HEADLINES

Labis ang pasasalamat ni SM Foundation scholar alumna Lea Pedarse sa SM Foundation hindi lamang sa pagtatapos niya ng kursong accountancy kundi sa pagiging top 9 sa nakalipas na Certified Public Accountant examination.

 Ayon kay Lea, malaking tulong sa kanyang determinasyon na makapagtapos ng pag-aaral ang SM Foundation Incorporated na sumugal sa kanyang kakayahan dahil sa paniniwalang kailangan ang dagdag na diskarte at pagiging praktikal para makamit ang kanilang mga pangarap.

 Sinabi ni Lea na napakasuwerte niyang binalikat ng SMFI ang gastusin sa kanya pag a aral kayat nagkaruon siya ng pagkakataong makapag focus sa kanyang pag a aral.

 Sa tulong ng SM Foundation natutunan ni Lea ang mga posible sa pamamagitan ng panalangin at sipag at isang naging pagkakataon ang hindi niya pagsabak sa CPALE nuong October 2022 para higit pang makapag-review at maihanda ang pisikal na kalusugan at palakasin pa ang positibong pag-iisip.

 Sa pagsisimula ng kanyang journey bilang isang CPA target ni Lea na makapag-public practice lalo na sa larangan ng auditing.

 Tiniyak ni Lea ang abot-abot na pasalamat, una sa panginoong dios at sunod sa SM Foundation Incorporated sa pag-abot ng kanyang pangarap na nais niyang ibahagi sa iba partikular ang positibong epekto na ginawa ng SMFI sa kanya.

PATAY ang tatlong hinihinalang miyembro ng New People’s Army o NPA matapos makasagupa ng mga miyembro ng 29th Infantry Battalion ng Phil. Army sa Barangay Anticala, Butuan City.

Ayon kay 29IB civil-military operations officer 1st Lt. Jade Bryce Buñe, nakabakbakan ng mga tropa ng pamahalaan ang tinatayang tatlumpung rebelde sa Mt. Apo-Apo, Sitio Dugyaman.

Napag-alaman umano ng militar na kasama sa mga naka-engkwentro nila si Maria Malaya na kalihim ng NPA North Eastern Mindanao Regional Committee.

Si Malaya na ‘Myrna Sularte’ sa tunay na buhay ay sinasabing misis ni Jorge Madlos na kilalang lider naman ng NPA at napatay ng militar noon pang October 2021 sa Mindanao.

Gayunman, hindi naman binanggit ng militar kung kabilang sa mga napatay si Malaya.

Nahulihan ng mga matataas na uri ng baril at ilang pambasabog ang mga misis ng isang lider ng Abu Sayyaf Group o ASG sa Basilan province.

Ayon kay Col. Frederick Sales, Joint Task Force-Basilan acting commander, bitbit ang isang search warrant ay sinalakay ng joint military-police team ang bahay ni Julhaur Lasigan Bayali sa Barangay Lower Lanote, Isabela City.

Kabilang sa mga naaresto sa operasyon sina Marilyn Lasigan Bayali at Madarang Jahirul Bayali na parehong misis ni ASG leader Pasil Bayali, gayundin si Nurmina Janatul na sinasabing asawa naman ng isa pang miyembro ng teroristang grupo.

Nabatid na nasabat sa operasyon ang isang M16 rifle na may kasamang bala, apat na pipe bombs, at ilang bomb-making components.

Sang-ayon ang ilang residente ng Makati City na mailipat ang kanilang address at maging Taguigeño bilang pagrespeto sa pinal na desisyon ng Korte Suprema.

Ang mataas na hukuman ang nagtatakda na ang lokal na pamahalaan ng Taguig ang siyang may territorial jurisdiction sa 729 hektaryang Fort Bonifacio Military Reservation, kabilang ang Bonifacio Global City (BGC) at ang mga “embo barangays”.

