EXPLAINERS

Sa hiwalayan nauwi ang pagsasama ng isang mag-asawa na kapwa nasa medical field nang subukin ito ng isang karamdaman. Dahil sa pagmamahal ay idinonate ng mister ang kaniyang kidney sa kaniyang misis at binawi rin ito kalaunan nang sila ay maghiwalay.

Kung nabawi nga ba ng lalaki ang kaniyang kidney, eto.

Nagkakilala ang vascular surgeon na si Dr. Richard Batista nang siya ay resident doctor pa lang at ang noo’y training nurse na si Dawnell noong taong 1980 bago nagka-inlove-an at nagpakasal noong 1990.

Nagbunga ng tatlong anak na babae ang pagmamahalan ni Richard at Dawnell, pero pagdating ng 2001 sinubok ang relasyon ng mag-asawa nang ma-diagnose ng renal failure si Dawnell at kinailangang sumailalim sa kidney transplant.

Dahil prayoridad ni Richard na iligtas ang kaniyang asawa at ang kinabukasan ng kanilang mga anak, idinonate niya ang kaniyang kidney matapos sumailalim ang kaniyang misis sa dalawang failed transplants.

Matapos ang operasyon at recovery period, pagkalipas lang ng apat na taon ay naghiwalay ang dalawa at si Dawnell mismo ang naghain ng divorce.

Kasabay nito ay inakusahan ni Richard si Dawnell ng pangangaliwa at pagpapaalis sa kaniya sa kanilang bahay. Bukod pa riyan, bukod sa kagustuhan na bawiin ang kaniyang kidney, inireklamo rin ni Richard si dawnell dahil hindi umano nito pinahihintulutan na makausap ni Richard ang kanilang mga anak.

Kung ano ang kondisyon ni Richard kapag hindi naibalik ni Dawnell ang kaniyang kidney? Kailangan nitong magbayad ng $1.5 million dollars.

Pero sa kabila ng efforts ni Richard na mabawi ang kaniyang kidney, sinabi ng mga doktor na imposible ito at unethical.

Sa huli, hindi na nabawi pa ni Richard ang kaniyang kidney dahil lumabas sa desisyon ng korte na ang organ ay isang regalo kay Dawnell.

Sa mga may kasintahan diyan, huwag todo-bigay sa pagreregalo. At kung kusang-loob man na, huwag nang manunumbat pa.

Nakakita ka na ba ng convenience store na hassle puntahan? Kung hindi pa, baka magulat ka kapag nakita mo ang tindahan na ito sa China na sa halip na maghatid ng convenience, extra challenge at thrill muna ang ibibigay sayo bago mo mabili ang gusto mo.

Kung bakit alanganin ang pwesto ng convenience store na ito, eto.

Taong 2018 nang buksan ang maliit na tindahan sa Shinuizai Scenic Area sa probinsya ng hunan sa China kung saan makakabili ng drinks and snacks.

Pero huwag iismolin ang tindahan na ito dahil binansagan lang naman itong ‘most inconvenient convenience store’ sa China dahil bagama’t maliit ito, literal na mapapasabi ang buyers na mataas na ang kanilang narating dahil matatagpuan lang naman ito sa gilid ng bangin sa taas na 394 feet.

Para makarating sa tindahan, tila wall climbing ang eksena dahil kinakailangang dumaan sa mga bakal na nakabaon sa mga bato. Ayon pa sa local media, 90 minutes o mahigit isang oras ang aabutin bago makaakyat sa tindahan.

Kakaiba man tingnan, pahirapan iakyat ang mga paninda dahil ang mga staff mismo ang nagdadala nito sa loob ng kanilang mga backpack.

Ayon pa sa isang anonymous staff, hindi malaki ang kinikita ng nasabing tindahan pero para sa kanila, meaningful pa rin ang kanilang trabaho dahil nagpapasalamat ang mga turista at mayroon silang napagkukunan sa tuwing nauuhaw o nagugutom sa kalagitnaan ng kawalan.

Samantala, hassle man ang aabutin, makakatanggap naman ng libreng bottled water ang mga buyers kapag nakarating na sila sa tindahan. Bukod diyan, namimigay din ang inconvenient convenience store ng libreng mooncakes sa tuwing sumasapit ang mid-autumn festival.

