HOT STORIES OF THE WEEK

Nasa 309 na kabilang sa mga binilang na gumaling na sa coronavirus disease 2019 (COVID-19) ang natuklasang pumanaw na pala.

Nakita ito sa isinagawang correction ng Department of Health (DOH) sa kanilang datos nitong nakaraang linggo.

Kabilang pa sa corrections na isinagawa ang pagtanggal sa dalawang napasama sa tally gayung negatibo naman sa COVID-19 at 51 na nananatiling infected subalit napasama sa recoveries.

May tinanggal ring 46 sa bilang ng nasawi dahil napag-alamang 17 dito ay buhay pa, 14 ang gumaling pa, tatlo ang nananatiling infected, samantalang ang 26 ay duplicate case.

Naniniwala si Senador Panfilo Lacson na sinadyang sirain ang mga mahahalagang dokumento at records sa tanggapan ng PhilHealth sa Region 1 para pabulaanan ang isyu ng korupsyon.

Ani Lacson hindi siya kumbinsido na dahil sa tagas sa kisame dulot ng malakas na ulan ang naging dahilan sa pagkasira ng mga ito.

May mga indikasyon na ito’y hindi natural ang cause, kasi ang report habang nagsasagawa sila ng imbentaryo—pag-sasaliksik ng dokumento, nagtuluan. Pagkatapos, ang tinamaan talaga ng tulo ay ‘yung IT department at tsaka ‘yung sa accounting,” ani Lacson.

Kaugnay nito, nauna nang tiniyak ng pamunuan ng sangay ng PhilHealth na walang importanteng dokumento ang nasira o nabasa.

Lusot na sa Bicameral Conference Committee ang panukalang Bayanihan to Recover as One Act (Bayanihan 2) na may bisa hanggang December 19, 2020.

Inihayag ito ni Senate Finance Committee Chairman Senator Sonny Angara na siya ring pinuno ng Senate panel sa bicam.

Ayon kay Angara, P140 billion  ang inilaan para sa Bayanihan 2 na gagamitin sa mga proyekto ng gobyerno na pantulong sa mamamayan at mga sektor na apektado ng coronavirus disease 2019 (COVID-19) pandemic.

Sabi ni Angara, bukod dito ay may inilaan din na P25 billion na standby appropriations.

Binanggit ni Angara hindi na rin kailangan ng implementing rules and regulations (IRR)  ng Bayanihan 2 kaya agad itong maipapatupad sa oras na mapirmahan ni Pangulong Rodrigo Duterte.

Inaatasan din ng Bayanihan 2 ang pangulo at Commission on Audit na mag-report sa Kongreso kada buwan kaugnay sa implementasyon nito.

Dadalo sa padinig ng Senate Committee of the Whole bukas si Department of Health (DOH) Secretary Francisco Duque III.

Ayon kay Senate President Vicente ‘Tito’ Sotto III, nag-abiso na sa kanya si Duque na dadalo sa pagdinig via video conference.

Inaasahang magigisa si Duque sa pagharap nito sa senate hearing dahil maraming senador ang naniniwala na marami s’yang dapat ipaliwanag sa mga sinasabing anomalya sa PhilHealth.

Si Duque ay ex officio Chairman ng Board of Directors ng PhilHealth.

Umaani ng batikos si Duque dahil sa pananahimik n’ya sa kabila ng alegasyon na bilyon-bilyong piso ang nawawala sa PhilHealth. — ulat mula kay Cely Ortega-Bueno (Patrol 19)

Pormal nang naghain ng leave of absence ang 6 na Regional Vice President ng PhilHealth.

Batay sa kopya ng liham, kabilang sa mga nagleave of absence sina PhilHealth Regional Office 4-B Vice President Paolo Johann Perez, Regional Office 6 VP Atty. Anne Hollero, Region 10 VP Datu Masiding Alonto Jr., ARMM VP Macabato.

Gayundin sina Regional Vice Presidents Dennos Adre at William Chavez.

Ayon sa mga nabanggit na PhilHealth Vice Presidents, nagpasiya silang mag-leave of absence bilang pagpapakita ng suporta sa isinasagawang imbestigasyon ng task force PhilHealth sa isyu ng kurapsyon sa ahensiya.

Epektibo ang kanilang pagliban sa trabaho simula bukas, Agosto 17.

JUST IN: 6 na Regional Vice President ng PhilHealth nag leave of absence bilang suporta sa ginagawang imbestigasyon | via Cely Ortega-Bueno (@blcb ) https://t.co/y4rDLf73gH pic.twitter.com/cbJhD5Me76

— DWIZ Newscenter (@dwiz882) August 16, 2020

Mas pinaluwag na ang ipatutupad na community quarantine sa ilang mga lugar sa Luzon at Visayas, simula bukas, Agosto 16 hanggang 31.

Ito ang inanunsyo ni Presidential Spokesperson Harry Roque, alinsunod sa rekomendasyon ng Inter-Agency Task Force for the Management of Emerging Infectious Diseases (IATF-EID) at inaprubahan ng Pangulo.

Ayon kay Roque, isasailalim sa general community quarantine (GCQ) ang mga lalawigan ng Nueva Ecija, Batangas, Quezon gayundin ang mga lungsod ng Iloilo, Cebu, Mandaue, Lapu-Lapu, Talisay at mga bayan ng Minglanilla at Consolacion sa Cebu Province.

Habang ang nalalabing bahagi ng bansa ay nasa ilalim ng modified GCQ.

Samantala, sinabi ni Roque na nakatakda namang i-anunsyo  ni Pangulong Rodrigo Duterte sa Lunes ang ipatutupad na community quarantine restrictions sa Metro Manila, Laguna, Cavite, Rizal at Bulacan.

