HOT STORIES OF THE WEEK

Matagumpay na nai-deliver ng Philippine Army sa BRP Sierra Madre sa Ayungin Shoal ang suplay ng pagkain at kagamitan para sa mga sundalong nagbabantay doon.

Sa kabila ito ng radio challenge ng mga barko ng Chinese Coast Guard laban sa Sandatahan ng Pilipinas.

Ayon sa Philippine Army, sakay ng indigenous boats na UNAIZAH MAE 2 at 3 ang mga suplay na ipinadala noong Hunyo a-20 hanggang 22.

Kasama rin sa ipinadala ang bagong batch ng personnel ng Philippine Army na magiging dagdag sa presensya ng sandatahan ng Pilipinas sa Kalayaan Island Group.

Matatandaang noong December 2021, una nang nag-demand ang China sa Pilipinas na alisin ang BRP Sierra Madre sa Ayungin Shoal, kasabay nang pagbomba ng water canyon sa mga naghahatid ng suplay.

Hiniling ni Pangulong Rodrigo Duterte sa susunod na opisyal ng Department of Transportation (DOTr) na ituloy ang pagpapaunlad sa railyway system ng bansa.

Sa ginanap na opening na PNR Lucena-San Pablo Commuter Line, sinabi ni Pangulong Duterte na nagtagumpay na ang kaniyang administrasyon na punan ang kakulangan sa transport sector.

Kaya dahil dito, umaasa ang punong-ehekutibo na ipagpapatuloy ng incoming DOTr officials ang adhikain ng gobyerno sa maayos na pagbiyahe para sa kapakanan ng mga Pilipino.

Samantala, muling nagpasalamat si Pangulong Duterte kay DOTr Secretary Arthur Tugade at sa opisyal ng Philippine National Railways para sa opening ng PNR Lucena-San Pablo Commuter Line.

Nakapagtala ang Department of Health (DOH) ng panibagong 777 bagong nahawa sa COVID-19 kahapon.

Ayon sa DOH, ito na ang pinakamataas na bilang magmula noong Marso 2022.

Pumalo naman sa 6, 425 ang aktibong kaso ng COVID-19, mas mataas sa 6, 068 noong Huwebes.

Pinakamarami sa nahawa sa nakalipas na dalawang linggo ay nagmula sa Metro Manila na may 3, 455; sinundan ng CALABARZON na may 1, 211 at Western Visayas na may 601.

Wala namang nadagdag sa bilang ng mga nasawi na umaabot na ngayon sa 60, 507 habang 3, 633, 096 ang gumaling sa virus.

Sa kabuuan, 3, 700, 028 na ang nationwide COVID-19 tally sa Pilipinas.

Pinag-aaralan na ng Department of Health (DOH) na makatanggap ng ikalawang booster shot ng COVID-19 vaccines, ang mga edad 50 hanggang 59.

Ayon kay Health Undersecretary Maria Rosario Vergeire, nagsimula na ang pakikipag-usap nila sa mga eksperto para makakuha ng ebidensiya kung ano pang sektor ang dapat bigyan ng 2nd booster.

Kasama rin sa ikinokonsidera ang pagtanggap ng ikalawang booster ng mga immunocompromised frontliners.

Bukas, inaasahang ipi-prisenta ng DOH sa Inter-Agency Task Force (IATF) ang plano.

Kung maaprubahan ng mga opisyal ng IATF, agad din itong ipoproseso sa Food and Drug Administration at sa Health Technology Assessment Council.

Sa ngayon, tanging ang mga frontline healthcare workers, senior citizens, at immunocompromised individuals pa lamang ang kwalipikado para sa ikalawang booster shot ng COVID-19 vaccines.

Pinuri ng International Group na Human Rights Watch ang ginawang hakbang ng International Criminal Court na ituloy ang imbestigasyon sa kampanya laban sa iligal na droga sa ilalim ng Administrasyon ni Pangulong Rodrigo Duterte.

Ayon kay Maria Elena Vignoli, Senior Counsel ng HRW, masisiguro na ang accountability ng gobyerno ng Pilipinas sa Alleged Crimes Against Humanity sa pamamagitan ng drug war.

Tila hindi pa umano seryoso ang bansa sa pagbibigay hustisya sa mga naging biktima ng Anti-Illegal drug war, kaya hindi pa rin napapanagot ang dapat makasuhan.

Matatandaang hanggang Mayo a-31 , aabot na sa 6, 252 drug suspect ang namatay sa ilalim ng drug war operation sa Pilipinas.