Ikaw, tyatyagain mo bang akyatin ang tindahan na ito o titiisin mo na lang ang gutom at uhaw mo?

Sa nakakapagod na mundo, pagtulog na lang ang paraan ng mga empleyado para magpahinga, pero madalas ay hindi ito napagbibigyan. Kaya nga mapapasana-all ka na lang talaga dahil mayroong mga kumpanya sa Japan na kung saan pinapayagan ang mga empleyado na matulog para maiwasan ang sleep deprivation.

Naiinggit ka na rin ba? Kung naghahanap ka ng ganitong klase ng trabaho, eto.

Tinatayang aabot lang ng 7.3 hours ang tulog ng mga Japanese kada gabi, kung kaya nga lumabas sa Gender Data Portal ng OECD Statistics noong 2019 na ang mga tao sa Japan ang may pinakamaigsing oras ng tulog sa buong mundo.

Ito ay dahil sa pagiging abala ng mga ito sa maghapong pagtatrabaho, kung kaya nga hindi sinasadyang nakakatulog ang ilan habang bumibiyahe pauwi.

Pero hindi na kinailangan pang mag-adjust ng mga empleyado pagdating sa problema na ito dahil ang ilang kumpanya na mismo ang gumawa ng paraan para hindi sila magkaroon ng problema sa pagtulog.

Narinig niyo na ba ang salitang hirune? Ang ibig sabihin nito ay lunchtime sleep.

Pina-practice ito sa GMO Internet Group at tinatawag na GMO siesta, kung saan maaaring magpahinga ang mga empleyado sa isang conference room na mayroong 27 mga kama.

Ayon sa Chief Spokesperson ng GMO na si Sae Takahashi, nagagamit ng mga empleyado nilang may anak ang hirune bilang pagkakataon para bumawi sa tulog na nawawala sa kanila dahil sa mga gawain sa bahay.

Bukod sa nare-recharge ang mga empleyado at mas nagiging efficient sa trabaho, makakatulong din ang hirune para maiwasan ang karoshi o ang pagkamatay mula sa sleep deprivation dahil sa pagiging overworked.

Ikaw, gusto mo rin bang makahanap ng kumpanya kung saan ine-encourage ang mga empleyado na magpahinga at alagaan ang kanilang mga sarili?

Halos lahat na yata ng aspeto sa buhay natin ay nakakasabay na ngayon sa modernization. Sino ba naman kasi ang mag-aakala na posible na palang makakita ang isang tao gamit ang kaniyang ngipin? Sa ganyang paraan ngayon nakakakita ang isang babae mula sa Canada matapos nitong magkasakit at mamuhay nang walang paningin sa loob ng sampung taon.

Kung ano nga ba ang ibang purpose ng ngipin sa kwento ng babae, eto.

Sampung taon na ang nakakaraan nang tamaan ng auto-immune disorder ang ngayo’y 75-anyos na si Gail Lane mula sa Canada.

Dahil dito ay nagkaroon ng scarring ang mga cornea ni Gail na naging dahilan para mabulag ito.

Sa loob ng sampung taon, namuhay ang matanda nang walang paningin pero sa tulong ng osteo-odonto keratoprosthesis procedure o tooth-in-eye surgery na dinala ng opthalmologist na si Dr. Greg Moloney sa Canada, muling nabigyan ng pag-asa si gail na makakita.

Ayon sa doktor mula sa Mount Saint Joseph Hospital, para maisagawa ang kakaibang procedure ay kinakailangang tanggalan ng ngipin ang pasyente.

Ii-implant ang ngipin sa pisngi ng pasyente at hihintayin na palibutan ito ng mga connective tissues bago lagyan ng lens bago itahi sa eye socket ng pasyente.

Dagdag pa ni Dr. Moloney, hindi man komprotable ang procedure, hindi naman daw makakaramdam ng sakit ang pasyente. Sa ngayon, kabilang na si Gail sa tatlong Canadians na sumailalim sa kaparehas na operasyon.

Ayon kay Gail, ilaw ang pinakauna niyang naaninag matapos siyang maoperahan. Tila isa ring luxury sa mahabang panahon ang makakita ng mga kulay at mga halaman kung kaya sinabi ni Gail na worth it ang ginawa niyang paghihintay.

Higit sa lahat, nakita niya na rin sa unang pagkakataon ang kaniyang partner na si Phil na nakilala niya matapos siyang mabulag.

