HOT STORIES OF THE WEEK

Umabot na sa mahigit 91K edad 5 hanggang 11 ang nabakunahan kontra COVID-19.

Ayon kay Vaccine Czar Carlito Galvez Jr., walang dapat na ipag-alala ang mga magulang dahil ang bakuna ay ligtas.

Sinabi pa niya na, nakapagtala lamang ng very minimal adverse effects sa mga nabanggit na age group.

Matatandaang sinabi ni Health Undersecretary Maria Rosario Vergeire na maaaring makaranas ng mild adverse effects ang mga nasabing menor de edad tulad ng pagsakit sa injection site, kaunting pagtaas sa blood pressure, pagkakaroon ng lagnat at pagsusuka. - sa panulat ni Airiam Sancho

Tinitignan ng Parish Pastoral Council for Responsible Voting (PPCRV) na makapag-recruit ng 500K volunteers para sa darating na eleksyon.

Ayon kay PPCRV Chair Myla Villanueva, ang organisasyon ang naatasan na tumulong sa voter education, voter registration, poll watching at unofficial parallel count.

Aniya, ang mga interesado na magboluntaryo ay dapat na nasa hustong gulang 18 taong gulang pataas at nakatanggap na ng kumpletong bakuna.

Samantala, tiniyak ni Villanueva sa publiko na maraming paraan upang maprotektahan ang panahon ng botohan laban sa pandaraya.  - sa panulat ni Airiam Sancho

Tumaas ng 51% ang 7-day average COVID-19 cases sa Metro Manila kahit umiiral ang Enchanced Community Quarantine.

Ayon sa OCTA research group, sa nakalipas na isang linggo ay nasa 3,262 ang naitalang bagong kaso kada araw mula Agosto 9 hanggang 15.

Naitala ang rapid one-week growth rates sa Navotas, 98% ; Caloocan, 80; Muntinlupa, 74; Mandaluyong, 65;  Quezon City, 59; Manila, 58; Marikina, 56; Las Piñas, 51 at Valenzuela, 50% .

Umabot din sa 20% ang positivity rate ng National Capital Region habang ang average daily attack rate ay 23.36 sa kada 100,000 na populasyon kaya’t ikinukunsidera ang NCR na high-risk area.

Kritikal naman ang 12 sa 17 lungsod ng NCR at ito ay ang Navotas, Makati, Pateros, San Juan, Pasay, Muntinlupa, Mandaluyong, Valenzuela, Parañaque, Malabon, Pasig at Las Piñas.—sa panulat ni Drew Nacino

Obligado pa rin ang publiko na magsuot ng face shield indoors at outdoors.

Ito ayon kay Presidential Spokesman Harry Roque ang napagpasyahan ng Pangulong Rodrigo Duterte base na rin sa payo ng health experts kasunod nang naitatalang kaso ng Delta variant ng coronavirus.

Binigyang diin ng Pangulong Rodrigo Duterte na maliit na bagay lamang kung tutuusin ang pagsusuot ng face shield para na rin sa proteksyon ng lahat lalo pat lumutang ang delta variant na sinasabing pinaka delikado sa mga variant ng coronavirus.

Kailangan aniyang kumilos ng gobyerno at mag adopt ng mas mahigpit na mga panuntunan depende na rin sa sitwasyon at kaso ng mga variant ng COVID-19 sa bansa.

Una nang inihayag ni Roque na hindi na mandatory ang pagsusuot ng face shield sa labas maliban na lamang kung nasa mataong lugar ang isang indibidwal.

Inirekumenda ng Inter-Agency Task Force on the Management of Emerging Infectious Diseases (IATF–MEID) kay Pangulong Rodrigo Duterte na ituloy pa rin ang pagpapagamit ng face shield sa loob ng mga estabilisyemento.

Ito’y ayon kay Presidential Spokesman Harry Roque matapos umanong ipag-utos ng Pangulo na sa loob na lamang ng mga ospital dapat gamitin ang face shield.

Nakasaad sa rekumendasyon ng IATF, kailangan pa ring magsuot ng face shield ang publiko kung sila’y papasok sa mga enclosed spaces tulad ng mga mall, opisina, tindahan at pampublikong sasakyan.

Gayunman, sinabi ni Roque na sa kabila ng rekumendasyon ng IATF, na kay Pangulong Duterte pa rin ang huling pagpapasya hinggil sa usapin.

Do not run.”

Ito, ayon kay Pangulong Rodrigo Duterte, ang kanyang naging kahilingan nang kausapin nito ang kanyang anak na si Davao City Mayor Sara Duterte hinggil sa pagtakbong pangulo sa 2022 elections.

Pero si Inday, kagabi man ako dumating, si Inday kinausap ko talaga kagabi. Do not run, do not ever commit the mistake of running for the presidency,” ani Pangulong Duterte.

Sa panayam sa pangulo ni Pastor Apollo Quiboloy, sinabi nito na walang mapapala si Sara sa pagiging punong ehekutibo bukod sa pagkakaroon ng ‘sense of fulfillment’ sa paglilingkod sa bayan.

Binigyang-diin naman ng pangulo na hindi nito intensyong insultuhin ang mga Pilipino kaugnay sa kanyang naging pahayag.

I do not mean to insult the Filipino people. Wala ka talagang makuha, wala para sa iyo, except for one thing, yung sense of fulfilment mo sa kapwa mo na may nagawa ka,” ani Pangulong Duterte.

Samantala, sa kabila ng patuloy na pangunguna ng pangalan ni Sara Duterte sa 2022 presidential survey ng Pulse Asia, magugunitang una nang nagpapahayag ng pagtutol si Pangulong Duterte sa pagtakbo nito sa 2022 presidential elections nang sabihin nitong hindi para sa isang babae ang pagiging pangulo.

Mahirap ‘yan.”

Ito ang naging tugon ni Pangulong Rodrigo Duterte kaugnay sa panawagan ng kanyang partidong PDP-Laban na tumakbo ito sa pagka-pangalawang pangulo sa darating na halalan sa susunod na taon.

Sa panayam sa pangulo ni Pastor Apollo Quiboloy na iniere nitong Martes ng gabi, sinabi ng punong ehekutibo na tinututulan nito ang mga alok ng kanyang mga kapartido dahil handa na aniya siyang magretiro.

Mahirap ‘yan pastor kasi mag-retire na ko tapos this time ako ang mamili ng presidente, ani Pangulong Duterte.

Magugunitang una ng sinabi ni Pangulong Duterte na ikokonsidera niya ang payo sa kanya na huwag nang tumakbo sa susunod na halalan habang pinag-iisipan pa nya ang kaniyang magiging pinal na desisyon hinggil dito.