HOT STORIES OF THE WEEK

Tuloy ang pagdalo ng dating Pangulong Noynoy Aquino sa pagdinig ng Senado sa isyu ng dengvaxia ngayong araw na ito.

Ayon sa dating Pangulo umaasa siyang ang pagpunta niya sa Senate hearing ay magiging daan sa pagbuo ng mga kinakailangang hakbangin para tugunan ang usapin.

Nabatid na ang dating Executive Secretary na si Paquito Ochoa, Jr. ay darating din sa pagdinig mamayang alas 10:00 ng umaga.

Tiniyak naman ni Senate Blue Ribbon Committee Chair Richard Gordon ang maayos na pag trato sa dating Pangulo.

Ang vaccination program partikular nang pagturok ng Dengvaxia ay sinimulan nuong April 2016 o isang buwan bago ang may presidential elections.

Una nang inihayag ng Department of Health o DOH na mahigit 800,000 estudyante sa public school ang nabakunahan ng Dengvaxia sa Central Luzon, CALABARZON, Metro Manila at Cebu.

Duterte walang planong magpakulong ng dating pangulo ng bansa
By Arianne Palma

Samantala, tiniyak ni Pangulong Rodrigo Duterte na walang makukulong na dating presidente sa ilalim ng kanyang administrasyon.

Sa kanyang talumpati sa isang benefit dinner para sa Marawi City, sinabi ng Pangulo na hindi niya istilo ang maghain ng mga kaso laban sa isang dating presidente ng bansa.

Salaysay ng Pangulong Duterte, noong siya pa ay alkalde ng Davao City ay hindi niya sinampahan ng kaso si Davao City Representative Prospero Nograles na makailang ulit siyang kinasuhan.

—-

Kapwa niratipikahan na kahapon  ng Senado at Kamara ang  Bicameral Conference Committee Report ng panukalang  3.7  Trillion Peso General Appropriations Act para sa taong  2018 kasabay  ng pag-apruba ng  Bicam   sa reconciled version ng proposed national budget.

Ayon kay Senador Loren Legarda, Chairperson ng  Senate Finance Committee, magiging malaking tulong ang 2018 budget sa pagtiyak na mapananatili ng Pilipinas ang  status bilang isa sa  fastest growing economies ng asya.

Inihayag naman ni  House Appropriations Committee Chairman Karlo Nograles, inaasahan niyang maisasabatas ang national budget sa mismong araw o bago mag-Disyembre 19, na itinakdang  deadline ng Kongreso.

Kabilang sa mga nakapaloob sa panukalang budget ay ang dagdag na cash allowance para sa public school teachers mula 2,500 hanggang 3,500 Pesos na may alokasyon na  770 Million Pesos;

Increase sa basic pay ng mga pulis at sundalo na may allocated na  63 Billion Pesos   maging ang pagbili ng body cameras para sa mga  PNP members na nagkakahalaga ng  334 Million  Pesos.

Inakusahan ni Health Secretary Francisco Duque ang manufacturer ng dengvaxia na Sanofi Pasteur ng ‘mental dishonesty’ o pagsisinungaling.

Sa pagdinig ng senado kaugnay sa dengvaxia vaccine, sinabi ni Duque na hindi naging matapat ang Sanofi Pasteur sa simula pa lamang ng paglalahad ng mga posibleng panganib na maidudulot ng dengvaxia sa mga naturukang bata.

Iginiit ni Duque, kumambiyo ang Sanofi sa klase ng dengue na posibleng tumama sa mga nabakunahan ng dengvaxia na walang history ng sakit mula sa una’y severe at sa huli naging Grade 1 at 2 na sintomas na lamang.

Binigyang – diin ni Duque, hindi buo ang ipinalalabas na deltalye ng Sanofi.

Nag – disclosed sila na magkakaroon pala ng severe dengue infection.

