot, at accessories.

Para naman sa price reveal ng nasabing kahoy, maaari lang namang umabot ang first grade agarwood sa halagang limang milyong piso kada kilo.

Samantala, bagama’t available ang Aquilaria tree sa Pilipinas, hindi basta-bastang binebenta ang agarwood at kinakailangan ng permit mula sa Department of Environment and Natural Resources o DENR.

Ngayong alam mo na ang halaga nito, bigla ka rin bang nagka-interes sa paghahalaman?

Isang lalaki ang ikakasal na sana ngunit binawian pa ng buhay sa isang masalimuot na paraan habang nasa trabaho.

Kung ano ang nangyari sa lalaki, alamin.

Alas singko ng umaga noong December 17 nang maisipan ng kwarentay kwatro anyos na lalaking experienced lion handler na si F. Iriskulov na pumasok sa kulungan ng mga leon sa private zoo na kaniyang pinagtatrabahuhan sa Parkent, Uzbekistan.

Kung bakit niya iyon ginawa? Ayon sa kanilang local media, iyon ay dahil gusto niya sanang magpa-impress sa kaniyang fiancee.

Sa isang video na natagpuan sa cellphone ni Iriskulov, ipnakita na binubuksan niya ang kulungan ng mga leon habang kaswal na naglalakad habang tinatawag pa ang pangalan ng mga ito.

Kasunod nito ay makikita ang close encounter ni Iriskolov sa mga leon. Isa-isa niya pang tinatawag ang mga ito habang inaamo at hinahawak-hawakan pa ang mga buhok.

Sa sumunod na nangyari, maririnig na bigla na lamang dumaing ang lalaki hanggang sa nagsisigaw na ito at hindi rin nakaligtas ang tunog ng kaniyang pagbagsak sa sahig dahil inatake na pala siya ng isa sa mga kasama niyang leon.

Natagpuan na lamang ang bangkay ng zookeeper na mayroong ilang parte ng katawan na kinain ng mga leon apat na oras matapos ang insidente.

Matapos nito, kinumpirma naman ng zoo officials na ang dalawa sa tatlong mga leon ay binigyan ng tranquilizer, habang binaril naman ang isa pang leon.

Samantala, ayon naman sa pahayag ng regional police, nakatakas daw ang mga leon mula sa kanilang kulungan at lumipat ng ibang kulungan, kung saan doon na inatake ang nasabing zookeeper.

Ikaw, anong masasabi mo sa nakapanlulumong sinapit ng soon-to-be-groom sana na ito?

Sa modernong panahon ngayon, hindi magpapahuli ang siyensya sa pagbibigay sa atin ng mga makabagong imbensyon, katulad na lang ng naimbentong mesa na makatutulong daw sa mga babae na manganak, ayun nga lang ay hindi na ito makabago.

Kung nasaan na ngayon ang nasabing imbensyon, alamin.

Taong 1963 nang maimbento ng mag-asawang George at Charlotte Blonsky ang isang mesa na magagamit sa panganganak na maraming features katulad ng straps na siyang magsisilbing suporta sa mga nanay para hindi ito mahulog.

Ang mesa kasi ay pinapaikot habang nagle-labor ang mga buntis para matulungan ang mga ito na ilabas ang bata gamit ang centrifugal force.

Nakadepende ang bilis ng pag-ikot ng table sa progress ng nanay sa pagle-labor at sa posisyon ng bata, at mayroon din itong feature na kung saan ay pwede itong ihinto manually o automatically.

At kapag lumabas na ang baby, sasaluhin ito ng nakaabang na net at mayroon ding tutunog na bell para ipaalam sa mga medical staff na nailabas na ng nanay ang kaniyang anak, at pagkatapos noon ay hihinto na ang mesa sa pag-ikot.

Ang mag-asawang Blonsky ay kapwa walang background sa medisina. Ang mining engineer na si George at ang kaniyang misis na si Charlotte ay nakakuha ng ideya nang bumisita sila sa isang zoo at inabutan ang isang elepante na umiikot-ikot bago nito ipinanganak ang baby elephant.

Bagama’t binigyan ng U.S. government ng patent o lisensya ang mag-asawa sa birthing apparatus noong 1965, kahit kailan ay hindi ito ginamit sa mga medical facility.

Samantala, nakasentro man sa panganganak ang imbensyon ng mag-asawa, at kapwa mahilig sa mga bata, hindi nagkaroon ng anak sina George at Charlotte.

Ikaw, gugustuhin mo bang gamitin ang aparato na ito kung sakali mang naimplementa ito?

Sinong lubos na mag-aakala na nang dahil sa isang hindi nahugasang blender sa isang coffee shop ay magtatapos ang buhay ng isang bata?