Sa Boses ng Kalye Serye na isinagawa ng isang online media organization, natanong dito ang ilang Makatizens (Makati residents) kung ano ang sentimyemto nila na ililipat na ang kanilang address kasunod ng naging kautusan ng Supreme Court.

Ayon sa mga seniors na sina Josefina Pasual at Arlene Olivia, sa Makati na sila ipinanganak at doon na rin sila mamamatay dahil benepisyong nakukuha nila mula rito.

Subalit para sa tindero na si Michael Paredes, pabor ang kanyang pamilya na mailipat ng Taguig.

Sa tanong naman kung ang magandang benepisyo na nakukuha sa Makati ang dahilan ng iba kaya ayaw lumipat ng Taguig, inamin ni Paredes na hindi naman lahat ay nakakatanggap.

Pabor din ang negosyante na si Alicia Esguerra na ilipat sila sa Taguig dahil dapat aniyang igalang ang hatol ng high court.
Para sa driver na si Margarito Solis, mainam din na masubukan ang pamamahala ng Taguig kaya pabor ito na maging Taguigeño habang naguguluhan at ninenerbyos naman si Marian Turla dahil sa pagbabago gaya na lang sa ID, address at benepisyo.

Samantala, isa rin sa mga alalahanin ng estudyante na si Clarenz Acosta ng University of Makati (OsMak) sa paglilipat nila sa Taguig ay ang mga benepisyong natatanggap, kasama na rito ang yellow card.

Matatandaan na noong noong Abril 3 ay ipinalabas ng SC ang final and executory decision nito sa 30 taong boundary dispute sa pagitan ng dalawang LGUs matapos mas bigyang-bigat ng hukuman ang historical, documentary at testimonial evidence na iprinesenta ng Taguig.

Maliban dito, nagkaroon na rin ng Entry of Judgment sa kaso at base sa court rules, ang desisyon sa isang kaso na naipasok na sa SC-Book of Entries of Judgements ay hindi na maaaring i-apela o rebisahin.

PANGUNGUNAHAN ng Southeast Asian Ministers of Education Organization-Regional Center for Innovative Educational Technology (SEAMEO INNOTECH) ang gaganaping Youth Summit sa Hunyo 27-28, 2023.

Ayon kay INNOTECH Centre Director at dating Department of Education (DepEd) Secretary Leonor Magtolis Briones, ang dalawang araw na summit ay lalahukan ng tinatayang 150 youth leaders mula sa 10 bansa sa Timog Silangang Asya.

“These youth are truly innovators and leaders of the future. They have seen the challenges in education that either hinder learning or have identified those opportunities to strengthen learning and have formulated and conceptualized methods that could very well revolutionize how we teach and how we learn,” wika ni Briones.

Sinabi ni Briones na idaraos ang Youth Summit sa tanggapan ng SEAMEO INNOTECH sa Commonwealth Avenue, Diliman, Quezon City.

Kabilang sa mga partisipanteng bansa ang Pilipinas, Cambodia, Indonesia, Lao PDR, Malaysia, Myanmar, Singapore, Thailand, Timor Leste, at Vietnam.

“When I was Secretary of Education, we focused so much on uplifting and improving teaching conditions and therefore much of the focus were on the teachers themselves. Here we see that promising and talented youth are as engaged and invested in their education in the same degree as the governments, policymakers, leaders, and teachers across the SEA region. Truly, a wonder to see, meet, and listen to these promising leaders of the future,” pahayag pa ni Briones.

Inaasahan namang magtatanghal sa harap ng mga delegado at mga kalahok ang tanyag na Manila Concert Choir (MCC).

Katuwang naman ng SEAMEO INNOTECH sa event ang DepEd, UNICEF Philippines, Philippine National Commission for UNESCO, Head Foundation, USAID Opportunity 2.0 Program, ASEAN Secretariat, SEAMEO Secretariat, at iba pang SEAMEO centers sa ASEAN region.