Posibleng isailalim sa Alert level 2 ang limang lugar sa Metro Manila dahil sa patuloy na pagtaas ng kaso ng COVID-19.

Ayon kay Department of Health (DOH) undersecretary Maria Rosario Vergeire, kinabibilangan ito ng Quezon City, Marikina City, Pasig City, San Juan City at Munisipalidad ng Pateros na una nang isinailalim sa Moderate Risk ng COVID-19.

Gayunman, nilinaw ni Vergeire na isinailalim sa “Moderate Risk” ang limang lugar batay sa two-week growth rate nito, Average Daily Attack Rate at Health System Capacity.

Kabilang din sa dahilan ng pagtaas ng bilang ng kaso ang humihinang immunity ng populasyon at ang pagbalewala sa public health standards.

Dismayado ang Malacañang sa hiling ng isang International Criminal Court (ICC) prosecutor na imbestigahan muli ang kontrobersyal na war on drugs sa Pilipinas.

Ayon kay Acting Presidential spokesperson Sec. Martin Andanar, sa ika-siyam na pagkakataon ay nagpahayag nang pagkayamot ang palasyo sa request ni ICC Prosecutor Karim Khan na muling buksan ang imbestigasyon.

Tila hindi umano nito nakita ang magandang idinulot ng war on drugs sa krimen sa Pilipinas.

Inilunsad ang Anti-Illegal Drug Campaign sa pakikipagtulungan ng Administrasyon Duterte sa Department of Justice, Philippine National Police at iba pang ahensiya na nagpakita ng transparency sa bawat kaso.

Inatasan ng Philippine National Police (PNP) ang ilang Local Government Units na i-live stream ang inagurasyon ni  incoming President Ferdinand ‘Bongbong’ Marcos Jr.

Ayon kay PNP Spokesperson, Col. Jean Fajardo, inatasan na ni PNP OIC, Lt. Gen. Vicente Danao, Jr. ang kanilang field commanders at regional directors para makipag-ugnayan sa mga LGU.

Sa ilalim ng kautusan,  magkakaroon ng  malalaking LED wall bawat LGU at maging sa kahabaan ng edsa kung saan ipapalabas ang inagurasyon.

Ito ay para hindi bumaha ang tao sa National Museum na mismong venue ng inagurasyon ni pbbm sa Hunyo a-30.

Hindi naman binanggit ni Fajardo kung aling LGU ang inatasang mag-live stream sa inagurasyon.

Nagsisimula nang bumigat ang daloy ng trapiko sa EDSA Kamuning sa Quezon City.

Kasabay ito ng pagsasara ng Kamuning Flyover kahapon bilang pagsasaayos, matapos makitaan ng mga maliliit na butas.

Ayon sa Metropolitan Manila Development Authority (MMDA), maaari namang dumiretso ang 4 wheeled vehicles subalit pansamantala munang haharangin ang mga motorsiklo at pinaparaan sa alternatibong ruta.

Lahat ng mga sasakyang patungong Makati mula sa Norte, pinapakanan sa Sct. Borromeo, kaliwa sa Sct. Ybardolaza, dumiretso sa bahagi ng Judge Jimenez, kaliwa sa E. Rodriguez patungo sa kanilang destinasyon.

Sa ngayon, payo ng MMDA sa mga motorista na planuhing maigi ang kanilang mga lakad ngayong weekend.

Bumisita si Vice President-elect Sara Duterte-Carpio kay Department of Education (DepEd) Secretary Leonor Briones.

Kauna-unahan itong pagkakataon para sa transition meeting ng dalawa kung saan si Duterte-Carpio ang susunod na magiging kalihim ng DepEd.

Sa Facebook post ng DepEd kahapon, nagkaroon ng one-on-one meeting si VP Sara at Briones bago sila lumahok sa transition briefing kasama ang ibang matataas na opisyal ng kagawaran.

Ilan sa pinag-usapan ang job descriptions at responsibilidad ng kagawaran ng edukasyon at maging ang guidelines sa pagbubukas ng School Year 2022-2023 at pondo pa naman sa susunod na taon.

Matapos i-anunsiyo noong Mayo para sa magiging panibagong pinuno ng edukasyon, ipinahayag ng kagawaran at ni briones ang taos-pusong pagtanggap kay VP Sara at tiniyak ang pakikipagtulungan para sa pagtugon sa mga hamon sa edukasyon.