Kung paano ito nangyari, alamin.

Sa Southwark Park Road sa South-East London, matatagpuan ang Pop Inn Café kung saan nagpunta ang 12-anyos na si Mia St. Hilaire at um-order ng milkshake.

Pero hindi pa man naeenjoy ng bata ang kaniyang inorder na pampalamig, isinugod na agad ito sa ospital makalipas lang ang ilang sandali matapos niya itong inumin.

Iyon ay dahil nakaranas ng anaphylactic shock ang bata. Pero ano nga ba talaga ang nagdulot nito? Paano nangyari na nang dahil sa shake ay kinailangang isugod sa ospital ang bata?

Lumabas sa CCTV footage ng shop na hindi pala nalinisan ng operator nito na si Baris Yucel ang blender bago ginawa ang order ni Mia.

Napag-alaman din mula sa mga magulang ni Mia na sina Adrian at Chanel na mayroon palang tree nut allergy ang kanilang anak na posibleng na-trigger dahil sa naunang inumin na ginawa sa blender na baka mayroong nakahalo na mani.

Labis na sakit ang iniwan ng insidente sa mga magulang ni Mia at sinabi sa isang pahayag na araw-araw daw nilang naiisip ang kanilang anak na makakasama pa sana nila nang matagal kung napigilan lang ang pangyayari.

Samantala, ang nasabing café operator na si Yucel ay nagkaroon na pala ng anim na charges nito lamang Disyembre at kabilang din doon ang paghahain ng pagkain na mayroong allergic ingredient.

Gayunpaman, pinagbabayad ng multa ang coffee shop operator na si Yucel ng 18,000 euros at magsasagawa rin ng isandaang oras ng community service, na para naman sa food allergy charity na Natasha Allergy Research Foundation ay hindi sapat para sa pinsala na idinulot nito.

Ikaw, ano ang masasabi mo sa masalimuot na karanasan ng bata?

Madalas ay pictures, simpleng post, o hindi naman kaya ay video form ang content ng mga social media influencers. Pero ang isang influencer sa Colombia, paano nga ba nauwi sa pagkakakulong dahil sa pag-upload ng isang partikular na video?

Kung ano ang nasa video, alamin.

Taong 2019 sa ilalim ng pamumuno ng dating Presidente ng Colombia na si Iván Duque nang magsagawa ng protesta ang mga tao laban sa gobyerno.

Nag-post naman ang social media influencer na si Daneidy Barrera Rojas o kilala rin bilang Epa Colombia ng video sa kalagitnaan ng protesta kung saan makikita na nag-vandalize siya sa pader gamit ang spray paint at nagbasag ng bintana, card reader, at access register ng isang transportation station gamit ang martilyo.

Pinag-usapan at inimbestigahan naman ang insidente kung saan nasintensyahan si Daneidy ng tatlong taon at kalahati na pagkakabilanggo dahil sa property damage and disruption of public transportation.

Humingi ng tawad ang influencer pero matapos umapela ng prosecutor’s office ay nadagdagan pa ang sintensya ni Daneidy at naging limang taon at tatlong buwan na ng pagkakakulong dahil din sa reklamong Incitement to Commit a Crime for Terrorist Purposes.

Wala na ring nagawa ang abogado ni Daneidy kahit na umapela pa ito para sana mabawasan ang kaniyang sintensya.

Samantala, nag-post naman ng video si Daneidy kung saan makikita itong umiiyak matapos makatanggap ng warrant habang papauwi mula sa trabaho at sinabi na gusto raw niyang ipaayos at bayaran ang pinsala na idinulot niya noon.

Ikaw, anong masasabi mo sa kwento na ito?

Kung hindi mo pa nahahanap si ‘the one’ dahil sa sunud-sunod na heartbreaks na pinagdaanan mo, wag kang mag-alala dahil mayroon ding kukusang lalapit sa’yo, katulad ng trabaho. Alam mo ba na ang mga kagaya mo na dumaan sa heartbreak ang hinahanap ng isang kumpanya sa India?

Kung anu-ano ang job requirements, alamin.

Kamakailan ay namataan sa social media ang job posting ng mentoring and consulting platform na Bengaluru-based company na Topmate.

Dahil digital na ngayon, hindi na bago sa atin ang makakita ng mga kompanya na naghahanap ng mga aplikante sa social media.

Pero ang job posting ng marketing lead ng topmate na si Nimisha Chanda, sobrang kakaiba, kapansin-pansin, at tila sobrang dali ring apply-an?

