EXPLAINERS

Ganon na lang ang gulat at takot ng nag-aalaga sa isang inahing baboy dahil ang isa sa mga isinilang nito na biik, maihahalintulad sa mukha ng tao at gumawa rin daw ng tunog ng isang bata.

Kung nabuhay ang biik, alamin.

Sa Tanjay City, Negros Oriental, nagulantang ang residente na si Alfredo Cardinas Jr. Dahil ang pang-apat sa walong mga biik na isinilang ng kaniyang alagang inahing baboy ay higit na natatangi kumpara sa mga kapatid nito.

Ang biik kasi, ipinanganak lang naman na mayroong mukha na nalalapit sa mukha ng tao. Pero ang facial features nito ay hindi kumpleto.

Ang mas nakakagulat pa, sinabi ni Alfredo na gumawa rin daw ito ng tunog na parang bata.

Ayon naman sa isang beterinaryo, maaaring premature ang nasabing biik o hindi naman kaya ay baka nakaranas ng abnormality ang inahing baboy sa kaniyang pagbubuntis.

Isa raw rare na kaso ang nangyari sa kakaibang biik dahil naging normal naman ang itsura ng kaniyang mga kapatid.

Sinabi naman ng doktor na baka mayroong ibang hayop na nakabuntis na inahing baboy, ngunit pinabulaanan ito ng veterinarian na si Dr. Maria Christine Hope Dejadena dahil hindi raw maaaring mabuntis ang isang baboy ng ibang specie.

Sa kasamaang palad, binawian ng buhay ang kakaibang biik matapos lamang ang apat na oras dahil hirap daw itong dumede sa kaniyang nanay at nailbing na.

Samantala, hindi raw pala iyon ang unang pagkakataon na nagkaroon sila ng biik na namumukod tangi ang histura dahil nagsilang na rin daw noon ang nasabing inahing baboy ng isang biik na tila mayroon namang pakpak.

Gayunpaman, para kay alfredo ay swerte ang hatid ng kakaibang biik dahil nakabili raw sila ng baka at bagong cellphone mula nang ipanganak ito.

Ikaw, ano ang magiging reaksyon mo kung ikaw ang nakakita sa kakaibang biik?

Ang isa sanang tipikal na araw, nauwi sa isang bangungot para sa mga magulang ng isang batang babae na nasawi matapos taaman ng ligaw na bala mula sa insidente na naganap malapit sa kinaroroonan nilang pamilya.

Ang buong kwento, alamin.

Isang araw sa Ohio, rumesponde ang St. Clair Township Police sa tawag ng 30-anyos na lalaking posible raw isang suicidal na si Joseph Como.

Natagpuan daw ng mga pulis ang lalaki na mag-isang naglalakad sa daan at tila balisa.

Sinubukan ng mga pulis na kausapin si Como ngunit agad itong nagpaputok ng baril sa kanila.

Nakipagpalitan naman ng putok ang mga pulis na siyang kumitil sa buhay ng lalaki.

Ngunit sa kasamaang palad, mayroon palang nadamay sa nasabing engkwentro ng dalawang panig.

Sa hindi kalayuan, mayroong isang pamilya na bumisita sa clinic na Dentistry for Children & Teens.

Ang walang kamalay-malay at nasa loob ng opisina ng dentista ay ang apat na taong gulang na si Rosalie Martinez ay tinamaan ng ligaw na bala.

Bukod kay Rosalie ay dinala rin sa ospital at nanatili sa ICU ang 26-anyos na Officer na si Dakota Wetzel na tinamaan sa ulo. Sumailalim na sa operasyon ang pulis at patuloy na nagpapagaling.

Ngunit si Rosalie, binawian din ng buhay sa ospital.

Samantala, nagsagawa naman ng fundraising ang Ohio F-O-P Foundation para kay detective Wetzle at Rosalie dahil wala raw pala itong insurance dahil hindi naman inasahan ng kaniyang mga magulang na kukunin ito sa kanila nang maaga.