Ikaw, nagulat ka rin ba na mayroong ganoong uri ng procedure na nage-exist?

Sinong mag-aakala na hindi lang mga K-9 dogs ang may kakayahang tumulong sa mga otoridad sa pagtugis sa mga kriminal. Dahil sa illegal drug case na ito, isang parrot ang nagsiwalat at nambuking mismo sa boyfriend ng kaniyang amo.

Kung ano ang revelations ng parrot, eto.

Kahit na nasa loob ng bilangguan ay nagawa pa ring pamunuan ng 35-anyos na si Adam Garnett ang isang gang mula 2023 hanggang 2024 kung saan nadiskubre sa selda nito ang ilang mga cellphones na naglalaman ng mga pruweba sa kaniyang illegal transactions sa labas ng kulungan.

Sa mga cellphone, natagpuan ang video ng dilaw na parrot na si Mango na pagmamay-ari ng girlfriend ni Garnett na si Shannon Hilton, 29-anyos.

Sa video, maririnig at makikita si Mango na nagsasalita at pinaglalaruan ang mga drug money. Habang sa cellphone naman ni Hilton ay maririnig na ito mismo ang nagtuturo kay mango ng jargon na ginagamit nila sa kanilang illegal transactions.

Sa cellphone naman ng kasabwat nila na si Dalbir Sandhu, makikita ang listahan ng mga transaksyon nito at mga presyo ng droga.

Sa tulong ng mga pruweba na ito, naaresto ang labinlima sa mga myembro ng gang at napatawan ng pagkakakulong na hindi bababa sa limang taon.

Habang si Garnett naman ay makukulong sa loob ng mahigit labingsiyam na taon at ang kaniya namang girlfriend na si Hilton ay 12 years mananatili sa likod ng mga rehas.

Samantala, natagpuan naman ng mga pulis si Mango nang magsagawa ang mga ito ng raid sa mga kabahayan kung saan nasabat ang kilu-kilong iligal na droga.

Sa mga may alagang parrot diyan, gusto niyo rin ba na magkaroon ng magandang dulot ang kadaldalan ng alaga niyo?

Bukod sa mga magulang, dapat ding pasalamatan ang mga guro na matyagang iniaalay ang kanilang buhay at kaalaman para makasigurado na handa ang mga estudyante sa pagtatapos nila ng pag-aaral. Katulad na lang ng dedicated teacher na ito na nakuhanang nagtatrabaho pa rin hanggang sa huling sandali ng kaniyang buhay.

Kung ano ang kwento ng dedicated teacher na ito, eto.

Taong 2020 nang mag-viral ang pinost ni Sandra Venegas na picture ng kaniyang ama habang nakaupo sa hospital bed nito at nagtatrabaho sa kaniyang laptop.

Ang tatay kasi ni Sandra na si Alejandro Navarro ay isang mathematics teacher sa Del Rio Middle School na matatagpuan sa Del Rio, Texas.

Ayon kay Sandra, siniguro ng kaniyang ama na kasama ang laptop at charger nito sa mga gamit na dadalhin nila sa ospital nang kinailangan itong i-admit.

Bagama’t may iniindang sakit, pinairal ni Alejandro ang pagiging selfless at kahit na nasa ICU ay ginawa pa rin nitong priority ang pagche-check sa papel ng mga estudyante at pagfa-finalize ng grades ng mga ito para sa progress report.

Sa kasamaang palad, matapos asikasuhin ni Alejandro ang grades ng mga estudyante ay binawian din siya buhay.

Sa kaparehas na post, nagbigay-pugay si Sandra sa lahat ng mga guro na hindi ininda ang pandemya at sariling kalusugan basta’t maibahagi lang sa mga estudyante ang personal nilang kaalaman.

Nagpaalala rin ito sa mga kaanak ng mga guro na huwag pagtrabahuhin ang mga ito kapag hindi na oras ng trabaho at hikayatin na magpahinga.

Bagama’t kadalasan ay hindi nagbibigayng pagkilala ang ginagawang sakripisyo ng mga guro, nagsisilbing paalala ang kwento ni Alejandro na bukod sa mga magulang, nandito ang mga guro na matyagang gumagabay at nagsisilbing instrumento para mapunta sa tamang landas at mahubog ang mga estudyante para sa kaniya-kaniya nilang mga kinabukasan.

