HOT STORIES OF THE WEEK

Mananatili pa rin sa general community quarantine (GCQ) ang Metro Manila.

Ito ang inihayag ni Pangulong Rodrigo Duterte sa kaniyang public address.

Maliban sa Metro Manila, sinabi ng Pangulo na nakasailalim din sa GCQ ang mga lalawigan ng Bulacan, Batangas, Cavite, Laguna, Rizal, Cebu City, Lapu-Lapu City, Mandaue City, at Zamboanga City.

Ayon naman kay Presidential Spokesperson Harry Roque, magpapatuloy pa rin ang pagpapatupad ng localized lockdown sa mga barangay na mayroong mataas na kaso ng COVID-19.

Kasunod nito, magsasagawa din ang gobyerno ng massive targeted testing.

Magugunitang nagkasundo ang mayorya ng mga alkalde sa Metro Manila na manatili ito sa GCQ.

Samantala sa kaparehong anunsyo ng Pangulo, sinabi nito na ang nalalabi pang bahagi ng bansa ay sasailalim sa modified general community quarantine (MGCQ).

Hinamon ni PhilHealth President, retired General Ricardo Morales ang mga kritiko ng PhilHealth na dalhin sa Korte ang mga binibintang nilang katiwalian sa ahensya.

Tinukoy ni Morales si Presidential Spokesman Harry Roque na nagsabing may mga ebidensya ng katiwalian sa PhilHealth.

Aminado si Morales na may katiwalian sa PhilHealth dahil anya sa hindi episyenteng information system pero hindi ang mga isyu na ibinabato sa kanila sa kasalukuyan.

Hindi naman accurate sabihin na walang corruption ngunit yung mga corruption na meron tayong ebidensya pupunta tayo sa court at hahanapan natin ng solusyon yan, sa ngayon ang aming legal sector; ang hina-handle mga 10,000. Alam mo ba sa isang araw 50,000 transactions ang hina-handle ng PhilHealth, 109.5 million members, nagbabayad kami ng 2 to 3 billion a week walang ibang korporasyon na ganitong kalaki tapos ang hirap niyan ayaw mag-invest sa information system,” ani Morales.

Binigyang diin ni Morales na wala syang planong mag-leave o magbitiw sa puwesto at haharapin nya ang lahat ng imbestigasyon laban sa ahensya.

I’m sorry to disappoint him but I will not resign, I will answer all these allegations, I am responsible for everything that happens in PhilHealth, ayang nga sinasabi ni Atty. Roque yan na may sindikato daw edi sino ba yung mga yun, saan yung ebidensya niya tapos i-file niya sa korte meron pala siyang ebidensya so, I challenge anyone who says there is a sindicate inside PhilHealth to identify these people and go to court with the evidence,” ani Morales. — panayam mula sa Ratsada Balita.

Itinanggi ni Philhealth President retired General Ricardo Morales na tatlo sa kanilang opisyal ang nagbitiw dahil sa katiwalian.

Ayon kay Morales, pinabulaanan na ng kanilang legal officer na si Atty. Labe na nagbitiw ito sa puwesto samantalang bagamat nag-resign ang kanyang head executive assistant na si Bai Laborte ito ay dahil kukuha ito ng PHD.

Gayunman, kinumpirma at inupakan ni Morales ang pagbibitiw ng kanilang anti-fraud legal officer na si Thorsson Montes Keith na tinawag nyang disgruntled employee.

Sinabi ni Morales na ina-aplayan kasi ni Keith ang puwesto ni Laborte subalit hindi sya tinanggap dahil hindi naman sya kwalipikado.

Disgruntled employee ito, contractual, nag-apply siya ng position na tingin ko hindi din siya qualified yun siguro kaya vengeful, naglabas siya ng balitang  hindi totoo kasi hindi naman siya qualified sa position,” ani Morales sa panayam ng DWIZ.

Una nang napaulat ang pagbibitiw ng tatlong opisyal ng Philhealth matapos ang ‘di umano’y mainitang diskusyon sa isang zoom meeting hinggil sa mga katiwalian sa ahensya.

