HEADLINES

Bukod sa 24 na lalawigan, namemeligro ring tamaan ng tagtuyot ang Metro Manila simula sa Enero ng susunod na taon sa gitna nang nagbabadyang epekto ng El Niño Phenomenon.

Ayon kay PAGASA Climate Monitoring and Prediction Section Chief Ana Liza Solis, nakararanas na rin ng tagtuyot ang mga lalawigan ng Tarlac at Isabela, simula pa noong Hunyo.

Apektado rin ang Apayao, Cagayan at Kalinga ng dry spells habang nanganganib din ang iba pang lugar sa Luzon.

Idinedeklara ang tagtuyot kapag below normal ang pag-ulan sa limang magkakasunod na buwan.

Samantala, patuloy ang pagbaba ng water level sa angat dam, sa bulacan na pangunahing nagsusupply sa Metro Manila.

NANAWAGAN ang isang telco sa kanilang mga customers na i-parehistro na ang kanilang SIM card.

Ayon sa Globe, dapat i-register na ng mga Globe Prepaid, TM, at Globe At Home Prepaid WiFi users ang kanilang mga SIM dahil kulang isang buwan na lang ay deadline na nito.

Sa Hulyo 25 na ang katapusan ng extended deadline ng SIM Registration pero marami pa rin sa ating mga kababayan ang hindi pa rin registered ang SIM.

Hindi umano dapat magpahuli dahil ito na ang final extension na itinakda ng DICT o Department of Information and Communications Technology.

Sinabi ng telco na dapat tandan na ang SIM registration ay nakatakda sa ilalim ng Republic Act (RA) 11934 o Subscriber Identity Module (SIM) Registration Law. Kailangang sumunod lahat ng SIM users dito dahil bahagi ito ng efforts ng gobyerno at telcos na protektahan ang mga consumer laban sa mga scammer at iba pang cybercriminals.

Lahat ng mga hindi makapag-register ay made-deactivate ang mga SIM. Kapag nangyari ito, mawawalan ng connectivity. Ibig sabihin, hindi na makakapag-text, tawag or makakapag-browse at post sa social media.

Samantala, kapag na-deactivate ang SIM, maaapektuhan din ang mga pang-araw-araw na gawain gaya ng online payments, pag-book ng transportasyon at deliveries, at access sa mobile data para sa pag-aaral, mga raket at libangan. Mawawala rin ang prepaid load balance at mga active promo subscription.

Para mag-register, maaaring gamitin ng mga Globe Prepaid, TM at Globe At Home Prepaid WiFi Customers ang GlobeOne app o ang SIM registration microsite ng Globe na https://new.globe.com.ph/simreg na available 24/7.

Maaari ring gamitin ng mga fully-verified na GCash users ang GCash app para makapag-register. May libreng 1GB pa kapag nag-register gamit ang GCash!

Para sa karagdagang impormasyon tungkol sa Globe at sa mga pagsisikap nito sa pagpaparehistro ng SIM, bisitahin ang https://www.globe.com.ph/.

Napagkasunduan ng mga miyembro ng gabinete ng administrasyong Marcos na bigyang pagkilala ang historic gains at mga repormang naipatupad sa nakalipas na isang taon ng pamumuno ni Pangulong Ferdinand R. Marcos Jr.

Ito’y matapos maglabas ng pahayag ang mga Cabinet secretaries ni Marcos kung saan kanilang tinuran ang mga development programs at proyekto ng gobyerno para mapagbuti pa ang  pamumuhay ng mga Pilipino.

Pahayag ni Migrant Workers Secretary Susan Ople, simula umpisa nilinaw sa kanila ng Pangulo na nais nito ng nagkakaisang team na handang suportahan ang isa’t isa sa mga layunin, proyekto at mga plano.

Sa ilalim ng liderato ni Marcos, sinabi ni Ople na nalampasan ng Department of Migrant Workers (DMW) ang mga pagsubok sa transitory work.

“The future looks bright in the field of overseas employment because this sense of teamwork, camaraderie, and shared initiatives are infectious, leading to a more upbeat outlook on the Philippines among foreign employers,” ayon kay Ople.

Inilarawan naman ni Trade and Industry Secretary Alfredo Pascual bilang “visionary” ang leadership style ni Marcos.

