HOT STORIES OF THE WEEK

Paggabay ng magulang sa mga bata hiniling na mas pagtibayin

Kinondena ng Council for the Welfare of Children ang House Bill 505 o panukalang babaan sa 9-taong gulang ang edad ng mga batang maaaring panagutin sa mga kasong kriminal.

Ayon kay Jhie Mojica, planning officer ng naturang ahensya, sinusuportahan nila ang mga grupong sumasalungat sa nabanggit na panukala.

Pansamantala lamang aniyang solusyon ang pagbaling ng sisi sa mga bata hinggil sa tumataas na bilang ng kriminalidad sa bansa.

Mas mainam aniyang tukuyin ng gobyerno ang tunay na problema at sitwasyon kung bakit nagagamit sa mga masamang gawain ang mga kabataan.

“Sinasabi namin na ito ay isang short-solution na ang patungkol ay ang pag-blame sa mga bata rather than ma-address natin ang talagang problema bakit nagkakaganito ang mga batang ito.” Ani Mojica

‘PARENTING’ NAIS PAIGTINGIN NG COUNCIL FOR THE WELFARE OF CHILDREN

Naniniwala ang Council for the Welfare of Children na may iba pang pangmatagalang solusyon para matigil ang pabata nang pabatang mga nasasangkot sa paggawa ng krimen.

Ito’y kaugnay sa panukalang babaan sa 9-taong gulang ang edad ng mga batang maaaring panagutin sa mga kasong kriminal.

Ayon kay Jhie Mojica, Planning Officer ng naturang ahensya, naniniwala sila na ang pagpapaigi sa “parenting” ang isa sa mga maaaring solusyon para maiwas ang bata sa paggawa ng masama.

Mananatili pa rin aniyang katotohanan na ang matibay na paggabay ng magulang ang solusyon upang hindi na mamulat pa ang mga kabataan sa karahasan.

“Ang isang istratehiya diyan is more of parenting, pag-igihin ang parenting sa mga bata, it’s still a fact na kapag ang bata ay hindi ganun katibay ang pag-guide ng magulang, mahirap po ‘yun, maliligaw at maliligaw siya ng landas, aminado rin po kami na ang technology has really advanced.” Pahayag ni Mojica

Ratsada Balita (Interview)

January 22, 2019 0 comment

HEADLINES HOT STORIES OF THE WEEK NATIONAL NEWS

Halos 80 porsyento ng mga Moro pabor sa BOL ayon sa survey

written by Judith Estrada-Larino

Halos 80 porsyento ng mga kapatid na Muslim o 79% ang pabor sa Bangsamoro Organic Law (BOL).

Batay ito sa survey ng Social Weather Stations (SWS) na isinagawa noong Disyembre kung saan lumalabas ding 67 porsyento ang siguradong pabor sa pag-apruba nito at 12 porsyento naman ang bahagyang nagnanais ng approval ng nasabing panukalang BOL.

Sa mga kapatid na Muslim na hindi pabor sa BOL, apat na porsyento rito ay bahagyang hindi ito gusto at tatlong porsyento naman ang siguradong tutol dito na mailusot.

14 na porsyento naman sa mga respondents ay ay undecided.

Nakasaad din sa survey na 78 porsyento ng mga kapatid na muslim na isinalang sa survey ay batid o alam ang BOL.

10 porsyento rito ay may malawak na pagka-unawa sa BOL 35 porysento ang may bahagyang impormasyon na batid tungkol sa BOL at 33 porsyento naman ang may kakaunting impormasyon sa nasabing usapin.

Nasa 1,440 respondents ang isinalang sa SWS Survey nuong December 16 hanggang 19 gamit ang face to face interview.

—-

January 22, 2019 0 comment

HEADLINES HOT STORIES OF THE WEEK NATIONAL NEWS

CHR umalma sa panukalang babaan ang edad ng criminal liability

written by Judith Estrada-Larino

Umalma ang Commission on Human Rights (CHR) sa paglusot sa committee level ng panukalang babaan ang edad ng mga batang maaaring panagutin sa mga kasong kriminal.