Ikaw, anong masasabi mo sa hindi inaasahang pagpanaw ng bata?

Sa isang probinsya, naitala ang isa na namang kaso ng pag-aabandona ng sanggol. Pero ang mas masaklap pa rito, hinihinala na pinalaglag ang bata.

Kung saan ito? Alamin.

Labis na gulat ang naramdaman ng mga residente sa Barangay San Isidro, General Santos City nang madiskubre nila kinaumagahan ng January 28 ang bangkay ng isang sanggol.

Natagpuan ang katawan nito na nakabalot ng isang tela na kagat-kagat daw ng isang aso na nakuha nito mula sa isang bakanteng lote.

Tinakpan ng mga residente ang bangkay at nagsindi ng kandila para rito.

Mayroon din daw posibilidad na baka ipinalaglag ang bata lalo pa at mayroong mga nadiskubbreng unprescribed pills kasama nito.

Sa tulong ng mga attending physician ay aalamin pa raw kung para saan ba talaga ang mga nakitang gamot at kukumpirmahin kung ginagamit ba ito sa abortion.

Para naman matagpuan na kung sino ang nanay ng bata, nakikipagtulungan ang mga otoridad sa mga clinic at ospital para alamin kung mayroong mga babaeng naging pasyente roon na posibleng nagpakita ng indikasyon ng abortion.

Samantala, dinala na ang mga labi ng kawawang bata sa punerarya.

Ikaw, anong masasabi mo sa kalunus-lunos na sinapit ng inosenteng sanggol?

Isang lalaki mula sa Ipoh, Malaysia ang ilang beses daw na napuna dahil mukha itong gangster. Pero imbis na ma-offend, ginawa niya pa itong negosyo.

Kung paano? Eto.

Ang 28-anyos na Malaysian man na si Shazali Sulaiman, madalas daw masabihan na mukhang gang member dahil daw sa kaniyang long hair at pormahan.

Pero sa halip na masamain ang mga ganoong komento, na-inspire pa siya na gawin itong extra income na mukha namang effective dahil sinabi niya sa isang pahayag na mayroon na raw siyang mga natulungang kaibigan at kapamilya.

Kung madalas ay sa mga palabas at pelikula lang tayo nakakakita ng mga gumaganap na kontrabida, si Shazali naman, nag-ooffer ng “Villain for hire” service sa totoong buhay.

Pinost niya pa ito sa social media at sinabi sa caption na, “Are you tired of your partner thinking you are weak? For a reasonable fee, I can help you prove them wrong.”

Makikita rin sa caption na kinakailangan lang ng kliyente na magbigay ng eksaktong oras at lugar kung saan isasagawa ang plano. Pagkatapos nito, kunwari ay iistorbohin o guguluhin ni Shazali ang partner ng kliyente.

Tsaka naman papasok sa eksena si client para ipagtanggol ang kaniyang partner sa kunwariang panggugulo na sinimulan ni Shazali para magmukha siyang matapang at malakas na para bang isang superhero o knight in shining armor.

Ang serbisyo na ito ni Shazali na bukas para sa mga babae at lalaki ay nagkakahalaga raw na 100 Ringgit o mahigit 1,300 Pesos kung gagawin ito during weekdays, at 150 Ringgit naman on weekends o halos 2,000 Pesos. May extra charge rin daw kapag malayo ang location na binigay ni client.

Samantala, iba-iba naman ang naging reaksyon ng mga netizen sa social media. Tinawag itong smart idea ng iba, pero mayroon ding mga hindi sumangayon dito.

Nilinaw din ni Shazali na purong aktingan lang ito at wala namang nasasaktan.

Ikaw, gugustuhin mo rin bang i-avail ang service na ito?

Isang babae sa Pangasinan ang nag-labor at ligtas na nakapanganak sa gilid ng kalsada sa tulong ng dumaan na pulis!