Sa mga estudyante diyan, naaalala niyo pa ba na magpasalamat sa mga teacher niyo o nagagawa niyo lang ito kapag teacher’s day?

Sakit ng katawan dulot ng injuries ang inabot ng isang lalaki sa India na gusto lang naman sanang makipag-selfie sa isang elepante. Ang problema nga lang, nagulat ang elepante sa flash ng kaniyang cellphone at bigla na lang nanghabol.

Kung ano ang sinapit ng lalaki matapos habulin ng elepante, eto.

Kumakalat ngayon sa social media ang video ng isang lalaki na hinahabol ng isang malaking elepante sa Karnataka, India.

Ayon sa mga ulat, kinilala ang lalaki na si R. Basavaraju na nag-trespassing umano papasok sa isang restricted area kung nasaan ang nasabing elepante.

Pero paano nga ba nangyaring hinabol ng elepante ang lalaki gayong makikita sa video na malayo ito sa elepante at nasa magkabiling gilid ng kalsada?

Ayon sa mga saksi, sinubukan umanong mag-selfie ni Basavaraju kasama ang elepante. Pero ang flash ng camera nito, nakabukas pala at naging dahilan pa para magulat ang elepante.

Mula sa pagkain ng mga carrots sa gilid ng kalsada, mabilis na tinawid ng elepante ang makitid na daan at hinabol ang lalaki na agad namang kumaripas ng takbo.

Bukod sa laki ng mga hakbang ng elepante, biglang napatid ang lalaki at nadapa sa gilid ng kalsada kung kaya agad itong naabutan ng na-trigger na hayop.

Doon na nakakuha ng tyempo ang elepante at inapakan ang nakadapang lalaki.

Dahil sa diin at lakas ng impact ng pagkakaapak, napunit at nahubad ang suot na pantalon ng lalaki, dahilan para makitaan pa ito ng puwitan.

Matapos nito ay naglakad papalayo ang elepante papunta sa gubat.

Ayon sa isa sa mga saksi na si Daniel Osorio, ang bayolenteng tagpo sa pagitan ng elepante at ng lalaki ay nagsilbing paalala sa mga tao na maging marespeto sa mga hayop at sa mga guidelines na dapat sundin sa tuwing lalapit sa mga wildlife species.

Samantala, nakaligtas naman si Basavaraju sa insidente matapos isugod sa ospital ngunit dahil sa ginawa nitong trespassing ay kinakailangan nitong magbayad ng multang 25,000 rupees o mahigit 16, 000 pesos, at magpasa ng video kung saan inaamin nito ang kaniyang kasalanan.

Sa mga pasaway diyan, ilugar lang dapat ang katigasan ng ulo kung ayaw niyong sakit ng katawan ang ibalik ng pagiging maligalig niyo.

Napatunayan ng isang lalaki mula sa United States na basta’t paiiralin ang sipag, tyaga, at determinasyon, siguradong magagawa mong baguhin ang buhay mo. Ang lalaki kasi, mula sa pagiging school janitor for 27 years, na-promote bilang principal ng kaparehong eskwelahan.

Kung paano ito nagawa ng lalaki, eto.

Isang semestre pa lang ang natatapos noon sa kolehiyo ni Joseph ‘Gabe’ Sonnier nang huminto ito sa pag-aaral para tulungan ang kaniyang single mom sa pagtatrabaho at namasukan sa contruction site, grocery store, sawmill, at sa Port Barre Elementary kung saan naging janitor ito sa loob ng 27 taon.

Sa pagtatrabaho ni joseph sa eskwelahan, hindi nito nalimutan ang naging pag-uusap nila ng principal na kinilalang si Wesley noong 1985. Ayon sa principal, gusto siya nitong makita na maging isang educator at markahan ang papel ng mga estudyante sa halip na pulutin ang mga ito.

Ilang taon ang nakalipas, hindi nawala sa puso at isipan ni Joseph ang sinabi ng principal kung kaya walang pagdadalawang-isip itong bumalik sa pag-aaral sa edad na 39-anyos.

Naging routine ni Joseph ang pagpasok sa trabaho ng 5-7 a.m. pagkatapos ng duty ay tatakbo na ito patungo sa Louisiana State University Eunice kung saan ito nagtapos ng General Studies at Elementary Education naman sa University of Louisiana. Hindi pa nakuntento si Joseph at nag-masteral pa.