Ayon kay CHR Spokesperson Atty. Jacque De Guia, ang nasabing panukala ay paglabas sa obligasyon ng gobyerno na protektahan ang mga kabataan batay na rin sa nilagdaang kasunduan ng bansa sa Convention on the Rights of the Child ng United Nations.

Sinabi pa ni De Guia na malinaw din sa konstitusyon na karapatan ng mga batas na mabigyan ng proteksyon laban sa karahasan at iba pang aksyon na makakasagabal sa kanilang paglago bilang indibidwal.

Negatibo rin ang nakikitang epekto ng grupong Save Children Philippines sa nasabing panukala na anito’y magtutulak pa sa mga kabataan sa diskriminasyon, pang aabuso at mas malawak pang anti-social behavior.

Iginiit ng grupo ang pagpapatupad ng Juvenile Justice and Welfare Act na may kasamang malinaw na mga programa at serbisyo para sa prevention, response at reintegration ng mga kabataan pabalik sa kanilang pamilya at komunidad.

January 22, 2019 0 comment

HEADLINES HOT STORIES OF THE WEEK NATIONAL NEWS

Paglusot ng House Bill 505 sinang-ayunan ng Palasyo

written by DWIZ 882

Sinang-ayunan ng Malacañang ang paglusot sa committee level ng House Bill 505 o panukalang ibaba sa siyam na taong gulang ang criminal liability ng mga batang nasasangkot sa iba’t-ibang krimen.

Ayon kay Presidential Spokesman Salvador Panelo, malawak na ang naaabot ng makabagong teknolohiya kaya’t maaagang namumulat ang mga bata sa kung ano ang tama o maling gawain.

Una rito, sinabi ni Pangulong Rodrigo Duterte na nais niyang amyendahan ang Juvenile Act o ang labing limang taong gulang na batang pataas lamang ang dapat na maging criminal liable kung saan si Senador Kiko Pangilinan ang may akda.

Gayunman, hindi na tinukoy ng pangulo kung anong partikular na edad nais niyang papanagutin sa batas ang mga bata.

—-

January 21, 2019 0 comment

HEADLINES HOT STORIES OF THE WEEK NATIONAL NEWS RONDA PROBINSYA

Halos 70 guro umatras sa plebesito sa Mindanao

written by DWIZ 882

Halos pitumpung guro ang umatras sa pagsisilbing mga miyembro ng plebiscite committee sa Cotabato City.

Ito, ayon kay COMELEC Regional Director- ARMM Atty. Rey Sumalipao, ay bunsod ng natanggap na banta sa buhay ng mga guro.

Hindi anya nag-report ang mga ito sa anim na barangay kaya’t naantala ang plebesito para sa ratipikasyon ng Bangsamoro Organic Law.

Sa kabila nito, tiniyak na nakatutok naman ang militar at pulisya sa pagbibigay seguridad sa mga guro sa ibang lugar na pagdarausan ng halalan sa Pebrero 6.

January 21, 2019 0 comment

HEADLINES HOT STORIES OF THE WEEK NATIONAL NEWS

Panukalang ibaba ang edad ng criminal liability lusot na sa House committee level

written by DWIZ 882

Aprubado na sa House Justice Committee ang House Bill 505 na nagpapababa sa edad ng criminal liability, siyam mula sa labinlima.

Ito’y sa kabila ng pagtutol ng iba’t ibang children’s rights advocate maging ng United Nations sa panukalang batas.

Sa isang executive session, lumusot sa committee level ang substitute bill para sa House Bills 505, 935, 1609, 2009 at 3973 sa botong 9-1.

Ipinaliwanag naman ni Committee Chairman at Oriental Mindoro 1st District Representative Doy Leachon na hindi naman intensyon sa panukala na ipakulong ang mga bata bagkus ay magpatupad ng reporma sa criminal liability.

Inaasahan na maisasalang na sa plenary debate ang batas ngayong linggo.