Ang buong kwento, alamin.

Sa CCTV footage na nakuhanan sa isang gasoline station sa Manaoag, Pangasinan, nahagip ang maaksyon na eksena ng isang pulis na sakay ng motorsiklo na huminto sa lalaki na sumusubok na pumara sa mga dumadaan na sasakyan.

Nilapitan nila ang nakaparadang tricycle sa gilid ng gasolinahan na mayroon palang sakay na buntis na inabutan ng pagle-labor sa daan.

Ayon sa buntis na si Mary Janeth Maximo, nauna na pala siyang dalhin sa ospital bago pa ang insidente sa gasolinahan pero pansamantala siyang pinauwi ng midwife dahil sa pag-aakala na hindi pa siya manganganak.

Ayun nga lang ay naghilab ang kaniyang tiyan habang nasa daan.

Sinabi naman ng sumaklolong pulis na si Police Staff Sergeant Niño Pacis, ipinahiga niya sa semento si Mary nang mapag-alaman na malapit na palang lumabas ang ulo ng sanggol.

Makaraan lang ang ilang sandali ay matagumpay na isinilang ni Mary ang isang healthy baby girl na pinangalanang Bernice Mackenzie.

Labis naman na nagpasalamat si Mary kay PSSG. Pacis na first time pala na nagpaanak! Sinabi ng bayaning pulis na hindi raw siya nurse at ginawa niya lang kung ano ang tamang gawin sa sitwasyon para mailigtas ang mag-ina.

Samantala, matapos manganak sa gasolinahan ay dinala sa ospital si Mary at ang kaniyang baby sa pamamagitan ng dumating na police mobile at nakauwi na rin sa kanilang bahay.

Ikaw, anong masasabi mo sa mala-medical drama na eksena na ito?

Bukod sa panlalabo ng mga mata at pagsakit ng ulo, posible na rin bang magdugo ang mga mata dahil sa sobrang paggamit ng gadgets? Ganyan daw ang nangyari sa isang limang taong gulang na bata sa Puerto Princesa, Palawan.

Totoo nga ba ito? Alamin.

Isang bata sa palawan ang kataka-takang nagdugo ang kaliwang mata, at sa unang tingin ay maaaring akalain na sadya itong tinamaan dahil sa tindi ng sinapit nito.

Pero para sa kaniyang ina na si Jessa, ito ay dahil sa labis na paggamit ng cellphone ng kaniyang anak kung saan nagagalit pa raw kapag hindi napagbigyan.

Dahil dito kaya’t pinagbawalan muna ni Jessa ang kaniyang anak na gumamit ng cellphone upang pagpahingahin ito, ngunit sa halip na gumaling, nilagnat pa ito at namaga pa ang mga mata.

Dahil dito ay pinacheck-up na nito ang kaniyang anak at doon na nalaman na mayroon na pala itong dengue at ang pagdurugo ng mga mata ay kumpirmado na isa pala sa mga sintomas ng nasabing sakit mula sa lamok.

Samantala, pagdating naman sa labis na paggamit ng gadgets ng mga bata, sinabi ng ekperto na dapat ay limitahan ng mga magulang ang screentime ng kanilang mga anak at magsagawa na lang ng ibang activities.

Nilinaw rin ng eye specialist na ang paggamit ng cellphone ay hindi maaaring magdulot ng pagdurugo sa mga mata at mabuting maghanap na lang ng ibang pagkakaabalahan ang mga bata.

Gayunpaman, nasa maayos na kalagayan na ang bata at ginagamot na ang mga mata nito.

Ikaw, gaano kahaba ang iyong screentime?

Nawindang ang car owner ng sasakyang nakaparada sa isang eskinita nang bumungad sa kaniya ang sandamakmak na gasgas sa unahang bahagi ng kaniyang sasakyan na aakalain mong nadisgrasya at bumangga.