Nabunyag na isa umanong petition letter ang kumakalat ngayon sa Enlisted Men Barrio o Embo Barangay sa Makati City kung saan hinihimok ang mga residente na lumagda sa isang petisyon na nanghihikayat na iakyat ang usapin ng Makati-Taguig territorial dispute sa Kongreso.

Sinasabing nakapaloob sa isang pahinang petition letter na may kapangyarihan ang Kongreso na magtakda ng referendum o people’s initiative sa ilalim ng 1987 Constitution, layunin ng petisyon na mangalap ng sapat na pirma para pakinggan ang petisyon ng mga mambabatas.

Subalit walang nakalagay na pangalan kung sino ang namuno sa ipinakakalat na petisyon, maliban lamang sa “Mamamayan ng Makati”.

Nabatid na nakasaad pa rito na ang paghingi ng pagsaklolo sa Kongreso ng mga residente ay magiging “last recourse” matapos magpalabas ng pinal na desisyon ang Korte Suprema na nagtatakda na ang 10 Embo barangays, kabilang ang Bonifacio Global City ay nasa hurisdiksyon ng Taguig City.

“Dumating sa aming buhay na sa utos ng Korte Suprema na sinasabing ang Embo ay sakop ng Taguig na labis na nagdulot sa aming ng kalituhan at kulungkutan kung kaya’t sa pamamagitan nito ay magalang na hinihiling sa pamamagitan ni Cong. Kid Peña at Cong. Luis Campos ang pagkakaroon ng referedum batay sa peoples initiative clause ng 1987 Constitution,”nakasaad sa petisyon.

Ikinatwiran pa sa petisyon na minsan nang kinilala ng Kongreso ang pagiging lehitimo ng Embo nang isabatas nito ang pagkakaroon ng ikalawang distrito ng Makati kaya naman ito rin umano ang magreresolba sa Taguig-Makati territorial land dispute.

Gayunman, ang lumabas na signature drive ay kabaligtaran sa tunay na sentimyento at sa natanggap ng mga ilang opisyales ng pamahalaang lungsod ng Taguig na liham mula sa mga residente ng Makati na humihiling na bilisan ng lungsod ang gagawing transition.

Tumanggi ang mga opisyales ng Taguig na isapubliko ang pangalan ng grupo ng mga residente sa Makati para na rin sa kanilang proteksyon. Sa nasabing liham ay ikinuwento ng ilang residente ang sitwasyon sa kanilang barangay na ang mga hayagang nagpapakita ng kanilang suporta sa Taguig ay sapilitang pinagbibitiw sa trabaho.

“Other employees were forced to make a letter addressed to Malacañang that they don’t like Taguig. If they do not submit, they cannot get their midyear bonus. The same things are being imposed on some private citizens especially those with businesses.”

Ayon sa mga residente, nais umano nilang makawala sa kaguluhan na nangyayari dahil sa awayan.

“Please extend the needed hope for our constituents who only want to be free from suppression and cruelty that has been a result of the family feud of the Binay siblings. Our people only want to have a decent life and work,” ayon pa sa liham.

Inamin pa ng mga residente na ang sa likod ng mga negatibo at paninira sa Taguig ay mismong mga barangay officials na pawang appointed o nasa hold over position.

“They are not doing service to the people, instead they are busy suppressing and twisting the mindset of the people on the issue of Taguig vs Makati,” ayon pa sa mga residente.

Ang 30 taong territorial dispute ng Makati at Taguig ay nadesisyunan na ng Korte Suprema kung saan iniutos nito na ang BGC at Embo barangays ay sakop ng Taguig kaya’t iniutos din nito ang agarang implementasyon ng kautusan.

Umabot na sa 1,737 motorists na lumabag sa mga batas trapiko ang nahuli ng LTO-NCR, DPWH, at PNP  sa iba’t ibang regular na operasyon noong Mayo.

Ayon kay LTO-NCR Regional Director Roque Verzosa III, ilan sa mga nahuli ay hindi nagsusuot ng seat belt; walang helmet at gumagamit ng mga sasakyang may depektibong accessories.