“His strategic guidance to the Department of Trade and Industry (DTI) in promoting investments and ease of doing business is our driving force to achieve shared prosperity for all. Under his direction, the DTI has been steadfast in our commitment to foster a conducive environment for businesses, enabling them to thrive, generate more jobs and increase income to our fellow Filipinos,” ayon kay Pascual.

Sinabi ni Pascual ang pag-apruba ng pangulo sa Green Lane for Strategic Initiatives sa pamamagitan gn Executive Order No. 18 na nagkakaloob ng one-stop action center para sa mas mabilis na permitting at licensing ng foreign investments.

Samantala, sinabi ni National Economic and Development Authority (NEDA) Secretary Arsenio Balisacan na bagaman hinarap ng Pangulo ang macroeconomic shock sa unang isang taon niya sa puwesto dahil sa Covid-19 pandemic ay nalampasan ito ng administrasyon at nakamit ng bansa ang full recovery mula sa global health crisis.

“Moreover, his leadership is charting for the Philippines a path that is resilient and inclusive. Recognizing the immediate issues at hand, the President crafted his 8-Point Socioeconomic Agenda, a list of priorities that would guide the policies, programs, and initiatives of his presidency,” sabi ni Balisacan.

Ani Balisacan, sa isang taon ng Marcos presidency, nananatiling on track ang ekonomiya ng bansa para makamit ang high-growth norm.

Mabilis din aniyang bumalik ang tiwala sa gobyerno ng private sector at halos hindi na nagpakita ng “wait-and-see attitude” sa bagong administrasyon.

Samantala, sa kanyang panig, sinabi ni Department of Social Welfare and Development (DSWD) Secretary Rex Gatchalian na ang marching order ni Pangulong Marcos sa ahensya ay tiyaking magagamit ang makinarya ng gobyerno para makamit ang poverty incidence reduction.

Sa ilalim ng direktiba ng Presidente, nagawa aniya ng DSWD na makapaglagay ng satellite offices sa ilang bahagi ng bansa.

Binanggit din ni Gatchalian ang pagbibigay ng go signal ng Pangulo sa Walang Gutom 2027: Food Provision through Strategic Transfer and Alternative Measures Program (Food STAMP Program), na layong mabawasan ang mga insidente ng involuntary hunger ng mahihirap na pamilyang Pinoy.

Ang reporma naman sa local governance at peace and order ang ibinahagi ni Department of the Interior and Local Government Secretary Benjamin Abalos Jr.

Ayon kay Abalos, pinalakas pa ng DILG ang paglaban sa ilegal na droga sa ilalim ng Buhay Ingatan, Droga’y Ayawan o BIDA program.

“We were able to establish partnerships with more than 30 private companies to formulate their respective anti-illegal drug policy alongside the random drug testing. We have also improved community-based drug rehabilitation (CBDR) through partnerships with international development entities such as the United States Agency for International Development (USAID)-RenewHealth program in the rehabilitation of persons who use drugs (PWUDs),” ani Abalos.

Sa tulong ng Pangulo, sinabi ni Abalos na nagawa ng DILG na tiyakin na ang mga LGUs ay mas magbibigay ng maayos na public service.

Nasawi ang 7 indibidwal matapos bumagsak ang anim-na-palapag na gusali habang under construction ito sa commercial capital ng Ivory Coast na Abidjan noong Biyernes.

Batay sa ulat ng mga manggagawa, nakarinig sila ng mga cracking sounds bandang tanghali local time ng Ivory Coast, at unti-unti nang bumabagsak ang building.

Nagpapatuloy sa ngayon ang rescue efforts sa bahagi ng Riviera Palmeraie District sa nasabing lugar.

Samantala, nasa 9 na katao ang nasugatan bunsod ng insidente.

Hinikayat ni Pangulong Ferdinand R. Marcos Jr. ang sambayanan na maging “tourism ambassadors” at “top influencers” para mai-promote ang Pilipinas.

Pahayag ito ng pangulo sa kanyang talumpati sa idinaos na 50th Anniversary ng Department of Tourism (DOT) sa Manila Hotel.

Kasabay ng anibersaryo ng DOT ay inilunsad din ang bagong tourism campaign slogan na ‘Love the Philippines.’

Ayon sa pangulo, hindi mauubusan ang Pilipinas ng mga magagandang lugar, masasarap na pagkain, at talento.

