HOT STORIES OF THE WEEK

Nagbabala si Pangulong Rodrigo Duterte na bubuwagin ang isang buong komisyon dahil sa katiwalian.

Sa naging anibersaryo ng Department of Labor and Employment o DOLE sa bulacan, sinabi ng Pangulo na sa Lunes, Disyembre 11 ay tuluyan na niyang sisibakin sa puwesto ang mga opisyal at empleyado ng hindi na niya pinangalanang komisyon.

Aniya, hindi niya patatawarin ang mga opisyal na sangkot sa korapsyon.

On Monday, I will fire about one commission mismo.

Lahat sila.

Wala akong pakialam makisali lahat, dalawa… tatlo… you have to go out because I do not think it will exist without  your knowledge.

Matatandaang nakakuha ng mababang iskor ang Pilipinas kaugnay sa pagpigil sa korapsyon at pagsunod sa rule of law.

Ito ay batay sa Millenium Challenge Corporation o MCC FY 2018 Scorecard kung saan nakakuha ang bansa ng 50% pagdating sa paglaban sa korapsyon at 47% sa rule of law.

Ang Millenium Challenge Corporation ay isang independent aid agency na binuo ng US Congress noong 2004 at naglalabas ng scorecard para sa iba’t ibang bansa batay sa tatlong (3) kategoriya.

Igigiit ng Department of Health (DOH) sa kumpanyang Sanofi Pasteur na i-refund ang mahigit tatlong bilyong pisong (P3-B) ibinayad para sa dengvaxia vaccine.

Kasunod ito ng pagbuo ng DOH ng isang task force para tumutok sa monitoring at pagtulong sa mga batang nabakunahan ng naturang anti – dengue vaccine.

Ayon kay DOH Secretary Francisco Duque III, magkakaroon ng sariling legal team ang binuong task force na siyang mag – aaral sa pananagutan ng Sanofi Pasteur.

Ipapasagot din nila sa Sanofi ang gastos sa pagpapagamot sa mga magkakasakit na batang nabakunahan kahit pa may commitment na ang PhilHealth na sagutin ang gastos sa pagpapagamot ng mga bata.

DOH hinihintay ang ulat ng WHO

Hinihintay pa ng DOH ang magiging ulat ng World Health Organization o WHO bago pagdesisyunan kung ano ang gagawin sa natirang stock ng dengvaxia vaccine.

Ayon kay DOH Secretary Francisco Duque III, posibleng ilabas ng WHO ang ulat sa susunod na linggo kasama ang ilang rekomendasyon na makatutulong sa magiging pagpapasya ng DOH.

Samantala, binanggit naman ni Duque na ang binuong task force ng DOH ay binubuo ng mga top – level officials mula sa iba’t ibang sangay nito upang masiguro ang high level of accountability.

Kasabay nito, hinikayat ni Duque ang Department of Education o DepEd na gumawa ng kahalintulad na task force upang tumutok sa mga estudyanteng nabakunahan ng naturang anti – dengue vaccine.

Pormal nang inirekomenda ng Armed Forces of the Philippines (AFP) kay Pangulong Rodrigo Duterte ang pagpapalawig pa ng ipinatutupad na martial law sa buong Mindanao.

Ito ang kinumpirma ni AFP Spokesperson Major General Restituto Padilla sa ginanap na press breifing sa Malakanyang.

Ayon kay Padilla, bagama’t hindi niya maibigay ang detalye ng haba ng panahon ng martial law extension na kanilang inirekomenda ay naisumite na aniya ito ni Defense Secretary Delfin Lorenza sa Pangulo.

Our recommendation has been submitted to the Secretary of National Defense and the Secretary after studying it, has forwarded the recommendation to Malacañang.

The recommendation, I don’t have the details of as to the length, as far I am concerned, there is a recommendation to similarly support the recommendation of Philippine National Police (PNP) but I am not really to the whole report and I’m not liberty to discuss whatever it is that has been placed to the recommendation

Paliwanag pa ni Padilla, ang mga ulat ng patuloy na recruitment ng mga miyembro ng mga teroristang grup at mga naitatala nilang pagtaas ng karahasan dulot ng mga rebeldeng komunista ang dahilan ng kanilang rekomendasyon.

The Maute, the ASG (Abu Sayyaf Group), and the other terrorist organizations, they still remain to be a threat although they have significantly degraded in terms of capability and manpower.

Those who survives still remain at large and are attempting to recover by recruiting other members of the society.

Now, in other areas of Mindanao following the declaration of the President of the formal end of peace talks with the CPP – NPA – NDF, also increasing violence initiated by the left is something to watch – out for and something that we have to prepare for and confront.

All – out war sa NPA pinabulaanan

Itinanggi ng Armed Forces of the Philippines na nagdeklara sila ng all – out war laban sa rebeldeng grupong New People’s Army o NPA.

Kasunod ito ng deklarasyon ni Pangulong Rodrigo Duterte laban sa CPP – NPA bilang mga terorista.

Sa ginanap na press briefing sa Malakanyang, sinabi ni AFP spokesperson Major General Restituto Padilla na ang deklarasyon ng Pangulo ay paunang hakbang pa lamang para sa legal na paghahanay sa CPP – NPA bilang mga terorista.

Wala tayong pinag – uusapang all – out pa dito, but based on my understanding, ang ginawang hakbang ng mahal na Pangulo ay nagsimula ng isang proseso.

So, itong proseso ay ngayo’y sinusunod natin at sana matapos ito kaagad. So, kailangan pa nating ihain ang isang petisyon sa korte upang ganap na matawag nating ‘kaliwa’ o ‘terorista’ itong mga maka – kaliwa.

Kasabay nito, itinanggi din ni Padilla ang ulat ng mga human rights group na hinaharang ng militar ang mga ipinapadalang pagkain para sa mga nagsisilikas na mga katutubong Lumad.

Paliwanag ni Padilla, ang lahat ng mga ipinapadalang tulong para sa mga internally displaced persons ay nasa lokal na pamahalaan na at tanging pabibigay seguridad lamang ang kanilang ibinibigay.

Dagdag pa ni Padilla, ilan sa mga taktika ng mga komunistang rebelde ang mag – recruit ng mga katutubo upang kanilang maging mga miyembro.

Nasa mga kabundukan sila at malayo sila sa kabihasnan kaya’t hindi sila masyadong sanay sa mga galaw na maaaring ginagawa nitong mga maka – kaliwa kaya mas mainam nilang nire – recruit itong mga vulnerable na katutubo natin.

So, that is what we have statistics. Now, as we have ended formal peace talks and as we pursue them, we expect the similar tactics or methodologist that the left has been using.