Plenary debate on the Bill lowering the criminal liability to 9 years old to start this week-Leachon @dwiz882 pic.twitter.com/uaMPVRt048

— JILL RESONTOC – DWIZ -882 AM radio (@JILLRESONTOC) January 21, 2019

Committee Report ng bill na gagawin 9years old ang criminal liability mula sa 15 years old @dwiz882 pic.twitter.com/EwvB9iMG3e

— JILL RESONTOC – DWIZ -882 AM radio (@JILLRESONTOC) January 21, 2019

(Ulat ni Jill Resontoc)

PAGLIKHA NG MGA KORTE PARA LAMANG SA MGA JUVENILE OFFENDER ISINULONG

Isinusulong ni Assistant House Majority Leader at Bagong Henerasyon Party-list Rep. bernadette Herrera-Dy ang paglalagay ng safeguards sa panukalang batas para sa pagpapaba ng edad ng criminal liability.

Ayon kay Dy, dapat lumikha ng juvenile courts na dapat magkaroon ng eksklusibong hurisdiksyon sa lahat ng criminal at civil cases laban sa mga youth offender upang ma-protektahan ang mga kabataan mula sa pang-a-abuso.

Bagaman tutol, ipinanukala rin ng kongresista na sa ilalim ng House Bill 505 ay dapat bigyang mandato ang department of social welfare and development upang pangunahan ang pagtulong sa mga youth offender.

Dapat anyang mag-deploy ang DSWD ng isang social worker sa bawat police station upang sumaklolo anumang oras sa mga kabataang sangkot sa krimen.

—-

January 21, 2019 0 comment

HEADLINES HOT STORIES OF THE WEEK NATIONAL NEWS

2 miyembro ng MILF huli sa pagdadala ng armas sa plebisito para sa BOL

written by DWIZ 882

Dalawang miyembro na ng Moro Islamic Liberation Front (MILF) ang nahuli ng Western Mindanao Command na may dalang baril at may kasama pang bala sa kanilang istasyon sa Cotabato City.

Ito’y sa kabila ng paalala ng WESTMINCOM sa mga miyembro ng grupong MILF na hindi sila maaaring magdala ng armas sa kasagsagan ng plebisito para sa Bangsamoro Organic Law sa Autonomous Region in Muslim Mindanao (ARMM).

Ito, ayon kay Col. Gerry Besana, tagapagsalita ng WESTMINCOM, ay alinsunod sa protocol ng mga kasamahan sa MILF.

Puwersa ng seguridad sa ARMM, kasado na

Samantala, buong puwersa na ang pagbabantay ng pulisya at militar sa kasalukuyang nagaganap na plebisito para sa BOL sa ARMM.

Ayon kay Col. Besana, susubaybayan nila ang naturang aktibidad hanggang sa pagbiyahe ng mga ballot boxes at makarating sa tanggapan ng Commission on Elections (Comelec) sa naturang lugar.

Ito aniya ay para masigurong ligtas at hindi maantala ang pag-proseso ng mga balota.

Sa ngayon ay wala pang naitatalang ulat ng posibleng mano-manong pagbubuhat ng mga ballot boxes sa nasabing ahensya.

Balitang Todong Lakas (Interview)

January 21, 2019 0 comment

HEADLINES HOT STORIES OF THE WEEK NATIONAL NEWS

Plebisito para sa ratipikasyon ng BOL umarangkada na

written by DWIZ 882

Umarangkada na ang unang araw ng plebisito para sa ratipikasyon ng Bangsamoro Organic Law o BOL sa Mindanao.

Alas-7:00 kanina nang buksan ng Commission on Elections (Comelec) ang 7,141 clustered precincts sa 1,228 voting centers sa Autonomous Region in Muslim Mindanao, Isabela City, Basilan at Cotabato City na susi umano upang makamit ang matagal nang inaasam na kapayapaan at kaunlaran sa Mindanao.

Mamayang alas-3:00 naman ng hapon isasara ang mga polling precinct habang isasagawa ang ikalawang plebesito sa Lanao del Norte, North Cotabato at 28 pang lugar sa Pebrero 6.

Sa oras na maratipikahan ang BOL, awtomatikong mapapabilang sa itatatag na Bangsamoro region ang buong ARMM.