Kabilang din anya sa mga nahuli ang 253 motorista na tinuruan naman hinggil sa kahalagahan ng pagsunod sa mga regulasyon sa batas trapiko. Binigyang-diin ni Verzosa na ang mga operasyon ay isinagawa sa ilalim ng patnubay ni Transportation Secretary Jaime Bautista at LTO OIC – Assistant Secretary, Atty. Hector Villacorta.

Tiniyak din ng opisyal na ang mga operasyong ito ay isasagawa nang buong taon, katuwang ang DPWH na deputized ng LTO NCR at PNP-highway patrol group.

Humirit si Taguig City Mayor Lani Cayetano sa Korte Suprema na magpalabas ng show cause order at pagpaliwanagin si Makati City Mayor Abby Binay kung bakit hindi ito dapat na patawan ng parusa matapos sabihin na hindi pa tapos ang kaso ng Taguig-Makati territorial dispute dahil mayroong itinakdang oral argument base sa natanggap nilang dokumento mula sa Kataas-taasang hukuman na lumabas na hindi totoo at gawa gawa lamang.

Ang mosyon na inihain ni Cayetano sa SC ay Extremely Urgent Manifestation with Motion Ad Cautelam, isa itong legal remedy para sa agarang aksyon ng SC upang maitama ang mapaglinlang na pahayag at maiwasan ang anumang problema na maaaaring idulot nito,

Ang hakbang ni Cayetano ay bilang reaksyon sa media interview ni Binay kung saan sinabi nito na hindi pa tapos ang laban sa Taguig-Makati territorial dispute, sa katunayan ay nakatanggap ng kautusan ang Makati Legal Team mula sa SC na nagtatakda ng isang oral argument para sa kaso.

Sinabi ni Cayetano na walang natanggap na kautusan ang Taguig kaya nagtungo sa SC si Atty Warren San Jose ng Taguig Legal Office para magberipika at dito nilinaw ng SC-Third Division na siyang may hawak ng kaso na walang order o resolusyon na ipinalabas at walang katotohanan na nagtakda ng oral argument.

“In view of the improper conduct of City of Makati and Mayor Binay, who herself is a member of the Philippine Bar and answerable to the Honorable court, it is most respectfully prayed that the Honorable court investigate this troubling claims made by Mayor Binay to show cause why they should not be sanctioned,” saad sa mosyon ng Taguig.

Ang pahayag ni Binay ay kinontra din ni SC Spokesman Atty Brian Keith Hosaka at aniya’y walang oral arguments para sa Taguig-Makati dispute dahil nagkaroon na ng Entry of Judgment sa kaso noong Setyembre 28, 2022 na pinagtibay ng SC ang nauna nitong desisyon noong Disyembre 1, 2021.

Sa ilalim ng court rules, ang kaso na naipasok na sa SC Book of Entries of Judgments ay nangangahulugan na ang kaso ay hindi na maaaring i-apela o i-rebisa.

Ang mga pahayag ni Binay na hindi pa tapos ang laban sa territorial dispute ay tumugma din sa mga naglalabasang social media posts mula sa mga residente ng Makati, sa mga kumakalat na posts ay sinasabing nakausap na ni Binay sina Pangulong Ferdinand Marcos, Jr., First Lady Liza Araneta-Marcos at Chief Justice Alexander Gesmundo na nangakong tutulong para mabuksan muli ang kaso.

“While such social media post could have been dismissed as nothing more than ‘fake news,’ an interview with Mayor Abigail Binay subsequently surfaced which echoed the same message that the fight is allegedly not yet over. Respondent City of Taguig is committed to defending the integrity and honor of the Honorable Court and judicial processes and does not believe in these claims. But that petitioner City of Makati can stoop so low in its tactics to force the hand of the Honorable Court at a resolution cannot be discounted. Petitioner City of Makati should not be allowed to continue its misconduct,” ayon pa sa mosyon.

