HEADLINES

Mahigit 3,000 pamilya ang apektado ng granular lockdown ngunit hindi pa rin natatanggap ng mga ito ang ayuda mula sa pamahalaan.

Ayon kay Metropolitan Manila Development Authority Chairman Benhur Abalos Jr., hiniling na niya sa DSWD na ibigay ang lockdown assitance sa LGUs kung saan napagkasunduan na kalahating porsyento nito ay magmumula sa gobyerno.

Giit pa ni Abalos, hindi lamang sa mga naka-granular lockdown nagbibigay ang mga LGU at aniya ay limitado lamang ang kanilang resources. —sa panulat ni Hyacinth Ludivico

Muling iginiit ni Pangulong Rodrigo Duterte sa Commission On Audit (COA) na silipin ang mga natatanggap na donasyon ng Philippine Red Cross o PRC, partikular ang mga nagmumula sa gobyerno.

Sa kanyang Talk To The People, inakusahan ni pangulong duterte si senador richard gordon na nagang PRC bilang Chairman nito, upang makakupit sa kanya Priority Development Assistance Fund.

Ayon kay Pangulong Duterte, itinago ni Gordon ang PDAF nito sa pondo ng red cross upang makaiwas sa auditing ng COA.

When I ask the Department of the Philippine Red Cross by COA it is with legal basis and the constitution of the Republic of Act 10072 of the Philippine Red Cross Act of 2009. Alam mo kailangan ko ipa-imbestiga ang red cross for a most of reasons, pero ang una ko niyan ay pera. Pero ang sabi ko nga I want to know if yung PDAF mo, ibinigay mo doon sa red cross. ” wika ng Pangulong Duterte.

Samantala, hinihingi rin ng punong ehekutibo kay Gordon ang annual audit report ng PRC alinsunod sa Republic Act 10072.

This is the same law that requires the PRC to submit to the Office of the President of the Philippines it is the annual financial report. Wala ka ngang ibinigay, you know its a the constitution itself. It requires bidding for every centavo that goe’s for every capitals for the purpose of charity…kaya lang all these years na hinawakan mo, you squat on it and destroyed everything , including its credibility,” pahayag ng Pangulong Duterte. —sa panulat ni Drew Nacino

Kinuwestyon ng pamilya ng yumaong artist na si Bree Jonson ang agarang pagpapalaya kay Julian Ongpin, na inaresto dahil sa pagdadala ng cocaine sa isang hotel sa La Union kung saan natagpuang walang buhay si Jonson.

Nagtataka rin si Jill Palarca, pinsan ni Jonson, kung paanong nakalabas si Ongpin gayong non-bailable ang kasong possession of illegal drugs.

Kinumpirma naman Lt. Col. Abubakar Mangelen, Information Officer ng Police Regional Office 1 na sinampahan ng 2 counts ng violation ng Dangerous Drugs Act of 2002 si Ongpin.

Ayon kay Palarca, dismayado rin sila sa hindi pa nailalabas na autopsy report na susi upang makumpirma ang tunay na sanhi ng pagkamatay ng kanyang pinsan.

Sabado ng umaga nang matagpuang wala ng buhay ang 30 anyos na si Bree sa isang kwarto sa bayan ng San Juan at naisugod pa sa Ilocos training and Regional Medical Center pero idineklarang dead on arrival.

Si ongpin, na isang art patron, ay anak ng bilyonaryo si dating Trade Minister Roberto Ongpin, Majority Owner ng Alphaland, na isa sa pinaka-malaking property developer sa bansa.—sa panulat ni Drew Nacino

Arestado ang dalawang lalaki matapos magsagawa ng operasyon ang Southern Police District o SPD Intelligence Division at District Special Operations Unit sa Taguig at Mandaluyong City.

Kinilala ang mga suspek na sina Nichol John Jerusalem at Bruce De Leon na parehong nagbebenta ng iligal na armas.