Samantala, inaasahan naman ng Commission on Elections (Comelec) ang mataas na voter turnout sa plebisito para sa ratipikasyon ng BOL ngayong araw.

Ayon kay Commission on Elections o COMELEC Spokesman James Jimenez, posibleng umabot sa mahigit isang milyong botante ang dumaragsa sa iba’t ibang polling precincts upang makibahagi sa halalan.

Katumbas aniya ito ng 75 porsyento ng mahigit 2 milyong botante mula ARMM, Isabela City, Basilan at Cotabato City sa Maguindanao.

—-

January 21, 2019 0 comment

HEADLINES HOT STORIES OF THE WEEK SPECIAL REPORTS

‘Daan Tungo sa Kapayapaan': Plebisito para sa Bangsamoro

written by DWIZ 882

Bago pa man isagawa ang plebisito para sa Bangsamoro Organic Law o BOL ngayong Enero 21, 2019 ay tagumpay na kung ituring ng mga Moro ang pagkakapasa sa nasabing batas.

Pero, ano nga ba ang plebisito at paano ito isinasagawa?

Highlights (Bangsamoro Organic Law)

Ano ang mga pagkakaiba ng BOL sa dating ARMM o Autonomous Region in Muslim Mindanao?

MGA SAKOP NA LUGAR

Sa ilalim ng Bangsamoro Organic Law o BOL, ang mga dati nang lugar na sakop ng ARMM (mga probinsya ng Basilan, Lanao del Sur, Maguindanao, Sulu at Tawi-Tawi) ay mananatiling bahagi ng itatatag na bagong rehiyon, ang Bangsamoro Autonomous Region in Muslim Mindanao o BARMM, habang ang Cotabato City, Isabela City sa Basilan, 6 na munisipalidad sa Lanao del Norte (Aleosan, Carmen, Kabacan, Midsayap, Pikit, at Pigkawayan) at 39 na barangay sa North Cotabato ay puwedeng mamili o mag-pasya kung nais nilang mapasama o hindi.

LAYUNIN

Ang BOL ay bunga ng maraming taong negosasyon na layong maplantsa ang gusot at maayos ang mga hindi napagkakasunduan sa pagitan ng gobyerno at Moro Islamic Liberation Front (MILF).

HATIAN NG NATIONAL GOVERNMENT AT BARMM

Ang bagong batas na ito ay may dalang pangakong pantay na pagbabahagi ng kayamanan ng rehiyon, awtomatikong taunang ‘block grant’ o pondo mula sa national government para sa pagpapatupad ng mga proyekto sa rehiyon, at para sa pangkalahatang pagpapalakas ang autonomiya ng Muslim Mindanao region. Maliban dito, magbibigay din ang gobyerno ng P5 bilyong piso sa Bangsamoro region kada taon sa loob ng ’10-year period’ para sa pagsasaayos at rehabilitasyon ng ‘conflict-affected areas’.

URI NG GOBYERNONG LOKAL

Kung ang ARMM ay may unitary form of government, ang BARMM ay parliamentary-democratic.
Sa ARMM, naghahalal ang mga residente ng gobernador at bise-gobernador na mayroong sariling gabinete at 24 member-advisory council habang sa BARMM ay maghahalal ang mga residente ng 80-member parliament na kakatawan sa iba-ibang partido, distrito, at sektor kabilang na ang mga katutubo. Ang mga miyembro ng parliyamento ay maghahalal naman ng Chief Minister at dalawang Deputy Chief Ministers na pipiliin din mula mismo sa mga miyembro nito.

SISTEMANG PANG-KATARUNGAN

Sa justice system o sistemang pang-katarungan, kapwa (ARMM at BARMM) ibinibigay sa Shari’ah courts ang hurisdiksyon ng mga kasong kinasasangkutan ng mga Muslim sa rehiyon, habang binibigyan naman ng OLBARMM ang Korte Suprema ng awtoridad upang gawing kuwalipikado ang mga kasalukuyang hukom sa ilalim ng Shari’ah courts na hindi regular na miyembro ng Philippine Bar.
Patuloy namang ipatutupad ang tinatawag na ‘tribal laws’ sa mga katutubo.