“The genuine warmth of the Filipino people is indeed our greatest asset. The hospitality that we extend the visitors—both local and foreign—is a unique characteristic that is innately embedded in the social fabric of being a Filipino and it is something that we should all be very proud of,” ayon sa pangulo.

Siniguro din ni Pangulong Marcos na pag-iibayuhin pa ang tourism industry ng bansa.

Nagpasalamat din ang Presidente kay DOT Secretary Christina Garcia-Frasco at sa buong DOT team sa kanilang pagbuo ng bagong kampanya.

“Let us therefore strive to translate our golden vision into reality, which also encapsulates this year’s milestone theme of GINTO or ‘Greater Innovations, New Tourism Opportunities.’ Let this serve as our inspiration as we continue to recover from the onslaught of the Covid-19 pandemic, by which the tourism sector was undoubtedly one of the hardest hit,” dagdag pa ni PBBM.

Mahigit 200 youth leaders mula sa 10 ASEAN countries, kabilang ang Timor Leste at mga opisyal mula sa international development organizations, ang nagtipon-tipon sa kauna-unahang international Youth-led Summit na inilunsad ng Southeast Asian Ministers of Education Organization – Regional Center for Educational Innovation and Technology (SEAMEO INNOTECH) nitong June 27-28 sa Quezon City.

Layon ng “Youth Summit 2023: Transforming Education in Southeast Asia” na magbigay ng plataporma para sa kabataan na talakayin ang mga usapin hinggil sa kanilang papel sa paghubog ng edukasyon sa rehiyon.

Ayon kay INNOTECH Center Director at dating Education Secretary Leonor Briones, sa pamamagitan ng Youth Summit na ito, naibahagi ng kabataan ang kanilang mga ideya, programa at mga rekomendasyon kung paano mapabubuti ang antas ng edukasyon hindi lang sa loob ng eskwelahan, kundi maging sa komunidad at kani-kanilang bansa.

“This is a wonderful transformation of how the youth can convey their views on what our policy makers could do to take care of them. Focus on the youth is one of the major thrusts of SEAMEO INNOTECH. Legislators pass laws, bureaucrats issue memoranda, and teachers tell us how to behave and give us tests, but we must hear from the young people themselves,” dagdag ni Briones.

Kaiba sa mga Youth Summit na isinasagawa sa Pilipinas, maituturing aniyang tagumpay ng kabataan ang summit na ito na sila mismo ang bumuo, nanguna at pinakinggan.

“After all, it is your future. The time will come when you will be running your respective countries, the time will come when you will be occupying positions of responsibility, the time will come when you will demand change. So you will give feedback to the policymakers, give feedback to the people, on what you will consider as important to you,” ayon kay Briones.

Sa pagbubukas ng Summit, inilahad ng kabataan ang Youth Declaration na naglalaman ng kanilang mga rekomendasyon at ‘Commitments for Action’ para sa edukasyon, kabilang na rito ang hiling nila sa policymakers na isama ang kabataan sa pagdidisensyo, implementasyon at evaluation ng mga polisiya na may kinalaman sa edukasyon. Nais din nila na paglaanan ng pondo ang mga inisyatibong may kaugnayan sa youth leadership.

Ipiniresenta rin ng youth leaders ang kani-kanilang mga programa at adbokasiya sa pamamagitan ng breakout sessions na nakatutok sa walong usapin, kasama ang youth leadership, inclusive education, digital learning and transformation, learning support, learning through arts and technology, entrepreneurship, environmental resilience, at psychosocial and mental well-being.

Sumentro naman ang ikalawang araw ng summit sa panel discussion kung saan ipiniresenta ng mga kabataan ang kanilang mga rekomendasyon, programa at inobasyon sa mga opisyal ng gobyerno, ASEAN Secretariat, UNICEF Philippines, UNESCO at iba pang international development organizations na nagbigay naman ng kani-kanilang ‘Commitment of Support’.

Ang mga programa at rekomendasyon na ito ay gagamiting pamantayan ng INNOTECH sa kanilang mga pag-aaral at programa para sa pagpapalakas ng sistema ng edukasyon sa rehiyon.

Isusumite rin ito sa United Nations, maging sa ASEAN government bodies at mga mambabatas sa loob at labas ng Pilipinas, para sa mas malawak na implementasyon.