Ang topmate kasi, hiring ng Chief Dating Officer o CDO. Sinabi ni Nimisha sa kaniyang post na ang hanap nila ay taong eksperto sa dating culuture at marunong mag-decode ng breadcrumbing at love-bombing.

Ang requirements? Simpleng-simple lang.

Kung dumaan ka na sa isang breakup, dalawang situationship, at nakipagdate ng tatlong beses, ihanda mo na ang resume mo para makapag-apply.

Dapat ay mayroon ding kaalaman ang applicant tungkol sa mga ginagamit na dating terms ng mga kabataan ngayon at may kakayahan na gumawa ng sarili.

Kasama rin sa requirements na dapat ay nakagamit na ng dalawa hanggang tatlong dating apps ang mga interesado sa posisyon ng CDO.

Dahil nga kakaiba, marami ang nag-reply sa naturang post. Mayroong mga nagtanong kung eligible ba sila na mag-apply sa posisyon. Sinabi ng isa na mayroon daw siyang PHD na may kaugnayan sa job opening, habang ang isang netizen naman ay sinabi na lagi raw siyang naglalaro ng FLAMES noon sa school.

Ikaw, interesado ka ba na mag-apply para sa posisyon na ito?

Napabalita sa ibang bansa ang isang sasakyan na nakaparada sa short-term parking space ng airport sa Berlin dahil sa nakakalulang halaga ng parking fee nito.

Kung paano umabot nang ganoon kalaki ang bayarin ng may-ari, alamin.

Ilang mga airport ang mayroong long-term parking spaces para sa mga pasahero na nagnanais na iwanan ng ilang araw ang kanilang mga sasakyan bago bumyahe.

Pero ang isang sasakyan sa Brandenburg Airport sa Berlin, isang taon nang nakaparada sa kanilang parking space, at ang malala pa riyan ay nasa short-term parking lot ito.

Ang Brandenburg Airport parking ay mayroong libreng 10 minutes na parking time para sa short-term parking slots, habang mayroon nang bayad na $11 para sa 30 minutes, $23 naman para sa isang oras, at $552 para sa isang buong araw.

Ang natagpuang abandonadong Gray Volkswagen Golf ay nakaparada na pala sa nasabing pwesto nito simula pa noong January nitong nakaraang taon at hindi pa raw malinaw kung kailan ito napansin ng mga otoridad.

Sinabi naman ng airport management, local police, local district office, at pati ng parking management company na APCOA Deutschland G-M-B-H na wala silang responsibilidad sa nangyari.

Samantala, noong January 28 ay ipinahila o ipinatanggal na sa airport ang abandonadong sasakyan. Hinihinala rin na baka nakaw ang nasabing kotse dahil hindi tugma rito ang plate number.

Gayunpaman, sinusubukan pang alamin ng mga pulis kung sino ang may-ari nito.

Ikaw, ano ang gagawin mo kapag nabaon ka sa utang na libo-libong halaga ng parking fee?

Mga chow chow sa China, kinukulayan ang mga balahibo upang magpanggap na ibang uri ng hayop.

Ang buong kwento, alamin.

Isang zoo sa Taizhou City sa China ang umamin sa kanilang ginawang gimik matapos silang kausapin ng isang lokal media. Ito ang Qinhu Bay Forest Animal Kingdom na kung saan mayroong matatagpuang mga aso na ang breed ay chow chow.

Ang kaibahan nga lang ay ang kulay ng mga ito. Hindi plain brown, white, o black, kundi orange and black!

Ang mga aso na ito ay mayroong uploaded video sa Douyin o ang Chinese version ng Tiktok kung saan makikita ang mga ito na paikot-ikot sa loob ng kanilang encouter.

Pero hindi nagpalinlang ang mga netizen sa napanood na video ng mga aso at mayroon pang nag-comment na sa malamang daw ay hindi pinaliliguan ang mga aso para hindi kumupas ang kulay ng mga ito.

Aminado naman ang nasabing zoo na ang mga aso ay kinulayan lang ang mga balahibo ng orange at black at hindi talaga mga tunay na tigre.

Sinabi rin nila na hindi ito mapanganib para sa kalusugan ng mga aso dahil propesyonal ang nagkulay sa balahibo ng mga ito.

Samantala, hindi pala ito ang unang beses na nangyari ang kaparehong insidente. Ang matindi pa ay nag-demand ang mga bisita sa zoo na ibalik ang kanilang bayad.

Ang pinuntahan kasi nila na zoo sa Guangdong, kinulayan lang din ang balahibo ng mga chow chow para naman pagmukhaing mga panda.

Ikaw, gugustuhin mo rin bang bawiin na lang ang entrance fee na binayaran mo sa zoo kung ganito ang makikita at dadatnan mo?