HOT STORIES OF THE WEEK

Aprubado na ng Regional Tripartite Wages and Productivity Board ang petisyong taas-sahod sa Western Visayas.

Ayon kay Labor Regional Director Sixto Rodriguez Jr. ire-review na lamang ito ng National Wages and Productivity Commission bago maisapinal.

Sa petisyon, naglalaro sa P55 hanggang P110 kada araw ang dagdag na taas sahod para sa mga manggagawa.

Dahil dito, ang mga kasambahay ay makakatanggap ng P4K hanggang P4, 500 kada buwan, habang P410 ang sahod ng Agricultural workers kada araw.

Samantala, nilalaman din ng petisyon na maglalaro sa P420 ang matatangap na sahod ng mga empleyado ng pribadong sektor kung may mababa pa sa sampung manggagawa at P450 kung mataas pa sa sampu ang manggagawa.

Noong November 2019 ang huling wage hike sa Western Visayas.

Opisyal nang tinapos ng Commission on Elections (Comelec) ang operasyon ng Transparency Media Server sa University of Santo Tomas (UST).

Ayon sa Comelec, wala na silang hinihintay na transmission sa Vote Counting Machines (VCMs) maliban sa gagawing special elections sa Lanao del Sur.

Dahil dito, inaasahang isa-shutdown na ang buong operasyon ng Media server.

Hanggang Huwebes ng gabi, nasa 98.35% o 45, 135 na ang bilang ng election returns na natanggap ng transparency server.

Nagpaabot ng pagbati kay Presumptive President Ferdinand “Bongbong” Marcos Jr. ang Prime Minister ng Japan na si Kishida Fumio.

Batay sa inilabas na ulat ng Japanese Embassy, sumulat si Fumio kay Marcos para ipakita ang intensyon nitong ipagpatuloy ang strategic partnership ng Pilipinas at Japan sa susunod na Administrasyon.

Si Marcos ay nananatili pa ring frontrunner sa presidential race na may higit 31M boto.

Una rito, pitong foreign leaders na ang bumati kay Marcos kabilang sina; Australian Prime Minister Scott Morrison, Chinese President Xi Jinping, Russian President Vladimir Putin, at United States President Joe Biden.

Wala pang nakikitang surge sa COVID-19 cases sa Pilipinas ang National Task Force against COVID-19 matatapos ang Halalan noong Lunes.

Sa kabila ito ng unang babala ng NTF na posibleng tumaas ang kaso dahil sa maraming Pilipinong lumabas sa kanilang tahanan upang bumoto.

Ayon kay Dr. Ted Herbosa, medical adviser ng National Task Force, nananatili pa rin mababa ang kaso nitong nakalipas na mga araw.

Sa katunayan, mayroong tatlo hanggang limang araw na incubation period at walang spike ng COVID-19 cases.

Sa ngayon, pinag-aaralan na ng pamahalaan na araw-arawin ang pagtungo ng vaccination teams sa ilang lugar sa BARMM na may mababa pa ring vaccination rate.

Bumuo na ng sariling transition team si Presumptive President Ferdinand ‘Bongbong’ Marcos Jr.

Kasabay ito ng pagbuo ng Presidential Transition Committee (PTC) ni Pangulong Rodrigo Duterte para sa bagong papasok na administrasyon.

Ayon kay Atty. Vic Rodriguez, tagapagsalita ni Marcos, siya ang mamumuno sa binuong transition committee.

Kabilang sa ilang miyembro sina; dating Davao del Norte Rep. Anton Lagdameo, dating Manila Rep. Naida Angping at South Cotabato Gov. Jun tamayo.

Ang mga nabanggit ay makikipagtulungan sa Malacañang’s Presidential Transition Team na kinabibilangan nina; Foreign Affairs Secretary Teodoro Locsin Jr., Finance Secretary Carlos Dominguez, Budget Undersecretary Tina Rose Marie Canda at Socioeconomic Planning Secretary Karl Chua.

Layon ng programa na maging maayos ang turnover ng pamamahala sa bagong Pangulo ng Pilipinas.

Tinanggap ni dating Metropolitan Manila Development Authority chairman Benhur Abalos ang alok na maging bagong kalihim ng Department of the Interior and Local Government (DILG).

Ayon kay Atty. Vic Rodriguez, tagapagsalita ni presumptive President ‘Bongbong’ Marcos Jr., bukas si Abalos sa bagong posisyon.

Si Abalos ang Campaign Manager ng UniTeam na kinabibilangan ni Marcos at ka-tandem na si presumptive Vice President Sara Duterte-Carpio.

Inaprubahan na ng Department of Trade and Industry (DTI) ang pagtaas ng Suggested Retail Price (SRP) sa 82 pangunahing produkto sa bansa.

Ayon sa DTI, bunsod ang taas-presyo nang pagmahal ng materyales at taas-presyo sa langis.

Kabilang sa mga produktong magtatas ng SRP ay ang; bote at container ng tubig, delatang isda, canned fish, processed and canned pork, processed & canned beef, gatas, suka, toyo at patis.

Ang mga produkto namang gawa sa Pilipinas na magtataas ng presyo ay ang; instant noodles, kape, asin, sabong panlaba, kandila, harina, sabon sa banyo, at battery.

Umabot na sa 138 Certificates of Canvass (COC) ang natapos nang i-canvass ng Commission on Elections (Comelec) na nagsisilbing National Board of Canvassers (NBOC).

Mula ito sa kabuuang bilang na 173 COC na para sa mga kandidatong senador at party-list groups.

Sa report ng NBOC nangunguna pa rin sa partial at official results sa senatorial race ang aktor na si Robin Padilla na mayroong 26, 454, 562 na boto.

Pangalawa si Loren Legarda, 23, 992, 761; Raffy Tulfo, 23, 166, 449; Sherwin Gatchalian, 20, 376, 009; Chiz Escudero, 20, 050, 377;

Mark Villar, 19, 210, 280; Allan Peter Cayetano, 19, 079, 581; Juan Miguel Zubiri, 18, 582, 962; Joel Villanueva, 18, 300, 955;

JV Ejercito, 15, 688, 993; Risa Hontiveros, 15, 273, 594 at Jinggoy Estrada, 14, 966, 887.

Tinanggap na ni former Metropolitan Manila Development Authority (MMDA) chairman at UniTeam campaign manager na si Benjamin Abalos Jr. ang alok na maging head ng Department of the Interior and Local Government Unit (DILG).

Ito ang inanunsyo ni Attorney Vic Rodriguez, Spokersperson ni presumptive president Ferdinand “Bongbong” Marcos Jr.

Tungkulin ng DILG na tumulong sa Pangulo ng bansa sa general supervision ng mga lokal na pamahalaan.

Matatandaang si Abalos ay dating alkalde sa lungsod ng Mandaluyong.