Remember, that was November 29 press released, and which I accused them… well… that is a ‘mental dishonesty’, because kumambyo ‘yang mga ‘yan eh…

By the time na nag – press released sila, sinasabi nila, o hindi, the symptoms that we have observed based on our clinical trial analysis was only a Grade 1 and Grade 2 symptoms based on the WHO (World Health Organization) classification of the symptoms.

We never saw dengue Grade 4, sabi nila.

- Pahayag ni Health Secretary Duque

Sinabi naman ni dating Secretary Janet Garin, nararapat lamang na managot ang Sanofi Pasteur sakaling mapatunayan na ito ay nagtago ng mga impormasyon kaugnay ng dengvaxia.

Kung saka – sakali mang merong mga impormasyon na itinago ng Sanofi sa Department of Health (DOH), sino ba namang mag – aakalang magtatago sila ng impormasyon?

Hindi lamang po Pilipinas ang nag – uusap when this is being done.

It was a group of eleven (11) countries na magkakasama pong nagmi – meeting.

Kung nagsinungaling man ang Sanofi, hindi lang po sa amin, pati sa ibang bansa, at sa World Health Organization.

Eh dapat naman po talagang managot sila, hindi lang po na sila lang, marami pa po ang dapat.

- Pahayag ni dating Health Secretary Garin

Tiniyak pa ni Garin na nakahanda siyang harapin at sumagot sa mga imbestigasyon kaugnay ng pagbili at pagpapabakuna ng dengvaxia dengue vaccine sa mahigit walong daang libong (800,000) mga kabataan.

We are hoping that the international medical experts will soon clear the air to allay the fears of the public, because the longer it takes for them to come out, the longer the agony is here for us.

I am not pointing fingers to others, kung saka – sakaling sa imbestigasyon niyo your honors, eh meron po akong command responsibility as Secretary at that time, I welcome, I will fully answer whatever it takes, at re – respetuhin ko po ang inyong mga desisyon.

- Pahayag ni dating Health Secretary Garin

Hawak na ng dalawang kapulungan ng Kongreso ang liham ni Pangulong Rodrigo Duterte na humihiling na palawigin pa ng hanggang isang taon ang idineklarang Martial Law sa Mindanao.

Nakasaad sa nasabing liham na kung pagbibigyan, magiging epektibo ang martial law extension mula Enero 1 hanggang Disyembre 31 ng taong 2018.

Binigyang diin ng Pangulo sa kaniyang liham kina Senate President Koko Pimentel at House Speaker Pantaleon Alvarez na kinakailangang mapalawig ang martial law para sa muling pagbangon ng Marawi City matapos ang mahigit limang buwang bakbakan sa pagitan ng mga sundalo at teroristang Maute.

Idinagdag din ng Punong Ehekutibo ang pangangailangang mapalawig ang batas militar upang masupil ang iba pang mga teroristang kumikilos sa iba pang bahagi ng Mindanao kabilang na ang komunistang CPP-NPA na naghihintay lang ng pagkakataon upang umatake.

LOOK: President Rodrigo Duterte’s letter to the Congress for Mindanao martial law extension | via @JILLRESONTOC @blcb pic.twitter.com/HoKKSVhQvY

— DWIZ Newscenter (@dwiz882) December 11, 2017

Joint session

Posibleng mag-convene ang Senado at House of Representatives sa isang joint session para talakayin ang hirit ni Pangulong Rodrigo Duterte na palawigin pa ang martial law sa Mindanao sa Huwebes o Biyernes.

Ayon kay House Majority Floor Leader Rodolfo Fariñas, oras na matanggap na nila ang letter of request mula kay Pangulong Duterte, agad niyang kakausapin sina House Speaker Pantaleon Alvarez at Senate President Koko Pimentel para maikasa ang joint session.

Dagdag ni Fariñas, hindi na nila kailangan pang magsagawa ng special session para pag-usapan ang martial law extension dahil meron pa naman aniya silang hanggang December 15 bago mag-Christmas break.

 Jaymark Dagala / Krista de Dios with reports from Jill Resontoc and Cely Bueno