Kung paano ito nangyari? Alamin.

Sa isang nag-viral na CCTV footage sa social media, makikita ang isang sasakyan na nakaparada sa gilid ng isang eskinita sa India.

Wala namang naging problema sa pagkakaparada nito dahil hindi rin ito nakaharang sa daan.

Kung kaya naman kataka-taka na kinabukasan ay bigla na lang nakakita ng napakaraming gasgas owner sa unahang bahagi ng kaniyang sasakyan.

Mabuti na lang at nahagip ng CCTV ang nangyari kinagabihan at doon nakita ang mga may kagagawan sa biglaang pagkakaroon ng mga gasgas sa kotse.

Ang mga salarin? Hindi sino, kundi ano?

Kitang-kita sa CCTV footage ang dalawang aso na nakakapit sa unahang bahagi ng kaniyang sasakyan at magkasabay pa na ginagasgasan ito.

Hindi pa riyan nagtatapos ang gulat ng driver, dahil doon niya lang din napansin na ang isa pala sa mga asong ito ay ang aksidente niyang nasagi habang nagmamaneho pauwi sa Madhya Pradesh, India.

Nasa maayos daw na kondisyon ang aso matapos ang insidente at nagawa pang tumakbo papalayo.

May posibilidad din daw na nasundan ng aso ang kaniyang sasakyan kung kaya natunton nito ang kaniyang kotse at iyon ang pinagdiskitahan nila ng kasama niyang tila isang resbak.

Samantala, ang pagpapagawa sa mga tinamong gasgas ng kotse mula sa mga aso ay inabot lang naman ng tumataginting na sampung libong piso.

Ikaw, sa tingin mo ba ay paraan ito ng aso para gumanti?

Sa sobra-sobrang dedikasyon ng isang chain-smoker sa Turkiye na magbago at lumayo sa bisyo, ikinulong niya ang kaniyang ulo.

Ang buong kwento, alamin.

Kwarenta’y dos-anyos ang Turkish man na si Ibrahim Yucel nang magdesisyon siya na gawin ang napakalaking sakripisyo para tuluyan na siyang makalaya sa dalawampu’t anim na taong bisyo niya na paninigarilyo.

Katulad ng ibang may bisyo, nahirapan din si Ibrahim na kumalas sa kaniyang nakasanayan at nakakaubos pa raw siya noon ng dalawang kaha sa isang araw, kung kaya naman naghanap siya ng ibang paraan para matigil na ito.

Gumawa si Ibrahim ng cage gamit ang copper wire at ikinulong ang kaniyang ulo.

Sa determinasyon na makalaya na sa kaniyang ilang taong bisyo, ikinulong ni ibrahim ang sarili niyang ulo sa cage na kung saan ay hindi nagkakasya ang sigarilyo.

Para naman makasigurado na magiging effective at successful ang ginagawa niyang sakripisyo, nilagyan niya pa ito ng lock at ibinigay ang susi sa kaniyang asawa at anak.

Ipinapasok naman sa mga siwang ng copper wire ang mga biskwit para makakain ang lalaki, at gumagamit ng straw para makainom ng tubig.

Dahil sa labis na dedikasyon, sinusuot niya ang cage hanggang sa labas ng bahay na siya namang ikinahiya raw ng kaniyang misis noong una, pero sa huli ay naintindihan din nito ang layunin ng mister.

Ikaw, hanggang saan ang kaya mong isakripisyo para makalaya na sa mga bisyo?

Sa Japan, isang women’s prison ang tila isa nang nursing home dahil sa dami ng mga senior citizen na nakakulong dito.

Kung bakit? Alamin.

Sa hilagang bahagi ng Tokyo, matatagpuan ang Tochigi Women’s Prison na siyang pinakamalaking kulungan sa Japan para sa mga babae.