Kinastigo din ng Taguig ang paghahain ng ikalawang motion for reconsideration ng Makati para sa kaso dahil ang ikawalang motion for reconsideration ay hindi pinapayagan sa mga kasong mayroon nang pinal na desisyon.

Hindi ito ang unang pagkakataon na nilabag ng Makati City ang rules of court dahil noong 2016 ay hinatulan itong guilty ng SC sa forum shopping matapos magkasunod na maghain ng kaso sa dalawang magkahiwalay na korte ukol sa land dispute kung saan pinagmulta ang kanilang mga abogado.

Sa panayam kay Cayetano matapos ang paghahain nito ng mosyon sa SC, sinabi nito na malinaw ang desisyon ng Kataas-taasang hukuman at ito ay dapat igalang.

“Final na ang decision ng Korte Suprema tungkol sa kasong ito at bilang mga responsableng mga opisyal ng aming mga respective local government units, katungkulan na namin na una, payapain ang kalooban ng aming mga kababayan dahil ang desisyon na ito, obviously, ay magdudulot ng maraming katanungan, agam-agam, pangamba lalo na sa mga barangay na dati ay sakop ng Makati,” ani Cayetano.

“Gusto ko po ipahayag bilang mayor ng Taguig na wala sa aming intensiyon na may maantala na serbisyo publiko sa mga barangay na dati ay sakop ng Makati. Ang intensiyon po namin ay agarang pag-aralan na kung paano magsisimula sa transition dahil ultimately, kapakanan ng mga residente ang pinakamahalaga,” dagdag pa ng alkalde.

Iginiit pa ng alkalde na handa ang lokal na pamahalaan ng Taguig na itake-over ang 10 barangay na dating nasa Makati ngayong taon.

Nahanap sa Europe ang iconic na painting ni Juan Luna na “Hymen, Oh Hymeenèe,” pagkatapos ng mahigit isang siglo na pagkawala.

Itinuring bilang “Holy Grail of Philippine Art,” ang obra at ginawaran ito ng bronze Medal sa 1889 Paris world Fair, tampok ang kasalang romano.

Hindi nakita ang obra maestra mula nang ito ay nasa pag-aari ni Luna hanggang sa kanyang kamatayan noong 1899.

Kamakailan, ang obra ay natuklasan ng Art Collector na si Jaime Ponce de Leon pagkatapos ng halos 10 taong paghahanap.

Naka-display ngayon ang painting sa Ayala Museum sa Makati City bilang paggunita sa ika-125 na Araw ng Kalayaan ng Pilipinas noong Hunyo 12.

Palalakasin ni Taiwan President Tsai Ing-Wen ang mga kakayahan ng kanilang militar na ipagtatanggol ang Taiwan gamit ang mga bagong teknolohiya.

Sa panahon ng Anti-terrorism Drills sa Kaohsiung City, sinabi ni Tsai na ang kanyang gobyerno ay magsusulong ng mga patakaran para pangalagaan ang kanilang maritime at border security.

Nakita ng gobyerno ng Taiwan ang mga miyembro ng Taiwanese Coast Guard, Militar at Pulis na tumugon sa isang simulate hostage situation sa isang operasyon na kinasasangkutan ng mga helicopter, inflatable boat, at isang action movie-style na soundtrack na pinatugtog sa mga loudspeaker.

Nabatid na ang Taiwan ay regular na nagdaraos ng mga pagsasanay sa militar sa gitna ng dumaraming panggigipit ng militar at pampulitika mula sa China, na tumitingin sa sariling pinamumunuan na isla bilang isang breakaway na lalawigan.

Nangako ang Beijing na kokontrolin ang isla – sa pamamagitan ng puwersa, kung kinakailangan – at pinalakas ang mga paglusob ng eroplanong pandigma sa Air Defense Zone ng Taiwan nitong mga nakaraang buwan.