Sa resignation letter na isinumite ni Keith, ilang sa mga binanggit nyang dahilan ay ang hindi pagbibigay ng kanyang sweldo at  hazzard pay matapos nyang simulan ang imbestigasyon sa ilang Philhealth officials hindi patas na promotion process at pagtutol nya sa mandatory contribution ng mga OFW’s.

Nadagdagan pa ang mga petisyon sa Korte Suprema na humihiling na ibasura ang anti-terrorism law.

Sa ika-12 petisyon kontra sa anti-terrorism law nagkapit bisig ang ilang opposition lawmakers , human rights advocates, mga mamamahayag at ilan sa mga naglimbag sa 1987 constitution.

Hiniling nila sa Korte Suprema ang pagpapawalang bisa sa anti-terorrism law, pagpapalabas ng temporary restraining order laban sa implementasyon ng batas at pagtatakda ng oral arguments para sa mga naihaing petisyon.

Kabilang sa mga luamgda sa petisyon sina Senador Francis Pangilinan, Senador Leila De Lima, Cong Kit Belmonte, mga dating Senador Sergio Osmenia at Wigberto Tañada Sr, Dating Cong Erin Tañada, dating Human Rights Commissioner Etta Rosales, Human Rights Lawyer Chel Diokno, Rappler CEO Maria Ressa at iilang Rappler editors.

Kasama rin sa petitioners sina Florangel Rosario-Braid at Edmundo Garcia na kapwa miyembro ng 1987 constitutional commission.

Dalawa pang miyembro ng komisyon na sina dating Comelec Chairman Christian Monsod at Felicitas Arroyo ay kasama naman sa petisyong naihain noong July 8.

Samantala, ang ika-13 petisyon ay inihain naman ng National Union of Journalists of the Philippines (NUJP) at ng Concerned Artists of the Philippines.

44 na petitioners naman mula sa Bagong Alyansang Makabayan ang naghain rin ng hiwalay na petisyon.

Ikinalugod ng Western Mindanao Command (Wesmincom) ang pagsasampa ng kasong murder at planting of evidence laban sa syam na pulis na responsable sa pagpatay sa apat na sundalo sa Jolo Sulu.

Ayon kay Lt. General Cirilito Sobejana, hepe ng Wesmincom, tututukan nila ang kaso upang matiyak na mabibigyan ng hustisya ang pagkamatay ng apat nilang sundalo.

Malinaw anya na overkill at pagtraydor ang ginawang pagpatay sa kanyang sundalo, patunay ang mga tama ng bala sa kanilang likod.

Maganda’t nailabas yung katotohanan kung ano yung nangyari, that will dictate our subsequent action so, makikita namin na talagang bigyan ng katarungan yung pagkamatay ng aming mga kasamahan,” ani Sobejana. — panayam mula sa Ratsada Balita.

Lampas na sa 70,000 ang kaso ng coronavirus disease 2019 (COVID-19) sa bansa –isang linggo bago matapos ang buwan ng Hulyo.

Matatandaan na base sa projection ng University of the Philippines (UP) researchers, posibleng umabot sa 70,000 hanggang 80,000 ang COVID-19 cases ngayong Hulyo.

Sa pinakahuling datos ng Department of Health (DOH), mahigit 1,900 ang nadagdag na kaso ng COVID-19; mahigit sa 1,300 dito ang fresh cases.

Ito na ang ikapitong sunod na araw na nakapagtala ng mahigit sa 1,300 bagong kaso ng COVID-19 ang DOH.

Mahigit sa 200 naman ang bagong recoveries o kabuuang mahigit sa 23,000 samantalang may nadagdag na dalawa sa bilang ng nasawi na ngayon ay nasa mahigit na sa 1,800.

JUST IN: Kaso ng COVID-19 sa bansa, nadagdagan pa ng 1,951 ngayong Martes, Hulyo 21.