Ang mga babaeng bilanggo sa Tochigi ay nagtatrabaho rin sa mga factory ng kulungan at tumatanggap ng libreng pagkain, health services, at higit sa lahat ay mayroon silang mga nakakasama.

Kabilang sa mga ito ang 81-anyos na inmate na itinago sa pangalang “Akiyo” na pangalawang beses na palang nakulong matapos magnakaw ng pagkain.

Nakaasa lang noon si Akiyo sa maliit na pensyon kung kaya naman nauwi siya sa pagnanakaw dahil sa pag-aakala na hindi ito magiging malaking issue.

Mayroon din daw siyang 43-anyos na anak na lalaki na maka ilang beses na sinabi ang hiling nito na sana ay umalis na lang siya.

Katulad ni Akiyo ay marami pang ibang babaeng bilanggo ang nakulong dahil sa pagnanakaw at ang ilan ay nagawa ito dahil sa kahirapan.

Dagdag pa ni Akiyo, mahirap daw ang mamuhay nang mag-isa. Ayon din sa isa pang inmate, ang ilang babae raw ay sinasadyang gumawa ng hindi maganda sa tuwing wala na silang pera upang makabalik sa kulungan.

Mayroon pa nga raw nagsabi na willing silang magbayad ng 20,000 hanggang 30,000 Yen buwan-buwan para tumira roon.

Sa loob ng bilangguan, tila nakahanap ng hindi lamang karamay at kasama ang mga matanda, kundi nakatagpo rin ng mga bagong kaibigan.

Matatandaan na katulad ng isang village sa Japan na Ichinono, issue rin dito ang isolation at kalungkutan dahil sa sobrang kaunti ng mga tao na naninirahan doon.

Ikaw, ano ang ginagawa mo kapag nag-iisa ka at nakakaramdam ng kalungkutan?

Pinatunayan ng isang lalaki sa Thailand na talaga nga namang digital na ang karma sa panahon ngayon dahil matapos nitong mamboso, nahulog ito mula sa bubong nang magtangkang tumakas.

Ang buong kwento, alamin.

Sa probinsya ng Thammarat sa Thailand, isang lalaking nag-akyat bahay para mamboso ang nahuli mismo ng kaniyang babaeng biktima na si Siriluk at hinabol pa siya ng maliit na pala!

Sa pagmamadali na tumakas, dumaan ang lalaki sa bubong pero naging instant ang karma niya dahil nabutas ang bubong at lumanding siya sa garahe.

Sa kasamaang palad ay naka-eskapo ang lalaki sakay ng isang motorsiklo. Ayon din sa mga otoridad ay nagtamo ito ng injuries mula sa pagkahulog.

Pero bukod sa pamboboso ay mayroon pa palang ibang ginawang kababalaghan ang lalaki.

Napag-alaman ni Siriluk na nagpunta na rin pala ang lalaki sa kanilang bahay pasado ala una ng madaling araw at pinagdiskitahan naman ang kaniyang panty!

Ayon sa biktima, nakarating daw sa 2^nd floor ng kanilang bahay ang lalaki dahil sa pag-akyat nito sa puno.

Kahit na walang anu-anong inireport ni Siriluk sa mga otoridad ang insidente, patuloy pa rin siyang nababahala para sa kaniyang safety at ng mga kapitbahay dahil nakapagpyansa ang suspek.

Sinabi niya pa na kaya raw niya isinapubliko ang CCTV footages ay para maging aware ang mga tao tungkol sa insidente at para makilala ang suspek at hindi na ito umulit pa.

Samantala, nagpalagay na ng bakod si Siriluk sa labas ng kaniyang bahay at pinaputol na rin ang puno na ginamit ng lalaki para makaakyat sa kanilang bahay.

Gayunpaman, umaasa pa rin si Siriluk na mahuli ang lalaki para sa kaligtasan ng mga residente.

Ikaw, naniniwala ka rin ba na digital na rin ang karma?