Hindi rin makadadalo sa susunod na pagdinig ng Senado sa isyu ng katiwalian sa PhilHealth ang EVP at COO ng ahensiya na si Arnel De Jesus.

Batay sa ipinadalang liham ni De Jesus kay Senate President Vicente Sotto III, sinabi nito na kasalukuyan siyang humaharap sa problemang pangkalusugan.

Kalakip ng liham ni De Jesus ang ipinalabas na medical certificate ng Asian Hospital at Medical Center bilang patunay na na-confine ito simula pa noong Agosto 5.

Nakasaad din ang findings kay De Jesus na kinabibilangan ng acute coronary syndrome, hypertensive heart disease, diabetes mellitus type 2 at dyslipidemia.

Gayundin ang nakatakdang pagsasailalim kay De Jesus sa coronary angiogram, angioplasty at pulse generator replacement.

TINGNAN: PhilHealth EVP at COO Arnel De Jesus nagpadala kay Senate President Vicente Sotto III ng sulat na hindi ito makakadalo ng Senate hearing sa Martes dahil sa kadahilanang pangkalusugan | via @blcb (Patrol 19) pic.twitter.com/o5X5R65WgR

— DWIZ Newscenter (@dwiz882) August 8, 2020

Nagpadala ng kopya ng kanyang medical certificate sa senate committee of the whole si PhilHealth President Ricardo Morales.

Ito ay upang ipagbigay alam sa mga miyembro ng Komite ang abiso ng kanyang doktor na pansamantala muna siyang lumiban sa trabaho o mag-leave of absence.

Sa kopya ng medical certificate ni Morales, nakasaad na sumasailalim ang PhilHealth official sa chemotherapy sa Cardinal Santos Medical Center matapos ma-diagnosed ng cancer sa lymphoma.

Dahil dito, kinakailangang sumailalim ni Morales sa anim na cycle ng gamutan na magreresulta naman sa pagiging immunocompromised at bantad nito sa mga impeksyon.

Nakatakda sanang humarap si Morales sa pagpapatuloy ng pagdinig ng Senado kaugnay ng katiwalian sa PhilHealth sa Martes, Agosto 11.

BASAHIN: Philhealth President Morales hindi makakadalo sa Senate hearing matapos nagsumite ng medical certificate sa Senate Committee of the whole na nakasaad na sasailalim si Morales sa treatment para sa kanyang lymphoma | via @blcb (Patrol 19) pic.twitter.com/oZSJvpXGVi

— DWIZ Newscenter (@dwiz882) August 8, 2020

Nanganganib nang mabangkarote o mag-collapsed ang PhilHealth.

Ito ang inamin ni Nerissa Santiago, Senior Vice President for actuarial services at waste management sector ng PhilHealth sa gitna ng pagdinig sa senado.

Ayon kay Santiago, paubos na ang pondo ng PhilHealth dahil bumaba ang koleksyon mula sa mga miyembro at lumaki pa ang gastos dahil sa pagbabayad ng mga pasyenteng tinatamaan ng COVID-19.

Ani Santiago posibleng isang taon na lamang tumagal ang pondong mayroon ang PhilHealth at wala na itong reserbang pondo.

Dahil dito aniya maaaring mawala na nang tuluyan ang PhilHealth sa 2022.

By next year wala na tayong reserve fund so, 1 year lang,” ani Santiago.

Dagdag pa nito bago pa dumating ang pandemya, 10 taon pa sana ang itatagal ng pondo ng kanilang tanggapan.

Sinabi naman ni Santiago na ang posibleng solusyon para maagapan ang pagkaubos ng pondo ng PhilHealth ay ang subsidy ng gobyerno at mas malaking koleksyon mula sa mga miyembro.

Additional COVID payouts so, yun lang yung aming matatanggap from the government and of course the direct contributors, we are limited by the law in terms of contribution and we expect the grace in terms of  payers sa direct,” ani Santiago.

Nangako sa sambayanan ang Pangulong Rodrigo Duterte na babalik sa normal ang buhay ng lahat pagsapit ng Disyembre.

Muling umapela ang Pangulo sa mamamayan na magtiis na lamang ng konti at parating na ang bakuna.

Binasa pa ng Pangulo ang liham mula sa embahada ng China kung saan tinitiyak nila na mauuna ang Pilipinas sa mga bibigyan nila ng bakuna.

Ayon sa Pangulo, limang dine-develop na bakuna ang nasa final stages na at tatlo rito ang mula sa China.

Una anya sa mabibigyan ng libreng bakuna ang mga benepisyaryo ng social amelioration fund at ang mga nasa middle class.

I promise you by the grace of God by the end of December we would be back to normal. Ito ang i-guarantee ko, ang listahan ng mga tao na makatanggap ng pera noon sa hirap ang una na bibigyan ng assistance, yun ang category natin ang mauna yung walang-wala atsaka of course yung mga nandun sa hospitals,” ani Duterte.

Inamin ng Pangulo na wala syang tiwala sa mga barangay officials na mamahagi ng bakuna tulad ng nangyari sa social amelioration kaya’t hindi na nya uulitin ito.

Sinabi ng Pangulo na ipagkakatiwala nya ang pamamahagi ng bakuna sa militar at pulis.

But, the implementing arm, military, punta lang kayo, I suggest that the military assign so many of these soldiers, policemen. Mga pulis pakinggan niyo ng mabuti ha, ayaw ko ng magka-atraso kayo dito kapag kayo nagkaatraso, nagkamali kulong talaga kayo,” ani Duterte.