Itatampok ng Manila Cathedral ang mga Memorabilia mula sa 3 Santo Papa sa kanilang pagbisita sa bansa sa isang exhibit mula June 29.

Sa official facebook page nito, inihayag ng Manila Cathedral na ang eksibit, ay ginanap bilang paggunita sa Solemnity of Saints Peter and Paul, ay magtatampok ng mga koleksyon mula sa mga pagbisita ni st. Paul VI, ST. John Paul II at Pope Francis.

Ang exhibit ay magbubukas ng 5:30 P.M. sa June 29 at susundan ng 6pm Pope’s day mass na pangungunahan ni Papal Nuncio to The Philippines Archbishop Charles Brown.

Kabilang sa mga bagay na itatampok sa exhibit ay ang larawang ibinigay ni St. Paul VI sa Apostolic Nunciature, ang upuan na ginamit ni St. John paul II at ang missal na ginamit ni Pope Francis.

At ang panghuli, ang Pope Mobile mula sa Isuzu Gencars Inc na ginamit sa state at pastoral visit ni Pope Francis sa mga Papal events nito sa Pilipinas noong January 2015.

Ang exhibit ay naka-display sa blessed souls chapel ng katedral hanggang Linggo, Hulyo 2.

Labis ang pasasalamat ni Pangulong Ferdinand Marcos Jr. kay United Arab Emirates President Sheikh Mohamed Bin Zayed Al Nahyan sa pagkakaloob ng pardon sa tatlong Pinoy na nahatulan sa nasabing bansa.

Nabatid na nakausap ni Pangulong Marcos sa telepono si Sheikh Mohamed at ipinaabot ang pasasalamat sa pagtugon sa kanyang apela.

Kasunod ito ng ibinalita ni DILG Secretary Benjamin Abalos Jr. kay PBBM noong Huwebes hinggil sa ibinigay na pardon sa tatlong Pinoy makaraang matanggap ang mensahe mula kay UAE Ambassador to the Philippines Mohamed Obaid Salem Alqataam Alzaabi.

Sinasabing ang dalawang Pinoy ay nasentensyahan ng kamatayan sa kasong drug trafficking habang ang isa naman ay nahatulang makulong ng 15 taon sa kasong slander.

Matatandaan na noong April 27, nagpadala ng liham si Marcos kay Sheikh Mohamed para hilingin na mabigyan ng humanitarian pardon ang tatlo.

Kaya naman sa pag-uusap ng dalawang lider, nagpasalamat din si Marcos kay Sheikh Mohamed sa pagbibigay ng tulong sa mga pamilyang naapektuhan ng pag-aalburoto ng Bulkang Mayon.

Kung maaalala, nagpadala ang UAE kamakailan ng 50 tonelada ng food supplies at mga gamot sa mga Mayon evacuees.

Samantala, sa kanya namang panig, binanggit ni Sheikh Mohamed ang mahalagang kontribusyon sa UAE ng 600,000 Filipinos na nagtatrabaho doon.

Maliban dito, inulit din ni Sheikh Mohamed ang imbitasyon kay Marcos para dumalo sa 2023 United Nations Climate Change Conference sa Dubai sa Disyembre ngayong taon.

Tuluyang ibinasura ng Bacolod Regional Trial Court ang apela na magpalabas ng Preliminary Injunction at Temporary Restraining Order(TRO) upang pigilan ang Joint Venture Agreement(JVA) na nilagdaan noong Hunyo 3 sa pagitan ng Central Negros Electric Cooperative(CENECO) at Primelectic Holding Inc.

Batay sa tatlong pahinang desisyon ng korte, sinabi ni RTC Branch 6 Presiding Judge Maria Lina Gonzaga na nilabag ng mga petitioners na sina Pepito Pico, Rommel Pido at Aaron Sorbito ng Negros Consumers’ Watch(NCW) at Convenors of Anti CENECO JVA Coalition(ACJC) ang proseso sa paghahain petisyon sa korte.

Ayon kay Gonzaga, batay sa rekord ay lumitaw na hindi nabigyan ng kopya ng petisyon ang mga respondents sa kaso na kinabibilangan ng Ceneco Board of Officers sa pangunguna ng Pangulo nitong si Jojit Yap at mga Board members na sina Ariel Guides, Eugenio Velasco, Antonino Panique, Dwight Carbon, Noel Alarcon, Nicanor Jison, at maging ang Primelectric Holdings Inc at Negros Electric Power Corporation na kapwa prinipreseninta ni Roel Castro.