Dahil dito, pumalo na sa 70,764 ang kabuuang bilang ng kumpirmadong kaso ng COVID-19 sa bansa, may 23,281 naitalang mga gumaling, at 1,837 mga nasawi. https://t.co/HHOy7zaafm pic.twitter.com/XaBuTJchi2

— DWIZ Newscenter (@dwiz882) July 21, 2020

Aprubado kay Pangulong Rodrigo Duterte ang limitadong face-to-face classes sa mga lugar na mababa ang kaso ng coronavirus disease 2019 (COVID-19).

Ito’y matapos iprisinta ni Education Secretary Leonor Briones sa kanya ang kanilang plano kung paano isasagawa ang limitadong face-to-face classes.

Sinabi ni Briones na hindi naman otomatiko na puwede ang limited face-to-face kapag mababa ang COVID-19 cases sa isang lugar kung hindi dapat ay pumasa rin ang mga ito sa inilatag nilang mga panuntunan.

Ayon kay Briones, ginagawa na ang limited face-to-face sa La Salle at isang maliit na paaralan sa Siquijor at marami na rin anya ang mga international at private schools na humihingi ng permiso na makapagsagawa ng limitadong face-to-face classes.

Sa ilalim ng panukala ng DepEd, isa o dalawang beses lamang isang linggo lamang papasok ng pisikal sa paaralan ang estudyante at limitado lamang sa mga mahahalagang paksa ang ituturo ng guro.

We have to have stringent health standards especially at these times, we were thinking perhaps August now, but with the new developments, the numbers and so on we should be imposing stringent health standards as suggested by the Department of Health and also by IATF, and some of these will take time like; preparing the building, making sure social distancing will be observe,” ani Briones.

Sa Batasang Pambansa gaganapin ang ika-limang SONA o State of the Nation Address ni Pangulong Rodrigo Duterte sa susunod na Lunes, July 27.

Ito ang kinumpirma ni Presidential Spokesperson Harry Roque kung saan pisikal na aniyang magtutungo si Pangulong Duterte sa Batasan para ihayag ang kanyang talumpati.

Ayon kay Roque, may mga naka-schedule nang rehearsal para sa SONA habang tuloy-tuloy naman ang preparasyon para rito.

Dagdag ni Roque, hanggang 50 mambabatas lamang ang papayagang dumalo sa SONA habang wala pang pinal na bilang para sa mga miyembro ng gabinete.

Magugunitang, ikinunsidera rin ng malakanyang ang pagsasagawa ng online SONA kung saan haharap sa publiko ang pangulo mula sa malago clubhouse sa malacañang.

Samantala, sinabi ni Roque na posibleng hinggil sa pandemiya at mga ginagawang hakbang ng pamahalaan laban dito ang lamanin ng talumpati ng pangulo sa kanyang ika-limang SONA.

Nilagdaan na ni Pangulong Rodrigo Duterte ang Republic Act 11480 o batas na nagbibigay ng kapangyarihan sa Presidente na magtakda ng ibang araw sa pagbubukas ng klase sa panahong idineklara ang state of calamity o emergency.

Inamyendahan ng nabanggit na bagong batas ang Republic Act 7797, partikular na ang bahagi kung saan nakasaad ang petsa na kinakailangang magbukas ang klase sa pagitan ng unang Lunes ng Hunyo at hindi lalagpas sa buwan ng Agosto.

Sa RA 11480, maaari nang magtakda ng ibang petsa sa pagsisimula ng klase ang Pangulo sa panahon ng state of calamity o emergency sa buong bansa o sa partikular na lugar, alinsunod na rin sa rekomendasyon ng kalihim ng Department of Education (DepEd).

Sakop ng batas ang lahat ng basic education kabilang ang foreign o international schools sa bansa.

Pinapayagan din sa bagong batas ang pagsasagawa ng mga klase tuwing Sabado sa elementarya at highschool.

Samantala, inaatasan naman ang DepEd na magtakda sa pagtatapos ng school year kung saan kinakailangang isaalang-alang ang Christmas at summer vacation.

Epektibo ang batas, matapos ang opisyal na paglalathala dito habang binibigyan naman ng 30 araw ang DepEd sa pagbuo ng Implementing Rules and Regulations (IRR).