SEGURIDAD AT DEPENSA

Sa usaping pang-seguridad at depensa, mananatiling responsibilidad ng national government ang buong Bangsamoro region; ang Pambansang Pulisya pa rin ang magpapatupad ng batas, kapayapaan at kaayusan sa rehiyon at ang Hukbong Sandatahan ng Pilipinas ang may tungkulin na magtanggol laban sa mga kaaway ng estado tulad ng mga dayuhang tropa, terorista at mga rebelde.

Ano ang plebisito?

Bagama’t isa nang batas ang Bangsamoro Organic Law, kinakailangan pa ring desisyunan ng mga residente sa Muslim Mindanao region kung tatanggapin nila ang batas o hindi, at ito ay sa pamamagitan ng plebisito.
Sa plebisito, boboto ang mga residente kung pabor silang pagtibayin ang isang batas para sa pagpapatupad nito o di kaya naman ay pigilan o tuluyang ibasura ito.
Nakatakdang isagawa ang plebisito para sa Bangsamoro Organic Law sa Enero 21, 2019 sa mga lugar na sakop ng ARMM (Lanao del Sur maliban sa Marawi City, Maguindanao, Sulu at Tawi-Tawi), Isabela City sa Basilan at Cotabato City. Habang sa Pebrero 6, 2019 naman sa Lanao del Norte at ilang barangay sa North Cotabato.
Ang resulta ng isasagawang two-part plebiscite ang magde-determina ng pag-ratipika o pagpapatibay sa BOL na magbibigay-daan naman para sa pagbuo ng Bangsamoro Autonomous Region in Muslim Mindanao (BARMM) na papalit sa Autonomous Region in Muslim Mindanao (ARMM).

Transition Period

Sakaling tuluyan nang ma-ratipikahan ang BOL sa pamamagitan ng plebisito, sa transition period ay inaasahang magtatalaga ang Pangulong Rodrigo Duterte ng 80 miyembro ng Bangsamoro Transition Authority (BTA) na mag-oorganisa naman ng interim Cabinet o pansamantalang gabinete.
Ang unang lokal na eleksyon sa BARMM ay isasagawa sa 2022 at ang mga mahahalal na opisyal ay tuluyan nang papalitan ang BTA.

Bagamat mananatili sa kapangyarihan ng national government ang ugnayang pang-labas, mga usaping pang-konstitusyon at depensa ay magkakaroon naman ng eksklusibong kapangyarihan ang BARMM sa ibang usapin kabilang na ang pagpasa ng kanilang taunang budget, usaping pang-agrikultura, justice administration, social services o serbisyong pang-lipunan, turismo, pang-industriya, karapatang pantao, usaping pang-teritoryo o economic zones, gawaing pampubliko at iba pa.

(Editor : Jun del Rosario)

January 21, 2019 0 comment

HEADLINES HOT STORIES OF THE WEEK NATIONAL NEWS RONDA PROBINSYA

Send-off ceremony para sa mapayapang plebisito isinagawa sa Maguindanao

written by DWIZ 882

Isang send-off ceremony para sa mga sundalo’t pulis ang isinagawa sa Camp Siongco Awang sa Datu Odin sinsuat, Maguindanao.

Ito’y bilang bahagi ng hakbang upang matiyak ang ligtas, maayos at mapayapang plebesito para sa Bangsamoro Organic Law.

Kabuuang 20,100 pulis at sundalo ang bumubuo sa security force na idedeploy sa ARMM; Cotabato; Isabela City, Basilan; Lanao Del Norte at ilang bayan sa North Cotabato para bukas at sa Pebrero 6.

Ayon kay Philippine National Police Chief, Dir. Gen. Oscar Albayalde, masusing pinili at sinanay ang mga mahusay na pulis na tututok sa seguridad para sa plebesito.

Tiniyak naman ni Albayalde ang pagtalima ng PNP sa standard operational procedures at code of conduct maging sa karapatang pantao upang mapanatiling maayos ang halalan sa Mindanao.

January 20, 2019 0 comment

Newer Posts

Older Posts