Giit ng hukuman, isa sa pangunahing proseso sa isang aplikasyon na humihiling ng TRO ay dapat alam ng kabilang panig kung saan sa kasong ito ay hindi nabigyan ng notice ang adverse party.

“When an application for a writ of preliminary injunction or a temporary restraining order is included or a temporary restraining order is included in a complaint or any initiatory pleading, the case, if filed in a multiple-sala court, shall be raffled only after notice to and in the presence of the adverse party or the person enjoined,” nakasaad sa desisyon ng korte.

“In any event such notice shall be preceded or contemporaneously accompanied by service of summons together with a copy of the complaint or initiatory pleading and the applicant’s affidavit and bond , upon the adverse party,” ayon pa sa pasya ng hukom.

Kaya bunga ng hindi pagsunod sa tamang proseso na itinatakda ng batas, ibinasura ang petisyon.

“For non compliance with the specific provision of the law, the application for the issuance of Temporary Restraining Order(TRO) is denied,” ayon pa sa desisyon na ipinalabas noong Hunyo 22.

Sinasabing ang JVA sa pagitan ng Ceneco at Primeeletric ay naglalayong maisalba ang power industry sa Negros kung saan nasa P4 bilyong investment ang ilalaan para sa modernisasyon, kasama na rito ang pagbili ng assets at budget para sa capital expenditures(Capex).

Nabatid na nasa 1,000 barangay leaders, business groups, multi sectoral groups at maging ang lokal na pamahalaan ang pabor sa nabuong JVA para na rin tuluyan nang maresolba ang problema sa kuryente sa rehiyon, kabilang ang madalas na nararanasang brownout at mataas na presyo ng kuryente dala ng systems loss na umaabot sa P20 milyon kada buwan.

Nasa 220,000 ang Ceneco consumers, 70 percent nito ay nasa Bacolod City habang ang 30 percent ay nasa mga lungsod ng Talisay, Silay, Bago, Murcia at Don Salvador.

Nakatakdang isalang sa referendum ang JVA sa June 24,25 at sa July 1 at 2 ngayong taon.

Lumiham sa lokal na pamahalaan ng Taguig ang mga residente ng Pembo, Makati para madaliin na ang kanilang pag-takeover at mailipat na sila bilang mga residente ng lungsod.

Ito’y ginawa sa harap ng diskusyon hinggil Taguig-Makati territorial dispute na pinal nang dinesisyunan ng Korte Suprema.

Batay sa dalawang pahinang liham na naka-address sa mga opisyal ng lungsod mula sa grupo na Mandirigma ng Pembo, binanggit dito na mismong sila na mga residente ang gumagawa ng paraan para i-counter ang mga fake news patungkol sa posibleng negatibong idudulot ng final and executory decision ng Supreme Court.

“We would like to make known to you that we are eagerly awaiting for the complete takeover of Taguig City,” nakasaad sa liham.

Nais din nilang malaman kung ano ang mga maaari nilang asahan sa lungsod sa oras na maisakatuparan ang takeover kung saan anila’y mainam na ilahad ito upang mawasakan na ang fake news at ang agam-agam sa paglilipat ng mga residente.

Maliban dito, inamin din ng mga residente sa kanilang liham na mayroong nangyayaring mga black propaganda para siraan ang Taguig at mismong mga barangay officials na appointees at nasa hold over position ang nagsasagawa nito.

“They are busy suppressing and twisting the mindset of the people on the issue of Taguig vs Makati. Employees known to be supporters of Taguig are forced to resign. Those people are maligned, shamed and immediately removed from service without due process,” nakasaad pa sa liham.

Sa huli, iginiit ng mga residente na ang kanilang hangad na mailipat na sa Taguig ay para makaiwas na din sa sobrang pamumulitika sa Makati.

“We want to be free from suppression and cruelty that has been a result of the family feud of the Binay siblings. Our people only want to have a decent life and work,” giit pa nito.

Samantala, sadya namang hindi inilabas ang mga signatory sa nasabing liham bilang proteksyon na rin sa mga residente.