Makalipas ang 27 taon na paglilinis sa eskwelahan, na-promote na si Joseph bilang principal nito. Bagama’t tumaas na ang posisyon nito, tila hindi maiaalis kay Joseph ang paglilinis dahil nagprisinta ito na siya mismo ang maglilinis sa kaniyang opisina tuwing gabi.

Bukod sa mahaba nitong journey bago natagpuan ang kaniyang calling, nagsilbi pang inspirasyon si Joseph sa ibang school staff na kumuha rin ng mag-master’s degree.
Sa mga pinanghihinaan na ng loob diyan, wag ka munang susuko. Dahil kung talagang gusto mo na may mangyari sa buhay mo, kailangan mong tyagain ang laban bago ka manalo.

Madadagdagan na ang options at chances para sa mga magkasintahang nahihirapang makabuo ng anak dahil mayroong makabagong innovation ang China na maaari nang pumalit sa pagha-hire ng surrogate mothers. Kung ano ito? Isa lang namang robot na may kakayahang magbuntis.

Kung paano ito magagawa ng robot, eto.

Maniniwala ka ba na kahit napakarami nang kayang gawin ng AI at ng mga robot, madadagdagan pa ito at maaari na ring ma-achieve ang bagay na tila imposible.

Sa China kasi, in progress na ang ‘pregnancy robots’ na nagmula sa ideya ng founder ng Kaiwa Technology na si Dr. Zhang Qifeng.

Bubuuin ang pregnancy robots na kahalintulad sa katawan ng mga babae at magkakaroon ng artificial womb o sinapupunan na ii-implant sa tiyan nito.

Sa pamamagitan ng hose, matatanggap ng ipagbubuntis nitong sanggol ang mga kinakailangan nitong nutrients. Bukod pa riyan, ang pinagkaiba nito sa mga tunay na babae ay sampung buwan itong magdadalntao.

Pero dahil nasa development stage pa ang robot, hindi pa malinaw kung paano ang magiging proseso ng pagtatanim ng egg at sperm cells sa robot at kung paano ito manganganak.

Kung magiging matagumpay man ang pagbuo sa innovation na ito ilalabas na ito sa susunod na taon at magkakahalaga ng $14,000 o halos 800,000 pesos ang serbisyo.

Ikaw, sa tingin mo ba ay magkapareho pa rin ang magiging kalidad ng buhay ng isang bata kung ipagbubuntis ito ng isang robot?

Naging biruan sa social media na kapag gumawa ka ng kabutihan, plus points ka sa langit o more chances na paakyatin at tanggapin ka roon. Pero ang Irish man na ito, nag-donate nang nag-donate ng pera para i-secure ang kaniyang spot sa heaven dahil mayroon daw nagsabi sa kaniya na iyon ang sagot.

Kung sino ang nagsabi sa lalaki, eto.

Kumita ng $700,000 o P39 million ang 40-anyos na farmer mula sa Ireland matapos ibenta ang kaniyang farm at idinonate ang higit sa kalahati nito sa mga mahihirap.

Ayon sa lalaki, ang Diyos mismo ang nagsabi sa kaniya na kapag ipinamigay niya ang mga pera niya ay mapupunta siya sa langit.

Dahil sa ipina-practice nito na generosity, sinabi ni Justice Michael Twomey na nadiskubre niya na walang kaabog-abog na nagbigay ng 1,000 Euros o mahigit P66,000 ang lalaki sa isang homeless.

Sinabi naman sa korte ng Solicitor na si Katherine Kelleher na umabot na ng 38,000 euros o mahigit P2 million ang naipamigay ng lalaki pagkalipas lang ng ilang linggo.

Dahil sa posibilidad na simutin ng lalaki ang pinagbentahan ng kaniyang farm, nakiusap si Katherine sa high court na magtalaga ng magpoprotekta sa lalaki at sa panganib na maaaring dalhin ng labis-labis na pamimigay nito ng malaking halaga ng pera.

Samantala, sumangayon naman si Justice Twomey na gabayan ang lalaki.

Sa mga makasalanan diyan, mayroon din ba kayong ginagawang hakbang para magkaroon ng plus points sa langit?