Nahaharap ngayon sa kaukulang kaso ang dalawang naaresto.—sa panulat ni Angelica Doctolero

Umabot na sa mahigit 200k ang kabuuang bilang ng mga indbidwal na nahuling lumabag sa health and safety protocols na ipinatupad ng pamahalaan.

Ayon sa Philippine National Police o PNP, umakyat na sa 205,916 ang mga nahuling lumabag sa health safety standard sa bansa.

Umabot naman sa 166,722 violators ang binigyan ng warning, 27, 497 violators naman ang pinagmulta habang 42,793 individuals ang nahuli sa curfew hours.—sa panulat ni Angelica Doctolero

Nagbabala ang Department of the Interior and Local Government o DILG sa mga ayaw magpa-swab test sa ilalim ng granular lockdown.

Ayon kay DLIG Secretary Eduardo Año, ang mga closed contact na hindi papayag na magpa-swab test ay isasailalim sa quarantine upang maiwasan ang hawahan ng COVID-19.

Nanawagan naman si Año sa mga residenteng sakop ng ipinatupad na granular lockdown na sumunod sa health protocols.—sa panulat ni Angelica Doctolero

Ipinagmalaki ng Pfizer and Biontech na ligtas at maari nang iturok sa mga batang edad 5 taong gulang hanggang 11 taong gulang ang kanilang bakuna.

Ayon sa Pfizer and Biontech humihingi na sila ng regulatory authorization para sa kanilang bakuna.

Samantala, nakatakda namang dumating sa bansa ang mahigit 10 milyong doses ng Pfizer COVID-19 vaccines.

Ayon kay WHO Representative to the Philippines, Dr. Rabindra Abeyasinghe, ang mga dumating na bakuna sa bansa ay ibabahagi sa mga lugar na may mataas na kaso ng COVID-19.

Kabilang sa mga lugar na padadalhan nito ay ang Metro Manila, rehiyon 3, 4-a, 7, at 11.—sa panulat ni Angelica Doctolero

Umabot sa 41 pang Pilipino sa ibang bansa ang tinamaan ng COVID-19 kaya’t lumobo na sa 23,156 ang mga OFW na nagkasakit.

Ayon sa Department of Foreign Affairs, kabilang sa nasabing bilang ang 8,380 active cases.

Habang tatlo ang nadagdag sa listahan ng mga namatay dahilan upang lumundag sa 1,385 ang death toll.

Tinaya naman sa 63 ang nakarekober kaya’t umabot na sa 13,391 ang total recovery sa hanay ng mga Overseas Filipino Worker.

Pinaka-marami ang naitala sa Middle East at Africa kung saan halos 13K Pilipino ang nagkasakit. —sa panulat ni Drew Nacino

Nais makita ni Senate Minority Leader Franklin Drilon ang tax record ng tatlong opisyal ng Pharmally Pharmaceuticals matapos mabunyag na mayroong luxury cars o mga mamahaling sasakyan ang mga ito.

Ayon kay Drilon, dito malalaman kung nagbayad ang mga tatlo ng tamang buwis at may sapat silang kakayahan upang makabili ng mga sasakyan na nagkakahalaga ng mahigit P60 milyon.

Kinuwestyon din ng Senador kung paano nakabili ng ganitong mga sasakyan ang mga opisyal gayong nagdeklara ang pharmally sa gobyerno na wala silang kinita noong 2019 kung kailan P625,000 lang ang kanilang puhunan.

Una nang isiniwalat ni Senate Blue Ribbon Committee Chairman Richard Gordon ang impormasyon na may Porsche,Lamborghini at Lexus ang mga opisyal ng pharmally na sina Linconn Ong, Mohit at Twinkle Dargani.

Lumitaw din sa pagdinig na kumita ang Pharmally ng halos P400 milyon nung 2020 kung kailan nila nakuha ang bilyon-bilyong pisong halaga ng kontrata sa gobyerno.—sa panulat ni Drew Nacino mula sa ulat ni Cely Ortega-Bueno (Patrol 19)